Церковный календарь
Новости


2017-09-14 / russportal
Прот. Константинъ Зноско. "Истор. очеркъ церк. уніи". Часть 2-я. Глава 2-я (1993)
2017-09-14 / russportal
Прот. Константинъ Зноско. "Истор. очеркъ церк. уніи". Часть 2-я. Глава 1-я (1993)
2017-09-14 / russportal
Свт. Игнатій (Брянчаниновъ). Понятіе о ереси и расколѣ (1996)
2017-09-14 / russportal
Свт. Игнатій (Брянчаниновъ). Жизнь схимонаха Ѳеодора (1996)
2017-09-13 / russportal
Прот. Константинъ Зноско. Краткій обзоръ причинъ, пород. Литовскую церк. унію (1993)
2017-09-13 / russportal
Прот. Михаилъ Польскій. "О почитаніи Пресв. Дѣвы Маріи". Глава 10-я (1987)
2017-09-13 / russportal
Прот. Михаилъ Польскій. "О почитаніи Пресв. Дѣвы Маріи". Глава 9-я (1987)
2017-09-13 / russportal
Прот. Михаилъ Польскій. "О почитаніи Пресв. Дѣвы Маріи". Глава 8-я (1987)
2017-09-13 / russportal
Прот. Михаилъ Польскій. "О почитаніи Пресв. Дѣвы Маріи". Глава 7-я (1987)
2017-09-13 / russportal
Прот. Михаилъ Польскій. "О почитаніи Пресв. Дѣвы Маріи". Глава 6-я (1987)
2017-09-12 / russportal
Іером. Серафимъ (Роузъ). "Душа послѣ смерти". Глава 9-я (1991)
2017-09-12 / russportal
Іером. Серафимъ (Роузъ). "Душа послѣ смерти". Глава 8-я (1991)
2017-09-12 / russportal
Прот. Григорій Дьяченко. Поуч. (2-е) на пер. мощей св. бл. кн. Александра Невскаго (1900)
2017-09-12 / russportal
Прот. Григорій Дьяченко. Поуч. (1-е) на пер. мощей св. бл. кн. Александра Невскаго (1900)
2017-09-11 / russportal
Прот. Григорій Дьяченко. Поученіе "Безмолвный обличитель убійцы" (1900)
2017-09-11 / russportal
Прот. Григорій Дьяченко. Поученіе "Возмездіе за грѣхъ" (1900)
Новости въ видѣ
RSS-канала: .
Сегодня - среда, 20 сентября 2017 г. Сейчасъ на порталѣ посѣтителей - 20.
Церковно-богослужебныя книги

ПЕНТИКОСТАРІОНЪ, ЕЖЕ ЕСТЬ ПЯТДЕСЯТНИЦА [ТРІОДЬ ЦВѢТНАЯ].
[Изданіе Кіево-Печерской Успенской Лавры. Кіевъ, 1864.]

СЛУЖБА ВЪ СРЕДУ ПЕРВЫЯ СЕДМИЦЫ ПО ПЯТДЕСЯТНИЦѢ.

ВО ВТОРНИКЪ ВЕЧЕРА,
На Го́споди воззва́хъ... поста́вимъ стихо́въ 6 и пое́мъ стихи́ры подо́бны, гла́съ 1. Подо́бенъ: Не́бесныхъ чино́въ.

Яко сра́сленно, я́ко сво́йственно слове́снымъ небесе́мъ огнеобра́зными язы́ки возвѣща́ти язы́комъ сла́ву Бо́га, огне́мъ небеса́ украси́вшаго и озари́вшаго мíръ чу́вственный съ Сы́номъ же и Ду́хомъ.

Въ Сіо́нѣ собра́ннымъ ученико́мъ Христо́вымъ, я́коже обѣща́ніе, Ду́хъ Святы́й на сія́ прише́дъ ви́домъ о́гненнымъ, огнедохнове́нны я́ показа́, вѣща́ніи та́йными уче́нія Тро́ическая витíйствующія.

Небокова́нныя мечи́, свяще́нныя ученики́, Свяще́нный Ду́хъ прише́дъ, соверши́: зе́млю освяти́ша Бо́гу Творцу́, несвяще́нныя посѣ́кше, я́ко исче́знути ору́жіемъ лука́ваго и спасти́ся душа́мъ на́шимъ.

И мине́и 3.

Сла́ва, и ны́нѣ, гла́съ 2:

Ви́дѣхомъ Свѣ́тъ Истинный, прія́хомъ Ду́ха Небе́снаго, обрѣто́хомъ вѣ́ру и́стинную, Нераздѣ́льней Тро́ицѣ покланя́емся: Та́ бо на́съ спасла́ е́сть.

На стихо́внѣ стихи́ры подо́бны, гла́съ 4. Подо́бенъ: Да́лъ еси́ зна́меніе.

Дне́сь на́йде Пресвята́го Твоего́ Ду́ха дѣ́йствіе, Го́споди, на апо́столы Твоя́, и прему́дры показа́въ боговѣ́дѣніемъ, и испо́лни я́ блаже́ннаго уче́нія Твоего́. Тѣ́мже Твое́ спаси́тельное смотре́ніе сла́вимъ, Іису́се Всеси́льне, Спа́се ду́шъ на́шихъ.

Сти́хъ: Се́рдце чи́сто сози́жди во мнѣ́, Бо́же, [и Ду́хъ пра́въ обнови́ во утро́бѣ мое́й].

Дне́сь Ду́хъ Тво́й Всеси́льный, Влады́ко, отъ Отца́ посыла́ется, Тебѣ́ Единосу́щный, во о́гненныхъ язы́цѣхъ, подая́ти же вели́чія Твоя́, глаго́лати апо́столы Твоя́ устро́и. Тѣ́мже спаси́тельное Твое́ смотре́ніе сла́вимъ, Іису́се Всеси́льне, Спа́се ду́шъ на́шихъ.

Сти́хъ: Не отве́ржи мене́ отъ лица́ Твоего́ [и Ду́ха Твоего́ Свята́го не оты́ми отъ мене́].

Дне́сь излія́лъ еси́ Утѣ́шителя Твоего́ Ду́ха, Спа́се, дарова́нія, пода́въ человѣ́ческому естеству́ проро́чествовати, я́коже ре́клъ еси́, Сло́ве, и Тро́ицѣ покланя́тися нераздѣ́льно снаказа́лъ еси́. Тѣ́мже Твое́ спаси́тельное смотре́ніе сла́вимъ, Іису́се Всеси́льне, Спа́се ду́шъ на́шихъ.

Сла́ва, и ны́нѣ, гла́съ 6:

Го́споди, Свята́го Ду́ха наше́ствіе, апо́столы Твоя́ испо́лнившее, ины́ми язы́ки глаго́лати устро́и. Тѣ́мже пресла́вное, невѣ́рнымъ у́бо пія́нство мня́шеся, вѣ́рнымъ же — хода́тайственно спасе́нія. Его́же сія́нія и на́съ сподо́би, мо́лимтися, Человѣколю́бче.

Та́же: Ны́нѣ отпуща́еши... Тропа́рь и отпу́стъ.




ВЪ СРЕДУ НА УТРЕНИ,
На Бо́гъ Госпо́дь... Тропа́рь пра́здника, три́жды.

По 1-й каѳи́смѣ сѣда́ленъ, гла́съ 5. Подо́бенъ: Собезнача́льное.

Духо́вная благода́ть, прише́дши отъ ни́щихъ лове́цъ — апо́столъ Твои́хъ, просвѣти́, Христе́, прему́дрыя и кня́зи. Ихже уче́ніемъ и мы́ Пятдеся́тницы пра́здникъ свѣ́тлый при́сно соверша́емъ, со Отце́мъ Тебе́ пою́ще и Боже́ственнымъ Ду́хомъ.

Сла́ва, и ны́нѣ, то́йже.

По 2-й каѳи́смѣ сѣда́ленъ, гла́съ 8. Подо́бенъ: Прему́дрости.

Всесвяты́й Ду́хъ, ны́нѣ соше́дъ на апо́столы ви́домъ огня́, у́жасомъ испо́лни язы́къ собра́нія: язы́ки бо о́гненными, Человѣколю́бче, глаго́лющимъ, свою́ кíйждо бесѣ́ду слы́шаше. Тѣ́мже и чу́до невѣ́рнымъ, я́ко пія́нство, вѣ́рнымъ же — спаси́тельное вои́стинну познава́шеся. Сего́ ра́ди сла́вимъ держа́ву Твою́, Христе́ Бо́же, прегрѣше́ній оставле́нія прося́ще низпосла́ти бога́тно рабо́мъ Твои́мъ.

Сла́ва, и ны́нѣ, то́йже.

Кано́нъ пра́здника [2-й] и мине́и. По 9-й пѣ́сни ексапостила́рій пра́здника.

На стихо́внѣ стихи́ры, гла́съ 2. Подо́бенъ: До́ме Евфра́ѳовъ.

Свы́ше къ на́мъ, Утѣ́шителю, прише́дый, я́коже пе́рвѣе ко апо́столомъ, освяти́ и спаси́, Тебе́ Бо́га проповѣ́дающихъ.

Сти́хъ: Се́рдце чи́сто сози́жди во мнѣ́, Бо́же, [и Ду́хъ пра́въ обнови́ во утро́бѣ мое́й].

Внеза́пу съ небесе́ апо́столы вся́ Боже́ственнаго Утѣ́шителя си́ла всему́дры и богосло́вцы показа́.

Сти́хъ: Не отве́ржи мене́ отъ лица́ Твоего́ [и Ду́ха Твоего́ Свята́го не оты́ми отъ мене́].

Заре́ю богонача́льною у́мъ просвѣти́вше, ученицы́ Твои́, Сло́ве, су́щественно Ду́хъ Святы́й прія́ша.

Сла́ва, и ны́нѣ, гла́съ 6:

Царю́ Небе́сный, Утѣ́шителю, Ду́ше и́стины, Иже вездѣ́ Сы́й и вся́ Исполня́яй, Сокро́вище благи́хъ и жи́зни Пода́телю, пріиди́ и всели́ся въ ны́, и очи́сти ны́ отъ вся́кія скве́рны, и спаси́, Бла́же, ду́ши на́ша.

Та́же ча́съ 1-й. И отпу́стъ.




НА ЛИТУРГІИ,

Блаже́нна отъ кано́на пра́здника обои́хъ творцо́въ, пѣ́снь 4-я, на 6.

Источникъ: Пентикоста́ріонъ, е́же е́сть Пятдеся́тница [Тріо́дь Цвѣтна́я]. — Кíевъ: Въ тѵпогра́фіи Кíево-Пече́рской Ла́вры, 1864. — Л. 209 об. – 210 об.

Назадъ / Къ оглавленію / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.