Церковный календарь
Новости


2017-12-15 / russportal
П. Н. Красновъ. Повѣсть "Въ манчжурской глуши". Глава 23-я (1904)
2017-12-15 / russportal
П. Н. Красновъ. Повѣсть "Въ манчжурской глуши". Глава 22-я (1904)
2017-12-15 / russportal
П. Н. Красновъ. Повѣсть "Въ манчжурской глуши". Глава 21-я (1904)
2017-12-15 / russportal
Дѣянія 2-го Всезарубежн. Собора РПЦЗ. Протоколъ №2 (2/15 августа 1938 г.)
2017-12-15 / russportal
Дѣянія 2-го Всезарубежн. Собора РПЦЗ. Протоколъ №1 (1/14 августа 1938 г.)
2017-12-14 / russportal
П. Н. Красновъ. Повѣсть "Въ манчжурской глуши". Глава 20-я (1904)
2017-12-14 / russportal
П. Н. Красновъ. Повѣсть "Въ манчжурской глуши". Глава 19-я (1904)
2017-12-14 / russportal
П. Н. Красновъ. Повѣсть "Въ манчжурской глуши". Глава 18-я (1904)
2017-12-14 / russportal
П. Н. Красновъ. Повѣсть "Въ манчжурской глуши". Глава 17-я (1904)
2017-12-14 / russportal
П. Н. Красновъ. Повѣсть "Въ манчжурской глуши". Глава 16-я (1904)
2017-12-14 / russportal
П. Н. Красновъ. Повѣсть "Въ манчжурской глуши". Глава 15-я (1904)
2017-12-14 / russportal
Архіеп. Аверкій. Чего мы еще не потеряли и что должны хранить? (1975)
2017-12-14 / russportal
"Церковныя Вѣдомости" № 16-17. (1/14-15/28 ноября) 1922 года
2017-12-13 / russportal
П. Н. Красновъ. Повѣсть "Въ манчжурской глуши". Глава 14-я (1904)
2017-12-13 / russportal
П. Н. Красновъ. Повѣсть "Въ манчжурской глуши". Глава 13-я (1904)
2017-12-13 / russportal
П. Н. Красновъ. Повѣсть "Въ манчжурской глуши". Глава 12-я (1904)
Новости въ видѣ
RSS-канала: .
Сегодня - пятница, 15 декабря 2017 г. Сейчасъ на порталѣ посѣтителей - 21.
Церковно-богослужебныя книги

ПЕНТИКОСТАРІОНЪ, ЕЖЕ ЕСТЬ ПЯТДЕСЯТНИЦА [ТРІОДЬ ЦВѢТНАЯ].
[Изданіе Кіево-Печерской Успенской Лавры. Кіевъ, 1864.]

СЛУЖБА ВЪ СУББОТУ ПЯТЫЯ СЕДМИЦЫ ПО ПАСЦѢ.

ВЪ ПЯТОКЪ ВЕЧЕРА,

На Го́споди воззва́хъ... поста́вимъ стихо́въ 6, и пое́мъ стихи́ры самаряны́ни три́ и мине́и три́.

[Стихи́ры самаряны́ни], гла́съ 1:

На исто́чникъ прише́лъ еси́, Исто́чниче чуде́съ, въ шесты́й ча́съ, Евинъ улови́ти пло́дъ: Ева бо въ то́й изы́де изъ рая́ пре́лестію змíевою. Прибли́жибося самаряны́ня почерпсти́ во́ду, ю́же ви́дѣвъ, рече́ Спа́съ: да́ждь Ми́ во́ду пи́ти, и Азъ воды́ теку́щія насыщу́ тя́. И во гра́дъ те́кши цѣлому́дренная, наро́домъ возвести́ а́біе: пріиди́те, ви́дите Христа́ Го́спода, Спа́са ду́шъ на́шихъ.

Гла́съ 2:

На студене́цъ я́ко пріи́де Госпо́дь, самаряны́ня моля́ше Благоутро́бнаго: пода́ждь ми́ во́ду вѣ́ры, и пріиму́ купѣ́льныя воды́ ра́дованіе и избавле́ніе. Животода́вче Го́споди, сла́ва Тебѣ́!

Собезнача́льный и Соприсносу́щный Сы́нъ и Сло́во Отчее на исто́чникъ пріи́де, Исто́чникъ исцѣле́ній, и жена́ отъ Самарíи пріи́де почерпсти́ во́ду, ю́же ви́дѣвъ, рече́ Спа́съ: да́ждь Ми́ во́ду пи́ти, и ше́дши пригласи́ твоего́ му́жа. Она́ же, я́ко человѣ́ку глаго́лющи, а не Бо́гу, утаи́ти тща́щися, глаго́лаше: не и́мамъ му́жа. И Учи́тель къ не́й: и́стину рекла́ еси́, не и́мамъ му́жа: пя́ть бо имѣ́ла еси́, и ны́нѣ, его́же и́маши, нѣ́сть тво́й му́жъ. Она́ же о глаго́лѣ удиви́вшися и во гра́дъ те́кши, наро́домъ вопія́ше, глаго́лющи: пріиди́те, ви́дите Христа́, Иже да́руетъ мíрови ве́лію ми́лость.

Сла́ва, гла́съ 6:

При студенцѣ́ Іа́ковли обрѣ́тъ Іису́съ самаряны́ню, про́ситъ воды́ отъ нея́, облака́ми Покрыва́яй зе́млю. О, чудесе́! Иже херуви́мы Носи́мый, блудни́цѣ женѣ́ бесѣ́доваше; воды́ прося́, Иже на вода́хъ зе́млю Повѣ́сивый; воды́ искíй, Иже исто́чники и езе́ра во́дъ Излива́яй, хотя́ привлещи́ сію́ вои́стинну, уловля́ему отъ сопоста́та врага́, и напои́ти ю́ водо́ю живо́ю, пали́мую въ безмѣ́стіихъ лю́тѣ, я́ко еди́нъ Благоутро́бный и Человѣколю́бецъ.

И ны́нѣ, богоро́диченъ, гла́съ 4:

Иже Тебе́ ра́ди богооте́цъ проро́къ Дави́дъ пѣ́сненно о Тебѣ́ провозгласи́, вели́чія тебѣ́ Сотво́ршему: предста́ Цари́ца одесну́ю Тебе́. Тя́ бо Ма́терь, Хода́таицу живота́ показа́, безъ отца́ изъ Тебе́ вочеловѣ́читися благоволи́вый Бо́гъ, да Сво́й па́ки обнови́тъ о́бразъ, истлѣ́вшій страстьми́, и заблу́ждшее горохи́щное обрѣ́тъ овча́, на ра́мо воспріи́мъ, къ Отцу́ принесе́тъ, и Своему́ хотѣ́нію, съ небе́сными совокупи́тъ си́лами, и спасе́тъ, Богоро́дице, мíръ, Христо́съ имѣ́яй ве́лію и бога́тую ми́лость.

На стихо́внѣ стихи́ры воскре́сны осмогла́сника, гла́съ 4:

Животворя́щему Твоему́ Кресту́ непреста́нно кла́няющеся, Христе́ Бо́же, тридне́вное Воскресе́ніе Твое́ сла́вимъ: тѣ́мъ бо обнови́лъ еси́ истлѣ́вшее человѣ́ческое естество́, Всеси́льне, и и́же на небеса́ восхо́дъ обнови́лъ еси́ на́мъ, я́ко еди́нъ Бла́гъ и Человѣколю́бецъ.

Сти́хъ: Госпо́дь воцари́ся, въ лѣ́поту облече́ся.

Дре́ва преслуша́нія запреще́ніе разрѣши́лъ еси́, Спа́се, на Дре́вѣ Кре́стнѣмъ во́лею пригвозди́вся и, во а́дъ соше́дъ, Си́льне, сме́ртныя у́зы, я́ко Бо́гъ, растерза́лъ еси́. Тѣ́мже кла́няемся, е́же изъ ме́ртвыхъ, Твоему́ Воскресе́нію, ра́достію вопію́ще: Всеси́льне Го́споди, сла́ва Тебѣ́!

Сти́хъ: Ибо утверди́ вселе́нную, [я́же не подви́жится].

Врата́ а́дова сокруши́лъ еси́, Го́споди, и Твое́ю сме́ртію сме́ртное ца́рство разруши́лъ еси́, ро́дъ же человѣ́ческій отъ тлѣ́нія свободи́лъ еси́, живо́тъ и нетлѣ́ніе мíру дарова́въ и ве́лію ми́лость.

Сти́хъ: До́му Твоему́ подоба́етъ святы́ня, [Го́споди, въ долготу́ днíй].

Го́споди, восше́дъ на Кре́стъ, пра́дѣднюю на́шу кля́тву потреби́лъ еси́ и, соше́дъ во а́дъ, я́же отъ вѣ́ка у́зники свободи́лъ еси́, нетлѣ́ніе да́руя человѣ́ческому ро́ду. Сего́ ра́ди пою́ще, сла́вимъ животворя́щее и спаси́тельное Твое́ Воста́ніе.

Сла́ва, и ны́нѣ, гла́съ 8:

Егда́ яви́лся еси́ во пло́ти, Христе́ Бо́же, за неизрече́нное смотре́ніе, слы́шавши самаряны́ня сло́во Тебе́, Человѣколю́бца, оста́ви почерпа́ло у студенца́ и тече́, глаго́лющи су́щимъ во гра́дѣ: пріиди́те, ви́дите Сердцевѣ́дца, еда́ Се́й е́сть ча́емый Христо́съ, имѣ́яй ве́лію ми́лость?



ВЪ СУББОТУ НА УТРЕНИ,

По 1-мъ стихосло́віи сѣда́ленъ воскре́сенъ, гла́съ 4:

Воззрѣ́вше на гро́бный вхо́дъ, и пла́мене а́нгельскаго не терпя́ще мѵроно́сицы, съ тре́петомъ дивля́хуся, глаго́люще: еда́ укра́деся Отве́рзый разбо́йнику ра́й? еда́ ли воста́ Иже и пре́жде стра́сти Проповѣ́давый воста́ніе? Вои́стинну воскре́се Христо́съ, сущи́мъ во а́дѣ подая́ живо́тъ и воскресе́ніе! [Два́жды.]

Сла́ва, и ны́нѣ, богоро́диченъ:

Еже отъ вѣ́ка утае́нное, и а́нгеломъ несвѣ́домое та́инство: Тобо́ю, Богоро́дице, су́щимъ на земли́ яви́ся Бо́гъ, въ несли́тномъ соедине́ніи воплоща́емь, и Кре́стъ во́лею на́съ ра́ди воспріи́мъ, и́мже воскреси́въ первозда́ннаго, спасе́ отъ сме́рти ду́ши на́ша.

По 2-мъ стихосло́віи сѣда́ленъ, гла́съ 4. Подо́бенъ: Вознесы́йся на Кре́стъ.

Да ра́дуется не́бо, да веселя́тся земна́я, я́ко Христо́съ отъ Дѣ́вы яви́вся, я́ко Человѣ́къ, изба́ви изъ истлѣ́нія все́ человѣ́чество Свое́ю сме́ртію. Чудесы́ возсія́, женѣ́ самаряны́нѣ, воды́ прося́щей, подае́тъ исто́чникъ исцѣле́ній, я́ко еди́нъ Безсме́ртенъ. [Два́жды.]

Воскресе́ніе Христо́во... Псало́мъ 50-й. Кано́нъ пра́здника [самаряны́ни] на 6, и свята́го оби́тели на 4, и мине́и на 4. Конда́къ и ексапостила́рій пра́здника.

На хвали́техъ поста́вимъ стихи́ 4 и пое́мъ настоя́щія стихи́ры воскре́сны, гла́съ 4:

Кре́стъ претерпѣ́вый и сме́рть, и воскресы́й изъ ме́ртвыхъ, Всеси́льне Го́споди, сла́вимъ Твое́ Воскресе́ніе.

Кресто́мъ Твои́мъ, Христе́, дре́внія кля́твы свободи́лъ еси́ на́съ, и сме́ртію Твое́ю естество́ на́ше му́чащаго діа́вола упраздни́лъ еси́, воста́ніемъ же Твои́мъ ра́дости вся́ испо́лнилъ еси́. Тѣ́мже вопіе́мъ Ти́: воскресы́й изъ ме́ртвыхъ, Го́споди, сла́ва Тебѣ́!

Твои́мъ Кресто́мъ, Христе́ Спа́се, наста́ви на́съ на и́стину Твою́ и изба́ви ны́ отъ сѣ́тей вра́жіихъ, Воскресы́й изъ ме́ртвыхъ, возста́ви ны́, па́дшіяся грѣхо́мъ, просте́ръ ру́ку Твою́, Человѣколю́бче Го́споди, моли́твами святы́хъ Твои́хъ.

Оте́ческихъ Твои́хъ нѣ́дръ не разлучи́вся, Единоро́дный Сло́ве Бо́жій, прише́лъ еси́ на зе́млю за человѣколю́біе, Человѣ́къ бы́въ непрело́женъ, и Кре́стъ, и сме́рть претерпѣ́лъ еси́ пло́тію, безстра́стный Божество́мъ; воскре́съ же изъ ме́ртвыхъ, безсме́ртіе по́далъ еси́ ро́ду человѣ́ческому, я́ко еди́нъ Всеси́ленъ.

Сла́ва, и ны́нѣ, гла́съ 6:

Исто́чникъ живонача́лія — Іису́съ Спа́съ на́шъ, ко исто́чнику прише́дъ патріа́рха Іа́кова, пи́ти проша́ше воды́ отъ жены́ самаряны́ни. Се́й же непріобщи́тельное іуде́омъ прире́кшей, му́дрый Зижди́тель приво́дитъ ю́ сла́дкими глаго́лы, па́че къ проше́нію присносу́щныя воды́, ю́же и пріи́мши, всѣ́мъ проповѣ́да, реку́щи: пріиди́те, ви́дите сокрове́нныхъ Вѣ́дца и Бо́га, прише́дшаго пло́тію, за е́же спасти́ человѣ́ка.

На стихо́внѣ стихи́ры, гла́съ 4. Подо́бенъ: Яко до́бля.

Исто́чника Приснотеку́щаго сѣдя́ща на кла́дязи ви́дѣвши жена́, терпя́щи зно́й премно́гихъ страсте́й, исцѣли́тельную прося́ше прія́ти во́ду жи́зни, изъ Него́ излива́емую а́ки пото́къ, ю́же и прія́тъ ту́не отъ Сло́ва, и не ктому́ ко кла́дязю тщи́тся, земно́му и тлѣ́нному.

Сти́хъ: Наляцы́, и успѣва́й, и ца́рствуй, и́стины ра́ди, и кро́тости, и пра́вды.

Іуде́йскія обы́чаи женѣ́ гоня́щей и свое́ прилага́ющей неприча́стное, прича́стію воды́ Христо́съ пріобщи́, му́дрый Содѣ́тель, сла́дкими провѣща́ньми, и проси́ти животеку́щую сію́ во́ду Боже́ственную, ю́же пи́вши, ко гра́ду пріи́де, возвѣща́ющи бы́вшая.

Сти́хъ: Возлюби́лъ еси́ пра́вду и возненави́дѣлъ еси́ беззако́ніе.

Ни почерпа́ла и́маши, и кла́дязь глубоча́йшій, отку́ду у́бо пода́си ми́ во́ду нетлѣ́нную? — самаряны́ня вопія́ше Ти́, Христе́, Тебе́, я́ко человѣ́ка мня́щи, а не Бо́га, и словесе́мъ чудя́щися, ю́же вѣща́ньми сладча́йшими напои́въ, и Бо́га Тя́ всѣ́хъ тва́рей исповѣ́дати сотвори́лъ еси́.

Сла́ва, и ны́нѣ, гла́съ 6:

Та́ко глаго́летъ Госпо́дь самаряны́ни: а́ще бы еси́ вѣ́дала да́ръ Бо́жій, [и] Кто́ е́сть глаго́ляй тебѣ́, да́ждь Ми́ воды́ пи́ти, ты́ бы проси́ла у Него́, и да́лъ бы ти́ пи́ти, да не вжа́ждешися во вѣ́ки, — глаго́летъ Госпо́дь.

Источникъ: Пентикоста́ріонъ, е́же е́сть Пятдеся́тница [Тріо́дь Цвѣтна́я]. — Кíевъ: Въ тѵпогра́фіи Кíево-Пече́рской Ла́вры, 1864. — Л. 123 об. – 125 об.

Назадъ / Къ оглавленію / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.