Церковный календарь
Новости


2017-06-25 / russportal
И. А. Ильинъ. Понять — непростить (1925)
2017-06-25 / russportal
И. А. Ильинъ. Личный опытъ (1925)
2017-06-24 / russportal
Архіеп. Иннокентій (Борисовъ). Слово на день преп. Онуфрія Великаго (1908)
2017-06-24 / russportal
Архіеп. Серафимъ (Соболевъ). Прот. С. Н. Булгаковъ какъ толкователь Свящ. Писанія (1936)
2017-06-24 / russportal
Манифестъ о кончинѣ Наслѣдника Престола Вел. Кн. Георгія Александровича (1899)
2017-06-24 / russportal
Высочайшій Манифестъ о рожденіи Великой Княжны Маріи Николаевны (1899)
2017-06-24 / russportal
Архіеп. Аверкій (Таушевъ). Съ нами Богъ! (1975)
2017-06-24 / russportal
Архіеп. Аверкій (Таушевъ). "Постимся постомъ пріятнымъ..." (1975)
2017-06-23 / russportal
Прав. Іоаннъ Кронштадтскій. «Новыя грозныя слова». Слово 20-е (1908)
2017-06-23 / russportal
Прав. Іоаннъ Кронштадтскій. «Новыя грозныя слова». Слово 19-е (1908)
2017-06-23 / russportal
Н. В. Гоголь. «Выбр. мѣста изъ переп. съ друзьями». Часть 26-я (1921)
2017-06-23 / russportal
Н. В. Гоголь. «Выбр. мѣста изъ переп. съ друзьями». Часть 25-я (1921)
2017-06-22 / russportal
Архіеп. Аверкій. Сила вѣры, смиренія и неотступности въ молитвѣ (1975)
2017-06-22 / russportal
Архіеп. Аверкій. Пасхальное привѣтствіе св. Владимірской молодежи (1975)
2017-06-22 / russportal
Манифестъ о бракосоч. Вел. Кн. Елены Владиміровны съ Греч. Корол. Николаемъ (1902)
2017-06-22 / russportal
Манифестъ о бракосоч. Вел. Кн. Георгія Михаиловича съ Греч. Корол. Маріею (1900)
Новости въ видѣ
RSS-канала: .
Сегодня - понедѣльникъ, 26 iюня 2017 г. Сейчасъ на порталѣ посѣтителей - 16.
Церковно-богослужебныя книги

ПЕНТИКОСТАРІОНЪ, ЕЖЕ ЕСТЬ ПЯТДЕСЯТНИЦА [ТРІОДЬ ЦВѢТНАЯ],
Съ Бо́гомъ Святы́мъ, обдержа́шая подоба́ющее е́й послѣ́дованіе.
[Изданіе Кіево-Печерской Успенской Лавры. Кіевъ, 1864.]

СЛУЖБА ВЪ СРЕДУ СВѢТЛЫЯ СЕДМИЦЫ.

ВО ВТОРНИКЪ СВѢТЛЫЯ СЕДМИЦЫ ВЕЧЕРА,
На Го́споди воззва́хъ.., поста́вимъ стихо́въ 6 и пое́мъ стихи́ры воскре́сны, гла́съ 4:

Животворя́щему Твоему́ Кресту́ непреста́нно кла́няющеся, Христе́ Бо́же, тридне́вное Воскресе́ніе Твое́ сла́вимъ: тѣ́мъ бо обнови́лъ еси́ истлѣ́вшее человѣ́ческое естество́, Всеси́льне, и и́же на небеса́ восхо́дъ обнови́лъ еси́ на́мъ, я́ко еди́нъ Бла́гъ и Человѣколю́бецъ.

Дре́ва преслуша́нія запреще́ніе разрѣши́лъ еси́, Спа́се, на Дре́вѣ Кре́стнѣмъ во́лею пригвозди́вся и, во а́дъ соше́дъ, Си́льне, сме́ртныя у́зы, я́ко Бо́гъ, растерза́лъ еси́. Тѣ́мже кла́няемся, е́же изъ ме́ртвыхъ, Твоему́ Воскресе́нію, ра́достію вопію́ще: Всеси́льне Го́споди, сла́ва Тебѣ́!

Врата́ а́дова сокруши́лъ еси́, Го́споди, и Твое́ю сме́ртію сме́ртное ца́рство разруши́лъ еси́, ро́дъ же человѣ́ческій отъ тлѣ́нія свободи́лъ еси́, живо́тъ и нетлѣ́ніе мíру дарова́въ и ве́лію ми́лость.

И восто́чны [анато́ліевы] три́:

Пріиди́те воспои́мъ, лю́діе, Спа́сово тридне́вное воста́ніе, и́мже изба́вихомся а́довыхъ нерѣши́мыхъ у́зъ, и нетлѣ́ніе и жи́знь вси́ воспрія́хомъ, зову́ще: Распны́йся, и Погребы́йся, и Воскресы́й, спаси́ ны́ Воскресе́ніемъ Твои́мъ, еди́не Человѣколю́бче.

Ангели и человѣ́цы, Спа́се, Твое́ пою́тъ тридне́вное Воста́ніе, и́мже озари́шася вселе́нныя концы́, и рабо́ты вра́жія вси́ изба́вихомся, зову́ще: Животво́рче Всеси́льне Спа́се, спаси́ ны́ Воскресе́ніемъ Твои́мъ, еди́не Человѣколю́бче.

Врата́ мѣ́дная сте́рлъ еси́, и вереи́ сокруши́лъ еси́, Христе́ Бо́же, и ро́дъ человѣ́ческій па́дшій воскреси́лъ еси́. Сего́ ра́ди согла́сно вопіе́мъ: Воскресы́й изъ ме́ртвыхъ, Го́споди, сла́ва Тебѣ́!

Сла́ва:

Го́споди, е́же отъ Отца́ Твое́ Рождество́ безлѣ́тное е́сть и присносу́щное; е́же отъ Дѣ́вы воплоще́ніе — неизрече́нное человѣ́комъ и несказа́нное; и е́же во а́дъ соше́ствіе — стра́шно діа́волу и а́нгеломъ Его́. Сме́рть бо попра́въ, тридне́венъ воскре́слъ еси́, нетлѣ́ніе подава́я человѣ́комъ и ве́лію ми́лость.

И ны́нѣ, богоро́диченъ:

Иже Тебе́ ра́ди богооте́цъ проро́къ Дави́дъ пѣ́сненно о Тебѣ́ провозгласи́, вели́чія тебѣ́ Сотво́ршему: предста́ Цари́ца одесну́ю Тебе́. Тя́ бо Ма́терь, Хода́таицу живота́ показа́, безъ отца́ изъ Тебе́ вочеловѣ́читися благоволи́вый Бо́гъ, да Сво́й па́ки обнови́тъ о́бразъ, истлѣ́вшій страстьми́, и заблу́ждшее горохи́щное обрѣ́тъ овча́, на ра́мо воспріи́мъ, къ Отцу́ принесе́тъ, и Своему́ хотѣ́нію, съ небе́сными соедини́тъ си́лами, и спасе́тъ, Богоро́дице, мíръ, Христо́съ имѣ́яй ве́лію и бога́тую ми́лость.

Вхо́дъ съ кади́ломъ. Свѣ́те ти́хій...

Проки́менъ, гла́съ 8: Гла́сомъ мои́мъ ко Го́споду воззва́хъ,* гла́сомъ мои́мъ къ Бо́гу, и вня́тъ ми́. Сти́хъ: Въ де́нь ско́рби моея́ Бо́га взыска́хъ. Сти́хъ: Отве́ржеся утѣ́шитися душа́ моя́. Сти́хъ: Бо́же, во святѣ́мъ пу́ть Тво́й. И па́ки: Гла́сомъ мои́мъ ко Го́споду воззва́хъ...

На стихо́внѣ стихи́ра воскре́сна, гла́съ 4:

Го́споди, восше́дъ на Кре́стъ, пра́дѣднюю на́шу кля́тву потреби́лъ еси́ и, соше́дъ во а́дъ, я́же отъ вѣ́ка у́зники свободи́лъ еси́, нетлѣ́ніе да́руя человѣ́ческому ро́ду. Сего́ ра́ди пою́ще, сла́вимъ животворя́щее и спаси́тельное Твое́ Воста́ніе.

Та́же Па́схи стихи́ры съ припѣ́вы и́хъ. И про́чее, я́ко предписа́ся, и отпу́стъ.




ВЪ СРЕДУ СВѢТЛЫЯ СЕДМИЦЫ НА УТРЕНИ,
Возслѣ́дованіе все́ пра́здника, я́коже предъяви́ся:

На хвали́техъ поста́вимъ стихи́ 4 и пое́мъ стихи́ры воскре́сны, гла́съ 4:

Кре́стъ претерпѣ́вый и сме́рть, и воскресы́й изъ ме́ртвыхъ, Всеси́льне Го́споди, сла́вимъ Твое́ Воскресе́ніе.

Кресто́мъ Твои́мъ, Христе́, отъ дре́внія кля́твы свободи́лъ еси́ на́съ, и сме́ртію Твое́ю естество́ на́ше му́чащаго діа́вола упраздни́лъ еси́, воста́ніемъ же Твои́мъ ра́дости вся́ испо́лнилъ еси́. Тѣ́мже вопіе́мъ Ти́: воскресы́й изъ ме́ртвыхъ, Го́споди, сла́ва Тебѣ́!

Твои́мъ Кресто́мъ, Христе́ Спа́се, наста́ви на́съ на и́стину Твою́ и изба́ви на́съ отъ сѣ́тей вра́жіихъ, Воскресы́й изъ ме́ртвыхъ, возста́ви ны́, па́дшіяся грѣхо́мъ, просте́ръ ру́ку Твою́, Человѣколю́бче Го́споди, моли́твами святы́хъ Твои́хъ.

Оте́ческихъ Твои́хъ нѣ́дръ не разлучи́вся, Единоро́дный Сло́ве Бо́жій, прише́лъ еси́ на зе́млю за человѣколю́біе, Человѣ́къ бы́въ непрело́женъ, и Кре́стъ, и сме́рть претерпѣ́лъ еси́ пло́тію, безстра́стный Божество́мъ; воскре́съ же изъ ме́ртвыхъ, безсме́ртіе по́далъ еси́ ро́ду человѣ́ческому, я́ко еди́нъ Всеси́ленъ.

Та́же стихи́ры Па́схи, съ припѣ́вы и́хъ, и обы́чный отпу́стъ.
И литíя внѣ́ оби́тели. Часы́ же, по обы́чаю, Па́схи.




НА ЛИТУРГІИ,

Антифо́ны Па́схи. Проки́менъ Апо́стола, гла́съ 6: Помяну́ и́мя Твое́* во вся́комъ ро́дѣ и ро́дѣ. Сти́хъ: Слы́ши, Дщи́, и ви́ждь, и приклони́ у́хо Твое́. Апо́столъ Дѣя́нія, зача́ло 5: Рече́ Пе́тръ къ лю́демъ... Аллилу́ія, гласъ 2: Вели́читъ душа́ Моя́ Го́спода, и возра́довася ду́хъ Мо́й о Бо́зѣ, Спа́сѣ Мое́мъ. Сти́хъ: Яко призрѣ́ на смире́ніе Рабы́ Своея́, се́ бо отъ ны́нѣ ублажа́тъ Мя́ вси́ ро́ди. Евангеліе отъ Іоанна, зачало 4: Стоя́ше Іоа́ннъ... Прича́стенъ: Тѣ́ло Христо́во...

Источникъ: Пентикоста́ріонъ, е́же е́сть Пятдеся́тница [Тріо́дь Цвѣтна́я]. — Кíевъ: Въ тѵпогра́фіи Кíево-Пече́рской Ла́вры, 1864. — Л. 16 – 17 об.

Назадъ / Къ оглавленію / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.