Церковный календарь
Новости


2017-05-22 / russportal
"Тріодь Цвѣтная". Служба въ пятокъ 7-й седмицы. Отданіе Вознесенія (1864)
2017-05-22 / russportal
"Тріодь Цвѣтная". Служба въ четвертокъ 7-й седмицы по Пасхѣ (1864)
2017-05-22 / russportal
«Проповѣдн. хрестоматія». Поученіе (2-е) на память свт. Николая Чудотворца (1965)
2017-05-22 / russportal
«Проповѣдн. хрестоматія». Поученіе (1-е) на память свт. Николая Чудотворца (1965)
2017-05-22 / russportal
«Проповѣдн. хрестоматія». Поученіе на память св. пророка Исаіи. (1965)
2017-05-22 / russportal
Еп. Григорій (Граббе). Догматъ о Церкви въ современномъ мірѣ (1975)
2017-05-21 / russportal
"Тріодь Цвѣтная". Служба въ среду 7-й седмицы по Пасхѣ (1864)
2017-05-21 / russportal
"Тріодь Цвѣтная". Служба во вторникъ 7-й седмицы по Пасхѣ (1864)
2017-05-21 / russportal
Прот. Григорій Дьяченко. Три поученія на перенес. мощей свт. Николая Чудотворца (1900)
2017-05-21 / russportal
Прот. Григорій Дьяченко. Поученіе въ день св. ап. и еванг. Іоанна Богослова (1900)
2017-05-20 / russportal
"Тріодь Цвѣтная". Служба въ понедѣльникъ 7-й седмицы по Пасхѣ (1864)
2017-05-20 / russportal
"Тріодь Цвѣтная". Служба въ недѣлю 7-ю по Пасхѣ (свв. отецъ, иже въ Никеи) (1864)
2017-05-19 / russportal
Архіеп. Аверкій (Таушевъ). Высокопр. Іосифъ, митр. Скоплянскій (1975)
2017-05-19 / russportal
Архіеп. Аверкій (Таушевъ). Хранимъ ли мы завѣты св. кн. Владиміра? (1975)
2017-05-18 / russportal
Архіеп. Аверкій (Таушевъ). Обращеніе къ русской молодежи (1975)
2017-05-18 / russportal
Архіеп. Аверкій (Таушевъ). Оцерковленіе жизни (практ. указанія) (1975)
Новости въ видѣ
RSS-канала: .
Сегодня - вторникъ, 23 мая 2017 г. Сейчасъ на порталѣ посѣтителей - 10.
Церковно-учительная литература

КНИГА, ГЛАГОЛЕМАЯ «ЗЛАТОУСТЪ»,
Въ не́йже вся́ко ухищре́ніе Боже́ственнаго Писа́нія, истолко́вано святы́мъ вели́кимъ Іоа́нномъ Златоу́стомъ и про́чими святы́ми отцы́.

СЛОВО 49.
Въ пято́къ 5-я недѣ́ли поста́, поуче́ніе о вѣ́рѣ, и о любви́ е́же къ Бо́гу, и е́же стоя́ти въ вѣ́рѣ неподви́жимо, утвержде́нной богоно́сными отцы́ на 7-ми Собо́рѣхъ.

Искони́ сотвори́ Бо́гъ не́бо и зе́млю, земля́ же бѣ́ неви́дима и неукра́шена, и тма́ верху́ бе́здны, и Ду́хъ Бо́жій ноша́шеся верху́ воды́. И рече́ Бо́гъ: да бу́детъ свѣ́тъ, и бы́сть свѣ́тъ. И ви́дѣ Бо́гъ свѣ́тъ, я́ко добро́, и нарече́ Бо́гъ свѣ́тъ де́нь, и тму́ нарече́ но́щь. Слы́шите, бра́тіе, и отцы́ и сы́нове, ка́ко Бо́гъ нача́токъ сотвори́ о́тъ свѣта? Са́мъ Бо́гъ Свѣ́тъ е́сть. Рече́ бо Госпо́дь: Азъ е́смь Свѣ́тъ всему́ мíру; и: ходя́й по Мнѣ́ не и́мать ходи́ти во тмѣ́. И па́ки рече́ Госпо́дь: вѣ́руяй въ Мя́, /л. 126 об./ не и́мать ви́дѣти сме́рти, но и́мать живо́тъ вѣ́чный, и пре́йдетъ отъ сме́рти въ живо́тъ. И па́ки рече́ Госпо́дь: любя́й Мене́ и за́повѣди Моя́ соблюда́яй, возлю́бленъ бу́детъ Отце́мъ Мои́мъ, и пріи́демъ къ нему́ и оби́тель у него́ сотвори́мъ. Ве́ліе дѣ́ло и стра́шно, Бо́гу въ Тро́ицѣ сла́виму, и отъ а́нгелъ хва́лиму, и отъ арха́нгелъ пое́му, сѣдя́щу на престо́лѣ херуви́мстѣ, и хвалу́ отъ серафи́мъ пріе́млющу, всели́тися въ сердца́ на́ша убо́гая, и въ тѣлеса́ на́ша смире́нная, потемнѣ́вшая грѣхи́ преступле́нія ра́ди. Якоже святы́й апо́столъ Па́велъ, учи́тель и свѣти́льникъ всему́ мíру, рече́: бра́тіе, вы́ есте́ це́ркви Бо́га жива́го. Аще кто́ це́рковь Бо́жію оскверни́тъ, оскверни́тъ его́ Бо́гъ и разсы́плетъ. Оскверня́ютъ ю́ человѣ́цы блудо́мъ, клевета́ми, пія́нствомъ, за́вистію, не́навистію, безстра́шіемъ въ це́ркви, и ропта́ніемъ на бра́тію, злопомнѣ́ніемъ, послу́шествомъ лжи́вымъ, цѣлова́ніемъ креста́ на́ кривѣ. Па́че же всего́ злѣ́е, е́же впа́сти въ е́ресь. Того́ зла́ да изба́витъ ны́ преблагíй Госпо́дь на́шъ Іису́съ Христо́съ. Мо́лимжеся, бра́тіе и отцы́, благо́му и милосе́дому /л. 127/ Бо́гу на́шему Іису́су Христу́, Ему́же кла́няемся со Отце́мъ и Святы́мъ Ду́хомъ, я́коже научи́ша ны́ святíи апо́столи, и учи́тели, и свѣти́ла всего́ мíра, да держи́мся, бра́тіе, уче́нія святы́хъ апо́столъ, и боже́ственныхъ проро́къ проповѣ́данія, и святы́хъ оте́цъ исправле́нія. Мно́ги бо прокля́тый дія́волъ съ бѣ́сы, зави́дя на́шему спасе́нію, пле́велы всѣ́я зла́го невѣ́рствія въ сердца́ злы́хъ и невѣ́рныхъ человѣ́къ. Святи́тели же и честнíи отцы́, свѣти́ла всего́ мíра, любо́вію Бо́жіею, и вѣ́рою подви́гшеся, потреби́ша пле́велы дія́воли серпо́мъ вѣ́ры, и кла́съ вѣ́ры возрасти́ша, собира́ющеся на собо́рѣхъ. [1-й Собо́ръ.] Пе́рвый Собо́ръ бы́сть при вели́цѣмъ царѣ Константи́нѣ, на не́мже бѣ́ три́ста и осмьна́десять святы́хъ и богоно́сныхъ оте́цъ, на нечести́ваго и прокля́таго Арія, поху́лившаго Го́спода на́шего Іису́са Христа́, тва́рь мня́ща Его́, а не собезнача́льна Отцу́. Святíи же боже́ственніи отцы́ на́ши, три́ста и осмьна́десять, собра́вшеся въ Никíи, и прокля́ша Арія, и исповѣ́даша Го́спода на́шего Іису́са Христа́ Сы́на Бо́жія, собезнача́льна Отцу́, и Свято́му Ду́ху. Упра́виша же и уста́виша вѣ́ру, ея́ же исповѣ́даніе написа́ша, си́це глаго́люще: /л. 127 об./ Вѣ́рую во еди́наго Бо́га Отца́ Вседержи́теля, Творца́ не́бу и земли́, ви́димымъ же всѣ́мъ, и не ви́димымъ, и про́чая. Та́ко же и святу́ю Па́сху уста́виша святíи боже́ственніи отцы́ три́ста и осмьна́десять. Бѣ́ же тогда́ святы́й оте́цъ на́шъ Алекса́ндръ, патріа́рхъ въ Царѣ́-Гра́дѣ, а въ Ри́мѣ Селиве́стръ па́па. [2-й Собо́ръ.] И мину́вшымъ лѣ́томъ пяти́десяти шести́мъ, при вели́цѣмъ Ѳеодо́сіи, бы́сть Собо́ръ святы́й вторы́й, святы́хъ оте́цъ сто́ и пятьдеся́тъ, на Македо́нія, Святы́й Ду́хъ ху́ляща; не слы́ша бо окая́нный Македо́ній, омраче́нный умо́мъ, я́ко проро́цы Святы́мъ Ду́хомъ глаго́лаху: Словесе́мъ Госпо́днимъ небеса́ утверди́шася, и Ду́хомъ у́стъ Его́ вся́ си́ла и́хъ. И па́ки: Ду́хомъ Влады́чнимъ утверди́ мя. И па́ки: Ду́хъ Тво́й благíй наста́витъ мя́ на́ землю пра́ву. И того́ окая́ннаго Македо́нія прокля́ша святíи отцы́, а Свята́го и Животворя́щаго Ду́ха просла́виша ра́вно со Отце́мъ и съ Сы́номъ. [3-й Собо́ръ.] И по сме́рти вели́каго Ѳеодо́сія, мину́вшымъ лѣ́томъ четы́редесятимъ и еди́ному, бы́сть Собо́ръ тре́тій, святы́хъ оте́цъ двѣ́стѣ, при Ѳеодо́сіи Юнѣмъ, сы́нѣ Арка́діевѣ, вну́кѣ вели́каго Ѳеодо́сія. Собра́шася святы́хъ оте́цъ двѣ́стѣ во Еѳе́сѣ на Несто́рія, епи́скопа /л. 128/ Царя́-Гра́да, ху́ляща Святу́ю Богоро́дицу Марíю, Ма́терь Христа́ Бо́га на́шего. Святíи же отцы́ просла́виша Влады́чицу на́шу Богоро́дицу, а нечести́ваго Несто́рія прокля́ша. [4-й Собо́ръ.] И по Ѳеодо́сіи ца́рствова Маркіа́нъ, зя́ть его́, и при то́мъ бы́сть четве́ртый Собо́ръ въ Халкидо́нѣ, святы́хъ оте́цъ ше́сть со́тъ и три́десять, при Лвѣ́, па́пѣ Ри́мскомъ и Анато́ліи, патріа́рсѣ Царя́-Гра́да. Собра́шася на Еѵти́хія архи́мандрита и Діоско́ра, епи́скопа Александрíйскаго, си́це глаго́лющихъ: я́ко Госпо́дня пло́ть не подо́бна на́шей пло́ти, но привидѣ́ніемъ обо́лкся въ на́шу пло́ть. Святíи же отцы́ ше́сть со́тъ и три́десять, Еѵти́хія и Діоско́ра прокля́ша, и исповѣ́даша Сы́на Бо́жія, Го́спода на́шего Іису́са Христа́, стра́сть пріи́мшаго пло́тію и сме́рть вкуси́вша не по Божеству́, но по человѣ́честву; по Божеству́ же су́ща безсме́ртна. [5-й Собо́ръ.] Пото́мъ мину́вшимъ лѣ́томъ сто́ и дву́мъ, бы́сть Собо́ръ пя́тый святы́хъ оте́цъ въ Царѣ́-Гра́дѣ, тогда́ бѣ́ ца́рь Іустиніа́нъ, а патріа́рхъ Еѵти́хій, а въ Ри́мѣ па́па Виги́лій. Собра́шася святíи отцы́ 165 на Ева́грія, и на Ориге́на, и на Диди́ма, и́же блядя́ху [т. е. пустословили, обманывали, разсказывая] нечи́стыя ба́сни, я́ко тѣлесе́мъ на́шимъ не воскре́снути, /л. 128 об./ и му́камъ преста́ти, и раю́ не бы́ти, и Ада́му не во́ плоти бы́вшу, и бѣсо́мъ па́ки бы́ти въ пе́рвомъ сану́, я́коже су́ть бы́ли. И прокля́ша святíи отцы́ е́ресь ту́ и съ еретики́ и́хъ, а исповѣ́даша до́брѣ ра́й бы́ти на Восто́цѣ, и Ада́му, пра́дѣду на́шему, отъ земли́ со́здану бы́вшу, отъ него́ же и вси́ человѣ́цы и до ны́нѣшняго дне́; а бѣ́си про́кляти су́ть, и ерертицы́ и́хъ ученицы́; а воскресе́ніе всѣ́мъ человѣ́комъ бу́детъ. То́ е́сть святы́хъ оте́цъ, и боже́ственныхъ апо́столъ уче́ніе, и святы́хъ оте́цъ исправле́ніе. [6-й Собо́ръ.] И по то́мъ мину́ лѣ́тъ сто́ два́десять де́вять, бы́сть Собо́ръ шесты́й въ Царѣ́-Гра́дѣ, при Константи́нѣ царѣ́ Брада́томъ, святы́хъ оте́цъ бѣ́ сто́ се́дмьдесятъ. Патріа́рхъ въ Царѣ́-Гра́дѣ бы́сть тогда́ Гео́ргій, а въ Ри́мѣ бѣ́ па́па Агаѳо́нъ. Собра́ся Собо́ръ на Ѳео́дора, епи́скопа Фара́нскаго, и на Оно́рія, па́пу Ри́мскаго, и на Се́ргія и Пи́рра, и на Кѵри́ла Александрíйскаго, и на Па́вла и Петра́, бы́вшая епи́скопа Царя́-Гра́да. Глаго́лаху бо еретицы́ еди́ну во́лю въ Го́сподѣ на́шемъ. Святíи же отцы́ Вселе́нскаго Собо́ра вышепи́санныя еретики́ прокля́ша и съ ересьми́ и́хъ, /л. 129/ и исповѣ́даша двѣ́ во́ли въ Го́сподѣ на́шемъ Іису́сѣ Христѣ́ и два́ естества́ и дѣ́йства бы́ти. Человѣ́ка сме́ртна по́ плоти, а Бо́га безсме́ртна по Божеству́, и пло́ть на́шу пріе́мша Сы́на Божія, и пострада́вша пло́тію, а́ки человѣ́ка, и сме́рти вкуси́вша, и во́ гробѣ полежа́вша, и въ тре́тій де́нь воскре́сша, и съ Собо́ю воскреси́вша су́щыя во а́дѣ, я́ко Бо́гъ. [7-й Собо́ръ.] И па́ки мину́ лѣ́тъ сто́ два́десять, бы́сть Собо́ръ седмы́й, при царѣ́ Константи́нѣ и ма́тери его́ Ири́нѣ о святы́хъ ико́нахъ, на иконобо́рцевъ, собра́ся святы́хъ оте́цъ три́ста шестьдеся́тъ и се́дмь. Въ ни́хже бѣ́яху сего́ свята́го Собо́ра нача́льницы: Тара́сій, патріа́рхъ Константи́ня-Гра́да, Политіа́нъ, па́па Александрíйскій, Ѳеодори́тъ Антіохíйскій, Илія́ Іерусали́мскій, и про́чіи святíи му́жи. Глаго́лаху бо еретицы́, я́ко христіа́не кла́няются ико́намъ, я́ко Бо́гу. Святíи же отцы́ прокля́ша еретико́въ и вся́ е́реси и́хъ. И повелѣ́ша покланя́тися святы́мъ ико́намъ съ вели́кою че́стію и со́ страхомъ, я́коже святíи апо́столи научи́ша, и святíи отцы́ та́коже заповѣ́даша, и преда́ша на́мъ твори́ти и покланя́тися. Слы́шите, отцы́ и бра́тіе, коли́ко пле́велъ /л. 129 об./ дія́волъ насѣ́я? Но человѣколюби́вый Бо́гъ святы́я отцы́ научи́ и укрѣпи́, потреби́ти всѣ́яніе діа́воле. Украси́ же це́ркви, и утверди́ проро́ческими проповѣ́даніи, и апо́стольскими уче́ніи и святы́хъ оте́цъ исправле́ньми. О, бра́тіе и отцы́, блюди́теся, да никого́ же ва́съ прельсти́тъ дія́волъ! Святы́й апо́столъ Па́велъ глаго́летъ: бди́те и моли́теся, и сто́йте въ вѣ́рѣ, мужа́йтеся и утвержа́йтеся, и вся́ ва́мъ любо́вію да быва́ютъ; держи́теся преда́нія святы́хъ оте́цъ, и блюди́теся, еда́ кто́ окрада́я ва́съ му́дростію и тще́тною ле́стію, по преда́нію человѣ́ческому, по стихíямъ мíра, а не по Христѣ́. И па́ки рече́: а́ще а́нгелъ, или́ и́нъ кто́ благовѣсти́тъ ва́мъ, па́че благовѣ́щеннаго благовѣ́стія на́ми, про́клятъ да бу́детъ. Тѣ́мъ же, бра́тіе и отцы́, держи́те неподви́жимо преда́нія и уче́нія апо́стольская и святы́хъ оте́цъ. Мы́ бо человѣ́цы о́тъ Бога сотворе́ни есмы́ самовла́стни, или́ добро́, или́ зло́ твори́ти; и а́ще на добро́ помы́слимъ, то́ святíи а́нгели повелѣ́ніемъ Бо́жіимъ сохраня́ютъ ны́ и помога́ютъ на́мъ, и соблюда́ютъ. Аще ли же на зло́ /л. 130/ обрати́мся, то дія́волъ съ бѣсы́ помога́етъ. Тѣ́мъ и святы́й апо́столъ Іа́ковъ, бра́тъ Госпо́день, рече́: покори́теся Бо́гу, и прибли́жится ва́мъ; проти́витеся сатанѣ́, и отбѣ́гнетъ отъ ва́съ. И мы́, бра́тіе и отцы́, помо́лимся Бо́гу, да укрѣпи́тъ ны́, я́коже боже́ственный Давы́дъ рече́: возведо́хъ о́чи мои́ въ го́ры, отню́дуже пріи́детъ по́мощь моя́. По́мощь моя́ о́тъ Господа, сотво́ршаго не́бо и зе́млю. Бо́гу на́шему сла́ва, ны́нѣ и при́сно. [Ами́нь.]

Источникъ: Кни́га, глаго́лемая «Златоу́стъ», въ не́йже вся́ко ухищре́ніе Боже́ственнаго Писа́нія, истолко́вано святы́мъ вели́кимъ Іоа́нномъ Златоу́стомъ и про́чими святы́ми отцы́. — М.: При Свя́то-Тро́ицко-Введе́нской це́ркви, въ тѵпогра́фіи единовѣ́рцевъ, 1910. — Л. 126 – 130.

Назадъ / Къ оглавленію / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.