Церковный календарь
Новости


2017-11-20 / russportal
Архіеп. Аверкій (Таушевъ). Будемъ ли мы, наконецъ, каяться? (1975)
2017-11-20 / russportal
Архіеп. Аверкій (Таушевъ). Готовимся ли мы къ Великому посту? (1975)
2017-11-20 / russportal
Генералъ П. Н. Красновъ. Мысли о конницѣ (1933)
2017-11-20 / russportal
Генералъ П. Н. Красновъ. Сибирскіе казаки (1934)
2017-11-20 / russportal
"Пропов. хрестоматія". Поученіе (2-е) на соборъ св. Архистратига Михаила (1965)
2017-11-20 / russportal
"Пропов. хрестоматія". Поученіе (1-е) на соборъ св. Архистратига Михаила (1965)
2017-11-18 / russportal
Ген. П. Н. Красновъ. "Старая Академія". Глава 8-я (1932)
2017-11-18 / russportal
Ген. П. Н. Красновъ. "Старая Академія". Глава 7-я (1932)
2017-11-18 / russportal
Л. Д. Перепелкина. Юліанскій календарь - 1000-лѣтняя икона времени на Руси (1989)
2017-11-18 / russportal
Проф. П. В. Верховской. Патріархъ Тихонъ (1919)
2017-11-17 / russportal
Ген. П. Н. Красновъ. "Старая Академія". Глава 6-я (1932)
2017-11-17 / russportal
Ген. П. Н. Красновъ. "Старая Академія". Глава 5-я (1932)
2017-11-17 / russportal
Ген. П. Н. Красновъ. №100 (Къ юбилею "Часового") (1933)
2017-11-17 / russportal
Генералъ П. Н. Красновъ. Подъ какимъ лозунгомъ? (1933)
2017-11-17 / russportal
Слова преп. Симеона Новаго Богослова. Слово 36-е (1882)
2017-11-17 / russportal
Слова преп. Симеона Новаго Богослова. Слово 35-е (1882)
Новости въ видѣ
RSS-канала: .
Сегодня - вторникъ, 21 ноября 2017 г. Сейчасъ на порталѣ посѣтителей - 15.
Церковно-богослужебныя книги

ПЕНТИКОСТАРІОНЪ, ЕЖЕ ЕСТЬ ПЯТДЕСЯТНИЦА [ТРІОДЬ ЦВѢТНАЯ].
[Изданіе Кіево-Печерской Успенской Лавры. Кіевъ, 1864.]

СЛУЖБА ВЪ ПОНЕДѢЛЬНИКЪ СЕДМЫЯ СЕДМИЦЫ ПО ПАСЦѢ.

ВЪ НЕДѢЛЮ ВЕЧЕРА,

На Го́споди воззва́хъ... поста́вимъ стихо́въ 6 и пое́мъ стихи́ры святы́хъ оте́цъ 3, гла́съ 6. Подо́бенъ: Отча́янная.

Изъ чре́ва роди́лся еси́ пре́жде денни́цы, отъ Отца́ безма́теренъ пре́жде вѣкъ; а́ще и Арій тва́рь Тя́, а не Бо́га сла́витъ, де́рзостію смѣша́я Тя́, Зижди́теля, тва́ремъ безу́мно, вещество́ огня́ вѣ́чнаго себе́ сокро́вищствуяй. Но Собо́ръ, и́же въ Нике́и, Сы́на Бо́жія Тя́ проповѣ́да, Го́споди, Отцу́ и Ду́ху Сопресто́льна.

Кто́ Твою́, Спа́се, ри́зу раздра́? — Арій, Ты́ ре́клъ еси́, и́же Тро́ицы пресѣче́ Единоче́стное Нача́ло въ раздѣле́нія; се́й отве́рже Тя́ бы́ти Еди́наго отъ Тро́ицы, се́й и Несто́рія учи́тъ Богоро́дицу не глаго́лати. Но Собо́ръ, и́же въ Нике́и, Сы́на Бо́жія Тя́ проповѣ́да, Го́споди, Отцу́ и Ду́ху Сопресто́льна.

Въ бре́гъ па́даетъ грѣха́ Арій, возненави́дѣвый свѣ́та ви́дѣти, и боже́ственною растерза́ется у́дицею вну́треннихъ, все́ изда́ти существо́ и ду́шу ну́ждно, другíй Іу́да бы́въ нра́вомъ и о́бразомъ. Но Собо́ръ, и́же въ Нике́и, Сы́на Бо́жія Тя́ проповѣ́да, Го́споди, Отцу́ и Ду́ху Сопресто́льна.

И мине́и свята́го 3.

Сла́ва, гла́съ 6:

Та́йныя дне́сь Ду́ха трубы́, богоно́сныя отцы́ восхва́лимъ, пѣснопѣ́вшія посредѣ́ Це́ркве пѣ́снь сли́чную богосло́вія: Тро́ицу Еди́ну непремѣ́нную, Существо́ же и Божество́, низложи́тели Аріевы и правосла́вныхъ побо́рники, моля́щіяся всегда́ Го́споду поми́ловатися душа́мъ на́шимъ.

И ны́нѣ, гла́съ то́йже:

На гора́хъ святы́хъ зря́ще Твое́ Вознесе́ніе, Христе́, Сія́ніе сла́вы Отчи, воспѣва́емъ Тво́й свѣтообра́зный лица́ зра́къ, кла́няемся Страсте́мъ Твои́мъ, почита́емъ Воскресе́ніе, сла́вное Вознесе́ніе сла́вяще: поми́луй на́съ.

На стихо́внѣ стихи́ры, гла́съ 6:

Все́ собра́вше душе́вное худо́жество.., со стихи́ и́хъ [пи́саны сего́ дне́ на хвали́техъ]. [1]

Сла́ва, гла́съ 3:

Апо́стольскихъ преда́ній извѣ́стніи храни́теліе бы́сте, святíи отцы́: Святы́я бо Тро́ицы Единосу́щное, правосла́вно научи́вше, Аріево хуле́ніе собо́рнѣ низложи́сте, съ ни́мже и Македо́нія духобо́рца обличи́вше, осуди́сте Несто́рія, Евти́хія и Діоско́ра, Саве́ллія же и Севи́ра безгла́внаго. Ихже пре́лести испроси́те изба́витися на́мъ, нескве́рну на́шему житію́ въ вѣ́рѣ сохрани́тися, мо́лимся.

И ны́нѣ, гла́съ 6:

Взы́де Богъ въ воскликнове́ніи, Госпо́дь во гла́сѣ тру́бнѣ, е́же вознести́ па́дшій о́бразъ Ада́мовъ и посла́ти Ду́ха Утѣ́шителя, е́же освяти́ти ду́ши на́ша.

Отпусти́тельный тропа́рь, гла́съ 8:

Препросла́вленъ еси́, Христе́ Бо́же на́шъ... Сла́ва, свята́го, а́ще е́сть; а́ще ли ни́: Сла́ва, и ны́нѣ, пра́здника, гла́съ 4: Возне́слся еси́ во сла́вѣ... И отдае́тся послѣ́дованіе святы́хъ оте́цъ.



ВЪ ПОНЕДѢЛЬНИКЪ СЕДМЫЯ НЕДѢЛИ НА УТРЕНИ,

По 1-мъ стихосло́віи сѣда́ленъ, гла́съ 1. Подо́бенъ: Ка́мени запеча́тану.

Ангеломъ дивя́щимся восхо́да стра́нному и ученико́мъ ужаса́ющимся стра́шному взы́тія, возше́лъ еси́ со сла́вою, я́ко Богъ, и врата́ Тебѣ́ взя́шася, Спа́се. Сего́ ра́ди си́лы небе́сныя дивля́хуся, вопію́ще: сла́ва снизхожде́нію Твоему́, Спа́се, сла́ва Ца́рствію Твоему́, сла́ва Вознесе́нію Твоему́, еди́не Человѣколю́бче! [Два́жды.]

По 2-мъ стихосло́віи сѣда́ленъ, подо́бенъ то́йже:

Аду плѣни́вшуся отъ Тебе́, Жизнода́вче, и мíру просвѣти́вшуся во Твое́мъ Воскресе́ніи, возше́лъ еси́ со сла́вою, Спа́се, вся́ обдержа́яй руко́ю. Сего́ ра́ди со а́нгелы славосло́вимъ Тя́, Вседержи́телю Го́споди: сла́ва Вознесе́нію Твоему́, Христе́, сла́ва Ца́рствію Твоему́, сла́ва благоутро́бію Твоему́, еди́не Человѣколю́бче! [Два́жды.]

Псало́мъ 50-й. Кано́нъ пра́здника 4-го гла́са [2-й], со ирмосы́, на 8 и мине́и на 4. Конда́къ и ексапостила́рій пра́здника.

На стихо́внѣ стихи́ры, гла́съ 2. Подо́бенъ: До́ме Евфра́ѳовъ.

Сло́ва ученико́мъ, вѣ́рніи, совозме́мся добродѣ́тели на го́ры, я́ко да Христо́ву сла́ву ви́дѣти сподо́бимся.

Сти́хъ: Вси́ язы́цы, восплещи́те рука́ми, [воскли́кните Бо́гу гла́сомъ ра́дованія].

Посрами́шася я́вѣ Манихе́йская умышле́нія умы́, о ни́хже недоумѣва́хуся, Христо́во я́вѣ сказу́юще съ пло́тію Вознесе́ніе.

Сти́хъ: Взы́де Бо́гъ въ воскликнове́ніи, [Госпо́дь во гла́сѣ тру́бнѣ].

Воскли́кни, о Дави́де, ра́дуяся цѣвни́цею: вознесы́йся бо Христо́съ, вещми́ словеса́ утвержда́етъ проро́чества твоего́.

Сла́ва, и ны́нѣ, гла́съ 2:

Возне́слся еси́ во сла́вѣ на горѣ́ Ма́сличнѣй, Христе́ Бо́же, предъ Твои́ми ученики́, и сѣ́лъ еси́ одесну́ю Отца́, вся́ческая исполня́яй Божество́мъ, и посла́лъ еси́ и́мъ Ду́ха Свята́го, просвѣща́юща, и утвержда́юща, и освяща́юща ду́ши на́ша.



НА ЛИТУРГІИ,

Блаже́нна отъ кано́на, пѣ́снь 5-я, на 6.

Примѣчаніе:
[1] Все собра́вше душе́вное худо́жество и Боже́ственнымъ Ду́хомъ разсмотри́вше небе́сный и честны́й Сѵмво́лъ вѣ́ры, честнíи отцы́ богопи́саннѣ начерта́ша; въ не́мже я́вственнѣйше Ро́ждшему Собезнача́льнаго Сло́ва науча́ютъ и всеи́стинно Единосу́щнаго, апо́стольскимъ послѣ́дующе проявле́нно уче́ніемъ, благосла́вніи и пребога́тіи и́стинно и богому́дріи.
     Сти́хъ: Благослове́нъ еси́, Го́споди, Бо́же оте́цъ на́шихъ, и хва́льно, и просла́влено и́мя Твое́ во вѣ́ки.
     Все́ пріе́мше у́мное сія́ніе Свята́го Ду́ха, преесте́ственнѣйшее благосло́віе кра́ткими глаго́лы и мно́гимъ ра́зумомъ богодохнове́нно провѣща́ша, я́ко Христо́вы проповѣ́дницы, ева́нгельскихъ предста́теліе уче́ній, блаже́нніи, и благочести́выхъ преда́ній, свы́ше пріе́мше си́хъ открове́ніе я́вѣ, и просвѣ́щшеся, изложи́ша вѣ́ру Богонауче́нную.
     Сти́хъ: Собери́те Ему́ преподо́бныя Его́, завѣща́ющія завѣ́тъ Его́ о же́ртвахъ.
     Все́ собра́вше па́стырское иску́сство и я́рость дви́гше ны́нѣ пра́веднѣйшую, отмсти́тельнѣ тя́жкія отгна́ша и па́губныя во́лки, пра́щею Ду́ха изве́ргше отъ церко́внаго исполне́нія па́дшія я́ко къ сме́рти, и я́ко неисцѣ́льно неду́говавшія, боже́ственніи па́стыріе, я́ко раби́ и́стиннѣйшіи Христо́вы и Боже́ственнаго проповѣ́данія таи́нницы свяще́ннѣйшіи.

Источникъ: Пентикоста́ріонъ, е́же е́сть Пятдеся́тница [Тріо́дь Цвѣтна́я]. — Кíевъ: Въ тѵпогра́фіи Кíево-Пече́рской Ла́вры, 1864. — Л. 171 – 172 об.

Назадъ / Къ оглавленію / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.