Церковный календарь
Новости


2017-11-24 / russportal
Икона Божіей Матери Иверская-Мѵроточивая (сказаніе и акаѳистъ) (1995)
2017-11-24 / russportal
Слова преп. Симеона Новаго Богослова. Слово 40-е (1882)
2017-11-24 / russportal
Слова преп. Симеона Новаго Богослова. Слово 39-е (1882)
2017-11-24 / russportal
Ген. П. Н. Красновъ. Кубанцы въ Великой войнѣ (1930)
2017-11-24 / russportal
Ген. П. Н. Красновъ. Привѣтъ Россійской Военной Академіи (1932)
2017-11-23 / russportal
П. Н. Красновъ. "Старая Академія". Глава 14-я (1932)
2017-11-23 / russportal
П. Н. Красновъ. "Старая Академія". Глава 13-я (1932)
2017-11-23 / russportal
Архіеп. Аверкій. Существо Православія и соврем. борьба противъ него (1975)
2017-11-23 / russportal
Архіеп. Аверкій. Въ чемъ истинное Православіе и хранимъ ли мы его? (1975)
2017-11-23 / russportal
П. Н. Красновъ. "Старая Академія". Глава 12-я (1932)
2017-11-23 / russportal
П. Н. Красновъ. "Старая Академія". Глава 11-я (1932)
2017-11-23 / russportal
Слова преп. Симеона Новаго Богослова. Слово 38-е (1882)
2017-11-23 / russportal
Слова преп. Симеона Новаго Богослова. Слово 37-е (1882)
2017-11-22 / russportal
Ген. П. Н. Красновъ. "Старая Академія". Глава 10-я (1932)
2017-11-22 / russportal
Ген. П. Н. Красновъ. "Старая Академія". Главы 8-9 (1932)
2017-11-22 / russportal
Воззваніе Союза Русскаго Народа "Да здравствуетъ Самодержавіе!" (1907)
Новости въ видѣ
RSS-канала: .
Сегодня - суббота, 25 ноября 2017 г. Сейчасъ на порталѣ посѣтителей - 15.
Церковно-богослужебныя книги

ПЕНТИКОСТАРІОНЪ, ЕЖЕ ЕСТЬ ПЯТДЕСЯТНИЦА [ТРІОДЬ ЦВѢТНАЯ].
[Изданіе Кіево-Печерской Успенской Лавры. Кіевъ, 1864.]

СЛУЖБА ВЪ СУББОТУ ШЕСТЫЯ СЕДМИЦЫ ПО ПАСЦѢ.

ВЪ ПЯТОКЪ ВЕЧЕРА ВОЗНЕСЕНІЯ,

На Го́споди воззва́хъ... поста́вимъ стихо́въ 6: пра́здника 3 и мине́и 3.

Стихи́ры пра́здника, гла́съ 4. Подо́бенъ: Да́лъ еси́ зна́меніе.

Пострада́лъ еси́, я́ко Человѣ́къ, Безстра́стный Божество́мъ, и воскре́слъ еси́ тридне́венъ, Плѣни́вый сме́рть и Совоскреси́вый вся́ истлѣ́вшія, и Возне́слся еси́, Христе́, ко Отцу́, обѣща́въ посла́ти Утѣ́шителя свяще́ннымъ апо́столомъ Твои́мъ, Іису́се Всеси́льне, Спа́се ду́шъ на́шихъ.

Вы́ что́ стоите́, зря́ще на не́бо? — ви́диміи а́нгели, я́ко человѣ́цы, глаго́лаху Сло́ва таи́нникомъ. — Се́й, Его́же зрите́, о́блакомъ свѣ́тлымъ Вознося́щася, То́йже пріи́детъ, и́мже о́бразомъ ви́дѣсте Его́, суди́ти мíру, я́коже рече́. Ше́дше у́бо, вся́ рече́нная сотвори́те.

По е́же отъ гро́ба Твоего́ па́че постиже́нія Воста́ніи, Всеси́льне Го́споди, пріи́мъ, и́хже возлюби́лъ еси́, да́же до Виѳа́ніи изве́лъ еси́, Сло́ве, и къ горѣ́ бы́въ Елео́нстѣй, си́хъ благослови́въ, и та́ко Возне́слся еси́, повину́ющимся а́нгеломъ Тебѣ́, Іису́се Всеси́льне, Спа́се ду́шъ на́шихъ.

Сла́ва, и ны́нѣ, гла́съ 6:

Дне́сь на небесѣ́хъ го́рнія си́лы на́ше естество́ зря́ще, дивя́щеся стра́ннаго о́браза восхо́ду, недоумѣва́хуся дру́гъ ко дру́гу, глаго́люще: кто́ Сей прише́дый? Ви́дяще же своего́ Влады́ку, небе́сная врата́ взя́ти повелѣва́ху. Съ ни́миже непреста́нно воспои́мъ съ пло́тію отону́ду па́ки Гряду́щаго, я́ко Судію́ всѣ́хъ и Бо́га Всеси́льна.

На стихо́внѣ стихи́ры, гла́съ 2. Подо́бенъ: До́ме Евфра́ѳовъ.

Испо́лнивый, Бла́же, Оте́ческое благоволе́ніе, соедини́вый же го́рняя съ до́льними, возне́слся еси́ во сла́вѣ къ пе́рвѣйшимъ.

Сти́хъ: Вси́ язы́цы, восплещи́те рука́ми, [воскли́кните Бо́гу гла́сомъ ра́дованія].

Возне́слся еси́ къ Твоему́ Роди́телю, Ще́дре, отону́дуже не разлучи́лся еси́, и возне́слъ еси́ до́лу лежа́щее естество́, Влады́ко.

Сти́хъ: Взы́де Бо́гъ въ воскликнове́ніи, [Госпо́дь во гла́сѣ тру́бнѣ].

Облакъ Тя́ свѣ́та воспрія́тъ на высоту́, и а́нгели со стра́хомъ и тре́петомъ служа́ху Боже́ственному Твоему́ Вознесе́нію.

Сла́ва, и ны́нѣ, гла́съ 7:

На го́ру Елео́нскую прише́лъ еси́, Ми́луяй ро́дъ человѣ́ческій, и о́блакъ подя́тъ Тя́ отъ о́чію ученико́въ Твои́хъ, трепе́щущимъ у́бо за видѣ́ніе, ра́дующимся же за ча́яніе Свята́го Ду́ха, Имже утверди́въ, Спа́се, поми́луй на́съ.



ВЪ СУББОТУ НА УТРЕНИ,

По 1-мъ стихосло́віи сѣда́ленъ, гла́съ 1. Подо́бенъ: Ка́мени запеча́тану.

Ангеломъ дивя́щимся восхо́да стра́нному и ученико́мъ ужаса́ющимся стра́шному взы́тія, возше́лъ еси́ со сла́вою, я́ко Богъ, и врата́ Тебѣ́ взя́шася, Спа́се. Сего́ ра́ди си́лы небе́сныя дивля́хуся, вопію́ще: сла́ва снизхожде́нію Твоему́, Спа́се, сла́ва Ца́рствію Твоему́, сла́ва Вознесе́нію Твоему́, еди́не Человѣколю́бче! [Два́жды.]

По 2-мъ стихосло́віи, сѣда́ленъ, гла́съ 1. Подо́бенъ: Ка́мени запеча́тану.

Аду плѣни́вшуся отъ Тебе́, Жизнода́вче, и мíру просвѣти́вшуся во Твое́мъ Воскресе́ніи, возше́лъ еси́ со сла́вою, Спа́се, вся́ обдержа́яй руко́ю. Сего́ ра́ди со а́нгелы славосло́вимъ Тя́, Вседержи́телю Го́споди: сла́ва Вознесе́нію Твоему́, Христе́, сла́ва Ца́рствію Твоему́, сла́ва благоутро́бію Твоему́, еди́не Человѣколю́бче! [Два́жды.]

И псало́мъ 50-й. Кано́нъ пра́зднику [2-й], со ирмосы́, на 8 и мине́и на 4.

На стихо́внѣ стихи́ры, гла́съ 2. Подо́бенъ: До́ме Евфра́ѳовъ.

Не оста́влю си́ры, я́же Азъ собра́хъ, — Госпо́дь друго́мъ глаго́лаше, — но послю́ ва́мъ Ду́ха Свята́го.

Сти́хъ: Вси́ язы́цы, восплещи́те рука́ми, [воскли́кните Бо́гу гла́сомъ ра́дованія].

Ангели прему́дрымъ вопія́ху апо́столомъ: о му́жіе галиле́йстіи, и́мже о́бразомъ зрите́, То́й па́ки пріи́детъ!

Сти́хъ: Взы́де Бо́гъ въ воскликнове́ніи, [Госпо́дь во гла́сѣ тру́бнѣ].

Снидо́ша съ ра́достію отъ Елео́нскія горы́ ученицы́ Твои́, Сло́ве, сла́вяще и пою́ще Боже́ственное Твое́ Вознесе́ніе.

Сла́ва, и ны́нѣ, гла́съ 8:

Возне́слся еси́ во сла́вѣ отъ земли́ на небеса́, вся́ Исполня́яй Божество́мъ, и одесну́ю Отца́ сѣ́лъ еси́, Иже въ нача́лѣ Бо́гъ Сло́во, отону́дуже небе́сныя си́лы зря́ще, апо́столомъ, страшли́ви, глаго́лаху: на Кого́ взира́ете на не́бо? Се́й, Его́же ви́дѣсте, То́й па́ки пріи́детъ со сла́вою суди́ти все́й вселе́нней и отда́ти кому́ждо по дѣло́мъ его́. Къ Нему́же возопіи́мъ: Непостижи́ме Го́споди, сла́ва Тебѣ́!

И обы́чный отпу́стъ.




НА ЛИТУРГІИ,

[Блаженна] пра́здника, пѣ́снь 3-я, на 6. Проки́менъ пра́здника: Вознеси́ся на небеса́, Бо́же... Апо́столъ Дѣя́ній, зача́ло 43: Во еди́ну отъ суббо́тъ, собра́вшимся ученико́мъ... Аллилу́ія пра́здника. Ева́нгеліе Іоа́нна, зача́ло 48: Глаго́лы, я́же Азъ глаго́лю ва́мъ... Прича́стенъ пра́здника.

Источникъ: Пентикоста́ріонъ, е́же е́сть Пятдеся́тница [Тріо́дь Цвѣтна́я]. — Кíевъ: Въ тѵпогра́фіи Кíево-Пече́рской Ла́вры, 1864. — Л. 156 – 157 об.

Назадъ / Къ оглавленію / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.