Церковный календарь
Новости


2017-10-23 / russportal
П. Н. Красновъ. "На рубежѣ Китая". Глава 22-я (1939)
2017-10-23 / russportal
П. Н. Красновъ. "На рубежѣ Китая". Глава 21-я (1939)
2017-10-23 / russportal
Архіеп. Аверкій. Что намъ необходимо знать и помнить? (1975)
2017-10-23 / russportal
Архіеп. Аверкій (Таушевъ). День Святой Троицы (1975)
2017-10-23 / russportal
"Печерскій Патерикъ". Обрѣтеніе мощей прав. Іуліаніи, кн. Ольшанской (1967)
2017-10-23 / russportal
"Кіево-Печерскій Патерикъ". Житіе преп. Поликарпа, архим. Печерскаго (1967)
2017-10-22 / russportal
Еп. Григорій (Граббе). "Правда о Русской Церкви..." Глава 10-я (1961)
2017-10-22 / russportal
Іером. Серафимъ (Роузъ). "Православіе и религія будущаго". Глава 5-я (1991)
2017-10-21 / russportal
П. Н. Красновъ. "На рубежѣ Китая". Глава 20-я (1939)
2017-10-21 / russportal
П. Н. Красновъ. "На рубежѣ Китая". Глава 19-я (1939)
2017-10-21 / russportal
"Кіево-Печерскій Патерикъ". Житіе преп. Симона, еп. Владимірскаго (1967)
2017-10-21 / russportal
"Печерскій Патерикъ". Житіе преп. Нестора, лѣтописца Россійскаго (1967)
2017-10-21 / russportal
Архіеп. Аверкій (Таушевъ). Христосъ Воскресе! (1975)
2017-10-21 / russportal
Архіеп. Аверкій (Таушевъ). Есть ли у насъ покаяніе? (1975)
2017-10-21 / russportal
И. А. Ильинъ. «О сопротивленіи злу силою». Глава 15-я (1925)
2017-10-21 / russportal
И. А. Ильинъ. «О сопротивленіи злу силою». Глава 14-я (1925)
Новости въ видѣ
RSS-канала: .
Сегодня - вторникъ, 24 октября 2017 г. Сейчасъ на порталѣ посѣтителей - 11.
Церковно-богослужебныя книги

ПСАЛТИРЬ СЪ ВОЗСЛѢДОВАНІЕМЪ (СЛѢДОВАННАЯ ПСАЛТИРЬ).
[Изданіе 31-е. М., 1874].

ДАВИДА ПРОРОКА И ЦАРЯ ПѢСНЬ.

КАѲИСМА ВТОРАЯ.

Въ коне́цъ, о та́йныхъ сы́на, псало́мъ Дави́ду, 9.

2 Исповѣ́мся Тебѣ́, Го́споди, всѣ́мъ се́рдцемъ мои́мъ, повѣ́мъ вся́ чудеса́ Твоя́. 3 Возвеселю́ся и возра́дуюся о Тебѣ́, пою́ и́мени Твоему́, Вы́шній. 4 Внегда́ возврати́тися врагу́ моему́ вспя́ть, изнемо́гутъ и поги́бнутъ отъ лица́ Твоего́. 5 Яко сотвори́лъ еси́ су́дъ мо́й, и прю́ мою́, сѣ́лъ еси́ на престо́лѣ, Судя́й пра́вду. 6 Запрети́лъ еси́ язы́комъ, и поги́бе нечести́вый, и́мя его́ потреби́лъ еси́ въ вѣ́къ и въ вѣ́къ вѣ́ка. 7 Врагу́ оскудѣ́ша ору́жія въ коне́цъ, и гра́ды разруши́лъ еси́, поги́бе па́мять его́ съ шу́момъ. 8 И Госпо́дь во вѣ́къ пребыва́етъ, угото́ва на су́дъ престо́лъ Сво́й. 9 И То́й суди́ти и́мать вселе́ннѣй въ пра́вду, суди́ти и́мать лю́демъ въ правотѣ́. 10 И бы́сть Госпо́дь прибѣ́жище убо́гому, помо́щникъ во благовре́меніихъ, въ ско́рбехъ. 11 И да упова́ютъ на Тя́ зна́ющіи и́мя Твое́, я́ко не оста́вилъ еси́ взыска́ющихъ Тя́, Го́споди. 12 По́йте Го́сподеви, живу́щему въ Сіо́нѣ, возвѣсти́те во язы́цѣхъ начина́нія Его́. 13 Яко взыска́яй кро́ви и́хъ помяну́, не забы́ зва́нія убо́гихъ. 14 Поми́луй мя́, Го́споди, ви́ждь смире́ніе мое́ отъ вра́гъ мои́хъ, вознося́й мя́ отъ вра́тъ сме́ртныхъ. 15 Яко да возвѣщу́ вся́ хвалы́ Твоя́ во вратѣ́хъ дще́ре Сіо́ни, возра́дуемся о спасе́ніи Твое́мъ. 16 Углѣбо́ша язы́цы въ па́губѣ, ю́же сотвори́ша, въ сѣ́ти се́й, ю́же скры́ша, увязе́ нога́ и́хъ. 17 Зна́емь е́сть Госпо́дь, судбы́ творя́й, въ дѣ́лѣхъ руку́ свое́ю увязе́ грѣ́шникъ. 18 Да возвратя́тся грѣ́шницы во а́дъ, вси́ язы́цы забыва́ющіи Бо́га. 19 Яко не до конца́ забве́нъ бу́детъ ни́щій, терпѣ́ніе убо́гихъ не поги́бнетъ до конца́. 20 Воскре́сни́, Го́споди, да не крѣпи́тся человѣ́къ, да су́дятся язы́цы предъ Тобо́ю. 21 Поста́ви, Го́споди, законоположи́теля надъ ни́ми, да разумѣ́ютъ язы́цы, я́ко человѣ́цы су́ть. 22 Вску́ю, Го́споди, отстоя́ дале́че, презира́еши во благовре́меніихъ, въ ско́рбехъ? 23 Внегда́ горди́тися нечести́вому, возгара́ется ни́щій, увяза́ютъ въ совѣ́тѣхъ, я́же помышля́ютъ. 24 Яко хвали́мь е́сть грѣ́шный въ по́хотехъ души́ своея́, и оби́дяй благослови́мь е́сть. 25 Раздражи́ Го́спода грѣ́шный, по мно́жеству гнѣ́ва своего́ не взы́щетъ: нѣ́сть Бо́га предъ ни́мъ. 26 Оскверня́ются путіе́ его́ на вся́ко вре́мя, оте́млются судбы́ Твоя́ отъ лица́ его́, всѣ́ми враги́ свои́ми облада́етъ. 27 Рече́ бо въ се́рдцѣ свое́мъ: не подви́жуся отъ ро́да въ ро́дъ безъ зла́. 28 Его́же кля́твы уста́ его́ по́лна су́ть, и го́рести и льсти́, подъ язы́комъ его́ тру́дъ и болѣ́знь. 29 Присѣди́тъ въ лови́телствѣ съ бога́тыми въ та́йныхъ, е́же уби́ти непови́ннаго, о́чи его́ на ни́щаго призира́етѣ. 30 Лови́тъ въ та́йнѣ, я́ко ле́въ во огра́дѣ свое́й, лови́тъ, е́же восхи́тити ни́щаго, восхи́тити ни́щаго, внегда́ привлещи́ и́. 31 Въ сѣ́ти свое́й смири́тъ его́, преклони́тся и паде́тъ, внегда́ ему́ облада́ти убо́гими. 32 Рече́ бо въ се́рдцѣ свое́мъ: забы́ Бо́гъ, отврати́ лице́ Свое́, да не ви́дитъ до конца́. 33 Воскре́сни́, Го́споди, Бо́же мо́й, да вознесе́тся рука́ Твоя́, не забу́ди убо́гихъ Твои́хъ до конца́. 34 Чесо́ ра́ди прогнѣ́ва нечести́вый Бо́га? Рече́ бо въ се́рдцѣ свое́мъ: не взы́щетъ. 35 Ви́диши, я́ко Ты́ болѣ́знь и я́рость смотря́еши, да пре́данъ бу́детъ въ ру́цѣ Твои́, Тебѣ́ оста́вленъ е́сть ни́щій, си́ру Ты́ бу́ди Помо́щникъ. 36 Сокруши́ мы́шцу грѣ́шному и лука́вому, взы́щется грѣ́хъ его́ и не обря́щется. 37 Госпо́дь Ца́рь во вѣ́къ и въ вѣ́къ вѣ́ка, поги́бнете, язы́цы, отъ земли́ Его́. 38 Жела́ніе убо́гихъ услы́шалъ еси́, Го́споди, угото́ванію се́рдца и́хъ вня́тъ у́хо Твое́. 39 Суди́ си́ру и смире́ну, да не приложи́тъ ктому́ велича́тися человѣ́къ на земли́.

Въ коне́цъ, псало́мъ Дави́ду, 10.

1 На Го́спода упова́хъ, ка́ко рече́те души́ мое́й: превита́й по гора́мъ, я́ко пти́ца? 2 Яко се́, грѣ́шницы наляко́ша лу́къ, угото́ваша стрѣ́лы въ ту́лѣ, сострѣля́ти во мра́цѣ пра́выя се́рдцемъ. 3 Зане́, я́же Ты́ соверши́лъ еси́, они́ разруши́ша, пра́ведникъ же что́ сотвори́? Госпо́дь во хра́мѣ святѣ́мъ Свое́мъ. 4 Госпо́дь, на небеси́ престо́лъ Его́, о́чи Его́ на ни́щаго призира́етѣ, вѣ́жди Его́ испыта́етѣ сы́ны человѣ́ческія. 5 Госпо́дь испыта́етъ пра́веднаго и нечести́ваго, любя́й же непра́вду ненави́дитъ свою́ ду́шу. 6 Одожди́тъ на грѣ́шники сѣ́ти, о́гнь и жу́пелъ, и ду́хъ бу́ренъ, ча́сть ча́ши и́хъ. 7 Яко пра́веденъ Госпо́дь, и пра́вды возлюби́, правоты́ ви́дѣ лице́ Его́.

Слава:

Въ коне́цъ, о осмѣ́й, псало́мъ Дави́ду, 11.

2 Спаси́ мя, Го́споди, я́ко оскудѣ́ преподо́бный, я́ко ума́лишася и́стины отъ сыно́въ человѣ́ческихъ. 3 Су́етная глаго́ла кíйждо ко и́скреннему своему́: устнѣ́ льсти́выя въ се́рдцѣ, и въ се́рдцѣ глаго́лаша зла́я. 4 Потреби́тъ Госпо́дь вся́ устны́ льсти́выя, язы́къ велерѣ́чивый, 5 Ре́кшія: язы́къ на́шъ возвели́чимъ, устны́ на́ша при на́съ су́ть, кто́ на́мъ Госпо́дь е́сть? 6 Стра́сти ра́ди ни́щихъ и воздыха́нія убо́гихъ, ны́нѣ воскре́сну́, глаго́летъ Госпо́дь, положу́ся во спасе́ніе, не обиню́ся о не́мъ. 7 Словеса́ Госпо́дня, словеса́ чи́ста, сребро́ разжже́но, искуше́но земли́, очище́но седмери́цею. 8 Ты́, Го́споди, сохрани́ши ны́ и соблюде́ши ны́ отъ ро́да сего́ и во вѣ́къ. 9 Окрестъ нечести́віи хо́дятъ: по высотѣ́ Твое́й умно́жилъ еси́ сы́ны человѣ́ческія.

Въ коне́цъ, псало́мъ Дави́ду, 12.

2 Доко́лѣ, Го́споди, забу́деши мя́ до конца́? Доко́лѣ отвраща́еши лице́ Твое́ отъ мене́? 3 Доко́лѣ положу́ совѣ́ты въ души́ мое́й, болѣ́зни въ се́рдцѣ мое́мъ де́нь и но́щь? Доко́лѣ вознесе́тся вра́гъ мо́й на мя́? 4 При́зри, услы́ши мя́, Го́споди, Бо́же мо́й, просвѣти́ о́чи мои́, да не когда́ усну́ въ сме́рть, 5 Да не когда́ рече́тъ вра́гъ мо́й: укрѣпи́хся на него́. 6 Стужа́ющіи ми́ возра́дуются, а́ще подви́жуся. 7 Азъ же на ми́лость Твою́ упова́хъ. Возра́дуется се́рдце мое́ о спасе́ніи Твое́мъ, воспою́ Го́сподеви, благодѣ́явшему мнѣ́, и пою́ и́мени Го́спода Вы́шняго.

Въ коне́цъ, псало́мъ Дави́ду, 13.

1 Рече́ безу́менъ въ се́рдцѣ свое́мъ: нѣ́сть Бо́гъ. Растлѣ́ша и омерзи́шася въ начина́ніихъ: нѣ́сть творя́й благосты́ню. 2 Госпо́дь съ небесе́ прини́че на сы́ны человѣ́ческія, ви́дѣти, а́ще е́сть разумѣва́яй или́ взыска́яй Бо́га. 3 Вси́ уклони́шася, вку́пѣ неключи́ми бы́ша: нѣ́сть творя́й благосты́ню, нѣ́сть до еди́наго. 4 Ни ли́ уразумѣ́ютъ вси́ дѣ́лающіи беззако́ніе, снѣда́ющіи лю́ди моя́ въ снѣ́дь хлѣ́ба? Го́спода не призва́ша. 5 Та́мо убоя́шася стра́ха, идѣ́же не бѣ́ стра́хъ, я́ко Госпо́дь въ ро́дѣ пра́ведныхъ. 6 Совѣ́тъ ни́щаго посрами́сте, Госпо́дь же упова́ніе его́ е́сть. 7 Кто́ да́стъ отъ Сіо́на спасе́ніе Изра́илево? 8 Внегда́ возврати́тъ Госпо́дь плѣне́ніе людíй Свои́хъ, возра́дуется Іа́ковъ и возвесели́тся Изра́иль.

Слава:

Въ коне́цъ, псало́мъ Дави́ду, 14.

1 Го́споди, кто́ обита́етъ въ жили́щи Твое́мъ? Или́ кто́ всели́тся во святу́ю го́ру Твою́? 2 Ходя́й непоро́ченъ и дѣ́лаяй пра́вду, глаго́ляй и́стину въ се́рдцѣ свое́мъ. 3 Иже не ульсти́ язы́комъ свои́мъ и не сотвори́ и́скреннему своему́ зла́, и поноше́нія не прія́тъ на бли́жнія своя́. 4 Уничиже́нъ е́сть предъ ни́мъ лука́внуяй, боя́щіяжеся Го́спода сла́витъ, клены́йся и́скреннему своему́ и не отмета́яся. 5 Сребра́ своего́ не даде́ въ ли́хву и мзды́ на непови́нныхъ не прія́тъ. Творя́й сія́ не подви́жится во вѣ́къ.

Столпописа́ніе, Дави́ду, 15.

1 Сохрани́ мя́, Го́споди, я́ко на Тя́ упова́хъ. 2 Рѣ́хъ Го́сподеви: Госпо́дь мо́й еси́ Ты́, я́ко благи́хъ мои́хъ не тре́буеши. 3 Святы́мъ, и́же су́ть на земли́ Его́, удиви́ Госпо́дь вся́ хотѣ́нія Своя́ въ ни́хъ. 4 Умно́жишася не́мощи и́хъ, по си́хъ ускори́ша: не соберу́ собо́ры и́хъ отъ крове́й, ни помяну́ же име́нъ и́хъ устна́ма мои́ма. 5 Госпо́дь ча́сть достоя́нія моего́ и ча́ши моея́, Ты́ еси́ устроя́яй достоя́ніе мое́ мнѣ́. 6 Ужя нападо́ша ми́ въ держа́вныхъ мои́хъ, и́бо достоя́ніе мое́ держа́вно е́сть мнѣ́. 7 Благословлю́ Го́спода вразуми́вшаго мя́, еще́ же и до но́щи наказа́ша мя́ утро́бы моя́. 8 Предзрѣ́хъ Го́спода предо мно́ю вы́ну, я́ко одесну́ю мене́ е́сть, да не подви́жуся. 9 Сего́ ра́ди возвесели́ся се́рдце мое́ и возра́довася язы́къ мо́й, еще́ же и пло́ть моя́ всели́тся на упова́ніи. 10 Яко не оста́виши ду́шу мою́ во а́дѣ, ниже́ да́си преподобному Твоему́ ви́дѣти истлѣ́нія. 11 Сказа́лъ ми́ еси́ пути́ живота́, испо́лниши мя́ весе́лія съ лице́мъ твои́мъ: красота́ [1] въ десни́цѣ Твое́й въ коне́цъ.

Моли́тва Дави́ду, 16.

1 Услы́ши, Го́споди, пра́вду мою́, вонми́ моле́нію моему́, внуши́ моли́тву мою́ не во устна́хъ льсти́выхъ. 2 Отъ лица́ Твоего́ судба́ моя́ изы́детъ, о́чи мои́ да ви́дита правоты́. 3 Искуси́лъ еси́ се́рдце мое́, посѣти́лъ еси́ но́щію, искуси́лъ мя́ еси́, и не обрѣ́теся во мнѣ́ непра́вда. 4 Яко да не возглаго́лютъ уста́ моя́ дѣ́лъ человѣ́ческихъ, за словеса́ усте́нъ Твои́хъ а́зъ сохрани́хъ пути́ же́стоки. 5 Соверши́ стопы́ моя́ во стезя́хъ Твои́хъ, да не подви́жутся стопы́ моя́. 6 Азъ воззва́хъ, я́ко услы́шалъ мя́ еси́, Бо́же, приклони́ у́хо Твое́ мнѣ́ и услы́ши глаго́лы моя́. 7 Удиви́ ми́лости Твоя́, спаса́яй упова́ющія на Тя́ отъ проти́вящихся десни́цѣ Твое́й. 8 Сохрани́ мя, Го́споди, я́ко зѣ́ницу о́ка, въ кро́вѣ крилу́ Твое́ю покры́еши мя́. 9 Отъ лица́ нечести́выхъ, остра́стшихъ [2] мя́. Врази́ мои́ ду́шу мою́ одержа́ша, 10 Ту́къ сво́й затвори́ша, уста́ и́хъ глаго́лаша горды́ню. 11 Изгоня́щіи мя́ ны́нѣ обыдо́ша мя́, о́чи свои́ возложи́ша уклони́ти на зе́млю. 12 Объя́ша мя́, я́ко ле́въ, гото́въ на ло́въ, и я́ко ски́менъ, обита́яй въ та́йныхъ. 13 Воскре́сни́, Го́споди, предвари́ я́, и запни́ и́мъ, изба́ви ду́шу мою́ отъ нечести́ваго, ору́жіе Твое́ отъ вра́гъ руки́ Твоея́. 14 Го́споди, отъ ма́лыхъ отъ земли́ раздѣли́ я́ въ животѣ́ и́хъ, и сокрове́нныхъ Твои́хъ испо́лнися чре́во и́хъ, насы́тишася сыно́въ, и оста́виша оста́нки младе́нцемъ свои́мъ. 15 Азъ же пра́вдою явлю́ся лицу́ Твоему́, насы́щуся, внегда́ яви́тимися сла́вѣ Твое́й.

Слава:

Примѣчанія:
[1] Сла́дость.
[2] Оби́дящихъ.

Источникъ: Псалти́рь [съ взслѣ́дованіемъ]. — Тисне́ніе 31-е. — М.: въ Сѵнода́льной тѵпогра́фіи, 1874. — Л. 3 – 5 об. [2-я паг.].

Назадъ / Къ оглавленію / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.