Церковный календарь
Сегодня - понедѣльникъ, 27 iюня 2016 г. Сейчасъ на порталѣ посѣтителей - 7.

МОЛИТВЫ О РОССІИ

Покаянная молитва, читаемая въ день убіенія Царской Семьи 4/17 іюля на литургіи.

Служба святым царственным мученикам. Montreal, 1982 г.Благословенъ еси, Господи Боже отецъ нашихъ, и хвально и прославлено имя Твое во вѣки, яко праведенъ еси о всѣхъ, яже сотворилъ еси намъ, и вся дѣла Твоя истинна и прáви путіе Твои, и вси суди Твои истинни: и судьбы истинны сотворилъ еси по всѣмъ, яже навелъ еси на ны. Яко согрѣшихомъ и беззаконновахомъ отступивше отъ Тебе, и прегрѣшихомъ во всѣхъ, и заповѣдей Твоихъ не послушахомъ, ниже соблюдохомъ, ниже сотворихомъ, якоже заповѣдалъ еси намъ, да благо намъ будетъ. И предалъ еси насъ въ руки враговъ беззаконныхъ, мерзкихъ отступниковъ, и человѣкомъ неправеднымъ и лукавнѣйшимъ паче всея земли. И нынѣ нѣсть намъ отверзти устъ: студъ и поношеніе быхомъ рабомъ Твоимъ и чтущимъ Тя. Не предаждь же насъ до конца имене Твоего ради, и не разори завѣта Твоего, и не отстави милости Твоея отъ насъ. Яко, Владыко, умáлихомся паче всѣхъ языкъ и есмы смирени по всей земли днесь, грѣхъ ради нашихъ. И нѣсть во время сіе начальника, пророка и вожда. И нынѣ, возслѣдуемъ всѣмъ сердцемъ и боимся Тебе и ищемъ лица Твоего. Не посрами насъ, но сотвори съ нами по кротости Твоей, и по множеству милости Твоея, и молитвъ ради пречистыя Матере Твоея и всѣхъ святыхъ Твоихъ изми насъ по чудесемъ Твоимъ, и даждь славу имени Твоему, Господи. И да посрáмятся вси являющіи рабомъ Твоимъ злая, и да постыдятся отъ всякія силы и крѣпость ихъ да сокрушится. И да разумѣютъ вси, яко Ты еси Господь Богъ нашъ, единъ и славенъ по всей вселеннѣй, аминь.

Источникъ: Служба святымъ царственнымъ мученикамъ. — Montreal: Monastery Press, 1982. — С. 26-27.

/ Къ оглавленію раздѣла /


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2015 г. Живой огонь в твоей квартире, куплю электрокамин