Церковный календарь
Новости


2017-05-24 / russportal
«Проповѣдн. хрестоматія». Поученіе въ день свт. Германа Константинопольского (1965)
2017-05-24 / russportal
Прот. Григорій Дьяченко. Слово (3-е) въ день свв. равноапп. Кирилла и Меѳодія (1900)
2017-05-24 / russportal
Прот. Григорій Дьяченко. Слово (2-е) въ день свв. равноапп. Кирилла и Меѳодія (1900)
2017-05-24 / russportal
Прот. Григорій Дьяченко. Слово (1-е) въ день свв. равноапп. Кирилла и Меѳодія (1900)
2017-05-24 / russportal
И. А. Ильинъ. «О сопротивленіи злу силою». Глава 7-я (1925)
2017-05-24 / russportal
И. А. Ильинъ. «О сопротивленіи злу силою». Глава 6-я (1925)
2017-05-23 / russportal
«Проповѣдн. хрестоматія». Два слова на память свв. равноапп. Кирилла и Меѳодія (1965)
2017-05-23 / russportal
«Проповѣдн. хрестоматія». Поученіе на память св. ап. Симона Зилота (1965)
2017-05-23 / russportal
Архіеп. Аверкій (Таушевъ). Что есть истина? (1975)
2017-05-23 / russportal
Архіеп. Аверкій (Таушевъ). Въ чемъ значеніе Русской Зарубежной Церкви? (1975)
2017-05-22 / russportal
"Тріодь Цвѣтная". Служба въ пятокъ 7-й седмицы. Отданіе Вознесенія (1864)
2017-05-22 / russportal
"Тріодь Цвѣтная". Служба въ четвертокъ 7-й седмицы по Пасхѣ (1864)
2017-05-22 / russportal
«Проповѣдн. хрестоматія». Поученіе (2-е) на память свт. Николая Чудотворца (1965)
2017-05-22 / russportal
«Проповѣдн. хрестоматія». Поученіе (1-е) на память свт. Николая Чудотворца (1965)
2017-05-22 / russportal
«Проповѣдн. хрестоматія». Поученіе на память св. пророка Исаіи. (1965)
2017-05-22 / russportal
Еп. Григорій (Граббе). Догматъ о Церкви въ современномъ мірѣ (1975)
Новости въ видѣ
RSS-канала: .
Сегодня - четвергъ, 25 мая 2017 г. Сейчасъ на порталѣ посѣтителей - 11.
Церковно-богослужебныя книги

ПЕНТИКОСТАРІОНЪ, ЕЖЕ ЕСТЬ ПЯТДЕСЯТНИЦА [ТРІОДЬ ЦВѢТНАЯ].
[Изданіе Кіево-Печерской Успенской Лавры. Кіевъ, 1864.]

СЛУЖБА ВЪ ЧЕТВЕРТОКЪ ТРЕТІЯ СЕДМИЦЫ ПО ПАСЦѢ.

ВЪ СРЕДУ ТРЕТІЯ НЕДѢЛИ ВЕЧЕРА,
На Го́споди воззва́хъ... поста́вимъ стихо́въ 6: пра́здника 3 и мине́и 3.

Стихи́ры пра́здника, гла́съ 2. Подо́бенъ: Егда́ отъ Дре́ва.

Глаго́лы услы́шавша ра́дости отъ ю́ношъ присѣдя́щихъ гро́бу Сло́ва, тече́ніе показа́ша тщали́вѣйшее устремле́нія и чи́ну послѣ́довавшее пре́жднихъ мѵроно́сицъ, я́ко благовѣ́стницы, ви́дѣша воста́ніе отъ а́да преиспо́днихъ, благовѣству́юща таи́нникомъ о на́съ Вочеловѣ́чшагося.

Утро предвари́вша глубо́кое, стра́хомъ мѵроно́сицы жены́ гро́бу предста́ша, мѵ́ра принося́ще Жизнода́вцу Христу́, въ ме́ртвыхъ вмѣня́юще а́дъ Умертви́вшаго. Но боже́ственный а́нгелъ предста́ тѣ́мъ вопія́: что́ Живоно́снаго и Жива́го съ ме́ртвыми и́щете? Иди́те, воста́ніе проповѣ́дающе!

Несе́ши на ра́му херуви́мскую Почива́ющаго, блаже́нне Іо́сифе, я́ко ино́е носи́ло на ра́му твое́ю, Воплоще́нна пре́жде, и ны́нѣ Умерщвле́нна, Иже оживотвори́ на́съ умерщвле́нныхъ. Его́же Воскресе́ніе зря́, ра́дуешися съ честны́ми мѵроно́сицами, а́ще и предрыда́сте Сего́ умерщвле́ніе.

Сла́ва, и ны́нѣ, гла́съ 1:

Пріидо́ша на гро́бъ Магдали́на и друга́я Марíя, и́щуще Го́спода, и а́нгела ви́дѣша, я́ко мо́лнію, сѣдя́ща на ка́мени и глаго́люща и́мъ: что́ и́щете Жива́го съ ме́ртвыми? Воскре́се, я́коже рече́. Въ Галиле́и Его́ обря́щете. Къ Нему́ же возопіи́мъ: воскресы́й изъ ме́ртвыхъ, Го́споди, сла́ва Тебѣ́.

Та́же: Свѣ́те Ти́хій...

На стихо́внѣ стихи́ра воскре́сна, гла́съ 2:

Воскресе́ніе Твое́, Христе́ Спа́се, всю́ просвѣти́ вселе́нную, и призва́лъ еси́ Твое́ созда́ніе, Всеси́льне Го́споди, сла́ва Тебѣ́.

Сти́хъ: Къ Тебѣ́ возведо́хъ о́чи мо́и, [Живу́щему на небеси́. Се́ я́ко о́чи ра́бъ въ руку́ госпо́дій свои́хъ, я́ко о́чи рабы́ни въ руку́ госпожи́ своея́, та́ко о́чи на́ши ко Го́споду Бо́гу на́шему, до́ндеже уще́дритъ ны́].

Апо́столомъ: Возвели́чилъ еси́, Спа́се, во вселе́ннѣй верхо́вныхъ апо́столъ имена́: навыко́ша небе́снымъ неизрече́ннымъ, да́ша су́щимъ на земли́ исцѣле́нія, и сѣ́ни и́хъ са́мыя стра́сти уврачева́ху. Иже отъ ры́барей чудотворя́ше, и и́же отъ іуде́й богосло́вяше благода́ти уче́нія, и́миже, Благоутро́бне, да́ждь на́мъ вели́кую Твою́ ми́лость.

Сти́хъ: Поми́луй на́съ, Го́споди, поми́луй на́съ, [я́ко по мно́гу испо́лнихомся уничиже́нія, наипа́че напо́лнися душа́ на́ша поноше́нія гобзу́ющихъ и уничиже́нія го́рдыхъ].

Му́чениченъ: Ве́лія сла́ва, ю́же стяжа́сте, святíи, вѣ́рою: не то́кмо бо внегда́ пострада́ти, врага́ побѣди́сте, но и по сме́рти ду́хи прогоня́ете, неду́жныя исцѣля́ете, ду́шъ и тѣле́съ вра́чеве, моли́теся ко Го́споду поми́ловатися душа́мъ на́шимъ.

Сла́ва, и ны́нѣ, гла́съ 2:

Возлія́ша мѵ́ра со слеза́ми на гро́бъ Тво́й жены́, и испо́лнишася ра́дости уста́ и́хъ, внегда́ глаго́лати: воскре́се Госпо́дь!

Та́же: Ны́нѣ отпуща́еши... Трисвято́е. Тропа́рь и отпу́стъ.




ВЪ ЧЕТВЕРТОКЪ ТРЕТІЯ НЕДѢЛИ ПО ПАСЦѢ, НА УТРЕНИ,
На Бо́гъ Госпо́дь: Тропари́ пра́здника.

По 1-мъ стихосло́віи сѣда́ленъ, гла́съ 2. Подо́бенъ: Преблагослове́нна.

Мѵ́ра погребе́нія Твоего́ жены́ нося́ща, та́й ко гро́бу пріидо́ша ура́нше, іуде́йскія боя́щеся де́рзости и во́иновъ предзря́ще утвержде́ніе, но естество́ немощно́е му́жество побѣди́, я́ко намѣ́реніе ми́лостивное Бо́гу угоди́. Прили́чно у́бо взыва́ху: воскресни́, Го́споди, помози́ на́мъ и изба́ви на́съ сла́вы ра́ди и́мене Твоего́!

Сти́хъ: Во всю́ зе́млю изы́де вѣща́ніе и́хъ [и въ концы́ вселе́нныя глаго́лы и́хъ].

Умудри́вый па́че ри́торъ ловцы́ и посла́вый, я́коже проповѣ́дники, по все́й земли́, неизглаго́ланнымъ человѣколю́біемъ Твои́мъ, Христе́ Бо́же, тѣ́ми утверди́ Це́рковь Твою́ и вѣ́рнымъ низпосли́ благослове́ніе Твое́, еди́не Ми́лостиве и Человѣколю́бче.

Сти́хъ: Ди́венъ Бо́гъ во святы́хъ Свои́хъ, Бо́гъ Изра́илевъ.

Му́чениченъ: Апо́столи, му́ченицы и проро́цы, святи́теліе, преподо́бніи и пра́ведніи, до́брѣ по́двигъ соверши́вшіи и вѣ́ру соблю́дшіи, дерзнове́ніе иму́ще ко Спа́су, о на́съ Того́ моли́те спасти́ся, мо́лимся, душа́мъ на́шимъ.

Сла́ва, и ны́нѣ, богоро́диченъ:

Боже́ственнаго бы́хомъ о́бщницы естества́ Тобо́ю, Богоро́дице Приснодѣ́во: Бо́га бо на́мъ Воплоти́вшагося родила́ еси́. Тѣ́мже по до́лгу Тя́ вси́ благоче́стно велича́емъ.

По 2-мъ стихосло́віи сѣда́ленъ, гла́съ 2. Подо́бенъ: Вы́шнихъ ища́.

Мѵ́ра, Спа́се, жены́ принося́ще, иска́ху тща́ніемъ пома́зати Тя́, Человѣколю́бче; отъ гро́ба же а́нгелъ къ ни́мъ вопія́ше: воста́ Жизнода́вецъ и Госпо́дь, попра́въ а́дъ и сме́рть!

Сла́ва, и ны́нѣ, то́йже.

Воскресе́ніе Христо́во... Псало́мъ 50-й. Кано́нъ пра́здника [недѣ́ли мѵроно́сицъ] и про́чее послѣ́дованіе, я́коже предписа́ся.

На хвали́техъ поста́вимъ стихи́ 4 и пое́мъ настоя́щія стихи́ры, гла́съ 2:

Ангелъ у́бо е́же — ра́дуйся! — пре́жде Твоего́ зача́тія, Го́споди, Благода́тнѣй принесе́; а́нгелъ же ка́мень сла́внаго Твоего́ гро́ба въ Твое́мъ Воскресе́ніи отвали́. Овъ у́бо въ печа́ли мѣ́сто весе́лія о́бразы возвѣща́я; се́й же вмѣ́сто сме́рти Влады́ку Жизнода́вца проповѣ́дуя на́мъ. Тѣ́мже вопіе́мъ Ти́: Благодѣ́телю всѣ́хъ, Го́споди, сла́ва Тебѣ́! [Два́жды.]

Отъ непра́ведныхъ дѣя́ній всегда́ бори́ми, и къ Тебѣ́ прибѣга́юще вои́стинну, Су́щему Бо́гу, гла́съ Твои́хъ учени́къ прино́симъ Ти́, глаго́люще: спаси́ ны́, Наста́вниче, погиба́емъ! Покажи́ и ны́нѣ враго́мъ на́шимъ, мо́лимся, я́ко покрыва́еши лю́ди и спаса́еши отъ бѣ́дъ моли́твами апо́столъ, презря́ грѣхи́, за мно́гую благосты́ню, Го́споди.

Му́чениченъ: Вся́кій гра́дъ и страна́ почита́ютъ мо́щи ва́ша, о страстоте́рпцы му́ченицы! Вы́ бо зако́нно пострада́вше, вѣне́цъ небе́сный прія́сте, и сего́ ра́ди свяще́нниковъ есте́ похвала́, царе́й — побѣ́да, Церкве́й — благолѣ́піе.

Сла́ва, и ны́нѣ, гла́съ 2:

Мѵроно́сицы жены́, у́тру глубоку́, арома́ты взе́мша, Госпо́дня гро́ба достиго́ша, я́же не надѣ́яхуся обрѣ́тша, помышля́ху благоговѣ́юще ка́менному отвале́нію, и друга́ ко друзѣ́й глаго́лаху: гдѣ́ су́ть печа́ти гро́ба? гдѣ́ е́сть Пила́това кустодíя и опа́сное утверже́ніе? Бы́сть же возвѣсти́тель не вѣ́дущимъ жена́мъ, блиста́яйся а́нгелъ, и глаго́ляй къ ни́мъ: что́ съ рыда́ніемъ и́щете Жива́го и Оживотвори́вшаго ро́дъ человѣ́ческій? Воста́ Христо́съ Бо́гъ на́шъ изъ ме́ртвыхъ, я́ко Всеси́ленъ, подая́й всѣ́мъ на́мъ нетлѣ́ніе и жи́знь, просвѣще́ніе и ве́лію ми́лость.

На стихо́внѣ стихи́ры, гла́съ 2. Подо́бенъ: Егда́ отъ Дре́ва.

Егда́ воскре́слъ еси́, я́ко Бо́гъ, тогда́ ра́доватися да́лъ еси́, Сло́ве, мѵроно́сицамъ ре́къ: не у́ взыдо́хъ ко Отцу́ Моему́, и про́чее, не прикаса́йтеся Мнѣ́, иди́те то́кмо, рцы́те друго́мъ Мои́мъ: се́ предваря́етъ ва́съ! Тѣ́мже по си́хъ ви́дѣнъ бы́лъ еси́, и дунове́ніемъ си́мъ да́лъ еси́, Спа́се, Ду́ха Свята́го.

Сти́хъ: Благоволи́лъ еси́, Го́споди, зе́млю Твою́, [возврати́лъ еси́ плѣ́нъ Іа́ковль].

Рече́ніемъ мѵроно́сицъ же́нъ, отъ ме́ртвыхъ проповѣ́дающимъ Христо́во Воскресе́ніе, таи́нницы не вѣ́ровавше, потща́шася гро́бъ ви́дѣти: и синдо́нъ и суда́рь зри́тся во гро́бѣ, Са́мъ же Иско́мый не ви́дится. Тѣ́мже Воскресе́ніе позна́вше, проповѣ́дницы зря́тся въ мíрѣ, сіе́ и язы́комъ возвѣща́юще.

Сти́хъ: Ми́лость и и́стина срѣто́стѣся, [пра́вда и ми́ръ облобыза́стася].

Яви́ся Свѣ́тъ Непристу́пный на́мъ, сія́я отъ гро́ба кра́сный Христо́съ Госпо́дь. Адъ плѣни́ся, сатана́ исчезе́, ра́дуются мíра концы́, лику́етъ тва́рь, пое́тъ пра́зднующи Це́рковь Христо́ва па́мять Іо́сифа всему́драго, и мѵроно́сицъ съ ни́мъ же́нъ почита́етъ торжество́.

Сла́ва, и ны́нѣ, гла́съ 2:

Почто́ мѵ́ра со слеза́ми, о учени́цы, растворя́ете? Ка́мень отвали́ся, гро́бъ истощи́ся; ви́дите тлю́ Живото́мъ попра́нную, печа́ти свидѣ́тельствующа я́вственно, спя́щія лю́тѣ стра́жники непокори́выхъ, сме́ртное спасе́ся пло́тію Бо́жіею, а́дъ рыда́етъ. Те́кша ра́достію рцы́те апо́столомъ: умертви́вый Христо́съ сме́рть, Перворожде́нъ изъ ме́ртвыхъ, ва́съ предваря́етъ въ Галиле́и.

Та́же тропа́рь. И ча́съ 1-й. И отпу́стъ.

Источникъ: Пентикоста́ріонъ, е́же е́сть Пятдеся́тница [Тріо́дь Цвѣтна́я]. — Кíевъ: Въ тѵпогра́фіи Кíево-Пече́рской Ла́вры, 1864. — Л. 65 об. – 67 об.

Назадъ / Къ оглавленію / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.