Церковный календарь
Новости


2017-06-28 / russportal
Манифестъ о милостяхъ по случаю бракосоч. Имп. Николая Александровича (1894)
2017-06-28 / russportal
Манифестъ о бракосоч. Имп. Николая II съ Вел. Кн. Александрой Ѳеодоровной (1894)
2017-06-28 / russportal
Прав. Іоаннъ Кронштадтскій. «Новыя грозныя слова». Слово 22-е (1908)
2017-06-28 / russportal
Прав. Іоаннъ Кронштадтскій. «Новыя грозныя слова». Слово 21-е (1908)
2017-06-27 / russportal
П. Н. Красновъ. "Павлоны". Часть 1-я. Глава 12-я (1943)
2017-06-27 / russportal
П. Н. Красновъ. "Павлоны". Часть 1-я. Глава 11-я (1943)
2017-06-27 / russportal
"Книга Русской Скорби". Выпускъ 1-й: Вел. Кн. Сергій Александровичъ (1908)
2017-06-27 / russportal
"Книга Русской Скорби". Выпускъ 1-й: Государь Имп. Александръ II (1908)
2017-06-27 / russportal
Высочайшій Манифестъ о введеніи всеобщей воинской повинности (1874)
2017-06-27 / russportal
Высочайшій Манифестъ о прекращеніи Восточной (Крымской) войны (1856)
2017-06-27 / russportal
Преп. Ефремъ Сиринъ. На слова: "вонми себѣ", 12 главъ (1895)
2017-06-27 / russportal
Преп. Ефремъ Сиринъ. О добродѣтели, 10 главъ (1895)
2017-06-26 / russportal
Осн. Положенія о порядкѣ изд. законовъ, относ. до Имперіи со вкл. Вел. Кн. Финляндскаго (1899)
2017-06-26 / russportal
Манифестъ о порядкѣ изд. законовъ, относ. до Имперіи со вкл. Вел. Кн. Финляндскаго (1899)
2017-06-26 / russportal
Н. Д. Тальбергъ. "Исторія Русской Церкви". Сост. религ. образованія народа (1959)
2017-06-26 / russportal
Н. Д. Тальбергъ. "Исторія Русской Церкви". Императ. Палестинское общество (1959)
Новости въ видѣ
RSS-канала: .
Сегодня - четвергъ, 29 iюня 2017 г. Сейчасъ на порталѣ посѣтителей - 24.
Церковно-богослужебныя книги

ПЕНТИКОСТАРІОНЪ, ЕЖЕ ЕСТЬ ПЯТДЕСЯТНИЦА [ТРІОДЬ ЦВѢТНАЯ].
[Изданіе Кіево-Печерской Успенской Лавры. Кіевъ, 1864.]

СЛУЖБА ВЪ СРЕДУ ПЯТЫЯ СЕДМИЦЫ ПО ПАСЦѢ.
(ОТДАНІЕ ПРАЗДНИКА ПРЕПОЛОВЕНІЯ).

ВО ВТОРНИКЪ ПЯТЫЯ СЕДМИЦЫ ПО ПАСЦѢ ВЕЧЕРА,

Поста́вимъ стихо́въ 6 и пое́мъ стихи́ры преполове́нію 3, повторя́юще я́, гла́съ 4. Подо́бенъ: Го́споди, возше́дъ на Кре́стъ.

Наста́ преполове́ніе дне́й отъ спаси́тельнаго начина́емыхъ Воста́нія, Пятдеся́тницею же Боже́ственною печа́таемое, и свѣ́тится, свѣ́тлости обою́ду иму́щее, и соединя́ющее обоя́, и пріити́ сла́вѣ предъявля́ющее, Влады́чняго Вознесе́нія предпочита́етъ. [Два́жды.]

Слы́ша и возвесели́ся Сіо́нъ, благовѣсти́вшуся Христо́ву Воскресе́нію; вѣ́рніи же его́ сы́нове возра́довашася, сего́ ви́дѣвше, и омыва́юща Ду́хомъ скве́рну христоубíйства; гото́вится торжеству́ющи обои́хъ весе́лое преполове́ніе. [Два́жды.]

Прибли́жися Боже́ственнаго изоби́льное изли́тіе на всѣ́хъ, я́коже написа́ся, Ду́ха: предузаконе́ніе проповѣ́дуетъ преполови́вшееся по Христо́вѣ сме́рти и погребе́ніи и Воскресе́ніи, отъ Него́ да́нну су́щу ученико́мъ нело́жному обѣща́нію, Утѣ́шителево показу́ющу явле́ніе. [Два́жды.]

Сла́ва, и ны́нѣ, гла́съ 6:

Пра́зднику преполовля́ющуся Твоего́, Христе́, Воскресе́нія и Боже́ственнаго прише́ствія Свята́го Твоего́ Ду́ха, сше́дшеся, чуде́съ Твои́хъ воспѣва́емъ та́инства, въ о́ньже низпосли́ на́мъ ве́лію ми́лость.

На стихо́внѣ самогла́сны, гла́съ 1:

Пятдеся́тницы наста́ дне́й преполове́ніе, въ не́мже Христо́съ, обнажи́въ малови́дно Боже́ственную си́лу, разсла́бленнаго стягну́ сло́вомъ, того́ отъ одра́ возста́вивъ, и боголѣ́пно чудотворя́ въ зда́нномъ тѣ́лѣ, человѣ́комъ дарова́ вѣ́чный живо́тъ и ве́лію ми́лость.

Сти́хъ: Помяни́ со́нмъ Тво́й, его́же стяжа́лъ еси́ испе́рва.

Во святи́лище прише́лъ еси́, Прему́дросте Бо́жія, преполовля́ющуся пра́зднику, уча́ и облича́я непокори́выя іуде́и, фарисе́и и кни́жники, и вопія́ со дерзнове́ніемъ къ ни́мъ: жа́ждай да гряде́тъ ко Мнѣ́ и піе́тъ во́ду живо́тную, и не вжа́ждетъ во вѣ́къ; вѣ́руяй Мое́й бла́гости, рѣ́ки потеку́тъ изъ чре́ва его́ жи́зни вѣ́чныя. О, бла́гости и благоутро́бія Твоего́, Христе́ Бо́же на́шъ, сла́ва Тебѣ́!

Сти́хъ: Бо́гъ же, Ца́рь на́шъ, пре́жде вѣ́къ, [содѣ́ла спасе́ніе посредѣ́ земли́].

Гла́съ 2: Егда́ преполове́ніе пра́здника наста́, взы́де Іису́съ во святи́лище, и уча́ше непокори́выя іуде́и, глаго́ля: жа́ждай да гряде́тъ ко Мнѣ́ и піе́тъ во́ду живо́тную, вѣ́чную, и не вжа́ждется во вѣ́къ; вѣ́руяй въ Мя́, рѣ́ки потеку́тъ изъ чре́ва его́, и имѣ́ти бу́детъ свѣ́тъ живо́тный.

Сла́ва, и ны́нѣ, гла́съ 8:

Преполови́вшуся пра́зднику, уча́щу Ти́, Спа́се, глаго́лаху іуде́е: ка́ко Се́й вѣ́сть пи́смена, не учи́вся? Не разумѣ́юще, я́ко Ты́ еси́ Прему́дрость, устро́ившая мíръ, сла́ва Тебѣ́.

Та́же, тропа́рь отпусти́тельный: Преполови́вшуся пра́зднику... [то́йже и на Бо́гъ Госпо́дь...].




НА УТРЕНИ,

По 1-мъ и по 2-мъ стихосло́віи, сѣда́льны пра́здника. Воскресе́ніе Христо́во... Псало́мъ 50-й. И кано́ны 4-го гла́са, со ирмосо́мъ, на 8 и осма́го гла́са на 6. Конда́къ, и и́косъ, и ексапостила́рій пра́здника [ищи́ все́ сіе́ въ слу́жбѣ преполове́нія].

На хвали́техъ: Вся́кое дыха́ніе... поста́вимъ стихи́ 4:

Прему́дрость, и Си́ла, Отчее Сія́ніе, Сло́во Присносу́щное и Сы́нъ Бо́жій, во святи́лище пріи́де пло́тію и уча́ше іуде́йскія лю́ди, жесто́кія и неблагода́рныя, и удивля́хуся прему́дрости бога́тству, вопію́ще: отку́ду вѣ́сть пи́смена, ни отъ кого́же учи́вся? [Два́жды.]

Кни́жникомъ затыка́ше уста́, іуде́и облича́ше Мессíя Госпо́дь, вопія́ къ ни́мъ: не на лице́, законопресту́пницы, я́ко непра́ведніи, суди́те, въ суббо́ту бо Азъ разсла́бленнаго воздви́гнухъ. Тѣ́мже Госпо́дь суббо́ты е́смь и зако́на, что́ и́щете Мене́ уби́ти, уме́ршія Воздви́гшаго?

Навуѳíя ка́меніемъ поби́ша, лю́тіи и законопресту́пніи, іуде́йское собра́ніе неблагода́рное, Иса́ію же пило́ю древя́ною растро́ша, въ ка́лъ му́драго Іеремíю вверго́ша, Го́спода же на Кре́стъ возне́сше, взыва́ху: хра́мъ Разоря́яй, спаси́ Себе́, и увѣ́руемъ.

Сла́ва, и ны́нѣ, гла́съ 4:

Просвѣти́вшеся, бра́тіе, Воскресе́ніемъ Спа́са Христа́ и дости́гше преполове́нія пра́здника Влады́чня, пріи́скренно сохрани́мъ за́повѣди Бо́жія, да досто́йни бу́демъ и Вознесе́ніе пра́здновати и прише́ствіе получи́ти Свята́го Ду́ха.

Славосло́віе вели́кое. И отпу́стъ.




НА ЛИТУРГІИ,

Блаже́нна обои́хъ кано́новъ, пѣ́снь 9-я. Проки́менъ и Аллилу́ія пра́здника, Апо́столъ и Ева́нгеліе дне́. Прича́стный: Яды́й Мою́ Пло́ть и пія́й Мою́ Кро́вь, во Мнѣ́ пребыва́етъ и Азъ въ не́мъ, рече́ Госпо́дь. И отдае́тся пра́здникъ. Слу́жба мине́и пое́тся на повече́ріи.

Источникъ: Пентикоста́ріонъ, е́же е́сть Пятдеся́тница [Тріо́дь Цвѣтна́я]. — Кíевъ: Въ тѵпогра́фіи Кíево-Пече́рской Ла́вры, 1864. — Л. 118 – 119.

Назадъ / Къ оглавленію / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.