Церковный календарь
Новости


2017-08-18 / russportal
Свщмч. Кипріанъ. Письмо (56-е) къ клиру и народу испанскому (1879)
2017-08-18 / russportal
Свщмч. Кипріанъ. Письмо (55-е) къ Стефану о Макріанѣ Арелатскомъ (1879)
2017-08-17 / russportal
П. Н. Красновъ. "Павлоны". Часть 2-я. Глава 12-я (1943)
2017-08-17 / russportal
П. Н. Красновъ. "Павлоны". Часть 2-я. Глава 11-я (1943)
2017-08-17 / russportal
Митр. Арсеній (Москвинъ). Слово (2-е) въ день Преображенія Господня (1874)
2017-08-17 / russportal
Митр. Арсеній (Москвинъ). Слово (1-е) въ день Преображенія Господня (1874)
2017-08-17 / russportal
Рождественское Посланіе 1948 г. митр. Анастасія (Грибановскаго) (1948)
2017-08-17 / russportal
Владимірское Посланіе 1938 г. митр. Анастасія (Грибановскаго) (1963)
2017-08-17 / russportal
Свщмч. Кипріанъ. Письмо (54-е) къ Флоренцію Пупіану о поносителяхъ (1879)
2017-08-17 / russportal
Свщмч. Кипріанъ. Письмо (53-е) къ епископамъ о выкупѣ плѣнныхъ (1879)
2017-08-16 / russportal
П. Н. Красновъ. "Павлоны". Часть 2-я. Глава 10-я (1943)
2017-08-16 / russportal
П. Н. Красновъ. "Павлоны". Часть 2-я. Глава 9-я (1943)
2017-08-16 / russportal
"Проповѣдн. хрестоматія". Поученіе (2-е) на Преображеніе Господне (1965)
2017-08-16 / russportal
"Проповѣдн. хрестоматія". Поученіе (1-е) на Преображеніе Господне (1965)
2017-08-16 / russportal
Слово митр. Анастасія въ 7-ю годовщину муч. кончины Царской Семьи (1963)
2017-08-16 / russportal
Рѣчь архим. Анастасія (Грибановскаго) при нареч. его во еп. Серпуховскаго (1963)
Новости въ видѣ
RSS-канала: .
Сегодня - пятница, 18 августа 2017 г. Сейчасъ на порталѣ посѣтителей - 12.
Церковно-учительная литература

КНИГА, ГЛАГОЛЕМАЯ «ЗЛАТОУСТЪ»,
Въ не́йже вся́ко ухищре́ніе Боже́ственнаго Писа́нія, истолко́вано святы́мъ вели́кимъ Іоа́нномъ Златоу́стомъ и про́чими святы́ми отцы́.

СЛОВО 78.
Въ понедѣ́льникъ Пентико́стный, поуче́ніе свята́го Іоа́нна Златоу́стаго о сше́ствіи Свята́го Ду́ха на святы́я Христо́вы ученики́ и апо́столы.

Вели́цыи на́мъ, люби́міи, о́тъ Бога да́ны да́рове во дне́шній пра́здникъ. Ве́село да восхва́лимъ Христа́ Бо́га на́шего, се́ бо въ прише́ствіе Свята́го Ду́ха доидо́хомъ. Дне́сь си́лу прія́ша апо́столи и нача́ша глаго́лати инѣ́ми язы́ки, я́ко же Ду́хъ Святы́й подава́ше и́мъ. Почто́ Святы́й Ду́хъ, Отцу́ и Сы́ну Единосу́щенъ сы́й, во о́бразѣ о́гненнѣ яви́ся апо́столомъ, а на Единоча́дѣмъ Сы́нѣ въ голуби́нѣ о́бразѣ яви́ся? Почто́ же иногда́ голуби́нымъ о́бразомъ, а иногда́ о́гненнымъ явля́ется Святы́й Ду́хъ? Ни на́ Господа пріи́де во о́бразѣ о́гненнѣ, /л. 234 об/ ни на ученики́ яви́ся въ голуби́нѣ? Четы́рьми у́бо се́ е́сть раздѣле́ніи: со Отце́мъ и Сы́номъ бѣ́ единовѣ́ченъ Ду́хъ, о́гненымъ о́бразомъ яви́ся апо́столомъ, я́ко безпло́тенъ, неизрече́ненъ и неви́димъ Бо́гъ. Но о́гненъ е́сть, Па́влу свидѣ́тельствующу: «Бо́гъ на́шъ е́сть Огнь пояда́яй»; того́ ра́ди о́гненнымъ о́бразомъ явле́ніе Свята́го Ду́ха на́ землю Госпо́дь посла́. Моѵсе́й глаго́летъ: «одесну́ю Его́ о́гнь и зако́нъ, а ошу́юю грѣ́шніи бу́дутъ». Вельми́ бо жада́етъ Христо́съ Бо́гъ на́шего спасе́нія, Свои́мъ милосе́рдіемъ изво́ли обнови́ти естество́ на́ше, обетша́вшее грѣхи́, тѣ́мъ же въ на́шу пло́ть облече́ся и во́лею за ны́ пострада́, хотя́ на́съ спасти́, и Воскре́се изъ ме́ртвыхъ, взы́де на́ небо и сѣ́де одесну́ю Отца́. Въ сíй же дне́шній де́нь Ду́хъ Святы́й посла́ въ видѣ́ніи о́гненныхъ язы́къ, ученико́мъ Свои́мъ раздая́, я́ко же обѣща́ по Воскресе́ніи Свое́мъ, глаго́ля: «восхожду́ ко Отцу́ Моему́ и Отцу́ ва́шему. Уне бо е́сть ва́мъ, да Азъ иду́, а́ще бо не иду́ Азъ, Паракли́тъ не пріи́детъ къ ва́мъ, Иже е́сть Утѣ́шитель. Аще ли иду́, то́ умолю́ Отца́, и Ино́го Паракли́та по́слетъ ва́мъ, Иже въ ва́съ бу́детъ, Ду́хъ и́стинный, То́й /л. 235/ научи́тъ вы́ и воспомяне́тъ вся́, ели́ка глаго́лахъ ва́мъ». Дне́сь Ду́хъ Святы́й прія́ша апо́столи, и инѣ́ми язы́ки нача́ша глаго́лати, и ше́дше во ве́сь мíръ, проидо́ша вся́ уча́ще. О пра́здницѣ у́бо ма́ло да побесѣ́дуемъ, да слы́шите, ка́ко духо́внѣ пра́здновати подоба́етъ. Пра́зднуютъ бо и е́ллини свои́мъ бого́мъ, си́рѣчь бѣсо́мъ; пра́зднуютъ же и жи́дове, угожда́я пло́ти, — но вси́ тíи духо́внаго пра́зднества не обрѣта́ютъ. Мы́ же, вѣ́рніи, духо́внѣ да пра́зднуемъ. Аще ли же во святы́я пра́здники упива́етеся и блу́дъ творите́, рцы́те ми́, чи́мъ есте́ лу́чше пога́ныхъ? Они бо и́доломъ слу́жатъ, а вы́ пія́нствомъ и блудо́мъ діа́волу рабо́таете па́че Бо́га; оста́вльше бо Бо́жія пра́здники, дія́волю во́лю творите́. Велича́етбося дія́волъ о ва́шемъ пія́нствѣ, глаго́ля: «лу́чше мнѣ́ запо́йцы отъ христіа́нъ, не́жели отъ пога́ныхъ идоломоле́бницы; вся́ бо во́ля моя́ въ пія́ницахъ е́сть». Тѣ́мъ, вѣ́рніи, глаго́лю ва́мъ: бѣ́гайте ненасы́тнаго блуда́ и пія́нства. Аще бо во святы́я пра́здники упива́етеся и блуди́те, то дія́волу рабо́таете и во́лю его́ творите́; я́ко же Са́мъ Госпо́дь о то́мъ глаго́летъ: /л. 235 об./ «не пребу́детъ Ду́хъ Мо́й въ человѣ́цѣхъ си́хъ». Ка́ко бо въ пія́наго Ду́хъ Святы́й всели́тся? Нѣ́сть бо до́бръ пія́нчивый, и Ду́хъ Святы́й гнуша́ется пія́нства, въ досто́йныя бо Ду́хъ Святы́й вселя́ется. Тѣ́мъ же молю́ ва́съ, вѣ́рніи: истрезви́теся стра́хомъ Бо́жіимъ, да пріи́мете Ду́хъ Святы́й, я́ко же и апо́столи; отве́ржите отъ себе́ вся́ зла́я дѣ́ла и уклони́теся вся́кія непра́вды, да спасе́ни бу́дете о Христѣ́ Іису́сѣ Го́сподѣ на́шемъ. [Ами́нь.]

Источникъ: Кни́га, глаго́лемая «Златоу́стъ», въ не́йже вся́ко ухищре́ніе Боже́ственнаго Писа́нія, истолко́вано святы́мъ вели́кимъ Іоа́нномъ Златоу́стомъ и про́чими святы́ми отцы́. — М.: При Свя́то-Тро́ицко-Введе́нской це́ркви, въ тѵпогра́фіи единовѣ́рцевъ, 1910. — Л. 234 – 235 об.

Назадъ / Къ оглавленію / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.