Церковный календарь
Новости


2017-05-26 / russportal
И. А. Ильинъ. Подвигъ патріотическаго единенія (1925)
2017-05-26 / russportal
И. А. Ильинъ. Самообладаніе и самообузданіе (1925)
2017-05-25 / russportal
И. А. Ильинъ. Идея Корнилова (1925)
2017-05-25 / russportal
И. А. Ильинъ. Кто мы? (1925)
2017-05-25 / russportal
Книга «Златоустъ». Слово 75-е, въ недѣлю 7-ю по Пасхѣ, свв. отецъ, иже въ Никеи (1910)
2017-05-25 / russportal
Книга «Златоустъ». Слово 74-е, въ четвертокъ 6-й седмицы, на Вознесеніе Господне (1910)
2017-05-24 / russportal
«Проповѣдн. хрестоматія». Поученіе въ день свт. Германа Константинопольского (1965)
2017-05-24 / russportal
Прот. Григорій Дьяченко. Слово (3-е) въ день свв. равноапп. Кирилла и Меѳодія (1900)
2017-05-24 / russportal
Прот. Григорій Дьяченко. Слово (2-е) въ день свв. равноапп. Кирилла и Меѳодія (1900)
2017-05-24 / russportal
Прот. Григорій Дьяченко. Слово (1-е) въ день свв. равноапп. Кирилла и Меѳодія (1900)
2017-05-24 / russportal
И. А. Ильинъ. «О сопротивленіи злу силою». Глава 7-я (1925)
2017-05-24 / russportal
И. А. Ильинъ. «О сопротивленіи злу силою». Глава 6-я (1925)
2017-05-23 / russportal
«Проповѣдн. хрестоматія». Два слова на память свв. равноапп. Кирилла и Меѳодія (1965)
2017-05-23 / russportal
«Проповѣдн. хрестоматія». Поученіе на память св. ап. Симона Зилота (1965)
2017-05-23 / russportal
Архіеп. Аверкій (Таушевъ). Что есть истина? (1975)
2017-05-23 / russportal
Архіеп. Аверкій (Таушевъ). Въ чемъ значеніе Русской Зарубежной Церкви? (1975)
Новости въ видѣ
RSS-канала: .
Сегодня - пятница, 26 мая 2017 г. Сейчасъ на порталѣ посѣтителей - 10.
Церковно-богослужебныя книги

ПЕНТИКОСТАРІОНЪ, ЕЖЕ ЕСТЬ ПЯТДЕСЯТНИЦА [ТРІОДЬ ЦВѢТНАЯ].
[Изданіе Кіево-Печерской Успенской Лавры. Кіевъ, 1864.]

СЛУЖБА ВЪ ЧЕТВЕРТОКЪ ВТОРЫЯ СЕДМИЦЫ ПО ПАСЦѢ.

ВЪ СРЕДУ ВТОРЫЯ СЕДМИЦЫ ВЕЧЕРА,
На Го́споди воззва́хъ... поста́вимъ стихо́въ 6 и пое́мъ стихи́ры подо́бны, гла́съ 2. Подо́бенъ: Егда́ отъ Дре́ва.

Нѣ́дръ не оста́вль Оте́ческихъ, яви́лся еси́ на земли́ плотоно́сецъ; за благоутро́біе, Христе́, стра́сть же и сме́рть пріи́мъ, воскре́слъ еси́ тридне́венъ, две́ремъ заключе́ннымъ вну́трь вше́лъ еси́, я́ко Всеси́ленъ. Тѣ́мже ребро́ Твое́ Боже́ственное, ра́дуяся, Ѳома́ осяза́въ, Го́спода и Зижди́теля Тя́ просла́ви.

Гвоздьми́ пригвозди́лся еси́ на Крестѣ́, копіе́мъ въ ре́бра прободе́нъ еси́, же́лчи вкуси́лъ еси́, Христе́, сме́рть претерпѣ́лъ еси́, во гро́бѣ положе́нъ бы́въ, я́ко ме́ртвъ, я́ко Бо́гъ же сокруши́лъ еси́ у́зы а́довы и совоскреси́лъ еси́, я́же отъ вѣ́ка ме́ртвыя. Тѣ́мже печа́ти не разруши́въ, Твои́мъ ученико́мъ яви́лся еси́, Твое́ Воскресе́ніе увѣря́я.

Па́сха настоя́щій пра́здникъ; Па́сха та́йная; Па́сха боже́ственная; Па́сха спаси́тельная; Па́сха, къ безсме́ртной жи́зни преводя́щая на́съ; Па́сха, вся́кую ско́рбь отъе́млющая отъ среды́; Па́сха, весе́лую благода́ть даю́щая ученико́мъ. Тѣ́мже Ѳома́ вопія́ше: Госпо́дь Бо́гъ мо́й еси́, плѣни́вый а́дова ца́рствія.

И мине́и 3. Сла́ва, и ны́нѣ, гла́съ 4:

О, пресла́внаго чудесе́! Невѣ́ріе вѣ́ру извѣ́стную роди́! Ре́клъ бо Ѳома́: а́ще не ви́жду, не иму́ вѣ́ры. Осяза́въ же ре́бра, богосло́витъ воплоти́вшагося. Того́жде Сы́на Бо́жія позна́, я́ко пострада́вша пло́тію, проповѣ́да воскре́сшаго Бо́га и возопи́ свѣ́тлымъ гла́сомъ: Госпо́дь мо́й и Бо́гъ мо́й, сла́ва Тебѣ́!

На стихо́внѣ стихи́ра воскре́сная, гла́съ 1:

Стра́стію Твое́ю, Христе́, отъ страсте́й свободи́хомся, и Воскресе́ніемъ Твои́мъ изъ истлѣ́нія изба́вихомся, Го́споди, сла́ва Тебѣ́!

Сти́хъ: Къ Тебѣ́ возведо́хъ о́чи мо́и, [Живу́щему на небеси́. Се́ я́ко о́чи ра́бъ въ руку́ госпо́дій свои́хъ, я́ко о́чи рабы́ни въ руку́ госпожи́ своея́, та́ко о́чи на́ши ко Го́споду Бо́гу на́шему, до́ндеже уще́дритъ ны́].

Апо́стольская всесли́чная цѣвни́ца, Святы́мъ Ду́хомъ дви́жимая, безсту́дныхъ бѣсо́въ тре́бища упраздни́ла е́сть, и еди́наго Го́спода проповѣ́давши, язы́ки изба́ви отъ пре́лести и́дольскія и покланя́тися научи́ Тро́ицѣ Единосу́щнѣй.

Сти́хъ: Поми́луй на́съ, Го́споди, поми́луй на́съ, [я́ко по мно́гу испо́лнихомся уничиже́нія, наипа́че напо́лнися душа́ на́ша поноше́нія гобзу́ющихъ и уничиже́нія го́рдыхъ].

Му́чениченъ: Всехва́льніи му́ченицы, ва́съ ни земля́ потаи́ла е́сть, но не́бо прія́тъ: отверзо́шася ва́мъ ра́йская врата́, и вну́трь бы́вше, дре́ва живо́тнаго наслажда́етеся. Христо́ви моли́теся дарова́ти душа́мъ на́шимъ ми́ръ и ве́лію ми́лость.

Сла́ва, и ны́нѣ, гла́съ 4:

О, пресла́внаго чудесе́! Огню́ сѣ́но косну́вшееся, спасе́ся: вложи́въ бо Ѳома́ во о́гненная ре́бра ру́ку Іису́са Христа́ Бо́га, не опали́ся осяза́ніемъ. Души́ бо зловѣ́рство преложи́ на благовѣ́ріе, те́плѣ возопи́ отъ глубины́ душе́вныя: Влады́ка Ты́ мо́й еси́ и Бо́гъ, изъ ме́ртвыхъ воскресы́й, сла́ва Тебѣ́!

Та́же: Ны́нѣ отпуща́еши... Трисвято́е, и по Отче на́шъ... Тропа́рь пра́здника и отпу́стъ.




ВЪ ЧЕТВЕРТОКЪ ВТОРЫЯ СЕДМИЦЫ НА УТРЕНИ,
На Бо́гъ Госпо́дь: Тропа́рь пра́здника, три́жды.

По 1-мъ стихосло́віи сѣда́ленъ, гла́съ 1. Подо́бенъ: Ка́мени запеча́тану.

На Крестѣ́ пригвозди́лся еси́, Животе́ всѣ́хъ, и въ ме́ртвыхъ вмѣни́лся еси́, Безсме́ртный Го́споди, воскре́слъ еси́ тридне́венъ, Спа́се, совоздви́гъ Ада́ма отъ тлѣ́нія. Сего́ ра́ди си́лы небе́сныя вопія́ху Тебѣ́, Жизнода́вче: сла́ва Боже́ственной Стра́сти Твое́й, Христе́; сла́ва Воскресе́нію Твоему́; сла́ва снизхожде́нію Твоему́, еди́не Человѣколю́бче.

Сти́хъ: Во всю́ зе́млю изы́де вѣща́ніе и́хъ [и въ концы́ вселе́нныя глаго́лы и́хъ].

Прему́дріи вселе́нныя ловцы́, отъ Бо́га пріе́мше ми́лостивное, моли́теся и ны́нѣ о на́съ, вопію́щихъ: Го́споди, спаси́ ИМПЕРАТОРА и гра́дъ Тво́й, и отъ содержа́щихъ лю́тыхъ свободи́ апо́стольми ду́ши на́ша.

Сти́хъ: Ди́венъ Бо́гъ во святы́хъ Свои́хъ, [Бо́гъ Изра́илевъ].

Подо́бенъ: Гро́бъ.

Му́чениченъ: Му́ченики Христо́вы мо́лимъ вси́: тíи бо о на́шемъ спасе́ніи про́сятъ. И вси́ присту́пимъ къ ни́мъ съ вѣ́рою: сíи источа́ютъ исцѣле́ній благода́ть, сíи полки́ отгоня́ютъ де́монскія, я́ко храни́теліе вѣ́ры.

Сла́ва, и ны́нѣ, богоро́диченъ:

Проро́цы Тя́ я́вственно предвозвѣсти́ша, Отрокови́це, Ма́терь Бо́жію, и апо́столи боже́ственніи въ мíрѣ проповѣ́даша, и мы́ вѣ́ровахомъ. Тѣ́мже вси́, благочестному́дренно почита́юще, воспѣва́емъ Тя́ и Богоро́дицу госпо́дьственно при́сно имену́емъ.

По 2-мъ стихосло́віи сѣда́ленъ, гла́съ 1. Подо́бенъ: Гро́бъ Тво́й, Спа́се.

Ви́дѣвъ Моя́ ре́бра, не невѣ́руй Ми́ бо́лѣе, — Сло́во Ѳомѣ́ невѣ́рующему вопія́ше, — пе́рстомъ Мя́ осяжи́ и руко́ю испыта́й, и, увѣ́дѣвъ Мои́хъ я́звъ зна́менія, мíрови проповѣ́ждь живоно́сное Мое́ сіе́ е́же изъ гро́ба Воскресе́ніе.

Сла́ва, и ны́нѣ, то́йже.

Воскресе́ніе Христо́во... Псало́мъ 50-й. Кано́нъ пра́здника [недѣ́ли Антипа́схи], со ирмосы́, на 8 и мине́и на 4. По 3-й пѣ́сни: сѣда́ленъ мине́и. [По 6-й и 9-й:] конда́къ и ексапостила́рій пра́здника.

На хвали́техъ стихи́ры на 4, гла́съ 1. Воскре́сна:

Боголѣ́пное Твое́ снизхожде́ніе сла́вяще, пое́мъ Тя́, Христе́: роди́лся еси́ отъ Дѣ́вы и неразлу́ченъ бы́лъ еси́ отъ Отца́; пострада́лъ еси́, я́ко человѣ́къ, и во́лею претерпѣ́лъ еси́ кре́стъ; воскре́слъ еси́ отъ гро́ба, я́ко отъ черто́га произше́дъ, да спасе́ши мíръ, Го́споди, сла́ва Тебѣ́. [Два́жды.]

Петра́ и Па́вла согла́сно восхва́лимъ, Луку́, Матѳе́я, Ма́рка, Іоа́нна, Андре́я, Ѳому́, Варѳоломе́я, Си́мона Канани́та, Іа́кова, Фили́ппа, и все́ собра́ніе ученико́въ досто́йно да благопохва́лимъ.

Му́чениченъ: Ра́дуйтеся, му́ченицы, о Го́сподѣ, я́ко по́двигомъ до́брымъ подвиза́стеся, сопроти́вистеся царе́мъ, и мучи́тели побѣди́сте, огня́ и меча́ не убоя́стеся, звѣре́мъ ди́віимъ снѣда́ющимъ тѣлеса́ ва́ша, Христу́ со а́нгелы пѣ́ніе возсыла́юще, я́же отъ небе́съ вѣнцы́ прія́сте, проси́те ми́ръ мíрови дарова́ти и душа́мъ на́шимъ ве́лію ми́лость.

Сла́ва, и ны́нѣ, гла́съ 4:

О, пресла́внаго чудесе́! Іоа́ннъ на пе́рси Сло́ва возлеже́, Ѳома́ же ре́бра осяза́ти сподо́бися. Но о́въ у́бо отону́ду стра́шно богосло́вія глубо́кое извлече́ смотре́ніе; о́въ же сподо́бися тайнонаучи́ти на́съ, — представля́етъ показа́нія я́сно воста́нія Его́, вопія́: Госпо́дь мо́й и Бо́гъ мо́й, сла́ва Тебѣ́!

На стихо́внѣ стихи́ры, гла́съ 2. Подо́бенъ: До́ме Евфра́ѳовъ.

Печа́ль страсте́й* и помышле́ній бу́ря,* дале́че да отжене́тся,* и та́ко процвѣте́тъ весна́ вѣ́ры.

Сти́хъ: Во всю́ зе́млю изы́де вѣща́ніе и́хъ* [и въ концы́ вселе́нныя глаго́лы и́хъ].

Яви́лся еси́, Спа́се,* свяще́ннымъ Твои́мъ апо́столомъ,* две́ремъ заключе́ннымъ,* тѣ́ми обновля́я на́мъ* Боже́ственный Ду́хъ дне́сь.

Сти́хъ: Небеса́ повѣ́даютъ сла́ву Бо́жію,* [творе́ніе же руку́ Его́ возвѣща́етъ тве́рдь].

Ны́нѣ Тя́, Всецарю́,* ви́дѣвше не очи́ма,* но серде́чною любо́вію,* Бо́га вѣ́ровавше,* пѣ́сньми велича́емъ.

Сла́ва, и ны́нѣ, гла́съ 6:

По дне́хъ осми́хъ воста́нія Твоего́, Іису́се Царю́, Единоро́дный Сло́ве Отчій, яви́лся еси́ ученико́мъ Твои́мъ заключе́ннымъ две́ремъ, ми́ръ Тво́й подая́. И невѣ́рующему ученику́ зна́менія показа́лъ еси́: пріиди́, и осяжи́ ру́цѣ и но́зѣ, и нетлѣ́нная Моя́ ре́бра. Онъ же, вѣ́ровавъ, вопія́ше Тебѣ́: Госпо́дь мо́й и Бо́гъ мо́й, сла́ва Тебѣ́!

Ча́съ 1-й. И отпу́стъ.

Источникъ: Пентикоста́ріонъ, е́же е́сть Пятдеся́тница [Тріо́дь Цвѣтна́я]. — Кíевъ: Въ тѵпогра́фіи Кíево-Пече́рской Ла́вры, 1864. — Л. 40 – 42.

Назадъ / Къ оглавленію / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.