Церковный календарь
Новости


2017-12-14 / russportal
П. Н. Красновъ. Повѣсть "Въ манчжурской глуши". Глава 20-я (1904)
2017-12-14 / russportal
П. Н. Красновъ. Повѣсть "Въ манчжурской глуши". Глава 19-я (1904)
2017-12-14 / russportal
П. Н. Красновъ. Повѣсть "Въ манчжурской глуши". Глава 18-я (1904)
2017-12-14 / russportal
П. Н. Красновъ. Повѣсть "Въ манчжурской глуши". Глава 17-я (1904)
2017-12-14 / russportal
П. Н. Красновъ. Повѣсть "Въ манчжурской глуши". Глава 16-я (1904)
2017-12-14 / russportal
П. Н. Красновъ. Повѣсть "Въ манчжурской глуши". Глава 15-я (1904)
2017-12-14 / russportal
Архіеп. Аверкій. Чего мы еще не потеряли и что должны хранить? (1975)
2017-12-14 / russportal
"Церковныя Вѣдомости" № 16-17. (1/14-15/28 ноября) 1922 года
2017-12-13 / russportal
П. Н. Красновъ. Повѣсть "Въ манчжурской глуши". Глава 14-я (1904)
2017-12-13 / russportal
П. Н. Красновъ. Повѣсть "Въ манчжурской глуши". Глава 13-я (1904)
2017-12-13 / russportal
П. Н. Красновъ. Повѣсть "Въ манчжурской глуши". Глава 12-я (1904)
2017-12-13 / russportal
П. Н. Красновъ. Повѣсть "Въ манчжурской глуши". Глава 11-я (1904)
2017-12-13 / russportal
П. Н. Красновъ. Повѣсть "Въ манчжурской глуши". Глава 10-я (1904)
2017-12-13 / russportal
П. Н. Красновъ. Повѣсть "Въ манчжурской глуши". Глава 9-я (1904)
2017-12-13 / russportal
Прав. Іоаннъ Кронштадтскій. Слово въ день св. ап. Андрея Первозваннаго (1908)
2017-12-13 / russportal
"Церковныя Вѣдомости" № 14-15. (1/14-15/28 октября) 1922 года
Новости въ видѣ
RSS-канала: .
Сегодня - четвергъ, 14 декабря 2017 г. Сейчасъ на порталѣ посѣтителей - 10.
Церковно-учительная литература

КНИГА, ГЛАГОЛЕМАЯ «ЗЛАТОУСТЪ»,
Въ не́йже вся́ко ухищре́ніе Боже́ственнаго Писа́нія, истолко́вано святы́мъ вели́кимъ Іоа́нномъ Златоу́стомъ и про́чими святы́ми отцы́.

СЛОВО 76.
Въ субо́ту Пентико́стную, поуче́ніе свята́го Іоа́нна Златоу́стаго, е́же не пла́катися о уме́ршихъ.

Лѣ́по съ ра́зумомъ разсмотря́я все́ дѣ́яти, ни о уме́ршихъ мно́го пла́кати, ни вла́съ терза́ти, ни ли́цъ /л. 231/ дра́ти, я́ко же невѣ́рніи творя́тъ, и́мъ же не бы́ти съ Бо́гомъ. Вѣ́рнымъ же о тѣ́хъ ско́рбь имѣ́ти, а́ще кто́ безъ покая́нія у́мретъ; о таковѣ́мъ бо ни прино́са въ це́рковь нѣ́сть досто́йно приноси́ти. Пла́кати же о скупы́хъ и о бога́тыхъ, и́же не скорбя́тъ о души́ въ животѣ́ свое́мъ. Аще же кто́ жи́въ сы́й ще́дръ и пода́тливъ бы́сть, то́ и по сме́рти дая́ніе за него́ вели́ко посо́біе души́ е́сть. О то́мъ Давы́дъ проро́къ глаго́летъ: «блаже́нъ человѣ́къ, и́же имѣ́ніемъ свои́мъ ду́шу свою́ изба́витъ отъ му́ки». И па́ки рече́: «бла́гъ му́жъ, ще́дря и дая́». А неми́лостивымъ неми́лостивъ су́дъ бу́детъ. Того́ ра́ди вся́къ да пече́тся въ животѣ́ о души́ свое́й: не роди́бося ни съ кѣ́мъ же имѣ́ніе, я́вѣ е́сть, я́ко ни отнести́ мо́жетъ что́ умира́яй, то́кмо со грѣхи́ оты́детъ свѣ́та сего́, а имѣ́ніе инѣ́мъ оста́нется. О, человѣ́че, сотвори́ себѣ́ при животѣ́ па́мять! Еди́на ти́ е́сть душа́ и еди́но житія́ вре́мя. Не глаго́ли: «дѣ́темъ оста́влю имѣ́ніе — тíи мнѣ́ па́мять сотворя́тъ»; не вѣ́си бо, ка́цы бу́дутъ дѣ́ти, или́ каково́ вре́мя пости́гнетъ? Имѣ́ніе бо рѣцѣ́ подо́бно е́сть. /л. 231 об./ Вся́къ бо постя́ся и пекíйся о спасе́ніи свое́мъ въ житіи́ се́мъ, по́льзуетъ ду́шу свою́. Мно́зи бо ску́постію и злонра́віемъ лиша́ются Бо́га и погубля́ютъ ду́шу свою́. Мно́зи же и при животѣ́ свое́мъ имѣ́нія своего́ лише́ни бы́ша. Сего́ ра́ди въ ти́хое вре́мя, да́же бѣда́ не пости́гнетъ, отдѣля́й имѣ́нія душе́вную ча́сть, доко́лѣ въ твое́й о́бласти е́сть, и устроя́й на спасе́ніе души́ свое́й. О се́мъ бо вели́кій Діони́сій глаго́летъ: а́ще кто́ въ животѣ́ имѣ́лъ ско́рбь о грѣсѣ́хъ, тому́ и по сме́рти мно́го посо́біе души́ твори́мыми ми́лостынями и моли́твами. Аще ли невѣ́рный у́мретъ, и́же въ животѣ́ бы́сть вра́гъ Бо́жій, таково́му нѣ́сть по сме́рти по́мощи, я́ко же Давы́дъ глаго́летъ: «я́ко нѣ́сть въ сме́рти помина́яй Тебе́, во а́дѣ же кто́ исповѣ́стьтися?» Тѣ́мъ, вѣ́рніи, по си́лѣ дади́мъ вся́къ по уме́ршихъ: мно́го бо вѣ́рнымъ душа́мъ посо́біе, е́же за си́хъ дая́ти маломо́щнымъ, и е́же за душа и́хъ попо́ве и діа́кони мо́лятся и слу́жбы ча́сто творя́тъ. Заповѣ́дано бо отъ святы́хъ апо́столъ о преста́вльшихся въ вѣ́рѣ, во святѣ́й слу́жбѣ помина́емымъ бы́ти, мно́га у́бо уме́ршимъ по́льза. Се́ же о вѣ́рныхъ рече́но. /л. 232/ А невѣ́рніи уме́ршіи недосто́йни поминове́нія и никогда́ же по ни́хъ нѣ́сть досто́йно па́мяти твори́ти. Почто́ же въ мíрѣ се́мъ за вся́ человѣ́ки мольбы́ твори́ти повелѣ́ Бо́гъ? А мно́зи въ мíрѣ разбо́йницы, и та́тіе, и прелюбодѣ́и, и мно́га испо́лнени зла́; но за вся́, рече́, живы́я моли́тися, да бы́ въ покая́ніе пришли́, а невѣ́рніи — да бы́ въ креще́ніе пришли́. О уме́ршихъ же рече́но то́кмо о вѣ́рныхъ моли́тися, а невѣ́рный, а́ще у́мретъ, поги́бе наде́жда спасе́нія его́. Того́ бо ра́ди и жалѣ́ютъ невѣ́рніи уме́ршихъ, я́ко не ви́дѣти и́мъ сла́вы Бо́жія, ни ра́дости святы́хъ. Слы́шите, что́ апо́столъ Па́велъ къ солу́няномъ, пиша́, глаго́летъ: «бра́тіе, не велю́ ва́мъ не разумѣва́ти о уме́ршихъ, да не скорбите́, я́ко же и про́чіи неиму́щіи упова́нія», но вѣ́руйте, «я́ко Христо́съ у́мре и оживе́, та́ко и уме́ршія возста́витъ вся́ и приведе́тъ къ Себѣ́, и та́ко, вѣ́рніи, всегда́ съ Бо́гомъ бу́демъ». Саддукѣ́емъ же и невѣ́рнымъ всѣ́мъ съ Бо́гомъ не бы́ти, того́ ра́ди окая́нніи жалѣ́ютъ. Мы́ же, вѣрніи, ко́ждо о свои́хъ согрѣше́ніихъ попеце́мся, и не мо́жемъ мно́ги дни́ о уме́ршихъ скорбѣ́ти, но вся́къ о свое́й души́ /л. 232 об./ да скорби́тъ, гото́вя до́брая дѣ́ла, да живо́тъ вѣ́чный пріи́мемъ покая́ніемъ. Пра́ведніи бо пре́йдутъ отъ сме́рти въ живо́тъ, а грѣ́шникъ, а́ще у́мретъ, во тмѣ́ бу́детъ душа́ его́ до́ дне су́днаго, пра́ведныхъ же душа́ во́ свѣтѣ пребыва́ютъ. Мно́зи у́бо тщесла́вія ра́ди пла́чутъ, а отше́дъ, упива́ются и кощу́ны дѣ́ютъ. О, человѣ́че, а́ще и́стинною скорби́ши, то́ въ хра́мѣ свое́мъ пла́чи, не ви́дящу тебе́ никому́ же — се́ е́сть поболѣ́ніе серде́чное, се́ и тебѣ́ на по́льзу: о о́номъ пла́ча са́мъ ся обрати́ши на покая́ніе, и стра́шны бу́дутъ ти́ грѣхи́. Бо́гу на́шему сла́ва ны́нѣ и при́сно, и во́ вѣки вѣко́мъ. [Ами́нь.]

Источникъ: Кни́га, глаго́лемая «Златоу́стъ», въ не́йже вся́ко ухищре́ніе Боже́ственнаго Писа́нія, истолко́вано святы́мъ вели́кимъ Іоа́нномъ Златоу́стомъ и про́чими святы́ми отцы́. — М.: При Свя́то-Тро́ицко-Введе́нской це́ркви, въ тѵпогра́фіи единовѣ́рцевъ, 1910. — Л. 230 об. – 232 об.

Назадъ / Къ оглавленію / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.