Церковный календарь
Новости


2017-11-24 / russportal
Икона Божіей Матери Иверская-Мѵроточивая (сказаніе и акаѳистъ) (1995)
2017-11-24 / russportal
Слова преп. Симеона Новаго Богослова. Слово 40-е (1882)
2017-11-24 / russportal
Слова преп. Симеона Новаго Богослова. Слово 39-е (1882)
2017-11-24 / russportal
Ген. П. Н. Красновъ. Кубанцы въ Великой войнѣ (1930)
2017-11-24 / russportal
Ген. П. Н. Красновъ. Привѣтъ Россійской Военной Академіи (1932)
2017-11-23 / russportal
П. Н. Красновъ. "Старая Академія". Глава 14-я (1932)
2017-11-23 / russportal
П. Н. Красновъ. "Старая Академія". Глава 13-я (1932)
2017-11-23 / russportal
Архіеп. Аверкій. Существо Православія и соврем. борьба противъ него (1975)
2017-11-23 / russportal
Архіеп. Аверкій. Въ чемъ истинное Православіе и хранимъ ли мы его? (1975)
2017-11-23 / russportal
П. Н. Красновъ. "Старая Академія". Глава 12-я (1932)
2017-11-23 / russportal
П. Н. Красновъ. "Старая Академія". Глава 11-я (1932)
2017-11-23 / russportal
Слова преп. Симеона Новаго Богослова. Слово 38-е (1882)
2017-11-23 / russportal
Слова преп. Симеона Новаго Богослова. Слово 37-е (1882)
2017-11-22 / russportal
Ген. П. Н. Красновъ. "Старая Академія". Глава 10-я (1932)
2017-11-22 / russportal
Ген. П. Н. Красновъ. "Старая Академія". Главы 8-9 (1932)
2017-11-22 / russportal
Воззваніе Союза Русскаго Народа "Да здравствуетъ Самодержавіе!" (1907)
Новости въ видѣ
RSS-канала: .
Сегодня - суббота, 25 ноября 2017 г. Сейчасъ на порталѣ посѣтителей - 14.
Церковно-богослужебныя книги

ПЕНТИКОСТАРІОНЪ, ЕЖЕ ЕСТЬ ПЯТДЕСЯТНИЦА [ТРІОДЬ ЦВѢТНАЯ].
[Изданіе Кіево-Печерской Успенской Лавры. Кіевъ, 1864.]

СЛУЖБА ВЪ ПЯТОКЪ ШЕСТЫЯ СЕДМИЦЫ ПО ПАСЦѢ.

ВЪ ЧЕТВЕРТОКЪ ВЕЧЕРА ВОЗНЕСЕНІЯ,

Каѳи́смы не глаго́лемъ. Аще ли гдѣ́ всено́щное не бы́сть, каѳи́сму глаго́лемъ рядову́ю.

На Го́споди воззва́хъ... поста́вимъ стихо́въ 6 и пое́мъ стихи́ры самогла́сны пра́здника 3 и мине́и 3.

[Стихи́ры] пра́здника, гла́съ 1:

Возше́дъ на небеса́, отону́дуже и соше́лъ еси́, не оста́ви на́съ си́рыхъ, Го́споди: да пріи́детъ Тво́й Ду́хъ, нося́ ми́ръ мíрови, покажи́ сыно́мъ человѣ́ческимъ дѣла́ си́лы Твоея́, Го́споди Человѣколю́бче.

Возше́лъ еси́, Христе́, къ Безнача́льному Отцу́ Твоему́, неопи́санныхъ Его́ нѣ́дръ не разлучи́выйся, и прило́гъ си́лы хвале́нія трисвята́го не прія́ша, но еди́наго Сы́на и по вочеловѣ́ченіи позна́ша Тя́, Го́споди, единоро́дна Отцу́. Во мно́жествѣ щедро́тъ Твои́хъ поми́луй на́съ!

Ангели Твои́, Го́споди, апо́столомъ глаго́лаху: му́жіе галиле́йстіи, что́ стоите́, зря́ще на не́бо? Се́й е́сть Христо́съ Бо́гъ, вознесы́йся отъ ва́съ на не́бо, То́й пріи́детъ па́ки, и́мже о́бразомъ ви́дѣсте Его́ иду́ща на не́бо; послужи́те Ему́ въ преподо́біи и пра́вдѣ.

Сла́ва, свята́го, а́ще и́мать. Аще же ни́: Сла́ва, и ны́нѣ, гла́съ 2:

Роди́лся еси́, я́ко Са́мъ восхотѣ́лъ еси́; яви́лся еси́, я́ко Са́мъ изво́лилъ еси́; пострада́лъ еси́ пло́тію, Бо́же на́шъ; изъ ме́ртвыхъ воскре́слъ еси́, попра́въ сме́рть; возне́слся еси́ во сла́вѣ, вся́ческая исполня́яй, и посла́лъ еси́ на́мъ Ду́ха Боже́ственнаго, е́же воспѣва́ти и сла́вити Твое́ Божество́.

Вхо́дъ. Свѣ́те ти́хій...

Проки́менъ вели́кій, гласъ 7: Бо́гъ на́шъ на небеси́ и на земли́, вся́, ели́ка восхотѣ́, сотвори́. Сти́хъ: Во исхо́дѣ Изра́илевѣ отъ Еги́пта, до́му Іа́ковля [изъ люде́й ва́рваръ, бы́сть Іуде́я святы́ня его́]. Сти́хъ: Мо́ре ви́дѣ и побѣже́, Іорда́нъ возврати́ся вспя́ть. Сти́хъ: Что́ ти е́сть, мо́ре, я́ко побѣ́гло еси́? И тебѣ́, Іорда́не, я́ко возврати́лся еси́ вспя́ть? И па́ки: Бо́гъ на́шъ на небеси́ и на земли́. [И мы́: Вся, елика восхотѣ, сотвори.]

Ектеніи́: Рце́мъ вси́... Испо́лнимъ вече́рнюю моли́тву...

На стихо́внѣ стихи́ры, гла́съ 2. Подо́бенъ: Егда́ отъ дре́ва.

Глаго́летъ, Иже вся́ческая Исполня́яй, ко ученико́мъ на го́ру Елео́нскую возше́дъ: прибли́жися, о дру́зи Мои́, восхожде́нія вре́мя, ше́дше, научи́те язы́ки сло́ву, е́же слы́шасте отъ гла́са Моего́. Тогда́ возне́слся еси́ во сла́вѣ, я́коже на колесни́цѣ, тѣ́мже тре́петомъ апо́столи ужаса́хуся.

Сти́хъ: Вси́ язы́цы, восплещи́те рука́ми, [воскли́кните Бо́гу гла́сомъ ра́дованія].

Егда́ Ма́тери со ученики́ спутеше́ствующимъ дру́гъ дру́гу въ Виѳа́нію, Христе́, возне́слъ еси́ ру́цѣ Твои́ во благослове́ніе и́хъ и, внегда́ благослови́ти и́хъ, о́блакъ свѣ́та отъ оче́съ и́хъ а́біе взя́тъ Тя́. Тогда́ возне́слся еси́ во сла́вѣ, и Десносѣда́тель вои́стинну яви́лся еси́ Отцу́, спокланя́емь.

Сти́хъ: Взы́де Бо́гъ въ воскликнове́ніи, [Госпо́дь во гла́сѣ тру́бнѣ].

Пріиди́те, совзы́демъ, вѣ́рніи, на высо́кую го́ру Елео́нскую, я́коже апо́столи совосходя́ще и, на высоту́ взе́мше сердца́ и мы́сли, у́зримъ Го́спода ны́нѣ носи́ма. Тѣ́мже и мы́, благода́рно ра́дующеся, возопіи́мъ: сла́ва Вознесе́нію Твоему́, Многоми́лостиве!

Сла́ва, и ны́нѣ, гла́съ 6:

На гора́хъ святы́хъ зря́ще Твое́ Вознесе́ніе, Христе́, Сія́ніе сла́вы Отчи, воспѣва́емъ Тво́й свѣтообра́зный лица́ зра́къ, кла́няемся Страсте́мъ Твои́мъ, почита́емъ Воскресе́ніе, сла́вное Вознесе́ніе сла́вяще: поми́луй на́съ.

Тропа́рь пра́здника: Возне́слся еси́... И отпу́стъ.

[Зри́:] Слу́жбу мине́и рядова́го свята́го, случи́вшагося въ пра́здникъ Вознесе́нія, пое́мъ на повече́ріи.



ВЪ ПЯТОКЪ ВОЗНЕСЕНІЯ, НА УТРЕНИ,

На Бо́гъ Госпо́дь... Тропа́рь пра́здника.

По 1-мъ стихосло́віи сѣда́ленъ, гла́съ 8. Подо́бенъ: Повелѣ́нное та́йно.

На го́ру возше́дъ Елео́нскую, Ми́лостиве Іису́се, отту́ду взя́лся еси́: свѣ́тлый бо о́блакъ отъ земли́ Тя́ подъя́тъ, зря́щимъ ученико́мъ Твои́мъ чу́до стра́шное, вопію́щимъ безпло́тнымъ на небесѣ́хъ вы́шшимъ во́инствомъ: стра́хомъ, врата́, возми́теся! Съ ни́миже Царя́ Тя́ пое́тъ вся́ тва́рь, всѣ́хъ Бо́га.

Сла́ва, и ны́нѣ, то́йже.

По 2-мъ стихосло́віи сѣда́ленъ, гла́съ 8. Подо́бенъ: Прему́дрости Сло́ва.

Всѣ́дъ на о́блаки небе́сныя, оста́вивъ ми́ръ су́щимъ на земли́, возше́лъ и сѣ́лъ еси́ одесну́ю Отца́, я́ко Единосу́щенъ Сему́ сы́й и Ду́ху. Аще бо и во пло́ти яви́лся еси́, но непрело́женъ пребы́лъ еси́, тѣ́мже ча́еши соверше́нія коне́цъ, суди́ти Гряды́й на зе́млю мíру всему́. Правосу́де Го́споди, пощади́ ду́ши на́ша, прегрѣше́ній оставле́ніе да́руя, я́ко Бо́гъ ми́лостивъ, рабо́мъ Твои́мъ.

Сла́ва, и ны́нѣ, то́йже.

И псало́мъ 50-й. Кано́нъ пра́здника [1-й]: ирмо́съ по два́жды, тропари́ на 6 [еди́нъ по еди́ному премѣня́я на вся́къ де́нь], и мине́и на 4. По 3-й пѣ́сни: конда́къ свята́го, и и́косъ, и сѣда́ленъ его́. Сла́ва, и ны́нѣ, пра́здника. По 6-й пѣ́сни: конда́къ пра́здника и и́косъ. По 9-й пѣ́сни: свѣти́ленъ пра́здника. Сла́ва, свята́го, а́ще и́мать. И ны́нѣ, пра́здника. Аще ли ни́: Сла́ва, и ны́нѣ, пра́здника.

На стихо́внѣ стихи́ры пра́здника, гла́съ 2. Подо́бенъ: До́ме Евфра́ѳовъ.

Чу́до новолѣ́пное: человѣ́ческое бо естество́ на небеса́ взы́де, соедини́вшееся Сло́ву Бо́гу Вседержи́телю.

Сти́хъ: Вси́ язы́цы, восплещи́те рука́ми, [воскли́кните Бо́гу гла́сомъ ра́дованія].

Возсія́ я́сный и всесвѣ́тлый де́нь Влады́ки, Боже́ственнаго на небеса́ Восхожде́нія, просвѣща́ющій вся́ческая.

Сти́хъ: Взы́де Бо́гъ въ воскликнове́ніи, [Госпо́дь во гла́сѣ тру́бнѣ].

Якоже ученико́мъ посла́лъ еси́ съ высоты́ Сра́сленаго Твоего́ Ду́ха, и лю́демъ Твои́мъ посли́, Христе́ Спа́се, благода́ть Твою́.

Сла́ва, и ны́нѣ, гла́съ 5:

Го́споди, взе́млющутися, отону́дуже не разлучи́лся еси́, во́инства а́нгеловъ и всѣ́хъ безпло́тныхъ ра́достію вопія́ху го́рншимъ си́ламъ: возми́те врата́, кня́зи, ва́ша, и вни́детъ Ца́рь Сла́вы! Престо́лъ бо херуви́мскій взя́тъ Тя́ съ пло́тію, Го́споди, сла́ва Тебѣ́!

И про́чее у́трени, и отпу́стъ.




НА ЛИТУРГІИ,

Блаже́нна отъ кано́на пра́здника, пѣ́снь 1-я, со ирмосо́мъ, на 6.

Источникъ: Пентикоста́ріонъ, е́же е́сть Пятдеся́тница [Тріо́дь Цвѣтна́я]. — Кíевъ: Въ тѵпогра́фіи Кíево-Пече́рской Ла́вры, 1864. — Л. 154 об. – 156.

Назадъ / Къ оглавленію / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.