Церковный календарь
Новости


2017-11-20 / russportal
Архіеп. Аверкій (Таушевъ). Будемъ ли мы, наконецъ, каяться? (1975)
2017-11-20 / russportal
Архіеп. Аверкій (Таушевъ). Готовимся ли мы къ Великому посту? (1975)
2017-11-20 / russportal
Генералъ П. Н. Красновъ. Мысли о конницѣ (1933)
2017-11-20 / russportal
Генералъ П. Н. Красновъ. Сибирскіе казаки (1934)
2017-11-20 / russportal
"Пропов. хрестоматія". Поученіе (2-е) на соборъ св. Архистратига Михаила (1965)
2017-11-20 / russportal
"Пропов. хрестоматія". Поученіе (1-е) на соборъ св. Архистратига Михаила (1965)
2017-11-18 / russportal
Ген. П. Н. Красновъ. "Старая Академія". Глава 8-я (1932)
2017-11-18 / russportal
Ген. П. Н. Красновъ. "Старая Академія". Глава 7-я (1932)
2017-11-18 / russportal
Л. Д. Перепелкина. Юліанскій календарь - 1000-лѣтняя икона времени на Руси (1989)
2017-11-18 / russportal
Проф. П. В. Верховской. Патріархъ Тихонъ (1919)
2017-11-17 / russportal
Ген. П. Н. Красновъ. "Старая Академія". Глава 6-я (1932)
2017-11-17 / russportal
Ген. П. Н. Красновъ. "Старая Академія". Глава 5-я (1932)
2017-11-17 / russportal
Ген. П. Н. Красновъ. №100 (Къ юбилею "Часового") (1933)
2017-11-17 / russportal
Генералъ П. Н. Красновъ. Подъ какимъ лозунгомъ? (1933)
2017-11-17 / russportal
Слова преп. Симеона Новаго Богослова. Слово 36-е (1882)
2017-11-17 / russportal
Слова преп. Симеона Новаго Богослова. Слово 35-е (1882)
Новости въ видѣ
RSS-канала: .
Сегодня - вторникъ, 21 ноября 2017 г. Сейчасъ на порталѣ посѣтителей - 37.
Церковно-богослужебныя книги

ПЕНТИКОСТАРІОНЪ, ЕЖЕ ЕСТЬ ПЯТДЕСЯТНИЦА [ТРІОДЬ ЦВѢТНАЯ].
[Изданіе Кіево-Печерской Успенской Лавры. Кіевъ, 1864.]

СЛУЖБА ВЪ СРЕДУ СЕДМЫЯ СЕДМИЦЫ ПО ПАСЦѢ.

ВО ВТОРНИКЪ ВЕЧЕРА,

На Го́споди воззва́хъ... стихи́ры подо́бны пра́здника 3 и мине́и 3.

Стихи́ры пра́здника, гла́съ 4. Подо́бенъ: Яко до́бля.

Зря́щимъ боже́ственнымъ Твои́мъ ученико́мъ, возне́слся еси́ къ небе́снымъ и сѣ́лъ еси́ одесну́ю Роди́теля, Того́ неразлуче́нный, Пресу́щественный Сы́не. И, я́коже ре́клъ еси́, посла́лъ еси́ Утѣ́шителя, небе́сныя земны́я сотворя́юща, му́дрыя, и богоглаго́ливыя, и свяще́нныя апо́столы Твоя́.

Воплоти́лся еси́ за неизрече́нную, Іису́се, бла́гость, и кре́стъ, и сме́рть, Безсме́ртне, во́лею претерпѣ́лъ еси́, и па́ки тридне́венъ воскре́съ изъ ме́ртвыхъ, по дне́хъ четы́редесятихъ возне́слся еси́, отону́дуже пе́рвѣе соше́лъ еси́, умири́въ земна́я и всѣ́хъ приве́дъ Роди́телю.

На о́блацѣхъ я́ко ви́дѣша Тя́ взима́ема, Го́споди, му́дріи апо́столи, рыда́юще и сѣ́тованія испо́лнени, вопія́ху со слеза́ми: не оста́ви си́рыхъ, и́хже за милосе́рдіе возлюби́лъ еси́, но посли́ на ны́, я́коже обѣща́лъ еси́, Всеще́дре, Пресвята́го Твоего́ Ду́ха, просвѣща́ющаго ду́ши на́ша.

Сла́ва, и ны́нѣ, гла́съ 5:

Пріиди́те, вѣ́рныхъ собра́ніе, умы́ та́йно научи́вшеся ученико́въ Христо́выхъ, непреста́нную пѣ́снь рце́мъ, на Елео́нской горѣ́ я́ко апо́столи, съ Дави́домъ возопіи́мъ: взы́де Бо́гъ въ воскликнове́ніи, Госпо́дь во гла́сѣ тру́бнѣ! Да изба́витъ колѣ́на человѣ́ческая отъ собла́знъ го́рдаго и просвѣти́тъ ду́ши на́ша.

На стихо́внѣ стихи́ры, гла́съ 2. Подо́бенъ: До́ме Евфра́ѳовъ.

Чу́до новолѣ́пное: человѣ́ческое бо естество́ на небеса́ взы́де, соедини́вшееся Сло́ву Бо́гу Вседержи́телю.

Сти́хъ: Вси́ язы́цы, восплещи́те рука́ми, [воскли́кните Бо́гу гла́сомъ ра́дованія].

Возсія́ я́сный и всесвѣ́тлый де́нь Влады́ки, Боже́ственнаго на небеса́ Восхожде́нія, просвѣща́ющій вся́ческая.

Сти́хъ: Взы́де Бо́гъ въ воскликнове́ніи, [Госпо́дь во гла́сѣ тру́бнѣ].

Якоже ученико́мъ посла́лъ еси́ съ высоты́ Сра́сленаго Твоего́ Ду́ха, и лю́демъ Твои́мъ посли́, Христе́ Спа́се, благода́ть Твою́.

Сла́ва, и ны́нѣ, гла́съ 5:

Го́споди, взе́млющутися, отону́дуже не разлучи́лся еси́, во́инства а́нгеловъ и всѣ́хъ безпло́тныхъ ра́достію вопія́ху го́рншимъ си́ламъ: возми́те врата́, кня́зи, ва́ша, и вни́детъ Ца́рь Сла́вы! Престо́лъ бо херуви́мскій взя́тъ Тя́ съ пло́тію, Го́споди, сла́ва Тебѣ́!



ВЪ СРЕДУ НА УТРЕНИ,

По 1-мъ стихосло́віи, сѣда́ленъ, гла́съ 4. Подо́бенъ: Яви́лся еси́.

Ко Твоему́ Роди́телю па́ки восте́къ, Вседѣ́телю, рабо́въ Твои́хъ не оста́ви си́рыхъ! — ученицы́, я́ко ви́дѣша Тя́ возне́сшагося, вопія́ху, Человѣколю́бче.

Сла́ва, и ны́нѣ, то́йже.

По 2-мъ стихосло́віи сѣда́ленъ, гла́съ 4. Подо́бенъ: Яви́лся еси́ дне́сь.

Сла́вная удобре́нія Боже́ственныхъ умо́въ, сла́вы Го́спода возне́сшагося я́вѣ съ пло́тію ви́дѣвше, — врата́, — вопія́ху дру́гъ дру́гу, — возми́те!

Сла́ва, и ны́нѣ, то́йже.

Псало́мъ 50-й. Кано́нъ пра́здника [2-й], со ирмосы́, на 8 и мине́и на 4. Конда́къ и ексапостила́рій пра́здника.

На стихо́внѣ стихи́ры, гла́съ 6. Подо́бенъ: Тридне́венъ воскре́слъ еси́.

За кра́йнее благоутро́біе, Христе́, роди́лся еси́ изъ Дѣ́вы пло́тію, во́лею же претерпѣ́вый Кре́стъ, тридне́венъ воскре́слъ еси́ изъ гро́ба, Всеще́дре, совоскреси́вый и оживи́вый на́съ.

Сти́хъ: Вси́ язы́цы, восплещи́те рука́ми, [воскли́кните Бо́гу гла́сомъ ра́дованія].

Зря́щимъ Тя́, Христе́ Бо́же, боже́ственнымъ ученико́мъ, я́вѣ возне́слся еси́ отъ земли́ на не́бо и си́мъ обѣща́лъ еси́ посла́ти, Жизнода́вче, отъ Отца́ Ду́ха Свята́го.

Сти́хъ: Взы́де Бо́гъ въ воскликнове́ніи, [Госпо́дь во гла́сѣ тру́бнѣ].

Диви́тся а́нгелъ мно́жество стра́нному восхожде́нію Твоему́ и стра́шному, Іису́се Всецарю́, и врата́ небе́сная взя́ти, вопія́ху, го́рншимъ ны́нѣ си́ламъ.

Сла́ва, и ны́нѣ, гла́съ 6:

Нѣ́дръ Оте́ческихъ не разлу́чся, Сладча́йшій Іису́се, и съ земны́ми, я́ко Человѣ́къ, пожи́въ, дне́сь отъ горы́ Елео́нскія возне́слся еси́ во сла́вѣ и па́дшее естество́ на́ше ми́лостивно возне́слъ, Отцу́ спосади́лъ еси́. Тѣ́мже небе́сніи безпло́тныхъ чи́нове, чудеси́ удивля́ющеся, ужаса́хуся у́жасомъ, и тре́петомъ содержи́ми, Твое́ человѣколю́біе велича́ху. Съ ни́миже и мы́, земнíи, е́же къ на́мъ Твое́ снисхожде́ніе и е́же отъ на́съ вознесе́ніе славосло́вяще, мо́лимся, глаго́люще: ученики́ и Ро́ждшую Тя́ Богоро́дицу ра́дости безчи́сленныя Испо́лнивый во Твое́ Вознесе́ніе, и на́съ сподо́би избра́нныхъ Твои́хъ ра́дости, моли́твами и́хъ, вели́кія ра́ди Твоея́ ми́лости.



НА ЛИТУРГІИ,

Блаже́нна отъ кано́на, пѣ́снь 7-я, на 6.

Источникъ: Пентикоста́ріонъ, е́же е́сть Пятдеся́тница [Тріо́дь Цвѣтна́я]. — Кíевъ: Въ тѵпогра́фіи Кíево-Пече́рской Ла́вры, 1864. — Л. 174 – 175.

Назадъ / Къ оглавленію / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.