Церковный календарь
Новости


2017-06-28 / russportal
Манифестъ о милостяхъ по случаю бракосоч. Имп. Николая Александровича (1894)
2017-06-28 / russportal
Манифестъ о бракосоч. Имп. Николая II съ Вел. Кн. Александрой Ѳеодоровной (1894)
2017-06-28 / russportal
Прав. Іоаннъ Кронштадтскій. «Новыя грозныя слова». Слово 22-е (1908)
2017-06-28 / russportal
Прав. Іоаннъ Кронштадтскій. «Новыя грозныя слова». Слово 21-е (1908)
2017-06-27 / russportal
П. Н. Красновъ. "Павлоны". Часть 1-я. Глава 12-я (1943)
2017-06-27 / russportal
П. Н. Красновъ. "Павлоны". Часть 1-я. Глава 11-я (1943)
2017-06-27 / russportal
"Книга Русской Скорби". Выпускъ 1-й: Вел. Кн. Сергій Александровичъ (1908)
2017-06-27 / russportal
"Книга Русской Скорби". Выпускъ 1-й: Государь Имп. Александръ II (1908)
2017-06-27 / russportal
Высочайшій Манифестъ о введеніи всеобщей воинской повинности (1874)
2017-06-27 / russportal
Высочайшій Манифестъ о прекращеніи Восточной (Крымской) войны (1856)
2017-06-27 / russportal
Преп. Ефремъ Сиринъ. На слова: "вонми себѣ", 12 главъ (1895)
2017-06-27 / russportal
Преп. Ефремъ Сиринъ. О добродѣтели, 10 главъ (1895)
2017-06-26 / russportal
Осн. Положенія о порядкѣ изд. законовъ, относ. до Имперіи со вкл. Вел. Кн. Финляндскаго (1899)
2017-06-26 / russportal
Манифестъ о порядкѣ изд. законовъ, относ. до Имперіи со вкл. Вел. Кн. Финляндскаго (1899)
2017-06-26 / russportal
Н. Д. Тальбергъ. "Исторія Русской Церкви". Сост. религ. образованія народа (1959)
2017-06-26 / russportal
Н. Д. Тальбергъ. "Исторія Русской Церкви". Императ. Палестинское общество (1959)
Новости въ видѣ
RSS-канала: .
Сегодня - четвергъ, 29 iюня 2017 г. Сейчасъ на порталѣ посѣтителей - 25.
Церковно-богослужебныя книги

ПЕНТИКОСТАРІОНЪ, ЕЖЕ ЕСТЬ ПЯТДЕСЯТНИЦА [ТРІОДЬ ЦВѢТНАЯ].
[Изданіе Кіево-Печерской Успенской Лавры. Кіевъ, 1864.]

СЛУЖБА ВЪ ПЯТОКЪ ПЯТЫЯ СЕДМИЦЫ ПО ПАСЦѢ.

ВЪ ЧЕТВЕРТОКЪ ВЕЧЕРА,

На Го́споди воззва́хъ... стихи́ры подо́бны, гла́съ 4. Подо́бенъ: Го́споди, возше́дъ на Кре́стъ.

Ви́дите, Его́же преднаписа́ Моисе́й, Іису́са Мессíю, въ зако́нѣ пріити́, на земли́ я́вльшася благоутро́бія ра́ди и мнѣ́ бесѣ́довавша, я́ко Человѣ́ка, на кла́дязѣ. Вои́стинну Се́й е́сть Христо́съ, въ мíръ гряды́й! — су́щимъ въ Сиха́рѣ самаряны́ня яви́ся, глаго́лющи.

Отъ сла́дкихъ у́стъ жены́ во́ду піе́мую, сла́дкую истека́ющую, су́щіи во гра́дѣ пію́ще, и ко Кла́дязю, источа́ющему оби́ліе воды́, потща́хуся тещи́ ско́ро и Исто́чникъ ви́дѣти Приснотеку́щій, иста́явшія ду́ши возпрохлажда́ющій.

Сообра́зный ви́дяще Исто́чникъ и единови́дный человѣ́ческаго составле́нія, женѣ́ вопія́ху во гра́дѣ су́щіи: не ктому́ твоея́ ра́ди бесѣ́ды мы́ вѣ́ровахомъ, вои́стинну позна́вше, я́ко То́й е́сть Избавле́ніе и Спасе́ніе мíру вѣ́чное.

Сла́ва, и ны́нѣ, гла́съ 6:

При студенцѣ́ Іа́ковли обрѣ́тъ Іису́съ самаряны́ню, про́ситъ во́ду отъ нея́, облака́ми Покрыва́яй зе́млю. О, чудесе́! Иже херуви́мы Носи́мый, блудни́цѣ женѣ́ бесѣ́доваше; воды́ прося́, Иже на вода́хъ зе́млю Повѣ́сивый; воды́ искíй, Иже исто́чники и езе́ра во́дъ Излива́яй, хотя́ привлещи́ сію́ вои́стинну, уловля́ему отъ сопоста́та врага́, и напои́ти ю́ водо́ю живо́ю, пали́мую въ безмѣ́стіихъ лю́тѣ, я́ко еди́нъ Благоутро́бный и Человѣколю́бецъ.

На стихо́внѣ стихи́ра кре́стная, гла́съ 4:

Всегда́ иму́ще, Христе́, Кре́стъ Тво́й на по́мощь, сѣ́ти вра́жія удо́бь попира́емъ.

Сти́хъ: Къ Тебѣ́ возведо́хъ о́чи мо́и, [Живу́щему на небеси́. Се́ я́ко о́чи ра́бъ въ руку́ госпо́дій свои́хъ, я́ко о́чи рабы́ни въ руку́ госпожи́ своея́, та́ко о́чи на́ши ко Го́споду Бо́гу на́шему, до́ндеже уще́дритъ ны́].

Воскре́сна: Го́споди, восше́дъ на Кре́стъ, пра́дѣднюю на́шу кля́тву потреби́лъ еси́ и, соше́дъ во а́дъ, я́же отъ вѣ́ка у́зники свободи́лъ еси́, нетлѣ́ніе да́руя человѣ́ческому ро́ду. Сего́ ра́ди пою́ще, сла́вимъ животворя́щее и спаси́тельное Твое́ Воста́ніе.

Сти́хъ: Поми́луй на́съ, Го́споди, поми́луй на́съ, [я́ко по мно́гу испо́лнихомся уничиже́нія, наипа́че напо́лнися душа́ на́ша поноше́нія гобзу́ющихъ и уничиже́нія го́рдыхъ].

Му́чениченъ: Же́ртвы одушевле́нныя, всесожже́нія слове́сная, му́ченицы Госпо́дни, заколе́нія соверше́нна Бо́жія, Бо́га зна́ющая и Бо́гомъ зна́емая овча́та, и́хже огра́да волко́мъ невхо́дна, моли́теся и на́мъ упасе́нымъ бы́ти съ ва́ми на водѣ́ упокое́нія.

Сла́ва, и ны́нѣ, гла́съ 6:

Та́ко глаго́летъ Госпо́дь самаряны́ни: а́ще бы еси́ вѣ́дала да́ръ Бо́жій, и Кто́ е́сть глаго́ляй тебѣ́, да́ждь Ми́ воды́ пи́ти, ты́ бы проси́ла у Него́, и да́лъ бы ти́ пи́ти, да не вжа́ждешися во вѣ́ки, — глаго́летъ Госпо́дь.



ВЪ ПЯТОКЪ НА УТРЕНИ,

По 1-мъ стихосло́віи сѣда́ленъ осмогла́сника, гла́съ 4. Подо́бенъ: Ско́ро предвари́.

На Крестѣ́ Тя́ пригвозди́ша іуде́и, Спа́се, и́мже отъ язы́ковъ на́съ воззва́лъ еси́, Христе́ Бо́же на́шъ, просте́рлъ еси́ дла́ни на не́мъ во́лею, копіе́мъ же въ ре́бра Твоя́ изво́лилъ еси́ пробости́ся. Мно́жеству щедро́тъ Твои́хъ сла́ва, Человѣколю́бче!

Сти́хъ: Ди́венъ Бо́гъ во святы́хъ Свои́хъ, Бо́гъ Изра́илевъ.

Му́чениченъ: Му́ченицы Твои́, Го́споди, во страда́ніихъ свои́хъ вѣнцы́ прія́ша нетлѣ́нныя отъ Тебе́, Бо́га на́шего: иму́ще бо крѣ́пость Твою́, мучи́телей низложи́ша, сокруши́ша и де́моновъ немощны́я де́рзости. Тѣ́хъ моли́твами спаси́ ду́ши на́ша.

Сла́ва, и ны́нѣ, крестобогоро́диченъ:

На Крестѣ́ Тя́ возвыша́ема я́ко узрѣ́ Пречи́стая Ма́ти Твоя́, Сло́ве Бо́жій, ма́терски рыда́ющи, вѣща́ше: что́ но́вое и стра́нное сіе́ чу́до, Сы́не Мо́й? Ка́ко, Жи́воте всѣ́хъ, вкуша́еши сме́рть, оживи́ти уме́ршія хотя́, я́ко Благоутро́бенъ?

По 2-мъ стихосло́віи сѣда́ленъ пра́здника, гла́съ 4. Подо́бенъ: Ско́ро предвари́.

Отъ кла́дязя воды́ земна́го и тлѣ́ннаго, прише́дши обы́чно самаряны́ня почерпсти́, живу́ю во́ду почерпе́: та́ко обрѣ́тши Исто́чникъ сѣдя́щій, идѣ́же исто́чникъ и кла́дязь Іа́ковъ ископа́, мíра пламенопита́тельныя зно́емъ напая́ющій. [Два́жды.]

Воскресеніе Христово... Псаломъ 50-й. Канонъ самаряны́ни, со ирмосомъ, на 8 и минеи на 4.

На хвали́техъ стихи́ры осмогла́сника, гла́съ 4:

Да́лъ еси́ зна́меніе боя́щимся Тебе́, Го́споди, Кре́стъ Тво́й честны́й, и́мже побѣди́лъ еси́ нача́ла тмы́ и вла́сти, и возве́лъ еси́ на́съ на дре́внее блаже́нство. Тѣ́мже Твое́ человѣколю́бное смотре́ніе сла́вимъ, Іису́се Всеси́льне, Спа́се ду́шъ на́шихъ. [Два́жды.]

Кресто́мъ Твои́мъ, Христе́ Спа́се, наста́ви на́съ на и́стину Твою́ и изба́ви ны́ отъ сѣ́тей вра́жіихъ, Воскресы́й изъ ме́ртвыхъ, возста́ви ны́, па́дшія грѣхо́мъ, просте́ръ ру́ку Твою́, Человѣколю́бче Го́споди, моли́твами святы́хъ Твои́хъ.

Му́чениченъ: Честна́ сме́рть святы́хъ Твои́хъ, Го́споди: меча́ми бо, и огне́мъ, и сту́денію сокруша́еми, излія́ша кро́вь свою́, наде́жду иму́ще на Тя́ воспрія́ти трудо́въ мзду́, претерпѣ́ша и прія́ша отъ Тебе́, Спа́се, ве́лію ми́лость.

Сла́ва, и ны́нѣ, гла́съ 6:

Исто́чникъ живонача́лія — Іису́съ Спа́съ на́шъ, ко исто́чнику прише́дъ патріа́рха Іа́кова, пи́ти проша́ше воды́ отъ жены́ самаряны́ни. Се́й же непріобщи́тельное іуде́омъ прире́кшей, му́дрый Зижди́тель приво́дитъ ю́ сла́дкими глаго́лы, па́че къ проше́нію присноживо́тныя воды́, ю́же и пріи́мши, всѣ́мъ проповѣ́да, ре́кши: пріиди́те, ви́дите та́йныхъ Вѣ́дца и Бо́га, прише́дшаго пло́тію, за е́же спасти́ человѣ́ка.

На стихо́внѣ стихи́ры, гла́съ 4. Подо́бенъ: Яко до́бля.

Съ почерпа́ломъ почерпсти́ прише́дши ко кла́дязю, почерпа́ло безъ воды́ оста́вивши, еди́на ко гра́ду востече́, Исто́чникъ Животеку́щій, вопію́щи, обрѣсти́, самаряны́ни, Незави́стный. Отону́дуже почерпе́ спаси́тельную во́ду и се́ю прохлади́ се́рдце, иста́явшее страстьми́.

Сти́хъ: Наляцы́, и успѣва́й, и ца́рствуй, и́стины ра́ди, и кро́тости, и пра́вды.

Вои́стинну рекла́ еси́, — рече́ Спа́съ самаряны́ни, — я́ко не и́маши дне́сь му́жа зако́нна: пя́ть бо имѣ́ла еси́ пе́рвѣе, и ны́нѣ, его́же стяжа́ла еси́, нѣ́сть тво́й му́жъ, но зако́на чу́ждь. — Яже и потща́вшися, су́щимъ во гра́дѣ вопія́ше: ви́дѣхъ Человѣ́ка, Иже изрече́ ми́ вся́, ели́ка вта́йнѣ сотвори́хъ.

Сти́хъ: Возлюби́лъ еси́ пра́вду и возненави́дѣлъ еси́ беззако́ніе.

Струю́ ину́ю, животеку́щую, отъ Небе́снаго Кла́дязя самаряны́ня почерпе́, на кла́дязѣ обрѣ́тши сію́ излива́ему, изъ него́же тлѣ́нную имя́ше по обы́чаю почерпсти́ во́ду, ину́ю, земну́ю. Но ина́я, входя́щая въ се́рдце ея́, показа́ся, а́ки исто́чникъ ины́й, но́вый, страсте́й ороша́ющій распале́ніе.

Сла́ва, и ны́нѣ, гла́съ 8:

Егда́ яви́лся еси́ во пло́ти, Христе́ Бо́же, за неизрече́нное смотре́ніе, слы́шавши самаряны́ня сло́во Тебе́, Человѣколю́бца, оста́ви почерпа́ло у студенца́ и тече́, глаго́лющи су́щимъ во гра́дѣ: пріиди́те, ви́дите Сердцевѣ́дца, еда́ Се́й е́сть ча́емый Христо́съ, имѣ́яй ве́лію ми́лость?

Источникъ: Пентикоста́ріонъ, е́же е́сть Пятдеся́тница [Тріо́дь Цвѣтна́я]. — Кíевъ: Въ тѵпогра́фіи Кíево-Пече́рской Ла́вры, 1864. — Л. 121 об. – 123.

Назадъ / Къ оглавленію / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.