Церковный календарь
Новости


2017-09-14 / russportal
Прот. Константинъ Зноско. "Истор. очеркъ церк. уніи". Часть 2-я. Глава 2-я (1993)
2017-09-14 / russportal
Прот. Константинъ Зноско. "Истор. очеркъ церк. уніи". Часть 2-я. Глава 1-я (1993)
2017-09-14 / russportal
Свт. Игнатій (Брянчаниновъ). Понятіе о ереси и расколѣ (1996)
2017-09-14 / russportal
Свт. Игнатій (Брянчаниновъ). Жизнь схимонаха Ѳеодора (1996)
2017-09-13 / russportal
Прот. Константинъ Зноско. Краткій обзоръ причинъ, пород. Литовскую церк. унію (1993)
2017-09-13 / russportal
Прот. Михаилъ Польскій. "О почитаніи Пресв. Дѣвы Маріи". Глава 10-я (1987)
2017-09-13 / russportal
Прот. Михаилъ Польскій. "О почитаніи Пресв. Дѣвы Маріи". Глава 9-я (1987)
2017-09-13 / russportal
Прот. Михаилъ Польскій. "О почитаніи Пресв. Дѣвы Маріи". Глава 8-я (1987)
2017-09-13 / russportal
Прот. Михаилъ Польскій. "О почитаніи Пресв. Дѣвы Маріи". Глава 7-я (1987)
2017-09-13 / russportal
Прот. Михаилъ Польскій. "О почитаніи Пресв. Дѣвы Маріи". Глава 6-я (1987)
2017-09-12 / russportal
Іером. Серафимъ (Роузъ). "Душа послѣ смерти". Глава 9-я (1991)
2017-09-12 / russportal
Іером. Серафимъ (Роузъ). "Душа послѣ смерти". Глава 8-я (1991)
2017-09-12 / russportal
Прот. Григорій Дьяченко. Поуч. (2-е) на пер. мощей св. бл. кн. Александра Невскаго (1900)
2017-09-12 / russportal
Прот. Григорій Дьяченко. Поуч. (1-е) на пер. мощей св. бл. кн. Александра Невскаго (1900)
2017-09-11 / russportal
Прот. Григорій Дьяченко. Поученіе "Безмолвный обличитель убійцы" (1900)
2017-09-11 / russportal
Прот. Григорій Дьяченко. Поученіе "Возмездіе за грѣхъ" (1900)
Новости въ видѣ
RSS-канала: .
Сегодня - среда, 20 сентября 2017 г. Сейчасъ на порталѣ посѣтителей - 20.
Церковно-богослужебныя книги

ПЕНТИКОСТАРІОНЪ, ЕЖЕ ЕСТЬ ПЯТДЕСЯТНИЦА [ТРІОДЬ ЦВѢТНАЯ].
[Изданіе Кіево-Печерской Успенской Лавры. Кіевъ, 1864.]

СЛУЖБА ВО ВТОРНИКЪ ПЕРВЫЯ СЕДМИЦЫ ПО ПЯТДЕСЯТНИЦѢ.

ВЪ ПОНЕДѢЛЬНИКЪ ВЕЧЕРА,

На Го́споди воззва́хъ... поста́вимъ стихо́въ 6 и пое́мъ стихи́ры подо́бны, гла́съ 1. Подо́бенъ: Небе́сныхъ чино́въ.

Ны́нѣ обновля́ются язы́цы вели́чіи Бо́жіими, иновѣща́нными словесы́, я́ко въ ви́дѣ о́гненномъ, во увѣре́ніе всѣ́хъ су́щихъ на земли́, повѣ́дати яснѣ́йши, ны́нѣ въ зна́меніе язы́комъ вои́стинну спасе́ніе прише́лъ еси́.

Юже низпосла́ти обѣща́лъ еси́ ученико́мъ Твои́мъ, Христе́, съ высоты́ си́лу, испо́лнивый; посыла́еши Свята́го Твоего́ Ду́ха, показа́вый на́мъ, я́ко Ты́ еси́ Истина, и на Тя́ упова́ющіи, Бла́же, вои́стинну не посрамля́ются.

Предъобѣща́ніе испо́лнивый, Твоего́ Утѣ́шителя, я́ко во о́гненныхъ язы́цѣхъ, посла́лъ еси́ мíру, всѣ́хъ грѣхи́ Боже́ственнымъ огне́мъ слія́ти и да́ти на́мъ е́же къ нему́ обще́ніе и́стинное, вѣ́рно богосло́вящимъ Его́.

И мине́и 3.

Сла́ва, и ны́нѣ, гла́съ 1:

Пятдеся́тницу пра́зднуимъ, и Ду́ха прише́ствіе, и предложе́ніе обѣща́нія, и наде́жды исполне́ніе, и та́инство ели́ко, я́ко вели́ко же и че́стно. Тѣ́мже вопіе́мъ Ти́: Содѣ́телю всѣ́хъ Го́споди, сла́ва Тебѣ́!

На стихо́внѣ стихи́ры, гла́съ 2. Подо́бенъ: До́ме Евфра́ѳовъ.

Дѣ́ломъ ученико́мъ, я́коже обѣща́лъ еси́, Сло́ве, посла́лъ еси́ Боже́ственнаго и Свята́го Твоего́ Ду́ха, и сія́ просвѣти́лъ еси́.

Сти́хъ: Се́рдце чи́сто сози́жди во мнѣ́, Бо́же, [и Ду́хъ пра́въ обнови́ во утро́бѣ мое́й].

Внеза́пу съ небесе́ апо́столы вся́ Боже́ственнаго Утѣ́шителя си́ла всему́дры и богосло́вны показа́.

Сти́хъ: Не отве́ржи мене́ отъ лица́ Твоего́ [и Ду́ха Твоего́ Свята́го не оты́ми отъ мене́].

Ро́дъ иноро́дныхъ, слы́шаще недоумѣва́хуся, язы́ки свои́ми боже́ственныя апо́столы Тро́ицу велича́ющія.

Сла́ва, и ны́нѣ, гла́съ 1:

Язы́ками иноро́дныхъ обнови́лъ еси́, Христе́, Твоя́ ученики́, да тѣ́ми Тя́ проповѣ́дятъ Безсме́ртнаго Сло́ва и Бо́га, подаю́щаго душа́мъ на́шимъ ве́лію ми́лость.



ВО ВТОРНИКЪ НА УТРЕНИ,

По 1-мъ стихосло́віи сѣда́ленъ, гла́съ 1. Подо́бенъ: Гро́бъ Тво́й.

Счиня́ю, своспѣва́ю, ссла́влю, спочита́ю Отцу́ и Сы́ну Ду́ха Всесвята́го, соединя́я Божество́мъ, раздѣля́я сво́йствы: си́це бо Се́й Христо́вы апо́столы ны́нѣ одѣ́явъ, во все́мъ мíрѣ проповѣ́дати упрему́дри.

Сла́ва, и ны́нѣ, то́йже.

По 2-мъ стихосло́віи сѣда́ленъ, гла́съ 4. Подо́бенъ: Ско́ро предвари́.

Христо́вы ученики́ Ду́ха благода́ть, стра́шно съ небесе́ соше́дши въ ви́дѣ о́гненномъ, просвѣти́ и свѣти́льники показа́, возвѣща́ющія Святы́я Тро́ицы еди́ну Си́лу и Госпо́дьство еди́но, е́же вѣ́рою сла́вимъ.

Сла́ва, и ны́нѣ, то́йже.

Псало́мъ 50-й. И кано́нъ пра́здника 7-го гла́са, со ирмосы́, на 8 и мине́и на 4. Конда́къ и ексапостила́рій пра́здника.

На стихо́внѣ стихи́ры, гла́съ 2. Подо́бенъ: До́ме Евфра́ѳовъ.

Заре́ю богонача́льною у́мъ просвѣти́вше, ученицы́ Твои́, Сло́ве, су́щественно Ду́ха Свята́го прія́ша.

Сти́хъ: Се́рдце чи́сто сози́жди во мнѣ́, Бо́же, [и Ду́хъ пра́въ обнови́ во утро́бѣ мое́й].

Язы́цы со огне́мъ, съ высоты́ ви́дими бы́вше, на апо́столы снидо́ша раздѣля́еми, просвѣща́юще, не опаля́юще.

Сти́хъ: Не отве́ржи мене́ отъ лица́ Твоего́ [и Ду́ха Твоего́ Свята́го не оты́ми отъ мене́].

Свы́ше къ на́мъ, Утѣ́шителю, прише́дъ, я́ко пре́жде апо́столомъ, освяти́ и спаси́, Тя́ Бо́га проповѣ́дающія.

Сла́ва и ны́нѣ, гла́съ 1:

Вся́ подае́тъ Ду́хъ Святы́й: то́читъ проро́чествія, свяще́нники соверша́етъ, некни́жныя му́дрости научи́, ры́бари богосло́вцы показа́, ве́сь собира́етъ собо́ръ церко́вный. Единосу́щне и Сопресто́льне Отцу́ и Сы́ну, Утѣ́шителю, сла́ва Тебѣ́!



НА ЛИТУРГІИ,

Блаже́нна отъ кано́на пра́здника обои́хъ творцо́въ, пѣ́снь 1-я, на 6.

Источникъ: Пентикоста́ріонъ, е́же е́сть Пятдеся́тница [Тріо́дь Цвѣтна́я]. — Кíевъ: Въ тѵпогра́фіи Кíево-Пече́рской Ла́вры, 1864. — Л. 208 об. – 209.

Назадъ / Къ оглавленію / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.