Церковный календарь
Новости


2017-06-27 / russportal
П. Н. Красновъ. "Павлоны". Часть 1-я. Глава 12-я (1943)
2017-06-27 / russportal
П. Н. Красновъ. "Павлоны". Часть 1-я. Глава 11-я (1943)
2017-06-27 / russportal
"Книга Русской Скорби". Выпускъ 1-й: Вел. Кн. Сергій Александровичъ (1908)
2017-06-27 / russportal
"Книга Русской Скорби". Выпускъ 1-й: Государь Имп. Александръ II (1908)
2017-06-27 / russportal
Высочайшій Манифестъ о введеніи всеобщей воинской повинности (1874)
2017-06-27 / russportal
Высочайшій Манифестъ о прекращеніи Восточной (Крымской) войны (1856)
2017-06-27 / russportal
Преп. Ефремъ Сиринъ. На слова: "вонми себѣ", 12 главъ (1895)
2017-06-27 / russportal
Преп. Ефремъ Сиринъ. О добродѣтели, 10 главъ (1895)
2017-06-26 / russportal
Осн. Положенія о порядкѣ изд. законовъ, относ. до Имперіи со вкл. Вел. Кн. Финляндскаго (1899)
2017-06-26 / russportal
Манифестъ о порядкѣ изд. законовъ, относ. до Имперіи со вкл. Вел. Кн. Финляндскаго (1899)
2017-06-26 / russportal
Н. Д. Тальбергъ. "Исторія Русской Церкви". Сост. религ. образованія народа (1959)
2017-06-26 / russportal
Н. Д. Тальбергъ. "Исторія Русской Церкви". Императ. Палестинское общество (1959)
2017-06-25 / russportal
И. А. Ильинъ. Понять — непростить (1925)
2017-06-25 / russportal
И. А. Ильинъ. Личный опытъ (1925)
2017-06-24 / russportal
Архіеп. Иннокентій (Борисовъ). Слово на день преп. Онуфрія Великаго (1908)
2017-06-24 / russportal
Архіеп. Серафимъ (Соболевъ). Прот. С. Н. Булгаковъ какъ толкователь Свящ. Писанія (1936)
Новости въ видѣ
RSS-канала: .
Сегодня - среда, 28 iюня 2017 г. Сейчасъ на порталѣ посѣтителей - 23.
Церковно-богослужебныя книги

ПЕНТИКОСТАРІОНЪ, ЕЖЕ ЕСТЬ ПЯТДЕСЯТНИЦА [ТРІОДЬ ЦВѢТНАЯ].
[Изданіе Кіево-Печерской Успенской Лавры. Кіевъ, 1864.]

СЛУЖБА ВЪ СРЕДУ ВТОРЫЯ СЕДМИЦЫ ПО ПАСЦѢ.

ВО ВТОРНИКЪ ВЕЧЕРА,
На Го́споди воззва́хъ... поста́вимъ стихо́въ 6 и пое́мъ стихи́ры, гла́съ 1. Подо́бенъ: Прехва́льніи му́ченицы.

Осяжи́, — глаго́летъ Ѳомѣ́ изъ ме́ртвыхъ тридне́венъ воскресы́й Человѣколю́бецъ, — и ви́ждь руку́ Мое́ю и ногу́ я́звы и ре́бръ прободе́ніе, и позна́й Мя́ Бо́га непремѣ́нна, земны́мъ смѣше́ніемъ по существу́ воображе́нна и Стра́сть въ не́мъ пріе́мша.

Недоумѣва́шеся Близне́цъ, я́звы зря́ ножны́я и ручна́я вонзе́нія, и бя́ше ужаса́емь стра́шнымъ чу́домъ, и руко́ю пречи́стое ребро́ и осяза́я и ви́дя, изъ ни́хже показа́ несумнѣ́нное язы́комъ, е́же изъ гро́ба тридне́вное воста́ніе.

Пріе́млю превели́кое ра́дованіе, Твое́, Спа́се мо́й, воста́ніе извѣству́емое ви́дя, отъ ни́хже сподо́бися де́рзостнымъ веще́мъ Ѳома́ прикосну́тися. Тѣ́мже Тя́ про́ста проповѣ́дуемъ Бо́га и Человѣ́ка, дѣ́йства два́ нося́ща су́щественна, отъ ни́хже сложи́лся еси́.

И мине́и 3. Сла́ва, и ны́нѣ, гла́съ 4:

Го́споди, нестерпи́мымъ Твоего́ Божества́ блиста́ніемъ, две́ремъ прише́лъ еси́ су́щимъ заключе́ннымъ, и, ста́въ посредѣ́ ученико́въ, ребро́ обнажи́лъ еси́, и я́звъ Твое́ю руку́ и ногу́ стру́пы явля́я, печа́ль же и ско́рбь разрѣша́я, я́вѣ возгласи́лъ еси́: и́мже о́бразомъ во Мнѣ́ ви́дите, о дру́зи, пло́ти прія́тіе, не ду́ха ношу́ естество́. Сомня́щемуся ученику́ повелѣва́лъ еси́ осяза́ти тре́петно, ре́къ: испыта́въ вся́, гряди́, про́чее не сумни́ся! Онъ же, ощуща́я руко́ю Твое́ сугу́бое существо́, со стра́хомъ вопія́ше вѣ́рно, вѣ́рою влеко́мь: Госпо́дь мо́й и Бо́гъ мо́й, сла́ва Тебѣ́!

Свѣ́те Ти́хій...

На стихо́внѣ стихи́ра кре́стна, гла́съ 1:

Кре́стъ водрузи́ся на Ло́бнѣмъ, и процвѣте́ на́мъ безсме́ртіе отъ исто́чника приснотеку́щаго ребра́ Спа́сова.

Сти́хъ: Къ Тебѣ́ возведо́хъ о́чи мо́и, [Живу́щему на небеси́. Се́ я́ко о́чи ра́бъ въ руку́ госпо́дій свои́хъ, я́ко о́чи рабы́ни въ руку́ госпожи́ своея́, та́ко о́чи на́ши ко Го́споду Бо́гу на́шему, до́ндеже уще́дритъ ны́].

Пріиди́те, лю́діе, воспои́мъ и поклони́мся Христу́, сла́вяще Его́ е́же изъ ме́ртвыхъ Воскресе́ніе, я́ко То́й е́сть Бо́гъ на́шъ, отъ пре́лести вра́жія мíръ избавле́й.

Сти́хъ: Поми́луй на́съ, Го́споди, поми́луй на́съ, [я́ко по мно́гу испо́лнихомся уничиже́нія, наипа́че напо́лнися душа́ на́ша поноше́нія гобзу́ющихъ и уничиже́нія го́рдыхъ].

Му́чениченъ: О, до́брыя ку́пли ва́шея, святíи! Яко кро́ви да́сте, и небеса́ наслѣ́довасте, и привре́менно искуси́вшеся, вѣ́чно веселите́ся. Вои́стинну добра́ ва́ша ку́пля: тлѣ́нная бо оста́вльше, нетлѣ́нная воспрія́сте, и со а́нгелы лику́юще, поете́ непреста́нно Тро́ицу Единосу́щную.

Сла́ва, и ны́нѣ, гла́съ 8:

Прикосни́ся, Ѳомо́, руко́ю ре́бромъ, — глаго́летъ Христо́съ, — и я́звы гвозде́й, пріиди́ осяжи́, вѣ́рою испыта́й и бу́ди Ми́ вѣ́ренъ, и не бу́ди невѣ́ренъ! Ѳома́ же, пе́рстомъ я́ко прикосну́ся Влады́цѣ, вельми́ возопи́: Ты́ мо́й Бо́гъ и Госпо́дь, Благоутро́бне, сла́ва Тебѣ́!

Та́же: Ны́нѣ отпуща́еши... Отпусти́тельный тропа́рь: Запеча́тану гро́бу... Ектенія́ и отпу́стъ.

[Зри́:] Вѣ́стно бу́ди, я́ко въ сре́ды и пятки́ предваря́ютъ стихи́ры кре́стныя, та́кожде и сѣда́льны воскре́сны, зане́же Госпо́дь на́шъ пе́рвѣе распя́ся, посе́мъ же воскре́се изъ ме́ртвыхъ.



ВЪ СРЕДУ ВТОРЫЯ СЕДМИЦЫ НА УТРЕНИ.
На Бо́гъ Госпо́дь: Тропа́рь пра́здника, три́жды.

По 1-мъ стихосло́віи сѣда́ленъ кре́стный, гла́съ 1:

Распе́ншуся Тебѣ́, Христе́, поги́бе мучи́тельство, попра́на бы́сть си́ла вра́жія. Ниже́ бо а́нгелъ, ни человѣ́къ, но Са́мъ, Го́споди, спа́слъ еси́ ны́, сла́ва Тебѣ́!

Сти́хъ: Возноси́те Го́спода Бо́га на́шего и покланя́йтеся подно́жію но́гу Его́, я́ко свя́то е́сть.

Исаа́къ на хо́лмъ возведе́нъ бы́сть, Іо́на во глубину́ низведе́ся, и о́ба Стра́сть Твою́, Спа́се, образова́ста: о́въ у́бо — у́зы и заколе́ніе, о́въ же — погребе́ніе и жи́знь пресла́внаго воста́нія Твоего́. Го́споди, сла́ва Тебѣ́!

Сти́хъ: Ди́венъ Бо́гъ во святы́хъ Свои́хъ, Бо́гъ Изра́илевъ.

Болѣ́зньми святы́хъ, и́миже о Тебѣ́ пострада́ша, умоле́нъ бу́ди, Го́споди, и вся́ на́ша болѣ́зни исцѣли́, Человѣколю́бче, мо́лимся.

Сла́ва, и ны́нѣ, крестобогоро́диченъ:

Твое́ предста́тельство иму́ще, Пречи́стая, и Твои́ми моли́твами лю́тыхъ избавля́еми, Кресто́мъ Сы́на Твоего́ вездѣ́ соблюда́еми, по до́лгу Тя́ вси́ благоче́стно велича́емъ.

По 2-мъ стихосло́віи сѣда́ленъ, гла́съ 1. Подо́бенъ: Гро́бъ Тво́й, Спа́се.

Прикосну́выйся руко́ю ре́бромъ нестерпи́мымъ Близне́цъ Ѳома́, не опали́ся прикосну́тіемъ, но пребы́сть, я́звы осяза́я извѣ́стнѣе и вѣща́я на́съ ра́ди Прободе́нному: Ты́ мо́й Госпо́дь, Ты́ и Бо́гъ мо́й еси́, а́ще и Стра́сть претерпѣ́лъ еси́.

Сла́ва, и ны́нѣ, то́йже.

Воскресе́ніе Христо́во ви́дѣвше... Псало́мъ 50-й. Кано́нъ пра́здника [недѣ́ли Антипа́схи], со ирмосо́мъ, на 8 и мине́и на 4. По 3-й пѣ́сни: сѣда́ленъ мине́и. [По 6-й и 9-й: конда́къ и] ексапостила́рій пра́здника.

На хвали́техъ настоя́щія стихи́ры кре́стныя, на 4, гла́съ 1:

Тебе́ на Дре́вѣ пригво́ждшагося и живо́тъ на́мъ пода́вшаго, я́ко Спа́са и Влады́ку пое́мъ непреста́нно. [Два́жды.]

Ада плѣни́вый и человѣ́ка воскреси́вый, Воскресе́ніемъ Твои́мъ, Христе́, сподо́би на́съ чи́стымъ се́рдцемъ Тебе́ пѣ́ти и сла́вити.

Му́чениченъ: Ва́съ, всехва́льніи му́ченицы, ни ско́рби, ни тѣснота́, ни гла́дъ, ни гоне́ніе, ниже́ ра́ны, ни я́рость звѣре́й, ни ме́чь, ниже́ о́гнь претя́щій, разлучи́ти отъ Бо́га возмого́ша. Любо́вію же па́че къ Нему́, я́ко въ чужди́хъ подви́гшеся тѣлесѣ́хъ, естество́ забы́сте, сме́рть презрѣ́вше, тѣ́мже и по достоя́нію трудо́въ ва́шихъ мзду́ прія́сте, небе́снаго Ца́рствія наслѣ́дницы бы́сте. Иму́ще дерзнове́ніе къ Человѣколю́бцу Бо́гу, мíрови ми́ръ испроси́те и душа́мъ на́шимъ ве́лію ми́лость.

Сла́ва, и ны́нѣ, гла́съ 8:

Две́ремъ заключе́ннымъ, ученико́мъ собра́ннымъ, предста́ Спа́съ, идѣ́же бя́ху со́брани, и, ста́въ посредѣ́ и́хъ, глаго́летъ Ѳомѣ́: пріиди́, осяжи́ и ви́ждь о́бразы гвозде́й, простри́ ру́ку твою́ и косни́ся ребру́ Моему́, и не бу́ди невѣ́ренъ, но вѣ́рою проповѣ́ждь, е́же изъ ме́ртвыхъ Мое́ Воскресе́ніе.

На стихо́внѣ стихи́ры, гла́съ 2. Подо́бенъ: До́ме Евфра́ѳовъ.

О, чудесе́ но́ваго!* О, пресла́внаго о́браза!* Ка́ко трава́ не опали́ся,* рука́ апо́столова,* огне́мъ Божества́?

Сти́хъ: Во всю́ зе́млю изы́де [вѣща́ніе и́хъ* и въ концы́ вселе́нныя глаго́лы и́хъ].

Потщи́мся и мы́* ру́ки освяти́ти* страсте́й упражне́ніемъ,* и та́ко Влады́чнимъ* ре́бромъ прико́снемся.

Сти́хъ: Небеса́ повѣ́даютъ сла́ву Бо́жію,* [творе́ніе же руку́ Его́ возвѣща́етъ тве́рдь].

Обнови́, душе́,* вся́ твоя́ чу́вства* къ боже́ственному зрѣ́нію:* Христо́съ бо си́це хо́щетъ* соверша́тися обновле́ніемъ.

Сла́ва, и ны́нѣ, богоро́диченъ. Подо́бенъ:

Ви́ждь ми́ у́мно,* премѣне́ніемъ мíра,* и украси́, я́же вну́трь,* добродѣ́тельми, я́ко ли́ствіемъ, душе́,* и украси́шися.

Та́же: Бла́го е́сть... Ча́съ 1-й. И отпу́стъ.

Источникъ: Пентикоста́ріонъ, е́же е́сть Пятдеся́тница [Тріо́дь Цвѣтна́я]. — Кíевъ: Въ тѵпогра́фіи Кíево-Пече́рской Ла́вры, 1864. — Л. 38 – 40.

Назадъ / Къ оглавленію / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.