Церковный календарь
Новости


2017-07-26 / russportal
Свт. Кириллъ, архіеп. Іерусалимскій. Огласительное слово 13-е (1855)
2017-07-26 / russportal
Свт. Кириллъ, архіеп. Іерусалимскій. Огласительное слово 12-е (1855)
2017-07-25 / russportal
"Добротолюбіе". Объясненіе нѣкоторыхъ изреченій св. Антонія Великаго (1963)
2017-07-25 / russportal
"Добротолюбіе". Изреченія св. Антонія Великаго и сказанія о немъ (1963)
2017-07-24 / russportal
Cвт. Іоаннъ Шанхайскій. Слово при открытіи общества "Правосл. Дѣло" (1994)
2017-07-24 / russportal
Еп. Григорій (Граббе). Догматика о. Архимандрита Іустина (Поповича) (1964)
2017-07-23 / russportal
Свщмч. Кипріанъ Карѳагенскій. Письмо (48-е), увѣщаніе къ мученичеству (1879)
2017-07-23 / russportal
Свщмч. Кипріанъ Карѳагенскій. Письмо (47-е), противъ еретиковъ (1879)
2017-07-23 / russportal
Слова преп. Симеона Новаго Богослова. Слово 28-е (1882)
2017-07-23 / russportal
Слова преп. Симеона Новаго Богослова. Слово 27-е (1882)
2017-07-22 / russportal
А. И. Купринъ. «Разсказы для дѣтей». Фіалки (1921)
2017-07-22 / russportal
А. И. Купринъ. «Разсказы для дѣтей». Скворцы (1921)
2017-07-22 / russportal
А. С. Пушкинъ. "Повѣсти Бѣлкина". Барышня-крестьянка (1921)
2017-07-22 / russportal
А. С. Пушкинъ. "Повѣсти Бѣлкина". Станціонный смотритель (1921)
2017-07-22 / russportal
Преп. Епифаній Премудрый. Житіе преп. Сергія Радонежскаго. Глава 5-я (1903)
2017-07-22 / russportal
Преп. Епифаній Премудрый. Житіе преп. Сергія Радонежскаго. Глава 4-я (1903)
Новости въ видѣ
RSS-канала: .
Сегодня - четвергъ, 27 iюля 2017 г. Сейчасъ на порталѣ посѣтителей - 19.
Церковно-богослужебныя книги

ПЕНТИКОСТАРІОНЪ, ЕЖЕ ЕСТЬ ПЯТДЕСЯТНИЦА [ТРІОДЬ ЦВѢТНАЯ].
[Изданіе Кіево-Печерской Успенской Лавры. Кіевъ, 1864.]

СЛУЖБА ВЪ СУББОТУ ТРЕТІЯ СЕДМИЦЫ ПО ПАСЦѢ.

ВЪ ПЯТОКЪ ТРЕТІЯ СЕДМИЦЫ ВЕЧЕРА,
Обы́чная каѳи́сма. На Го́споди воззва́хъ: стихи́ры самогла́сны мѵроно́сицъ, гла́съ 2:

Мѵроно́сицы жены́, у́тру глубоку́, арома́ты взе́мша, Госпо́дня гро́ба достиго́ша, я́же не надѣ́яхуся обрѣ́тша, помышля́ху благоговѣ́юще ка́менному отвале́нію, и друга́ ко друзѣ́й глаго́лаху: гдѣ́ су́ть печа́ти гро́ба? гдѣ́ е́сть Пила́това кустодíя и опа́сное утверже́ніе? Бы́сть же возвѣсти́тель неразумѣва́ющимъ жена́мъ, блиста́яйся а́нгелъ, и глаго́ляй къ ни́мъ: что́ съ рыда́ніемъ и́щете Жива́го и Оживотвори́вшаго ро́дъ человѣ́ческій? Воста́ Христо́съ Бо́гъ на́шъ изъ ме́ртвыхъ, я́ко Всеси́ленъ, подая́й всѣ́мъ на́мъ нетлѣ́ніе и жи́знь, просвѣще́ніе и ве́лію ми́лость.

Почто́ мѵ́ра со слеза́ми, о учени́цы, растворя́ете? Ка́мень отвали́ся, гро́бъ истощи́ся; ви́дите тлю́ Живото́мъ попра́нную, печа́ти свидѣ́тельствующа я́вственно, спя́щія лю́тѣ стра́жники непокори́выхъ, сме́ртное спасе́ся пло́тію Бо́жіею, а́дъ рыда́етъ. Те́кша ра́достію рцы́те апо́столомъ: умертви́вый Христо́съ сме́рть, Перворожде́нъ изъ ме́ртвыхъ, ва́съ предваря́етъ въ Галиле́и.

Мѵроно́сицы ра́но бы́вша, и гро́бъ Тво́й со тща́ніемъ дости́гша, иска́ху Тебе́, Христе́, во е́же пома́зати Пречи́стое Тѣ́ло Твое́. И а́нгеловыми глаго́лы огласи́вшеся, радостотво́рныя о́бразы апо́столомъ проповѣ́даху, я́ко воскре́се Нача́льникъ спасе́нія на́шего, плѣни́вый сме́рть, мíрови же да́руяй живо́тъ вѣ́чный и ве́лію ми́лость.

И мине́и 3. Сла́ва, гла́съ 6:

Мѵроно́сицы жены́, гро́ба Твоего́ дости́гша, и печа́ти гро́бныя ви́дѣвша, не обрѣ́тша же Пречи́стаго Тѣ́ла Твоего́, рыда́юща со тща́ніемъ пріидо́ша, глаго́люща: кто́ укра́де на́ше упова́ніе? кто́ взя́тъ ме́ртва на́га сми́рною пома́зана, Ма́тери еди́но утѣше́ніе? О, ка́ко ме́ртвыя оживи́вый умертви́ся? а́дъ плѣни́вый, ка́ко погребе́ся? Но воскресни́, Спа́се, самовла́стно, я́коже ре́клъ еси́, тридне́венъ, спаса́яй ду́ши на́ша.

И ны́нѣ, богоро́диченъ, гла́съ 2: Пре́йде сѣ́нь зако́нная... (Ли́стъ 49). Та́же: Свѣ́те Ти́хій...

На стихо́внѣ настоя́щія стихи́ры воскре́сны, гла́съ 2:

Пре́жде вѣ́къ отъ Отца́ ро́ждшемуся Бо́жію Сло́ву, вопло́щшемуся отъ Дѣ́вы Марíи, пріиди́те, поклони́мся: крестъ бо претерпѣ́въ, погребе́нію предаде́ся, я́ко Са́мъ восхотѣ́, и воскре́съ изъ ме́ртвыхъ, спасе́ мя заблужда́ющаго человѣ́ка.

Сти́хъ: Госпо́дь воцари́ся, въ лѣ́поту облече́ся.

Христо́съ Спа́съ на́шъ, е́же на ны́ рукописа́ніе, пригвозди́въ на крестѣ́, загла́ди, и сме́рную держа́ву упраздни́; покланя́емся Его́ тридне́вному Воскресе́нію.

Сти́хъ: Ибо утверди́ вселе́нную, я́же не подви́жится.

Со арха́нгелы воспои́мъ Христо́во Воскресе́ніе: То́й бо е́сть Изба́витель и Спа́съ ду́шъ на́шихъ, и въ сла́вѣ стра́шнѣй и крѣ́пцѣй си́лѣ па́ки гряде́тъ суди́ти мíру, его́же созда́.

Сти́хъ: До́му Твоему́ подоба́етъ [святы́ня, Го́споди, въ долготу́ днíй].

Воскресе́ніе Твое́, Христе́ Спа́се, всю́ просвѣти́ вселе́нную, и призва́лъ еси́ Твое́ созда́ніе, Всеси́льне Го́споди, сла́ва Тебѣ́.

Сла́ва, и ны́нѣ, гла́съ 5:

Тебе́, одѣ́ющагося свѣ́томъ, я́ко ри́зою, сне́мъ Іо́сифъ съ Дре́ва съ Никоди́момъ и, ви́дѣвъ ме́ртва, на́га, непогребе́на, благосе́рдный пла́чь воспріи́мъ, рыда́я, глаго́лаше: увы́ мнѣ́, Сладча́йшій Іису́се! Его́же вма́лѣ со́лнце на Крестѣ́ ви́сима узрѣ́вшее мра́комъ облага́шеся, и земля́ стра́хомъ колеба́шеся, и раздира́шеся церко́вная завѣ́са, но се́ ны́нѣ ви́жду Тя́, мене́ ра́ди во́лею подъе́мша сме́рть. Ка́ко погребу́ Тя́, Бо́же мо́й, или́ ка́кою плащани́цею обвію́? Ко́има ли рука́ма прикосну́ся нетлѣ́нному Твоему́ Тѣ́лу? Или́ кíя пѣ́сни воспою́ Твоему́ исхо́ду, Ще́дре? Велича́ю Стра́сти Твоя́, пѣсносло́влю и погребе́ніе Твое́ со Воскресе́ніемъ, зовы́й: Го́споди, сла́ва Тебѣ́!

Ны́нѣ отпуща́еши... Трисвято́е. Тропа́рь: Благообра́зный Іо́сифъ... Сла́ва: Егда́ снизше́лъ еси́... И ны́нѣ: Мѵроно́сицамъ жена́мъ... Ектенія́ и отпу́стъ. Си́це слу́жба быва́етъ и во всѣ́хъ пятка́хъ 50-цы.



ВЪ СУББОТУ 3-Я СЕДМИЦЫ ПО ПАСЦѢ, НА УТРЕНИ,
На Бо́гъ Госпо́дь: Тропа́рь пра́здника, я́коже предуказа́ся.

По 1-мъ стихосло́віи сѣда́ленъ, гла́съ 2:

Ка́мень гро́бный запеча́тати не возбрани́въ, ка́мень вѣ́ры воскресы́й по́далъ еси́ всѣ́мъ, Го́споди, сла́ва Тебѣ́!

Сти́хъ: Воскресни́, Го́споди Бо́же мой, [да вознесе́тся рука́ Твоя́, не забу́ди убо́гихъ Твои́хъ до конца́].

Нѣ́дро пречи́стое въ вы́шнихъ не истощи́вый, погребе́ніе и Воскресе́ніе о всѣ́хъ прія́лъ еси́, Го́споди, сла́ва Тебѣ́!

Сла́ва, и ны́нѣ, богоро́диченъ:

Вся́, па́че смы́сла, вся́ пресла́вная Твоя́, Богоро́дице, та́инства, чистотѣ́ запеча́таннѣй и дѣ́вству храни́му, Ма́ти позна́лася еси́ нело́жна, Бо́га ро́ждши Истиннаго. Того́ моли́ спасти́ся душа́мъ на́шимъ.

По 2-мъ стихосло́віи сѣда́ленъ, гла́съ 2. Подо́бенъ: Мѵроно́сицамъ жена́мъ.

Ученико́въ Твои́хъ ли́къ съ мѵроно́сицами жена́ми ра́дуется согла́сно: о́бщій бо пра́здникъ съ ни́ми пра́зднуемъ въ сла́ву и че́сть Твоего́ Воскресе́нія, и тѣ́ми вопіе́мъ Ти́: Человѣколю́бче Го́споди, лю́демъ Твои́мъ пода́ждь ве́лію ми́лость.

Сла́ва, и ны́нѣ, то́йже.

Воскресе́ніе Христо́во... Псало́мъ 50-й. Кано́нъ пра́здника [недѣ́ли мѵроно́сицъ], со ирмосо́мъ, на 6 и свята́го хра́ма на 4 и мине́и свята́го на 4. Конда́къ и ексапостила́рій пра́здника.

На хвали́техъ поста́вимъ стихи́ 4 и пое́мъ настоя́щія стихи́ры, гла́съ 2:

Вся́кое дыха́ніе и вся́ тва́рь Тя́ сла́витъ, Го́споди, я́ко Кресто́мъ смерть упраздни́лъ еси́, да пока́жеши лю́демъ е́же изъ ме́ртвыхъ Твое́ Воскресе́ніе, я́ко еди́нъ Человѣколю́бецъ.

Да реку́тъ іуде́и, ка́ко во́ини погуби́ша стрегу́щіи Царя́? Почто́ бо ка́мень не сохрани́ Ка́меня жи́зни? Или́ Погребе́ннаго да дадя́тъ, или́ Воскре́сшему да покло́нятся, глаго́люще съ на́ми: сла́ва мно́жеству щедро́тъ Твои́хъ, Спа́се на́шъ, сла́ва Тебѣ́!

Ра́дуйтеся, лю́діе, и весели́теся, а́нгелъ сѣдя́й на ка́мени гро́бнѣмъ, то́й на́мъ благовѣсти́, ре́къ: Христо́съ воскре́се изъ ме́ртвыхъ, Спа́съ мíра, и испо́лни вся́ческая благоуха́нія. Ра́дуйтеся, лю́діе, и весели́теся!

Ангелъ у́бо е́же — ра́дуйся! — пре́жде Твоего́ зача́тія, Го́споди, Благода́тнѣй принесе́; а́нгелъ же ка́мень сла́внаго Твоего́ гро́ба въ Твое́ Воскресе́ніе отвали́. Овъ у́бо въ печа́ли мѣ́сто весе́лія о́бразы возвѣща́я; се́й же вмѣ́сто сме́рти Влады́ку Жизнода́вца проповѣ́дуя на́мъ. Тѣ́мже вопіе́мъ Ти́: Благодѣ́телю всѣ́хъ, Го́споди, сла́ва Тебѣ́!

Сла́ва, и ны́нѣ, гла́съ 1:

Пріидо́ша на гро́бъ Магдали́на и друга́я Марíя, и́щуще Го́спода, и а́нгела ви́дѣша, я́ко мо́лнію, сѣдя́ща на ка́мени и глаго́люща и́мъ: что́ и́щете Жива́го съ ме́ртвыми? Воскре́се, я́коже рече́. Въ Галиле́и Его́ обря́щете. Къ Нему́ же возопіи́мъ: воскресы́й изъ ме́ртвыхъ, Го́споди, сла́ва Тебѣ́!

На стихо́внѣ стихи́ры пра́здника, гла́съ 2. Самоподо́бны:

Егда́ отъ Дре́ва Тя́ ме́ртва Аримаѳе́й сня́тъ, всѣ́хъ Живота́, сми́рною и плащани́цею Тя́, Христе́, обви́тъ, и любо́вію подвиза́шеся, се́рдцемъ и устны́ Тѣ́ло Твое́ пречи́стое облобыза́ти. Оба́че одержи́мь стра́хомъ, ра́дуяся, вопія́ше Ти́: сла́ва снизхожде́нію Твоему́, Человѣколю́бче!

Сти́хъ: Благоволи́лъ еси́, Го́споди, зе́млю Твою́, [возврати́лъ еси́ плѣ́нъ Іа́ковль].

Егда́ во гро́бѣ но́вѣ за всѣ́хъ положи́лся еси́, Изба́вителю всѣ́хъ, а́дъ всесмѣхли́вый, ви́дѣвъ Тя́, ужасе́ся, вереи́ сокруши́шася, сломи́шася врата́, гро́би отверзо́шася, ме́ртвіи воста́ша. Тогда́ Ада́мъ, благода́рственно ра́дуяся, вопія́ше Тебѣ́: сла́ва снизхожде́нію Твоему́, Человѣколю́бче!

Сти́хъ: Ми́лость и и́стина срѣто́стѣся, [пра́вда и ми́ръ облобыза́стася].

Егда́ си́лы зря́ху Тя́, Христе́, я́ко преле́стника отъ беззако́нныхъ оклевета́ема, ужаса́хуся неизглаго́ланному долготерпѣ́нію Твоему́, и ка́мень гро́ба, рука́ми запеча́танный, и́миже Твоя́ нетлѣ́нная ре́бра прободо́ша. Оба́че, на́шему спасе́нію ра́дующеся, вопія́ху Ти́: сла́ва снизхожде́нію Твоему́, Человѣколю́бче!

Сла́ва, и ны́нѣ, гла́съ 6:

Проси́ Іо́сифъ тѣ́ло Іису́сово, и положи́ е́ въ но́вомъ свое́мъ гро́бѣ: подоба́ше бо Ему́ изъ гро́ба, я́ко отъ черто́га проити́. Сокруши́вый держа́ву сме́рти, и отве́рзый врата́ ра́йская человѣ́комъ, Го́споди, сла́ва Тебѣ́!

Та́же: Бла́го е́сть исповѣ́датися... И тропа́рь. Ча́съ 1-й и отпу́стъ.




НА ЛИТУРГІИ,

Блаже́нна, пѣ́снь 9-я, на 6. Проки́менъ и Аллилу́ія пра́здника. Апо́столъ Дѣя́ній, зача́ло 22: Па́велъ съ су́щими въ Дама́сцѣ... Ева́нгеліе Іоа́нна, зача́ло 52: Си́ заповѣ́даю ва́мъ...

Источникъ: Пентикоста́ріонъ, е́же е́сть Пятдеся́тница [Тріо́дь Цвѣтна́я]. — Кíевъ: Въ тѵпогра́фіи Кíево-Пече́рской Ла́вры, 1864. — Л. 69 об. – 72.

Назадъ / Къ оглавленію / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.