Церковный календарь
Новости


2017-10-21 / russportal
П. Н. Красновъ. "На рубежѣ Китая". Глава 20-я (1939)
2017-10-21 / russportal
П. Н. Красновъ. "На рубежѣ Китая". Глава 19-я (1939)
2017-10-21 / russportal
"Кіево-Печерскій Патерикъ". Житіе преп. Симона, еп. Владимірскаго (1967)
2017-10-21 / russportal
"Печерскій Патерикъ". Житіе преп. Нестора, лѣтописца Россійскаго (1967)
2017-10-21 / russportal
Архіеп. Аверкій (Таушевъ). Христосъ Воскресе! (1975)
2017-10-21 / russportal
Архіеп. Аверкій (Таушевъ). Есть ли у насъ покаяніе? (1975)
2017-10-21 / russportal
И. А. Ильинъ. «О сопротивленіи злу силою». Глава 15-я (1925)
2017-10-21 / russportal
И. А. Ильинъ. «О сопротивленіи злу силою». Глава 14-я (1925)
2017-10-20 / russportal
П. Н. Красновъ. "На рубежѣ Китая". Глава 18-я (1939)
2017-10-20 / russportal
П. Н. Красновъ. "На рубежѣ Китая". Глава 17-я (1939)
2017-10-20 / russportal
"Кіево-Печерскій Патерикъ". Житіе преподобнаго Нифонта (1967)
2017-10-20 / russportal
"Кіево-Печерскій Патерикъ". Житіе преп. Тита пресвитера (1967)
2017-10-20 / russportal
Архіеп. Аверкій (Таушевъ). "Боже, милостивъ буди намъ, грѣшнымъ" (1975)
2017-10-20 / russportal
Архіеп. Аверкій (Таушевъ). Слова и рѣчи. Томъ II. (1961-1968). Вступленіе (1975)
2017-10-19 / russportal
Іером. Серафимъ (Роузъ). "Православіе и религія будущаго". Глава 4-я (1991)
2017-10-19 / russportal
Іером. Серафимъ (Роузъ). "Православіе и религія будущаго". Глава 3-я (1991)
Новости въ видѣ
RSS-канала: .
Сегодня - суббота, 21 октября 2017 г. Сейчасъ на порталѣ посѣтителей - 11.
Церковно-учительная литература

КНИГА, ГЛАГОЛЕМАЯ «ЗЛАТОУСТЪ»,
Въ не́йже вся́ко ухищре́ніе Боже́ственнаго Писа́нія, истолко́вано святы́мъ вели́кимъ Іоа́нномъ Златоу́стомъ и про́чими святы́ми отцы́.

СЛОВО 72.
Въ недѣ́лю 5-ю по Па́сцѣ, поуче́ніе свята́го Іоа́нна Златоу́стаго, отъ Ева́нгелія о самаряны́ни.

[Іоа́н. зач. 12.] Не чудесы́ то́кмо Госпо́дь, но и уче́ніемъ приво́дитъ вся́ къ Себѣ́: проро́чествомъ бо откры́ Свою́ си́лу женѣ́. Во́ время, рече́, /л. 222 об./ о́но, пріи́де Іису́съ во гра́дъ Самарíйскій, реко́мый Сиха́рь, бли́зъ ве́си, ю́же даде́ Іа́ковъ сы́ну своему́ Іо́сифу. Бѣ́ же ту́ студене́цъ Іа́ковль, гора́ же Сама́ръ именова́шеся, того́ ра́ди ту́ живу́щіи самаря́не зва́хуся. Іису́съ же утру́ждься отъ пути́, сѣ́де при кла́дязи, а ученики́ отпусти́ купи́ти пи́щи во́ градъ. Ка́ко же Иса́ія глаго́летъ: не вза́лчетъ, ни утруди́тся? Матѳе́й евангели́стъ глаго́летъ: пости́ся Госпо́дь четы́редесять дне́й и четы́редесять но́щій, и я́сти восхотѣ́. Іоа́ннъ евангели́стъ глаго́летъ: Іису́съ утру́ждься отъ пути́. Да овогда́ глаго́летъ, я́ко я́сти восхотѣ́, овогда́ же, я́ко бѣ́ утруди́лся. Оба́че ни проро́къ солга́, ни апо́столи, но вѣща́ша вси́ согла́сно. Проро́къ бо си́лу Божества́ проповѣ́даетъ, апо́столи же о человѣ́чествѣ и́стину реко́ша. Зри́те Госпо́дне смире́ніе, ка́ко Еди́нъ остае́тся, а ученицы́ идо́ша во́ градъ бра́шна купи́ти. Та́ко бо тружда́хуся, егда́ друзíи по обѣ́дѣ спя́тъ, они́ же то́кмо хлѣ́бъ на я́дь гото́вляху и не тре́боваху мно́гихъ я́дей. Госпо́дь же се́ сотвори́, хотя́ самаряны́ню улови́ти въ то́й ча́съ. Въ шесты́й бо ча́съ Евва въ раи́ бы́сть прельще́на, въ шесты́й же ча́съ Госпо́дь и самаряны́ню /л. 223/ спасе́. Бѣ́ же ни́ща жена́ въ Самарíи, рукодѣ́ліемъ кормя́щися: ни́ща бѣ́ имѣ́ніемъ, а пра́вдою оби́льна. Зри́те, ка́ко томя́шеся жена́ та́, егда́ лю́діе по обѣ́дѣ почива́ютъ, она́ же въ то́ вре́мя во́ду себѣ́ гото́вляше! Госпо́дь бо того́ ра́ди ученики́ отпусти́, да самаряны́ню увѣ́ритъ. Пріи́де же самаряны́ня почерпсти́ воды́ и ви́дѣ Іису́са, а́ки убо́га и стра́нна, ничто́же рече́ Ему́. Іису́съ же глаго́ла къ не́й: да́ждь Ми́ воды́ пи́ти. Она́ же рече́ Ему́: ка́ко ты́ жидови́нъ сы́й, у мене́ воды́ пи́ти про́сиши, у жены́ самаряны́ни су́щей? Госпо́дь же глаго́ла е́й: а́ще бы вѣ́дала еси́, Кто́ е́сть глаго́ляй ти́ и прося́й у тебе́ пи́ти, ты́ бы у Него́ проси́ла, и да́лъ бы ти́ во́ду жи́ву. Самаряны́ня же рече́: во́ду обѣщава́еши ми́ да́ти, а Са́мъ жада́еши отъ зно́я, и отъ пути́ утруди́вся, ни друго́въ и́маши, ни сребра́ но́сиши, да бы́ въ гости́нницѣ обита́ти, но въ толи́ку нищету́ житія́ прише́лъ еси́, я́ко и зако́нъ оста́вя, отъ жены́ самаряны́ни воды́ про́сиши: не прикаса́ютбося жи́дове самаря́номъ. Аще же во́ду жи́ву и́маши, то́ почто́ воды́ про́сиши? Еда́ еси́ бо́лѣе Іа́кова, и́же пи́тъ отъ сея́ воды́, и сы́нове его́, /л. 223 об./ и ско́ти его́. Зри́те Госпо́дню прему́дрость: не рече́, бо́лѣе е́смь Іа́кова, но ти́хо къ не́й глаго́летъ: вся́къ отъ воды́ сея́ пія́й вжада́ется па́ки, а ему́ же Азъ да́мъ, никогда́ же вжада́ется, но бу́детъ въ не́мъ исто́чникъ воды́ въ жи́знь вѣ́чную. И Христо́съ открыва́етъ бо́льшая е́й. Рече́ же самаряны́ня: да́ждь ми́, Го́споди, во́ду жи́ву, да ни жа́жду, ни прихожду́ сѣ́мо. Іису́съ же глаго́ла къ не́й: ше́дъ, пригласи́ му́жа твоего́. Она́ же рече́: не и́мамъ му́жа. Іису́съ же рече́ е́й: до́брѣ рече́, не и́мамъ му́жа, пя́ть бо муже́й имѣ́ла еси́, и ны́нѣ, его́ же и́маши, нѣ́сть ти́ му́жъ. Се́ вои́стину рекла́ еси́. Она́ же слы́шавши, не отча́яся, ни отбѣже́, но па́че уди́вльшися, рече́: Го́споди, ви́жу Тя́, я́ко проро́къ еси́. И вопроси́ о боже́ственныхъ: Го́споди, отцы́ на́ши въ горѣ́ се́й поклони́шася, на не́й же Авраа́мъ Исаа́ка въ же́ртву вознесе́, и вы́ глаго́лете: въ Іеросали́мѣ е́сть мѣ́сто, идѣ́же кла́нятися подоба́етъ. Іису́съ же рече́: о же́но, вездѣ́ мѣ́сто поклоне́нія е́сть, и́же ду́хомъ поклоня́ются Бо́гу, и умо́мъ, и душе́ю. Вы́, самаря́не, кла́няетеся, Его́ же не вѣ́сте; мы́ вѣ́мы, Ему́ же кла́няемся. Жена́ же, а́ки проро́ка жидови́на мня́ше Го́спода, глаго́ла къ Нему́: вѣ́мы, я́ко Мессíя /л. 224/ пріи́детъ, реко́мый Христо́съ; и егда́ пріи́детъ, все́ на́мъ повѣ́сть. Увѣ́дѣхъ, я́ко пріи́детъ, но когда́, или́ кто́ бу́детъ, не вѣ́мъ. О, блудни́це духо́вная и прему́драя, вѣ́дущая Писа́нія Бо́жія! Глаго́ла е́й Іису́съ: Азъ е́смь глаго́ляй съ тобо́ю, Азъ е́смь Бо́гъ оте́цъ ва́шихъ, и того́ ра́ди въ шесты́й ча́съ исправля́ю тя́, въ то́й бо ча́съ ра́спятъ бу́ду. О, вели́кая та́йна, я́же апо́столомъ несвѣ́дома, сія́ я́вѣ женѣ́ открыва́етъ. И прише́дше, ученицы́ диви́шася, я́ко Христо́съ бесѣ́дуетъ къ женѣ́ самаряны́нѣ; но не вопроси́ша Его́ о то́мъ. Жена́ же, оста́вльши водоно́съ, тече́ во́ градъ глаго́лющи: му́жіе самаря́не и жены́, иди́те и ви́дите Человѣ́ка, Иже рече́ ми́ вся́, я́же сотвори́хъ; тецы́те, да во́ду жи́ву пріи́мете отъ Исто́чника Спасе́ннаго. О, пресла́вное чю́до, блу́дная жена́ сильнѣ́е апо́столъ бѣ́! Апо́столи бо по Воскресе́ніи Его́ и по Вознесе́ніи проповѣ́дати нача́ша, а сія́ пре́жде Стра́сти проповѣ́да Христа́. Ученицы́ же моля́ху Го́спода, да бы́ я́лъ. Госпо́дь же рече́: Азъ и́нъ и́мамъ обѣ́дъ. Мое́ е́сть бра́шно, да сотворю́ во́лю Отца́ Моего́ и дѣ́ла Его́. Мое́ бра́шно се́ е́сть, да спасу́ вся́ человѣ́ки, и не хощу́ /л. 224 об./ сме́рти грѣ́шничи. Мно́зи же самаря́не вѣ́роваша во Христа́ за словеса́ жены́, и моля́ху самаря́не, да бы́ у ни́хъ пребы́лъ. Іису́съ же пребы́сть у ни́хъ два́ дни́ и оты́де. Жи́дове же, мно́га ви́дѣвше зна́менія, не вѣ́роваша. Бо́гу на́шему сла́ва, ны́нѣ и при́сно, и во́ вѣки вѣко́мъ, ами́нь.

Источникъ: Кни́га, глаго́лемая «Златоу́стъ», въ не́йже вся́ко ухищре́ніе Боже́ственнаго Писа́нія, истолко́вано святы́мъ вели́кимъ Іоа́нномъ Златоу́стомъ и про́чими святы́ми отцы́. — М.: При Свя́то-Тро́ицко-Введе́нской це́ркви, въ тѵпогра́фіи единовѣ́рцевъ, 1910. — Л. 222 – 224 об.

Назадъ / Къ оглавленію / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.