Церковный календарь
Новости


2017-08-19 / russportal
"Проповѣдн. хрестоматія". Поученіе (6-е) на Преображеніе Господне (1965)
2017-08-19 / russportal
"Проповѣдн. хрестоматія". Поученіе (5-е) на Преображеніе Господне (1965)
2017-08-19 / russportal
Митр. Анастасій (Грибановскій). Плачъ Русскаго народа (1924)
2017-08-19 / russportal
Митр. Анастасій. Похв. слово новымъ священномученикамъ Русской Церкви (1973)
2017-08-19 / russportal
Прот. Григорій Дьяченко. Поученіе (3-е) въ день Преображенія Господня (1900)
2017-08-19 / russportal
Прот. Григорій Дьяченко. Поученіе (2-е) въ день Преображенія Господня (1900)
2017-08-19 / russportal
Прот. Григорій Дьяченко. Поученіе (1-е) въ день Преображенія Господня (1900)
2017-08-18 / russportal
Митр. Арсеній (Москвинъ). Слово (3-е) въ день Преображенія Господня (1874)
2017-08-18 / russportal
П. Н. Красновъ. "Павлоны". Часть 2-я. Глава 14-я (1943)
2017-08-18 / russportal
П. Н. Красновъ. "Павлоны". Часть 2-я. Глава 13-я (1943)
2017-08-18 / russportal
Мон. Варвара (Суханова). О чудотв. созданіи церкви въ Кіево-Печерской обители (1963)
2017-08-18 / russportal
Архим. Серафимъ (Вербинъ). Ко дню 90-лѣтняго юбилея митр. Анастасія (1963)
2017-08-18 / russportal
"Проповѣдн. хрестоматія". Поученіе (4-е) на Преображеніе Господне (1965)
2017-08-18 / russportal
"Проповѣдн. хрестоматія". Поученіе (3-е) на Преображеніе Господне (1965)
2017-08-18 / russportal
Свщмч. Кипріанъ. Письмо (56-е) къ клиру и народу испанскому (1879)
2017-08-18 / russportal
Свщмч. Кипріанъ. Письмо (55-е) къ Стефану о Макріанѣ Арелатскомъ (1879)
Новости въ видѣ
RSS-канала: .
Сегодня - суббота, 19 августа 2017 г. Сейчасъ на порталѣ посѣтителей - 17.
Церковно-богослужебныя книги

ПЕНТИКОСТАРІОНЪ, ЕЖЕ ЕСТЬ ПЯТДЕСЯТНИЦА [ТРІОДЬ ЦВѢТНАЯ].
[Изданіе Кіево-Печерской Успенской Лавры. Кіевъ, 1864.]

СЛУЖБА ВЪ ПЯТОКЪ ТРЕТІЯ СЕДМИЦЫ ПО ПАСЦѢ.

ВЪ ЧЕТВЕРТОКЪ ВЕЧЕРА,
На Го́споди воззва́хъ... поста́вимъ стихо́въ 6 и пое́мъ стихи́ры пра́здника 3 и мине́и 3.

Стихи́ры пра́здника, гла́съ 8. Подо́бенъ: О, пресла́внаго чудесе́!

Христа́ я́вльшагося стопа́мъ послѣ́дующе, честнíи, и Тому́ служа́ще нра́вомъ усе́рднымъ, мѵроно́сицы, пра́востію, ниже́ уме́рша Сего́ оста́висте, но, ше́дше, мѵ́ра со слеза́ми принесо́сте, ми́лостивно дви́жущеся. Тѣ́мже ва́шу па́мять всесвяще́нную торжеству́емъ.

Боже́ственныхъ же́нъ сосло́віе ви́дѣти жела́юще Жи́знь, умерщвле́нную во гро́бѣ, но́щію пріи́де и а́нгела слы́ша, я́коже прорече́ Христо́съ: воста́, тща́ніемъ Сего́ ученико́мъ рцы́те и уны́ніе отъ души́ отри́ните, вмѣ́сто пла́ча ра́дость неизгла́голанную воспріе́мше.

Дне́сь, вѣ́рніи, лику́имъ въ па́мяти ва́шей, мѵроно́сицы, сла́вяще ва́съ просла́вившаго преблага́го Го́спода. Его́же моли́те непреста́нно, всечестнíи, вѣ́чнующую сла́ву получи́ти на́мъ и свѣ́тлость святы́хъ, иму́ще къ Нему́ дерзнове́ніе всегда́, богоблаже́нніи.

Сла́ва, и ны́нѣ, гла́съ 2:

Мѵроно́сицы ра́но бы́вша, и гро́бъ Тво́й со тща́ніемъ дости́гша, иска́ху Тебе́, Христе́, во е́же пома́зати Пречи́стое Тѣ́ло Твое́. И а́нгеловыми глаго́лы огласи́вшеся, радостотво́рныя о́бразы апо́столомъ проповѣ́даху, я́ко воскре́слъ е́сть Нача́льникъ спасе́нія на́шего, плѣни́вый сме́рть, мíрови же да́руяй живо́тъ вѣ́чный и ве́лію ми́лость.

Та́же: Свѣ́те Ти́хій...

На стихо́внѣ стихи́ры, гла́съ 2:

Кре́стная: Да ра́спнется! — вопія́ху, и́же Твои́хъ дарова́ній при́сно наслажда́ющіися, и злодѣ́я вмѣ́сто Благодѣ́теля проси́ша прія́ти, пра́ведныхъ убíйцы. Молча́лъ же еси́, Христе́, терпя́ и́хъ суровство́, пострада́ти хотя́ и спасти́ на́съ, я́ко Человѣколю́бецъ.

Сти́хъ: Къ Тебѣ́ возведо́хъ о́чи мо́и, [Живу́щему на небеси́. Се́ я́ко о́чи ра́бъ въ руку́ госпо́дій свои́хъ, я́ко о́чи рабы́ни въ руку́ госпожи́ своея́, та́ко о́чи на́ши ко Го́споду Бо́гу на́шему, до́ндеже уще́дритъ ны́].

Воскре́сенъ: Пре́жде вѣ́къ отъ Отца́ ро́ждшемуся Бо́жію Сло́ву, вопло́щшемуся отъ Дѣ́вы Марíи, пріиди́те, поклони́мся: крестъ бо претерпѣ́въ, погребе́нію предаде́ся, я́ко Са́мъ восхотѣ́, и воскре́съ изъ ме́ртвыхъ, спасе́ мя заблужда́ющаго человѣ́ка.

Сти́хъ: Поми́луй на́съ, Го́споди, поми́луй на́съ, [я́ко по мно́гу испо́лнихомся уничиже́нія, наипа́че напо́лнися душа́ на́ша поноше́нія гобзу́ющихъ и уничиже́нія го́рдыхъ].

Земны́я сла́дости не возлю́бльше страстоте́рпцы, небе́сныхъ бла́гъ сподо́бишася и а́нгеломъ согра́ждане бы́ша. Го́споди, моли́твами и́хъ, поми́луй и спаси́ на́съ.

Сла́ва, и ны́нѣ, гла́съ 6:

Проси́ Іо́сифъ тѣ́ло Іису́сово, и положи́ е́ въ но́вомъ свое́мъ гро́бѣ: подоба́ше бо Ему́ изъ гро́ба, я́ко отъ черто́га проити́. Сокруши́вый держа́ву сме́рти, и отве́рзый врата́ ра́йская человѣ́комъ, Го́споди, сла́ва Тебѣ́!

Та́же: Ны́нѣ отпуща́еши... Трисвято́е. Тропари́. И отпу́стъ.




ВЪ ПЯТОКЪ ТРЕТІЯ СЕДМИЦЫ ПО ПАСЦѢ, НА УТРЕНИ,
На Бо́гъ Госпо́дь: Тропа́рь пра́здника.

По 1-й каѳи́смѣ сѣда́ленъ, гла́съ 2:

Пречи́стому о́бразу Твоему́ покланя́емся, Благíй, прося́ще проще́нія прегрѣше́ній на́шихъ, Христе́ Бо́же: во́лею бо благоволи́лъ еси́ пло́тію взы́ти на Кре́стъ, да изба́виши, я́же созда́лъ еси́, отъ рабо́ты вра́жія. Тѣ́мъ благода́рственно вопіе́мъ Ти́: ра́дости испо́лнилъ еси́ вся́, Спа́се на́шъ, прише́дый спасти́ мíръ.

Сти́хъ: Исповѣ́мся Тебѣ́, Го́споди, [всѣ́мъ се́рдцемъ мои́мъ, повѣ́мъ вся́ чудеса́ Твоя́].

Ка́мень гро́бный запеча́тати не возбрани́въ, ка́мень вѣ́ры воскресы́й по́далъ еси́ всѣ́мъ, Го́споди, сла́ва Тебѣ́!

Сти́хъ: Ди́венъ Бо́гъ во святы́хъ Свои́хъ, Бо́гъ Изра́илевъ.

Му́чениченъ: Егда́ во страда́льчествѣхъ подвиза́шася Госпо́дни му́ченицы, тогда́ де́рзость помрача́шеся нечести́выхъ вѣ́рою. Егда́ же ле́сть и́доловъ боже́ственно упраздни́ша, тогда́ вѣнцы́ побѣ́ды воспрія́ша свы́ше, и мо́лятся о душа́хъ на́шихъ.

Сла́ва, и ны́нѣ, крестобогоро́диченъ:

Дѣ́ва и Ма́ти Твоя́, Христе́, на Дре́вѣ ви́дящи Тя́ ме́ртва просте́рта, пла́чущи го́рько, — Сы́не Мо́й! — глаго́лаше, — что́ стра́шное сіе́ та́инство: всѣ́мъ да́руяй жи́знь вѣ́чную, во́лею на Крестѣ́ ка́ко стра́ждеши сме́рть поно́сную?

По 2-мъ стихосло́віи сѣда́ленъ, гла́съ 2. Подо́бенъ: Вы́шнихъ ища́.

Мѵ́ра те́плѣ гро́бу прино́сятъ жены́, Спа́се, а́нгела свѣ́тлостію ду́ши веселя́ху, и Бо́га Тя́ всѣ́хъ проповѣ́даху, и ученико́мъ вопія́ху: вои́стинну воскре́се изъ гро́ба всѣ́хъ Живо́тъ!

Сла́ва, и ны́нѣ, то́йже.

Воскресе́ніе Христо́во... Псало́мъ 50-й. Кано́нъ пра́здника [недѣ́ли мѵроно́сицъ], со ирмосы́, на 8 и мине́и на 4. Конда́къ и ексапостила́рій пра́здника.

На хвали́техъ поста́вимъ стихи́ 4 и пое́мъ настоя́щія стихи́ры, гла́съ 2:

Креста́ Твоего́ дре́ву покланя́емся, Христе́ Бо́же, дре́во живота́ показа́лъ еси́ на́мъ, вѣ́рующимъ въ Тя́, и тѣ́мъ упраздни́въ держа́ву иму́щаго сме́рти, оживотвори́лъ еси́ ны́, умерщвле́нныя грѣхо́мъ. Тѣ́мже вопіе́мъ Тебѣ́: Благодѣ́телю всѣ́хъ, Го́споди, сла́ва Тебѣ́! [Два́жды.]

Вся́кое дыха́ніе и вся́ тва́рь Тя́ сла́витъ, Го́споди, я́ко Кресто́мъ смерть упраздни́лъ еси́, да пока́жеши лю́демъ е́же изъ ме́ртвыхъ Твое́ Воскресе́ніе, я́ко еди́нъ Человѣколю́бецъ.

Му́чениченъ: За Христа́ пострада́вше да́же до сме́рти, о страстоте́рпцы му́ченицы! Ду́ши у́бо и́мате на небесѣ́хъ въ руцѣ́ Бо́жіи, и по всему́ мíру почита́ются мо́щи ва́ша; свяще́нницы и ца́ріе кла́няются, и лю́діе вси́ веселя́тся, и мы́ обы́чно вопіе́мъ: со́нъ честны́й предъ Го́сподемъ сме́рть преподо́бныхъ Его́.

Сла́ва, и ны́нѣ, гла́съ 1:

Мѵроно́сицы жены́, ко гро́бу что́ пріидо́сте? Что́ и́щете Жива́го въ ме́ртвыхъ? Воскре́се Госпо́дь, дерза́йте! — вопіе́тъ а́нгелъ.

На стихо́внѣ стихи́ры пра́здника, гла́съ 2. Подо́бенъ: Егда́ отъ Дре́ва.

Ра́дуются учени́цы Христо́вы, отъ а́нгела глаго́лы слы́шавша, отону́дуже Воскресе́ніе на́съ ра́ди въ ме́ртвыхъ Вмѣни́вшагося навыка́ютъ. Аще и пре́жде мѵроно́сицы гро́бу предста́ша, и рыда́юще о Христѣ́, ка́мень узрѣ́вше внеза́пу отвале́нъ, его́же недоумѣва́хуся преложе́нію.

Сти́хъ: Благоволи́лъ еси́, Го́споди, [зе́млю Твою́, возврати́лъ еси́ плѣ́нъ Іа́ковль].

Непрестаю́щую и боже́ственную ра́дость подаю́ща, боже́ственнымъ и свяще́ннымъ ученико́мъ яви́шася, учени́цы мѵроно́сицы Христо́вы, испо́лнивша повелѣ́ніе боже́ственнаго а́нгела. Его́же ужасо́шася бѣлоно́сныя оде́жды, глаго́люща: плѣне́нъ бы́сть а́дъ всеспаси́тельнымъ Воскресе́ніемъ на́съ ра́ди уме́ршаго Царя́.

Сти́хъ: Ми́лость и и́стина срѣто́стѣся, [пра́вда и ми́ръ облобыза́стася].

Струи́ отъ сле́знаго исто́чника, рыда́ніе испусти́вша, боже́ственныя Христо́вы учени́цы глаго́лы ра́достныя приноша́ютъ ны́нѣ самови́дцемъ благода́ти, возвѣща́юще си́мъ Сло́ва воста́ніе и я́же изъ гро́ба ра́дость. Тѣ́мже вмѣ́сто печа́ли, ше́дша, слы́шаху гла́съ пресла́вно, си́мъ е́же — ра́дуйтеся! — повелѣва́ющъ.

Сла́ва, и ны́нѣ, гла́съ 1:

Со стра́хомъ пріидо́ша жены́ на гро́бъ, арома́ты тѣ́ло Твое́ пома́зати тща́щіяся, и, сіе́ не обрѣ́тше, недоумѣва́хуся друга́ ко друзѣ́й, не вѣ́дуще Воскресе́нія. Но предста́ и́мъ а́нгелъ и рече́: воскре́се Христо́съ, да́руяй на́мъ ве́лію ми́лость!

Та́же тропари́. И отпу́стъ. И ча́съ 1-й.

Источникъ: Пентикоста́ріонъ, е́же е́сть Пятдеся́тница [Тріо́дь Цвѣтна́я]. — Кíевъ: Въ тѵпогра́фіи Кíево-Пече́рской Ла́вры, 1864. — Л. 68 – 69 об.

Назадъ / Къ оглавленію / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.