Церковный календарь
Новости


2017-05-22 / russportal
"Тріодь Цвѣтная". Служба въ пятокъ 7-й седмицы. Отданіе Вознесенія (1864)
2017-05-22 / russportal
"Тріодь Цвѣтная". Служба въ четвертокъ 7-й седмицы по Пасхѣ (1864)
2017-05-22 / russportal
«Проповѣдн. хрестоматія». Поученіе (2-е) на память свт. Николая Чудотворца (1965)
2017-05-22 / russportal
«Проповѣдн. хрестоматія». Поученіе (1-е) на память свт. Николая Чудотворца (1965)
2017-05-22 / russportal
«Проповѣдн. хрестоматія». Поученіе на память св. пророка Исаіи. (1965)
2017-05-22 / russportal
Еп. Григорій (Граббе). Догматъ о Церкви въ современномъ мірѣ (1975)
2017-05-21 / russportal
"Тріодь Цвѣтная". Служба въ среду 7-й седмицы по Пасхѣ (1864)
2017-05-21 / russportal
"Тріодь Цвѣтная". Служба во вторникъ 7-й седмицы по Пасхѣ (1864)
2017-05-21 / russportal
Прот. Григорій Дьяченко. Три поученія на перенес. мощей свт. Николая Чудотворца (1900)
2017-05-21 / russportal
Прот. Григорій Дьяченко. Поученіе въ день св. ап. и еванг. Іоанна Богослова (1900)
2017-05-20 / russportal
"Тріодь Цвѣтная". Служба въ понедѣльникъ 7-й седмицы по Пасхѣ (1864)
2017-05-20 / russportal
"Тріодь Цвѣтная". Служба въ недѣлю 7-ю по Пасхѣ (свв. отецъ, иже въ Никеи) (1864)
2017-05-19 / russportal
Архіеп. Аверкій (Таушевъ). Высокопр. Іосифъ, митр. Скоплянскій (1975)
2017-05-19 / russportal
Архіеп. Аверкій (Таушевъ). Хранимъ ли мы завѣты св. кн. Владиміра? (1975)
2017-05-18 / russportal
Архіеп. Аверкій (Таушевъ). Обращеніе къ русской молодежи (1975)
2017-05-18 / russportal
Архіеп. Аверкій (Таушевъ). Оцерковленіе жизни (практ. указанія) (1975)
Новости въ видѣ
RSS-канала: .
Сегодня - вторникъ, 23 мая 2017 г. Сейчасъ на порталѣ посѣтителей - 9.
Церковно-учительная литература

КНИГА, ГЛАГОЛЕМАЯ «ЗЛАТОУСТЪ»,
Въ не́йже вся́ко ухищре́ніе Боже́ственнаго Писа́нія, истолко́вано святы́мъ вели́кимъ Іоа́нномъ Златоу́стомъ и про́чими святы́ми отцы́.

СЛОВО 51.
Въ недѣ́лю 5-ю поста́, поуче́ніе свята́го Іоа́нна Златоу́стаго о Страсте́хъ Госпо́днихъ.

Люби́міи, по ма́лѣ по́стъ се́й къ концу́ притека́етъ и по ма́лѣ дни́ Стра́сти Госпо́дни прихо́дятъ, того́ ра́ди о страсте́хъ сло́во чте́тся, поне́ да ся́ къ ни́мъ пригото́вимъ до́брыми дѣ́лы, я́ко да возмо́жемъ ко́ждо на́съ, по блаже́нному Давы́ду глаго́лати: угото́вихся, и не смути́ся се́рдце мое́. Поне́же по Страстѣ́хъ — Распя́тіе, Погребе́ніе и Воскресе́ніе; и еще́ вре́мя настои́тъ по́стное, до́лжни есмы́ непоро́чни бы́ти, да пріи́мемъ досто́йнѣ Тѣ́ло и Кро́вь Госпо́дню, я́ко лю́то е́сть христія́ниномъ наре́кшуся, а не пріима́ти Та́инъ Христо́выхъ: и́хъ же и невѣ́рнымъ подо́бны, и арме́ны нарече́, и́же самохо́тнѣ небрегу́ще спасе́нія, прича́стія удаля́ются. /л. 133 об./ А и се́ зло́ отню́дъ, а́ще убíйство кто́ сотвори́тъ, или́ блу́дъ, или́ гнѣ́въ на кого́ имѣ́я, или́ кому́ зло́ сотвори́въ, и о то́мъ и́стинною не пріи́мъ покая́нія, а́ще ся причасти́тъ, пови́ненъ е́сть суду́ и подо́бенъ е́сть жидо́мъ, распе́ншимъ Го́спода. Аще же кто́ живя́ чи́стѣ и въ покая́ніи, а не пріе́млетъ Та́инъ Христо́выхъ, не мо́жетъ спасти́ся. Рече́ бо Госпо́дь: яды́й Мою́ Пло́ть, и пія́й Мою́ Кро́вь, во Мнѣ́ пребыва́етъ и Азъ въ не́мъ. Но слы́шимъ, что́ евангели́стъ глаго́летъ: во вре́мя о́но, поя́тъ Іису́съ двана́десяте ученики́ Своя́, и нача́тъ и́мъ глаго́лати хотя́щая Ему́ бы́ти, да пе́рвѣе слы́шавше, послѣди́ не соблазня́тся о Госпо́дни Стра́сти, и увѣ́дятъ, я́ко во́лею терпи́тъ. Осо́бь же отве́дъ ученики́ Своя́ Госпо́дь, наединѣ́ глаго́ла и́мъ о Стра́сти извѣству́я. Оба́че, а́ще и ско́рбная и́мъ глаго́летъ, но они́ о Воскресе́ніи Его́ утѣша́хуся. И присту́пльше къ Нему́ Іа́ковъ и Іоа́ннъ, сы́на Зеведе́ова, глаго́люща: Учи́телю, да его́же про́сима у Тебе́, сотвори́ши ли на́ма? Онъ же рече́, что́ хо́щета? Она же рѣ́ста: да еди́нъ на́ю одесну́ю Тебе́, /л. 134/ а другíй ошу́юю въ сла́вѣ Твое́й ся́дема? Мня́ху бо, я́ко ца́рства ра́ди земна́го во Іеросали́мъ гряде́тъ, и пото́мъ пріи́метъ Стра́сти, я́ко же рече́ пострада́ти Ему́. Тѣ́мъ же рече́ и́ма: не вѣ́ста чесо́ про́сита. Вы́ бо мните́ земно́е бы́ти ца́рство, а вся́ та́ нивочто́же су́ть. А е́же одесну́ю и ошу́юю Мене́ сѣ́сти, и а́нгельскихъ си́лъ превосхо́дитъ; вы́ бо на сла́ву тщи́тася, Азъ же на сме́рть гряду́. Мо́жета ли ча́шу пи́ти, ю́же Азъ пію́, и креще́ніемъ крести́тися, и́мъ же Азъ креща́юся? Она же не разумѣ́ста, что́ глаго́летъ и́мъ, мня́ста о чу́вственнѣй ча́ши и о креще́ніи, имъ же жи́дове креща́хуся. Рѣ́ста Ему́: мо́жема. И рече́ и́мъ Іису́съ: ча́шу и креще́ніе мо́жета сотвори́ти, а е́же одесну́ю и ошу́юю Мене́ сѣ́сти, нѣ́сть Мое́ да́ти, но и́мъ же угото́вася. Никто́ же бо одесну́ю и ошу́юю Мене́ ся́детъ. Аще и мно́го въ писа́ніи сѣдѣ́нія мѣни́тъ, то разумѣ́й че́сть бо́льшую, а не сѣдѣ́ніе. А е́же нѣ́сть Мое́ да́ти, то вѣ́сте, а́ще кто́ больма́ труди́тся, бо́льшу мзду́ пріи́метъ. Та́ко и вы́, сы́на Зеведе́ова, а́ще и муче́ніе пріи́мете за Мя́. Аще ли же /л. 134 об./ обря́щется кто́ съ муче́ніемъ и́ны добродѣ́тели имѣ́я, то́й па́че ва́ю бу́детъ. Мни́та ли, зане́ Моя́ еста́ ученика́, да того́ ра́ди старѣ́йшинство прія́ти, а́ще са́ми не бу́дете досто́йна? Не вѣ́ста, чесо́ проси́та. И се́ слы́шавша де́сять учени́къ, негодова́ша на Іа́кова и Іоа́нна. И призва́ Іису́съ ученики́ Своя́ и рече́ и́мъ: вѣ́сте ли, я́ко кня́зи язы́ки владѣ́ютъ? То́ человѣ́ческо е́сть, е́же вла́сти иска́ти, а у Мене́ пе́рвіи послѣ́дніи бу́дутъ, а послѣ́дніи пе́рвіи. Кто́ бо́лій хо́щетъ бы́ти въ ва́съ, то́й да бу́детъ всѣ́мъ ра́бъ. На се́ бо пріидо́хъ Са́мъ послужи́ти, и да́ти ду́шу Мою́ за мно́гихъ избавле́ніе. Аще кто́ бу́детъ окаменѣ́нъ зло́бою, толи́кое слы́шавъ Госпо́дне смире́ніе и негордѣ́ніе, а не пріи́метъ смире́нія и не оста́нется го́рдости, таковы́й бу́детъ съ бѣ́сы осужде́нъ. Кто́ ви́дѣ, или́ кто́ слы́ша такова́я уче́нія, и па́дшая воздви́жуща, и стоя́щимъ не даю́ща па́сти? Вельми́ бо е́сть ми́лостивъ Бо́гъ на́шъ, не хо́щетъ сме́рти грѣ́шникомъ, но вся́ на покая́ніе зове́тъ, /л. 135/ и вся́ спасти́ хо́щетъ. Ученицы́ бо еще́ бя́ху не прія́ли Свята́го Ду́ха, тѣ́мъ человѣ́чески ропта́ху о обою́ бра́ту, но послѣди́ уразумѣ́ша, я́ко бо́лій е́сть служа́й. Ибо за ны́ грѣ́шныя пострада́ во́лею, и стра́сти и сме́рть на́съ ра́ди прія́тъ Христо́съ Бо́гъ на́шъ. И мы́, бра́тіе, имѣ́емъ смире́ніе, да просла́вимся, поне́же сла́ва Бо́жія смире́нія ра́ди бы́сть. Не высо́кая мы́слимъ, вѣ́рніи, не осу́димъ нико́го же. Наипа́че же покаря́емся учи́телемъ на́шимъ, тíи бо бдя́тъ о душа́хъ на́шихъ, апо́столъ рече́, я́ко тѣ́мъ отвѣ́тъ да́ти о на́съ, въ стра́шный де́нь Христо́ва прише́ствія. За́висть и гнѣ́въ отве́ржемъ отъ себе́, я́рости и клеветы́; отъ всѣ́хъ си́хъ да пости́мся, да бу́демъ спасе́ни. Бо́гу на́шему сла́ва, ны́нѣ и при́сно, и во́ вѣки вѣко́мъ. [Ами́нь.]

Источникъ: Кни́га, глаго́лемая «Златоу́стъ», въ не́йже вся́ко ухищре́ніе Боже́ственнаго Писа́нія, истолко́вано святы́мъ вели́кимъ Іоа́нномъ Златоу́стомъ и про́чими святы́ми отцы́. — М.: При Свя́то-Тро́ицко-Введе́нской це́ркви, въ тѵпогра́фіи единовѣ́рцевъ, 1910. — Л. 133 – 135.

Назадъ / Къ оглавленію / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.