Церковный календарь
Новости


2017-11-20 / russportal
Архіеп. Аверкій (Таушевъ). Будемъ ли мы, наконецъ, каяться? (1975)
2017-11-20 / russportal
Архіеп. Аверкій (Таушевъ). Готовимся ли мы къ Великому посту? (1975)
2017-11-20 / russportal
Генералъ П. Н. Красновъ. Мысли о конницѣ (1933)
2017-11-20 / russportal
Генералъ П. Н. Красновъ. Сибирскіе казаки (1934)
2017-11-20 / russportal
"Пропов. хрестоматія". Поученіе (2-е) на соборъ св. Архистратига Михаила (1965)
2017-11-20 / russportal
"Пропов. хрестоматія". Поученіе (1-е) на соборъ св. Архистратига Михаила (1965)
2017-11-18 / russportal
Ген. П. Н. Красновъ. "Старая Академія". Глава 8-я (1932)
2017-11-18 / russportal
Ген. П. Н. Красновъ. "Старая Академія". Глава 7-я (1932)
2017-11-18 / russportal
Л. Д. Перепелкина. Юліанскій календарь - 1000-лѣтняя икона времени на Руси (1989)
2017-11-18 / russportal
Проф. П. В. Верховской. Патріархъ Тихонъ (1919)
2017-11-17 / russportal
Ген. П. Н. Красновъ. "Старая Академія". Глава 6-я (1932)
2017-11-17 / russportal
Ген. П. Н. Красновъ. "Старая Академія". Глава 5-я (1932)
2017-11-17 / russportal
Ген. П. Н. Красновъ. №100 (Къ юбилею "Часового") (1933)
2017-11-17 / russportal
Генералъ П. Н. Красновъ. Подъ какимъ лозунгомъ? (1933)
2017-11-17 / russportal
Слова преп. Симеона Новаго Богослова. Слово 36-е (1882)
2017-11-17 / russportal
Слова преп. Симеона Новаго Богослова. Слово 35-е (1882)
Новости въ видѣ
RSS-канала: .
Сегодня - вторникъ, 21 ноября 2017 г. Сейчасъ на порталѣ посѣтителей - 15.
Церковно-богослужебныя книги

ПЕНТИКОСТАРІОНЪ, ЕЖЕ ЕСТЬ ПЯТДЕСЯТНИЦА [ТРІОДЬ ЦВѢТНАЯ].
[Изданіе Кіево-Печерской Успенской Лавры. Кіевъ, 1864.]

СЛУЖБА ВЪ ПЯТОКЪ ПЕРВЫЯ СЕДМИЦЫ ПО ПЯТДЕСЯТНИЦѢ.

ВЪ ЧЕТВЕРТОКЪ ВЕЧЕРА,
На Го́споди воззва́хъ... поста́вимъ стихо́въ 6: пра́здника 3 и мине́и 3.

Стихи́ры пра́здника, гла́съ 4. Подо́бенъ: Да́лъ еси́ зна́меніе.

Дне́сь на́йде Пресвята́го Твоего́ Ду́ха дѣ́йствіе, Го́споди, на апо́столы Твоя́, и прему́дры показа́въ боговѣ́дѣніемъ, и испо́лни я́ блаже́ннаго уче́нія Твоего́. Тѣ́мже Твое́ спаси́тельное смотре́ніе сла́вимъ, Іису́се Всеси́льне, Спа́се ду́шъ на́шихъ.

Дне́сь Ду́хъ Тво́й Всеси́льный, Влады́ко, отъ Отца́ посыла́ется, Тебѣ́ Единосу́щный, во о́гненныхъ язы́цѣхъ, подая́ти же вели́чія Твоя́, глаго́лати апо́столы Твоя́ устро́и. Тѣ́мже спаси́тельное Твое́ смотре́ніе сла́вимъ, Іису́се Всеси́льне, Спа́се ду́шъ на́шихъ.

Дне́сь излія́лъ еси́ Утѣ́шителя Твоего́ Ду́ха, Спа́се, дарова́нія, пода́въ человѣ́ческому естеству́ проро́чествовати, я́коже ре́клъ еси́, Сло́ве, и Тро́ицѣ покланя́тися нераздѣ́льно снаказа́лъ еси́. Тѣ́мже Твое́ спаси́тельное смотре́ніе сла́вимъ, Іису́се Всеси́льне, Спа́се ду́шъ на́шихъ.

Сла́ва, и ны́нѣ, гла́съ 2:

Тро́ицу Единосу́щную пѣсносло́вимъ, Отца́ и Сы́на со Святы́мъ Ду́хомъ: Сію́ бо проповѣ́даша вси́ проро́цы и апо́столи съ му́ченики.

Та́же: Свѣ́те Ти́хій...

На стихо́внѣ стихи́ры, гла́съ 1. Подо́бенъ: Небе́сныхъ чино́въ.

Моисе́й на горѣ́ Су́щаго огне́мъ ви́дѣ, но и богови́дцемъ и му́дрымъ апо́столомъ Ду́хъ огнезра́чно схо́дитъ ны́нѣ, а́ки я́вственно просвѣща́я, я́коже Еди́нъ Бо́гъ, глаго́лавый тогда́ и ны́нѣ въ то́ждествѣ естества́.

Сти́хъ: Се́рдце чи́сто сози́жди во мнѣ́, Бо́же, [и Ду́хъ пра́въ обнови́ во утро́бѣ мое́й].

Огнезра́чными язы́ки богогла́голивіи къ водѣ́ креще́нія Боже́ственнаго зову́ще, ри́торовъ бля́ди [пустосло́віе[1] безбо́жныхъ огне́мъ Ду́ха попали́ша. Но просвѣти́, Утѣ́шителю, и на́съ, вѣ́рно богосло́вящихъ Тя́.

Сти́хъ: Не отве́ржи мене́ отъ лица́ Твоего́ [и Ду́ха Твоего́ Свята́го не оты́ми отъ мене́].

И и́же въ веществѣ́, Бо́же мо́й, Тебѣ́ послужи́вшія, пріе́мшія дебе́лость вещества́ неизрече́нно, я́коже дре́вле невеще́ственныхъ огне́мъ новотвори́ши пла́менныя Ду́ха, я́ко многопѣва́емь еси́, я́ко Чу́денъ въ дѣ́лѣхъ Твои́хъ, Человѣколю́бче.

Сла́ва, и ны́нѣ, гла́съ 7:

Утѣ́шителя иму́ще ко Отцу́ — Христа́ Бо́га, Утѣ́шителю Ино́му, прише́дшему къ на́мъ на зе́млю дне́сь, Ду́ху Свято́му, вѣ́рою поклони́мся.

Та́же: Ны́нѣ отпуща́еши... Тропа́рь пра́здника и отпу́стъ.

[Зри́:] Зна́й и се́, я́ко слу́жбы святы́хъ, прилучи́вшихся въ суббо́ту гряду́щую и недѣ́лю всѣ́хъ святы́хъ, пое́мъ еди́наго напреди́, а друга́го въ настоя́щій пято́къ на повече́ріи.



ВЪ ПЯТОКЪ ПЯТДЕСЯТНЫЯ НЕДѢЛИ, НА УТРЕНИ,
На Бо́гъ Госпо́дь... Тропа́рь пра́здника, три́жды.

По 1-й каѳи́смѣ сѣда́ленъ, гла́съ 1. Подо́бенъ: Гро́бъ Тво́й.

Се́ проро́ческая исполня́ются прорече́нія: сія́ бо заря́ми примра́чными покры́вый въ бу́дущихъ явле́ніе, я́ко Бо́гъ Утѣ́шитель, ны́нѣ излія́ся апо́столомъ бога́тно. Тѣ́миже и вѣ́рно покланя́ющимся Тро́ицѣ Несозда́ннѣй.

Сла́ва, и ны́нѣ, то́йже.

По 2-й каѳи́смѣ сѣда́ленъ, гла́съ 8. Подо́бенъ: Прему́дрости.

Всесвяты́й Ду́хъ, ны́нѣ соше́дъ на апо́столы ви́домъ огня́, у́жасомъ испо́лни язы́къ собра́нія: язы́ки бо о́гненными, Человѣколю́бче, глаго́лющимъ, свою́ кíйждо бесѣ́ду слы́шаше. Тѣ́мже и чу́до невѣ́рнымъ, я́ко пія́нство, вѣ́рнымъ же — спасе́ніе вои́стинну познава́шеся. Сего́ ра́ди сла́вимъ держа́ву Твою́, Христе́ Бо́же, прегрѣше́ній оставле́нія прося́ще низпосла́ти бога́тно рабо́мъ Твои́мъ.

Сла́ва, и ны́нѣ, то́йже.

Кано́нъ пра́здника [2-й], гла́съ 4, со ирмосо́мъ, на 8 и свята́го на 4. По 9-й пѣ́сни ексапостила́рій пра́здника, два́жды.

На стихо́внѣ стихи́ры, гла́съ 6. Подо́бенъ: Тридне́венъ.

Ду́ху Всесвято́му, со Отце́мъ пѣва́емому и съ Сы́номъ же, воспои́мъ, вѣ́рніи, кла́няющеся непреста́нно; Тро́ицу Пресвяту́ю — Бо́га, лю́діе, славосло́вимъ.

Сти́хъ: Се́рдце чи́сто сози́жди во мнѣ́, Бо́же, [и Ду́хъ пра́въ обнови́ во утро́бѣ мое́й].

Тебе́, Ду́ха Утѣ́шителя, вѣ́рно восхва́лимъ со свяще́нными и боже́ственными апо́столы: въ тре́тій бо ча́съ, я́коже обѣща́, Тебе́ отъ Отца́ свѣ́товъ посла́ Христо́съ.

Сти́хъ: Не отве́ржи мене́ отъ лица́ Твоего́ [и Ду́ха Твоего́ Свята́го не оты́ми отъ мене́].

Тро́ице Свята́я, сла́ва Тебѣ́!  Въ пѣ́снехъ покланя́юся Тро́ически, Отцу́ и Ду́ху Пра́вому съ Сы́номъ и, поя́ Тебе́, Тро́ице, боже́ственнѣ, достодо́лжно вѣ́рно почита́ю.

Сла́ва, и ны́нѣ, гла́съ 8:

Егда́ Ду́ха Твоего́ посла́лъ еси́, Го́споди, сѣдя́щимъ апо́столомъ, тогда́ евре́йскія дѣ́ти, зря́ще, ужаса́хуся у́жасомъ: слы́шаху бо я́, вѣща́юща ины́ми стра́нными язы́ки, я́коже Духъ подава́ше и́мъ. Невѣ́жди бо су́ще, умудри́шася, и язы́ки въ вѣ́ру улови́вше, боже́ственная вѣтíйствоваху. Тѣ́мже и мы́ вопіе́мъ Ти́: Иже на земли́ явле́йся и отъ пре́лести спасы́й на́съ, Го́споди, сла́ва Тебѣ́!

Та́же ча́съ пе́рвый. И отпу́стъ.




НА ЛИТУРГІИ,

Блаже́нна отъ кано́на пра́здника, пѣ́снь 7-я и 8-я, на 6.

Примѣчаніе:
[1] Бля́дь = 1) обманъ, заблужденіе; 2) пустословіе; 3) выдумка. (см. Полный церковно-славянскій словарь прот. Григорія Дьяченко. М., 1900. Стр. 49).

Источникъ: Пентикоста́ріонъ, е́же е́сть Пятдеся́тница [Тріо́дь Цвѣтна́я]. — Кíевъ: Въ тѵпогра́фіи Кíево-Пече́рской Ла́вры, 1864. — Л. 212 – 213 об.

Назадъ / Къ оглавленію / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.