Церковный календарь
Новости


2017-05-24 / russportal
«Проповѣдн. хрестоматія». Поученіе въ день свт. Германа Константинопольского (1965)
2017-05-24 / russportal
Прот. Григорій Дьяченко. Слово (3-е) въ день свв. равноапп. Кирилла и Меѳодія (1900)
2017-05-24 / russportal
Прот. Григорій Дьяченко. Слово (2-е) въ день свв. равноапп. Кирилла и Меѳодія (1900)
2017-05-24 / russportal
Прот. Григорій Дьяченко. Слово (1-е) въ день свв. равноапп. Кирилла и Меѳодія (1900)
2017-05-24 / russportal
И. А. Ильинъ. «О сопротивленіи злу силою». Глава 7-я (1925)
2017-05-24 / russportal
И. А. Ильинъ. «О сопротивленіи злу силою». Глава 6-я (1925)
2017-05-23 / russportal
«Проповѣдн. хрестоматія». Два слова на память свв. равноапп. Кирилла и Меѳодія (1965)
2017-05-23 / russportal
«Проповѣдн. хрестоматія». Поученіе на память св. ап. Симона Зилота (1965)
2017-05-23 / russportal
Архіеп. Аверкій (Таушевъ). Что есть истина? (1975)
2017-05-23 / russportal
Архіеп. Аверкій (Таушевъ). Въ чемъ значеніе Русской Зарубежной Церкви? (1975)
2017-05-22 / russportal
"Тріодь Цвѣтная". Служба въ пятокъ 7-й седмицы. Отданіе Вознесенія (1864)
2017-05-22 / russportal
"Тріодь Цвѣтная". Служба въ четвертокъ 7-й седмицы по Пасхѣ (1864)
2017-05-22 / russportal
«Проповѣдн. хрестоматія». Поученіе (2-е) на память свт. Николая Чудотворца (1965)
2017-05-22 / russportal
«Проповѣдн. хрестоматія». Поученіе (1-е) на память свт. Николая Чудотворца (1965)
2017-05-22 / russportal
«Проповѣдн. хрестоматія». Поученіе на память св. пророка Исаіи. (1965)
2017-05-22 / russportal
Еп. Григорій (Граббе). Догматъ о Церкви въ современномъ мірѣ (1975)
Новости въ видѣ
RSS-канала: .
Сегодня - четвергъ, 25 мая 2017 г. Сейчасъ на порталѣ посѣтителей - 11.
Церковно-богослужебныя книги

ПЕНТИКОСТАРІОНЪ, ЕЖЕ ЕСТЬ ПЯТДЕСЯТНИЦА [ТРІОДЬ ЦВѢТНАЯ].
[Изданіе Кіево-Печерской Успенской Лавры. Кіевъ, 1864.]

СЛУЖБА ВЪ ПОНЕДѢЛЬНИКЪ ТРЕТІЯ СЕДМИЦЫ ПО ПАСЦѢ.

ВЪ НЕДѢЛЮ ВЕЧЕРА,
На Го́споди воззва́хъ... поста́вимъ стихо́въ 6 и пое́мъ стихи́ры пра́здника 3.
Стихи́ры пра́здника, гла́съ 5. Подо́бенъ: Ра́дуйся по́стникомъ.

Гвоздьми́ пригвозди́вся, кля́тву, ю́же на дре́вѣ, Дре́вомъ потреби́лъ еси́; положи́вжеся во гро́бѣ, я́же отъ вѣ́ка ме́ртвыя Боже́ственною си́лою воскреси́лъ еси́, Твою́ си́лу велегла́сно сла́вимъ: Па́сха Боже́ственная — Іису́се Всеси́льне, Животе́ на́шъ, Отчее сія́ніе. Тѣ́мже небе́сная съ земны́ми ра́дуются, побѣ́дныя пѣ́сни Тебѣ́, Побѣдотво́рче Сло́ве, пою́ще, Христе́ Вседержи́телю, подаю́щему мíрови ве́лію ми́лость.

Убо съ ме́ртвыми Живо́тъ, подъ земле́ю же Невече́рнее Со́лнце, еще́ и ны́нѣ е́сть, мѵроно́сицъ ли́къ рыда́я, вопія́ше: пріиди́те, теце́мъ тща́тельно и у́зримъ у гро́ба свята́го. Вну́трь же сего́ блиста́ющася а́нгела узрѣ́вше, недоумѣ́ющеся, ужаса́хуся, и́же преложи́въ и́хъ рыда́ніе, возопи́: Жизнода́вецъ воскре́се! не ужаса́йтеся, любоче́стніи, То́й ца́рствуетъ, да́руяй мíрови ве́лію ми́лость.

Ра́но же́нскій ли́къ, пре́жде со́лнца, су́щаго взыска́ше Со́лнца, во гро́бъ заше́дшаго тогда́, свѣтоза́рный же тѣ́мъ провозглаша́ше а́нгелъ: возсія́ Свѣ́тъ, озаря́яй во тмѣ́ спя́щія! свѣтоза́рнымъ ученико́мъ возвѣсти́те, пла́чь въ ра́дость преложи́те, Па́сху же ра́достную и міроспаси́тельную несумнѣ́ннымъ се́рдцемъ пле́щуще, лику́йте: Христо́съ воскре́се, да́руяй мíрови ве́лію ми́лость!

И мине́и 3. Сла́ва и ны́нѣ, гла́съ 1:

Мѵроно́сицы жены́, ко гро́бу что́ пріидо́сте? Что́ и́щете Жива́го въ ме́ртвыхъ? Воскре́се Госпо́дь, дерза́йте, — вопіе́тъ а́нгелъ.

Та́же: Свѣ́те Ти́хій...

На стихо́внѣ стихи́ра воскре́сна, гла́съ 2:

Пре́жде вѣ́къ отъ Отца́ ро́ждшемуся Бо́жію Сло́ву, вопло́щшемуся отъ Дѣ́вы Марíи, пріиди́те, поклони́мся: крестъ бо претерпѣ́въ, погребе́нію предаде́ся, я́ко Са́мъ восхотѣ́, и воскре́съ изъ ме́ртвыхъ, спасе́ мя заблужда́ющаго человѣ́ка.

Сти́хъ: Къ Тебѣ́ возведо́хъ о́чи мо́и, [Живу́щему на небеси́. Се́ я́ко о́чи ра́бъ въ руку́ госпо́дій свои́хъ, я́ко о́чи рабы́ни въ руку́ госпожи́ своея́, та́ко о́чи на́ши ко Го́споду Бо́гу на́шему, до́ндеже уще́дритъ ны́].

Согрѣши́хъ къ Тебѣ́, Спа́се, я́ко блу́дный сы́нъ, пріими́ мя́, Отче, ка́ющася, и поми́луй мя́, Бо́же.

Сти́хъ: Поми́луй на́съ, Го́споди, поми́луй на́съ, [я́ко по мно́гу испо́лнихомся уничиже́нія, наипа́че напо́лнися душа́ на́ша поноше́нія гобзу́ющихъ и уничиже́нія го́рдыхъ].

Му́чениченъ: Земна́го наслажде́нія не возлюби́вшіи страстоте́рпцы, небе́сныхъ благи́хъ сподо́бишася и а́нгеломъ согра́ждане бы́ша. Го́споди, моли́твами и́хъ, поми́луй и спаси́ на́съ.

Сла́ва, и ны́нѣ, гла́съ 1:

Со стра́хомъ пріидо́ша жены́ на гро́бъ, арома́ты тѣ́ло Твое́ пома́зати тща́щіяся, и, сіе́ не обрѣ́тше, недоумѣва́хуся друга́ ко друзѣ́й, не вѣ́дуще Воскресе́нія. Но предста́ и́мъ а́нгелъ и рече́: воскре́се Христо́съ, да́руяй на́мъ ве́лію ми́лость.

Та́же: Ны́нѣ отпуща́еши... Тропа́рь: Благообра́зный Іо́сифъ... Сла́ва: Егда́ снизше́лъ еси́... И ны́нѣ: Мѵроно́сицамъ...

Аще ли и́мать святы́й тропа́рь, глаго́лемъ пре́жде тропа́рь: Благообра́зный Іо́сифъ... Сла́ва: свята́го. И ны́нѣ: Мѵроно́сицамъ жена́мъ... [Тропа́рь: Благообра́зный Іо́сифъ... и тропа́рь воскре́сенъ: Егда́ снизше́лъ еси́ къ сме́рти... въ ве́черъ глаго́лемъ и́хъ премѣня́юще во всю́ седми́цу, я́коже и пре́жде о се́мъ явле́но е́сть.] И ектенія́ и отпу́стъ. Слу́жба же свята́го мине́и, случи́вшагося въ сію́ недѣ́лю, пое́тся на повече́ріи. По трисвято́мъ конда́къ еди́нъ тріо́ди пра́зднику. Си́це глаго́лемъ да́же и до недѣ́ли всѣ́хъ святы́хъ.



ВЪ ПОНЕДѢЛЬНИКЪ 3-Я СЕДМИЦЫ НА УТРЕНИ.

Нача́ло обы́чное, я́коже указа́ся въ понедѣ́льникъ вторы́я седми́цы по Па́сцѣ. На Бо́гъ Госпо́дь: Тропа́рь, гла́съ 2: Благообра́зный Іо́сифъ.., два́жды. Сла́ва: Егда́ снизше́лъ еси́... И ны́нѣ: Мѵроно́сицамъ жена́мъ... Си́це же глаго́лются тропари́ сія́ чрезъ всю́ седми́цу. [Аще е́сть тропа́рь свята́го, глаго́лемъ тропа́рь пре́жде Благообра́зный Іо́сифъ... еди́ножды. И тропа́рь: Егда́ снизше́лъ еси́.., еди́ножды. Сла́ва: свята́го. И ны́нѣ: Мѵроно́сицамъ жена́мъ...]

По 1-мъ стихосло́віи сѣда́ленъ, гла́съ 2:

Ка́мень гро́бный запеча́тати не возбрани́въ, ка́мень вѣ́ры воскресы́й по́далъ еси́ всѣ́мъ, Го́споди, сла́ва Тебѣ́.

Сти́хъ: Го́споди, да не я́ростію Твое́ю обличи́ши мене́, ниже́ гнѣ́вомъ Твои́мъ нака́жеши мене́.

Яко во́лны морскíя воста́ша на мя́ беззако́нія моя́ и, я́ко кора́бль въ пучи́нѣ, а́зъ еди́нъ погружа́юся согрѣше́ньми мно́гими, но въ ти́хое приста́нище наста́ви мя́, Го́споди, покая́ніемъ и спаси́ мя́.

Сти́хъ: Ди́венъ Бо́гъ во святы́хъ Свои́хъ, Бо́гъ Изра́илевъ.

Му́чениченъ: Тебе́, одѣ́ющаго не́бо о́блаки, иму́ще святíи одѣя́ніе, въ мíрѣ му́ки отъ беззако́нныхъ претерпѣ́ша и пре́лесть и́дольскую упраздни́ша. Тѣ́хъ моли́твами и на́съ свободи́ отъ неви́димаго врага́, Спа́се, и спаси́ ны́.

Сла́ва, и ны́нѣ, богоро́диченъ:

Благоутро́бія су́щи исто́чникъ, ми́лости сподо́би на́съ, Богоро́дице, при́зри на лю́ди согрѣши́вшія, яви́ я́ко при́сно си́лу Твою́; на Тя́ бо упова́юще, ра́дуйся, вопіе́мъ Ти́, я́коже иногда́ Гавріи́лъ безпло́тныхъ архистрати́гъ.

И чте́ніе.

По 2-мъ стихосло́віи сѣда́ленъ, гла́съ 2. Подо́бенъ: Вы́шнихъ ища́.

Мѵ́ра те́плѣ гро́бу прино́сятъ жены́, Спа́се, а́нгела свѣ́тлостію ду́ши веселя́ху, и Бо́га Тя́ всѣ́хъ проповѣ́даху, и ученико́мъ вопія́ху: вои́стинну воскре́се изъ гро́ба всѣ́хъ Живо́тъ.

Сла́ва, и ны́нѣ, то́йже. И чте́ніе.

Та́же: Воскресе́ніе Христо́во.., еди́ножды. Кано́нъ пра́здника [недѣ́ли мѵроно́сицъ], со ирмосы́, на 8 и мине́и на 4. По 3-й пѣ́сни: Сѣда́ленъ свята́го. По 6-й пѣ́сни: Конда́къ пра́зднику: Ра́доватися мѵроно́сицамъ... И и́косъ. И чте́мъ Про́логъ. [По 9-й пѣ́сни:] Ексапостила́рій пра́здника. Сла́ва: свята́го. И ны́нѣ: пра́здника.

На хвали́техъ стихи́ры на 4, гла́съ 2:

Вся́кое дыха́ніе и вся́ тва́рь Тя́ сла́витъ, Го́споди, я́ко Кресто́мъ смерть упраздни́лъ еси́, да пока́жеши лю́демъ е́же изъ ме́ртвыхъ Твое́ Воскресе́ніе, я́ко еди́нъ Человѣколю́бецъ. [Два́жды.]

Содѣ́янныхъ мно́ю лю́тыхъ помышля́я безмѣ́стная, къ Твои́мъ прибѣга́ю щедро́тамъ, мытаря́ подража́я, и блудни́цу слези́вшую, и блу́днаго сы́на. Тѣ́мже и припа́даю Ти́, Ми́лостиве: пре́жде да́же не осу́диши мя́, пощади́ мя́, Бо́же, и поми́луй мя́.

За Христа́ пострада́вше да́же до сме́рти, о страстоте́рпцы му́ченицы! Ду́ши у́бо и́мате на небесѣ́хъ въ руцѣ́ Бо́жіи, и по всему́ мíру почита́ются ва́ша мо́щи; свяще́нницы и ца́ріе кла́няются, и лю́діе вси́ веселя́тся, и мы́ обы́чно вопіе́мъ: со́нъ честны́й предъ Го́сподемъ сме́рть преподо́бныхъ Его́.

Сла́ва, и ны́нѣ, гла́съ 2:

Пріидо́ша на гро́бъ Магдали́на и друга́я Марíя, и́щуще Го́спода, и а́нгела ви́дѣша, я́ко мо́лнію, сѣдя́ща на ка́мени и глаго́люща и́мъ: что́ и́щете Жива́го съ ме́ртвыми? Воскре́се, я́коже рече́. Въ Галиле́и Его́ обря́щете. Къ Нему́ же возопіи́мъ: воскресы́й изъ ме́ртвыхъ, Го́споди, сла́ва Тебѣ́.

На стихо́внѣ стихи́ры пра́здника, гла́съ 6. Подо́бенъ: Тридне́венъ.

Начни́те, лю́діе, псало́мски, воспо́йте Христа́ съ ра́достію: Па́сха ве́лія возсія́ на́мъ — Воскресы́й изъ гро́ба Христо́съ Жизнода́вецъ и Изба́витель всего́ созда́нія.

Сти́хъ: Благоволи́лъ еси́, Го́споди, зе́млю Твою́, возврати́лъ еси́ плѣ́нъ Іа́ковль.

Ра́доватися мѵроно́сицамъ ре́къ, Евино осужде́ніе разруши́въ, и ра́дость ученико́мъ, воскре́съ, посыла́еши, проповѣ́дати е́же изъ гро́ба тридне́вное Твое́ Воскресе́ніе.

Сти́хъ: Ми́лость и и́стина срѣто́стѣся, пра́вда и ми́ръ облобыза́стася.

Па́сху честну́ю и святу́ю Христо́съ на́мъ озари́, пріиди́те вси́, просвѣти́мся душа́ми: се́ бо ны́нѣ де́нь возсія́, въ сíй ра́дуйтеся и весели́теся.

Сла́ва, и ны́нѣ, гла́съ 2:

Возлія́ша мѵ́ра со слеза́ми на гро́бъ Тво́й жены́, и испо́лнишася ра́дости уста́ и́хъ, внегда́ глаго́лати: воскре́се Госпо́дь!



НА ЛИТУРГІИ,

На блаже́ннахъ, пѣ́снь 1-я пра́здника, на 6. По вхо́дѣ тропари́: Благообра́зный Іо́сифъ... Егда́ снизше́лъ еси́ къ сме́рти... Мѵроно́сицамъ жена́мъ... И хра́ма свята́го. И тропа́рь свята́го, а́ще е́сть. Аще ли бу́детъ и друга́го свята́го тропа́рь, то́ рцы́ его́. Та́же конда́къ хра́ма. Сла́ва: свята́го. Аще ли бу́детъ и друга́го свята́го конда́къ, та́кожде рцы́ его́. И ны́нѣ, конда́къ пра́здника: Ра́доватися мѵроно́сицамъ... Та́кожде глаго́лемъ тропари́ по вся́ дни́ сея́ святы́я седми́цы, кромѣ́ свята́го поліеле́йнаго. Си́це быва́етъ слу́жба ве́черъ и на у́трени по вся́ дни́ сея́ седми́цы.

Источникъ: Пентикоста́ріонъ, е́же е́сть Пятдеся́тница [Тріо́дь Цвѣтна́я]. — Кíевъ: Въ тѵпогра́фіи Кíево-Пече́рской Ла́вры, 1864. — Л. 59 об. – 61 об.

Назадъ / Къ оглавленію / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.