Церковный календарь
Новости


2017-08-23 / russportal
Свщмч. Кипріанъ. Письмо (60-е) къ Юбаяну о крещеніи еретиковъ (1879)
2017-08-23 / russportal
Свщмч. Кипріанъ. Письмо (59-е) къ папѣ Стефану о соборѣ (1879)
2017-08-23 / russportal
Cвт. Іоаннъ Шанхайскій. Какъ Правосл. Церковь чтила и чтитъ Божію Матерь (1992)
2017-08-23 / russportal
Іером. Серафимъ (Роузъ). Православное богословіе свт. Іоанна (Максимовича) (1992)
2017-08-22 / russportal
Завѣщаніе блаженнѣйшаго митрополита Анастасія (Грибановскаго) (1985)
2017-08-22 / russportal
Рѣчь студента Грибановскаго (буд. митр. Анастасія) при погреб. проф. Смирнова (1897)
2017-08-21 / russportal
П. Н. Красновъ. "Павлоны". Часть 3-я. Глава 2-я (1943)
2017-08-21 / russportal
П. Н. Красновъ. "Павлоны". Часть 3-я. Глава 1-я (1943)
2017-08-21 / russportal
"Книга Правилъ". Канон. посланіе свт. Григорія, архіеп. Неокесарійскаго (1974)
2017-08-21 / russportal
"Каноны или Книга Правилъ". Правила свт. Петра, архіеп. Александрійскаго (1974)
2017-08-21 / russportal
Свщмч. Кипріанъ. Письмо (58-е) къ Квинту о крещеніи еретиковъ (1879)
2017-08-21 / russportal
Свщмч. Кипріанъ. Письмо (57-е) къ Януарію о крещеніи еретиковъ (1879)
2017-08-20 / russportal
Архіеп. Виталій. Слово при закладкѣ Владимірскаго Храма-Памятника (1973)
2017-08-20 / russportal
Архіеп. Виталій. Правила благоповеденія молящимся въ св. храмѣ (1973)
2017-08-20 / russportal
Архіеп. Виталій (Максименко). Напомин. духовнаго отца говѣющимъ (1973)
2017-08-20 / russportal
Архіеп. Виталій (Максименко). Догматъ о Церкви Христовой (1973)
Новости въ видѣ
RSS-канала: .
Сегодня - среда, 23 августа 2017 г. Сейчасъ на порталѣ посѣтителей - 14.
Церковно-учительная литература

КНИГА, ГЛАГОЛЕМАЯ «ЗЛАТОУСТЪ»,
Въ не́йже вся́ко ухищре́ніе Боже́ственнаго Писа́нія, истолко́вано святы́мъ вели́кимъ Іоа́нномъ Златоу́стомъ и про́чими святы́ми отцы́.

СЛОВО 73.
Въ недѣ́лю 6-ю по Па́сцѣ, поуче́ніе свята́го Іоа́нна Златоу́стаго, отъ Ева́нгелія о слѣпо́мъ.

Христо́съ Бо́гъ на́шъ отъ ева́нгельскихъ слове́съ трапе́зу на́мъ духо́вную устро́и, и созыва́етъ вѣ́рныя, да чуде́съ Его́ наслади́мся вси́. Во́ время о́но, иды́й Іису́съ со ученики́ Свои́ми, ви́дѣ человѣ́ка, и́же слѣ́пъ роди́ся, я́ко ни очны́ма вѣ́ждома ви́дѣ зна́менія. О не́мъ же ученицы́ вопроси́ша Го́спода, глаго́люще: Го́споди, кто́ согрѣши́: се́й ли, или́ роди́теля его́, да слѣ́пъ роди́ся? Не вѣ́дуще ученицы́, се́ реко́ша. Госпо́дь же и́стинну и́мъ повѣ́да, ре́къ: ка́ко се́й не роди́вся еще́, имя́ше согрѣши́ти? Ни се́ пра́ведно, е́же за грѣхи́ роди́тель дѣ́темъ му́ку прія́ти, но ко́ждо по дѣ́ломъ свои́мъ пріи́метъ. Па́ки же рече́ Іису́съ ученико́мъ Свои́мъ: ни се́й согрѣши́, ни роди́теля его́, но да явя́тся дѣ́ла Бо́жія на не́мъ: ку́пно бо /л. 225/ хотя́ше съ тѣле́снымъ зра́комъ и душе́внѣи ему́ о́чи просвѣти́ти. Рече́ бо Іису́съ: да явя́тся дѣ́ла Бо́жія. Се́ рече́ о Себѣ́, а не о Отцѣ́; о Отцѣ́ бо сла́ва бѣ́ явле́на, а Тому́ подоба́етъ яви́тися; того́ ра́ди прирече́: Мнѣ́ дѣ́лати подоба́етъ дѣ́ла Посла́вшаго Мя́. И сія́ ре́къ, плю́нувъ до́лу, и сотвори́ бре́ніе отъ сли́ны, и пома́за о́чи слѣпо́му, да всѣ́мъ я́вѣ сотвори́тъ, я́ко То́й, Иже Ада́ма отъ земли́ созда́. И посыла́етъ въ Силоа́мъ, да яви́тъ послуша́ніе на́мъ имѣ́ти уче́нія. Слѣпы́й же умы́вся, пріи́де, ви́дя. Сосѣ́ди же ви́дѣвше, глаго́лаху: не се́й ли е́сть, сѣдя́ и прося́ ми́лостыню? Инíи же глаго́лаху: подо́бенъ е́сть ему́. Онъ же глаго́ла: я́ко а́зъ е́смь. Того́ бо ра́ди Госпо́дь въ Силоа́мъ посла́ его́, да лю́діе у́зрятъ преди́вное и пресла́вное чю́до. Глаго́летъ бо евангели́стъ о смире́ніи Госпо́дни, я́ко и къ ни́щимъ прихождаа́ше, да и мы́ навы́кнемъ не гордѣ́ти сирота́ми, не оби́дѣти и́хъ, но па́че надѣля́ти и ми́ловати и́хъ. Тольма́ же бѣ́ правди́въ слѣпы́й, я́ко исповѣ́да жидо́мъ исцѣли́вшаго и́ Христа́. Они́ же реко́ша: гдѣ́ е́сть? И рече́: не вѣ́мъ. Іису́съ бо, творя́й чудеса́, уклоня́шеся наро́да ра́ди. Ведо́ша же его́ /л. 225 об./ къ фарисе́омъ, да устраши́вся, запре́тся чю́да. И вопроси́ша и́: ка́ко еси́ прозрѣ́лъ? Онъ же бо́лѣе проповѣ́да: я́ко умы́хся, рече́, и се́ ви́жу. Ка́ко же вы́ грѣ́шника И [Его́] глаго́лете? Не мо́жетъ бо грѣ́шникъ си́хъ чуде́съ дѣ́яти. Они́ же реко́ша: разоря́етъ субо́ту, проти́вникъ е́сть зако́ну. Призва́вше же роди́теля его́, вопроси́ша и́хъ. Они́ же реко́ша: се́ е́сть сы́нъ на́шъ, се́й слѣ́пъ роди́ся, а ны́нѣ ка́ко ви́дитъ, не вѣ́мы. О, злосе́рдіи и прокля́тіи! И второ́е вопроси́ша роди́телей его́: а́ще сы́нъ е́сть ва́ю, и а́ще слѣ́пъ роди́ся, ка́ко ны́нѣ ви́дитъ? Они́ же второ́е рѣ́ста: се́ сы́нъ на́ю, се́й слѣ́пъ роди́ся, а ка́ко исцѣлѣ́, самого́ вопроси́те. И фарисе́и второ́е слѣпца́ вопроси́ша: повѣ́дай, ка́ко еси́ прозрѣ́лъ? мы́ вѣ́мы, я́ко грѣ́шникъ е́сть. И рече́ слѣпе́цъ: а́ще грѣ́шникъ, не вѣ́мъ, но о мнѣ́ чю́до сотвори́ преди́вно. И па́ки фарисе́и вопроша́ху и́, не я́ко хотя́ще увѣ́дѣти, но да бы́ укори́ти Го́спода, субо́ты ра́ди. Отвѣща́ же, руга́яся и́мъ прозрѣ́вый: глаго́лахъ ва́мъ мно́гажды и не слы́шасте, еда́ и вы́ ученицы́ Его́ хо́щете /л. 226/ бы́ти? О себѣ́ явля́я, я́ко учени́къ е́сть Его́. Фарисе́е же реко́ша: ты́ учени́къ еси́ Его́, а мы́ Моѵсе́овы ученицы́. О, беззако́нніи! а́ще бы́сте Моѵсе́ю вѣ́ровали, то не бы́ хули́ли Го́спода: Моѵсе́й бо Того́ ра́бъ е́сть. Прозрѣ́вый же рече́: еда́ мо́жетъ грѣ́шный сицева́я зна́менія твори́ти? Вѣ́мъ бо, я́ко грѣ́шниковъ Бо́гъ не послу́шаетъ, но а́ще кто́ богочте́цъ и во́лю Его́ твори́тъ. О́тъ вѣка нѣ́сть слы́шано, кто́ бы отве́рзъ о́чи слѣ́пу рожде́ну. Инѣ́мъ у́бо отверзо́шася о́чи, но не слѣпорожде́ннымъ, но отъ неду́га слѣпото́ю страда́вшимъ; а се́ чю́до преди́вно е́сть. Фарисе́е же, не хотя́ще слы́шати и́стинны глаго́лемыя, укори́ша его́, я́ко во грѣсѣ́хъ роди́вшася, и изъ со́нмища изгна́ша. О, лжи́віи сы́нове, ненави́дящіи и́стины! Пото́мъ обрѣ́те его́ Іису́съ въ це́ркви и утѣ́ши его́, ре́къ: ты́ вѣ́руеши ли въ Сы́на Бо́жія? Онъ же вопроси́: Кто́ еси́, Го́споди? Іису́съ же рече́ ему́: Иже тя́ исцѣли́лъ е́сть, и Глаго́ляй съ тобо́ю, То́й е́сть. Онъ же вѣ́ры дѣ́ло ско́ро явля́етъ, глаго́ля: вѣ́рую Го́споди! и поклони́ся Ему́. Вѣ́руемъ и мы́, бра́тіе, Всеси́льному /л. 226 об./ Влады́цѣ, творя́щему ди́вная чудеса́, да поми́луетъ ны́ и введе́тъ во Ца́рствіе Свое́, Ему́ же сла́ва, ны́нѣ и при́сно и во́ вѣки вѣко́мъ, ами́нь.

Источникъ: Кни́га, глаго́лемая «Златоу́стъ», въ не́йже вся́ко ухищре́ніе Боже́ственнаго Писа́нія, истолко́вано святы́мъ вели́кимъ Іоа́нномъ Златоу́стомъ и про́чими святы́ми отцы́. — М.: При Свя́то-Тро́ицко-Введе́нской це́ркви, въ тѵпогра́фіи единовѣ́рцевъ, 1910. — Л. 224 об. – 226 об.

Назадъ / Къ оглавленію / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.