Церковный календарь
Новости


2017-07-24 / russportal
Cвт. Іоаннъ Шанхайскій. Слово при открытіи общества "Правосл. Дѣло" (1994)
2017-07-24 / russportal
Еп. Григорій (Граббе). Догматика о. Архимандрита Іустина (Поповича) (1964)
2017-07-23 / russportal
Свщмч. Кипріанъ Карѳагенскій. Письмо (48-е), увѣщаніе къ мученичеству (1879)
2017-07-23 / russportal
Свщмч. Кипріанъ Карѳагенскій. Письмо (47-е), противъ еретиковъ (1879)
2017-07-23 / russportal
Слова преп. Симеона Новаго Богослова. Слово 28-е (1882)
2017-07-23 / russportal
Слова преп. Симеона Новаго Богослова. Слово 27-е (1882)
2017-07-22 / russportal
А. И. Купринъ. «Разсказы для дѣтей». Фіалки (1921)
2017-07-22 / russportal
А. И. Купринъ. «Разсказы для дѣтей». Скворцы (1921)
2017-07-22 / russportal
А. С. Пушкинъ. "Повѣсти Бѣлкина". Барышня-крестьянка (1921)
2017-07-22 / russportal
А. С. Пушкинъ. "Повѣсти Бѣлкина". Станціонный смотритель (1921)
2017-07-22 / russportal
Преп. Епифаній Премудрый. Житіе преп. Сергія Радонежскаго. Глава 5-я (1903)
2017-07-22 / russportal
Преп. Епифаній Премудрый. Житіе преп. Сергія Радонежскаго. Глава 4-я (1903)
2017-07-21 / russportal
Повѣсть о явленіи образа Пресв. Богородицы въ Казани, и о чудесахъ, бывшихъ отъ него (1912)
2017-07-21 / russportal
"Проповѣдн. хрестоматія". Поученіе въ день Казанской иконы Божіей Матери (1965)
2017-07-20 / russportal
"Русскія дѣтскія сказки". Василиса Прекрасная (1921)
2017-07-20 / russportal
"Русскія дѣтскія сказки". Морозко (1921)
Новости въ видѣ
RSS-канала: .
Сегодня - вторникъ, 25 iюля 2017 г. Сейчасъ на порталѣ посѣтителей - 4.
Церковно-учительная литература

КНИГА, ГЛАГОЛЕМАЯ «ЗЛАТОУСТЪ»,
Въ не́йже вся́ко ухищре́ніе Боже́ственнаго Писа́нія, истолко́вано святы́мъ вели́кимъ Іоа́нномъ Златоу́стомъ и про́чими святы́ми отцы́.

СЛОВО 69.
В недѣ́лю 3-ю по Пасцѣ́, поуче́ніе свята́го Іоа́нна Златоу́стаго на па́мять свята́го Іо́сифа, и Никоди́ма, и святы́хъ же́нъ мѵроно́сицъ.

Возлю́бленніи, со́лнце красу́яся по о́блацѣхъ, люби́мо быва́етъ ви́дящимъ е́. Та́коже и апо́столомъ Госпо́днимъ, по распя́тіи и по сме́рти Христо́вѣ, ра́достно возсія́ Воскресе́ніе Госпо́дне. Іо́сифъ же, и́же отъ Аримаѳе́я, пре́жде Воскресе́нія Христо́ва дерза́етъ, старѣ́йшимъ ученико́мъ бѣжа́вшимъ, еди́нъ прихо́дитъ къ Пила́ту, дерза́я проси́ти Тѣ́ла Христо́ва, Его́же на Крестѣ́ ви́сяща ви́дѣ, пре́жде бо позна́ Его́ Бо́га су́ща. Тѣ́мъ не рече́: бо́гатъ е́смь, еда́ отпаду́ бога́тства, а́ще испрошу́ Тѣ́ло Осужде́ннаго на́ смерть, и бу́ду оклевета́нъ къ жидо́мъ. Ничто́же таково́ помы́сли, но все́ нивочто́же вмѣни́въ, испроси́ погребсти́ Тѣ́ло Христо́во. Пила́тъ же диви́ся, а́ще у́же у́мре? Мня́ше бо на до́лзѣ Ему́ жи́ву бы́ти, и вопроси́ со́тника, а́ще у́же у́мре, и увѣ́дѣвъ и́стинно, я́ко у́же у́мре, повелѣ́ да́ти Тѣ́ло Іису́сово Іо́сифови. Онъ же, взе́мъ Тѣ́ло Іису́сово и купи́ плащани́цу, и Свято́е Тѣ́ло че́стно положи́ въ но́вѣмъ свое́мъ гро́бѣ: учени́къ бо бѣ́ Іису́совъ /л. 213 об./ и то́й, и вѣ́дяше, ка́ко чести́ Влады́ку говѣ́йно, бла́го и прече́стно, хотя́ прича́стникъ бы́ти небе́сному Его́ Ца́рствію. Совѣ́тникъ же бѣ́ са́номъ и въ лю́дехъ старѣ́йшина. Слы́шите, бога́тіи, и́же во гра́дскихъ упражня́ющеся ве́щехъ, и ну́дящеся о то́ржищахъ пещи́ся, ка́ко Іо́сифу не возбрани́ на добродѣ́тель совѣ́тничества са́нъ? Мину́вши же субо́тѣ, Ма́рія Магдали́на, и Марíя Іа́ковля, и Саломíя, купи́ша арома́ты, да прише́дше пома́жутъ Іису́са: по обы́чаю жидо́вскому се́ творя́ху. Разумѣ́йте же глаго́лъ ева́нгельскъ. Рече́ бо Матѳе́й: въ ве́черъ субо́тный пріидо́ша на гро́бъ жены́. Лука́ же рече́: зѣло́ ра́но. Ма́рко же рече́: возсія́вшу со́лнцу пріити́ жена́мъ на́ гробъ. И никто́ же ра́зно глаго́летъ: о разли́чныхъ бо жена́хъ реко́ша вси́. По Матѳе́еву глаго́лу [Матѳ., зач. 115], въ ве́черъ субо́тный пріидо́ша не съ мѵ́ромъ жены́, но ви́дѣти гро́ба. Тогда́ же тру́съ бы́сть, и а́нгелъ отвали́ ка́мень отъ две́рій гро́ба, и рече́ жена́мъ: не бо́йтеся вы́. Тогда́ и Са́мъ Іису́съ тѣ́ма я́влься, и рече́: ра́дуйтѣся! идѣ́тѣ къ бра́тіи Мое́й, да и́дутъ въ Галиле́ю и та́мо Мя́ ви́дятъ. Бѣ́ же тогда́ Ма́рія Магдалы́ня, /л. 214/ и друга́я Марíя Іа́ковля и Іосíина ма́ти. И па́ки полу́нощи и́ны жены́ пріидо́ша, а́ки испыта́юще бы́вшаго, я́же о Воскресе́ніи Христо́вѣ отъ Магдалы́ни слы́шавше. О тѣ́хъ бо Лука́ написа́ [Лук., зач. 112], и́же рече́: зѣло́ ра́но пріидо́ша жены́ дозрѣ́ти гро́ба, и нѣ́цыи съ ни́ми, и тíи ви́дѣша у́же ка́мень отвале́нъ, и два́ а́нгела во блеща́щихся ри́захъ глаго́люща: нѣ́сть здѣ́, но воста́. По Іоа́нну же [Іоан., зач. 63], предъ заре́ю пріи́де Ма́рія Магдалы́ня, изъ нея́же изгна́ се́дмь бѣсо́въ. И та́ ви́дѣ два́ а́нгела во́ гробѣ въ бѣ́лыхъ ри́захъ, та́коже и Самого́ Христа́. Ма́рко же рече́ [Марк., зач. 70]: мину́вши субо́тѣ, и со́лнцу возсія́вшу, вся́ вку́пѣ прише́дша, глаго́летъ, съ мѵ́ромъ, и Марíю Іа́ковлю Богоро́дицу имену́етъ. Рече́ же и́мъ явле́йся ю́ноша: не ужаса́йтеся. Пе́рвѣе измѣни́ и́хъ о́тъ страха, пото́мъ же и о Воскресе́ніи благовѣствова́, и глаго́ла и́мъ: Іису́са ли и́щете распя́таго? Воста́, нѣ́сть Его́ здѣ́. — Ви́диши ли, не срамля́ется а́нгелъ распя́тіемъ, тѣ́мъ бо спасе́ніе всему́ мíру бы́сть. До́брѣ увѣ́рити я́ хотя́, рече́: се́ мѣ́сто, идѣ́же бѣ́ положе́нъ. Но иди́те, рцы́те ученико́мъ Его́ и Петро́ви. — Петра́ еди́наго отъ учени́къ нарече́, и́же при Стра́сти отве́рглся бѣ́ Христа́. Аще бо /л. 214 об./ бы́ша прише́дше жены́ рекли́: по́слани есмы́ повѣ́дати ученико́мъ; то́ у́бо ре́клъ бы Пе́тръ: а́зъ у́же нѣ́смь учени́къ Его́: отве́рглъ бо мя́ е́сть и возненави́дѣлъ. Того́ ра́ди приложи́ и Петра́, да ся́ не соблазни́тъ. Въ Галиле́ю посыла́етъ и́хъ, хотя́ извести́ и́хъ отъ стра́ха жидо́вскаго. Тѣ́мже ничто́же тогда́ реко́ша: боя́хубося. Благодари́мъ у́бо и мы́ за ны́ пострада́вшаго Го́спода, и погребе́ннаго, и воскре́сшаго, да пріи́метъ я́ко же́ртву чи́сту на́ше благодаре́ніе и похвале́ніе, и вѣ́чныхъ бла́гъ сподо́битъ на́съ, я́ко Бла́гъ и Человѣколю́бецъ, Ему́же сла́ва, ны́нѣ, и при́сно, и во́ вѣки вѣко́мъ, ами́нь.

Источникъ: Кни́га, глаго́лемая «Златоу́стъ», въ не́йже вся́ко ухищре́ніе Боже́ственнаго Писа́нія, истолко́вано святы́мъ вели́кимъ Іоа́нномъ Златоу́стомъ и про́чими святы́ми отцы́. — М.: При Свя́то-Тро́ицко-Введе́нской це́ркви, въ тѵпогра́фіи единовѣ́рцевъ, 1910. — Л. 213 – 214 об.

Назадъ / Къ оглавленію / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.