Церковный календарь
Новости


2017-12-14 / russportal
П. Н. Красновъ. Повѣсть "Въ манчжурской глуши". Глава 20-я (1904)
2017-12-14 / russportal
П. Н. Красновъ. Повѣсть "Въ манчжурской глуши". Глава 19-я (1904)
2017-12-14 / russportal
П. Н. Красновъ. Повѣсть "Въ манчжурской глуши". Глава 18-я (1904)
2017-12-14 / russportal
П. Н. Красновъ. Повѣсть "Въ манчжурской глуши". Глава 17-я (1904)
2017-12-14 / russportal
П. Н. Красновъ. Повѣсть "Въ манчжурской глуши". Глава 16-я (1904)
2017-12-14 / russportal
П. Н. Красновъ. Повѣсть "Въ манчжурской глуши". Глава 15-я (1904)
2017-12-14 / russportal
Архіеп. Аверкій. Чего мы еще не потеряли и что должны хранить? (1975)
2017-12-14 / russportal
"Церковныя Вѣдомости" № 16-17. (1/14-15/28 ноября) 1922 года
2017-12-13 / russportal
П. Н. Красновъ. Повѣсть "Въ манчжурской глуши". Глава 14-я (1904)
2017-12-13 / russportal
П. Н. Красновъ. Повѣсть "Въ манчжурской глуши". Глава 13-я (1904)
2017-12-13 / russportal
П. Н. Красновъ. Повѣсть "Въ манчжурской глуши". Глава 12-я (1904)
2017-12-13 / russportal
П. Н. Красновъ. Повѣсть "Въ манчжурской глуши". Глава 11-я (1904)
2017-12-13 / russportal
П. Н. Красновъ. Повѣсть "Въ манчжурской глуши". Глава 10-я (1904)
2017-12-13 / russportal
П. Н. Красновъ. Повѣсть "Въ манчжурской глуши". Глава 9-я (1904)
2017-12-13 / russportal
Прав. Іоаннъ Кронштадтскій. Слово въ день св. ап. Андрея Первозваннаго (1908)
2017-12-13 / russportal
"Церковныя Вѣдомости" № 14-15. (1/14-15/28 октября) 1922 года
Новости въ видѣ
RSS-канала: .
Сегодня - четвергъ, 14 декабря 2017 г. Сейчасъ на порталѣ посѣтителей - 10.
Церковно-учительная литература

КНИГА, ГЛАГОЛЕМАЯ «ЗЛАТОУСТЪ»,
Въ не́йже вся́ко ухищре́ніе Боже́ственнаго Писа́нія, истолко́вано святы́мъ вели́кимъ Іоа́нномъ Златоу́стомъ и про́чими святы́ми отцы́.

СЛОВО 74.
Въ четверто́къ 6-я недѣ́ли по Па́сцѣ, поуче́ніе свята́го Іоа́нна Златоу́стаго на Вознесе́ніе Госпо́дне.

Тріе́ пресла́вная Госпо́дня чудеса́ изъ пе́рвыхъ време́нъ бы́ша: пе́рвое — на зе́млю Сни́тіе; второ́е — изъ ме́ртвыхъ Воскресе́ніе; тре́тіе — на небеса́ Вознесе́ніе. Илія́ бо, а́ще и на небеса́ взя́тъ бы́сть, но мѣ́сто измѣни́ отъ мѣ́ста; Христо́съ же взы́де, отню́ду же и сни́де. Проро́къ бо Давы́дъ о Вознесе́ніи Госпо́дни рече́: «взы́де Бо́гъ въ воскликнове́ніи, Госпо́дь во гла́сѣ тру́бнѣ». И па́ки: «взы́де на херуви́мъ и летѣ́, возлетѣ́ на крилу́ вѣ́треню». О се́мъ и Авва́кумъ рече́: «вознесе́ся со́лнце, и луна́ ста́ въ чину́ свое́мъ». Христа́ со́лнца нарече́, а луно́ю Це́рковь именова́. Прему́дрый же, усмотри́въ тацѣ́хъ дѣ́лъ высоту́, рече́: «се́ Христо́съ пріи́де, скача́ по гора́мъ и прескача́ хо́лми». Скака́ніе имену́етъ съ небесе́ во чре́во Дѣ́выя сни́тіе, о́тъ чрева же во я́сли, отъ я́слей же на́ крестъ, со креста́ же во́ гробъ, о́тъ гроба же, я́ко Бо́гъ воста́въ, вознесе́ся на́ небо. Вся́ на́съ ра́ди Христо́съ сотвори́. Ено́хъ бо /л. 227/ и Илія́ взя́та бы́ста на высоту́, Госпо́дне Вознесе́ніе прообразу́юще. Дне́сь Госпо́дь на небеса́ взы́де. Блаже́нный Іовъ птенце́мъ Го́спода нарече́, я́ко тѣ́ло пе́рстное отъ земли́ вознесе́; я́ко возноше́нія та́йны не разумѣ́ша іюде́и ви́дѣвше. Се́ Го́спода Бо́га и Спа́са на́шего Вознесе́ніе не небеса́ — всѣ́хъ чюднѣ́е пра́здникъ: дне́сь бо небе́сный кру́гъ, ликовству́я, о́блакомъ подъе́млетъ Го́спода, на неизрече́нный Оте́чь Престо́лъ съ пло́тію восходя́ща; и вся́ ли́ки а́нгельскія на весе́ліе собра́въ, единогла́сно трисвяту́ю пѣ́снь повелѣ́ воспѣва́ти, глаго́ля: «Сла́ва въ вы́шнихъ Бо́гу, и на земли́ ми́ръ, въ человѣ́цѣхъ благоволе́ніе!» Дне́сь неви́димыхъ бѣсо́въ вся́ ле́сть низложи́ся. Дне́сь, лику́я и веселя́ся, проро́къ Давы́дъ вопіе́тъ, глаго́ля: «вознеси́ся на небеса́, Бо́же, и по все́й земли́ сла́ва Твоя́!» Дне́сь апо́стольскій ли́къ безъ сумнѣ́нія со а́нгелы бесѣ́дуетъ, поне́же Христо́съ, человѣ́чю пло́ть пріи́мъ и обожи́въ ю́ Воскресе́ніемъ Свои́мъ, и на́ небо одесну́ю Отца́ посади́, я́ко же Лука́ евангели́стъ глаго́летъ: «пои́мъ Іису́съ ученики́ Своя́, изведе́ я́ во́нъ до Виѳа́ніи, и рече́ и́мъ: се́ Азъ посыла́ю обѣтова́ніе Отца́ Моего́ на вы́, вы́ же /л. 227 об./ сѣди́те во́ градѣ Іеросали́мѣ, до́ндеже облече́теся си́лою свы́ше. И воздви́гъ ру́цѣ Свои́, и благослови́ и́хъ. И отступи́ отъ ни́хъ, и се́ о́блакъ подъя́тъ Его́ отъ о́чію и́хъ». Не то́кмо же ученицы́ еди́ни зря́ще бя́ху, но и Ро́ждьшая Его́, и инíи наро́ди мно́зи съ боя́знію зря́ху Христа́, съ пло́тію возноси́ма. Чю́до же сіе́ всѣ́хъ чюде́съ преди́внѣе и гро́знѣе, егда́ отъ земли́ взя́тся, я́ко человѣ́къ бѣ́ ви́димъ, а егда́ на высоту́ къ небеси́ восхожда́ше, бо́лѣе ви́дѣти бя́ше. Егда́ же до́йде до небесе́ и вся́ займе́ небеса́ сла́вою Божества́, неисповѣди́мо бо бѣ́ вели́чествіе Его́, я́ко и небесе́ не ви́дѣти въ сія́ніи лу́чь сла́вы Его́, а́нгеломъ же послушеству́ющимъ о видѣ́ніи Его́ и вторы́й повѣ́дающимъ прихо́дъ Его́. Два́ а́нгела ста́ста во оде́жди свѣ́тлѣ и рѣ́ста ко апо́столомъ: «что́ дивите́ся, му́жіе галиле́йстіи, и что́ зрите́ на́ небо? Та́ко же па́ки пріи́детъ Хотя́й суди́ти живы́мъ и ме́ртвымъ, и возда́ти кому́ждо по дѣ́ломъ его́, Тому́ бо Оте́цъ предаде́ су́дъ ве́сь». О, коли́ко благода́тный Влады́ка Христо́съ спасе́ніе на́ше содѣ́я! Съ небесе́ бо пріи́де /л. 228/ и па́ки вознесе́ся на небеса́ во сла́вѣ. Не а́ки на кораблѣ́ спя́, ни я́ко у кла́дязя утруди́вся жа́жда, ни я́ко на жребя́ти о́сли сѣдя́, но сла́вно на кру́зѣ о́блачнѣ вознесе́ся. Взы́де бо на́ небо и сѣ́де одесну́ю Бо́га. Не я́ко на то́ржищи предъ судія́ми стоя́, но Са́мъ судя́й все́й вселе́ннѣй, и апо́столомъ суди́ти вла́сть даде́, глаго́ля и́мъ: «егда́ ся́детъ Сы́нъ Человѣ́ческій на престо́лѣ сла́вы Своея́, ся́дете и вы́ на двою́ на́десяте престо́лѣхъ, судя́ще обѣ́ма на́десяте колѣ́нома Изра́илевома». И я́ко же подъя́тъ о́блакъ Христа́, та́ко и мы́, по рече́нію Па́вла апо́стола, на о́блацѣхъ восхище́ни бу́демъ. И я́ко же Госпо́дь взы́де въ восклица́ніи и во́ гласѣ тру́бнѣ, та́ко и мы́, бра́тіе, страстны́й о́блакъ отъе́мше, оста́немся зло́бы и непра́вды, да всегда́ со Христо́мъ бу́демъ. Дне́сь, вѣ́рніи, Вознесе́ніе Госпо́дне духо́внѣ и боже́ственнѣ почте́мъ, я́ко же лѣ́по е́сть христіа́номъ, а не я́ко невѣ́рніи объяде́ніемъ, и пія́нствомъ, и игра́ми пусто́шными, и пѣ́сньми бѣсо́вскими; но пра́зднуемъ, вѣ́рніи, къ це́ркви теку́ще безъ зло́бы, ни́щія же и сироты́ ми́лующе, бѣ́днымъ помога́юще. Аще бо земны́хъ /л. 228 об./ князе́й слуга́мъ че́сть воздае́те, то́ кольми́ па́че служи́телемъ небе́снаго Царя́ досто́итъ че́сть и да́ры дая́ти, тíи бо вожди́ су́ть къ Бо́гу. Ми́ръ и любо́вь между́ собо́ю имѣ́йте, се́ бо глава́ добродѣ́тели; смире́ніе же вся́къ грѣ́хъ побѣжда́етъ. Са́мъ бо Госпо́дь на́шъ смири́ся на́съ ра́ди и бы́сть человѣ́къ пло́тію, стра́сть во́лею прія́тъ и сме́рть вкуси́, но въ тре́тій де́нь воскре́се, я́ко Бо́гъ, и вознесе́ся на небеса́. Смири́мся у́бо и мы́, вѣ́рніи, да вознесе́мся; Госпо́дь бо рече́: «я́ко вознося́йся смири́тся, смиря́яйжеся вознесе́тся». Ми́лостыню же по си́лѣ да сотвори́мъ, я́ко же бо «вода́ о́гнь гаси́тъ, та́ко и ми́лостыня очища́етъ грѣхи́». Бо́гу на́шему сла́ва, ны́нѣ и при́сно и во́ вѣки вѣко́мъ. [Ами́нь.]

Источникъ: Кни́га, глаго́лемая «Златоу́стъ», въ не́йже вся́ко ухищре́ніе Боже́ственнаго Писа́нія, истолко́вано святы́мъ вели́кимъ Іоа́нномъ Златоу́стомъ и про́чими святы́ми отцы́. — М.: При Свя́то-Тро́ицко-Введе́нской це́ркви, въ тѵпогра́фіи единовѣ́рцевъ, 1910. — Л. 226 об. – 228 об.

Назадъ / Къ оглавленію / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.