Церковный календарь
Новости


2017-05-27 / russportal
Архіеп. Аверкій (Таушевъ). Рождественское привѣтствіе (1975)
2017-05-27 / russportal
Архіеп. Аверкій (Таушевъ). Духовный большевизмъ (1975)
2017-05-27 / russportal
И. А. Ильинъ. О признаніи революціи (1925)
2017-05-27 / russportal
И. А. Ильинъ. Отрицателямъ меча (1925)
2017-05-26 / russportal
Архіеп. Аверкій (Таушевъ). Миръ и непримиримость (1975)
2017-05-26 / russportal
Архіеп. Аверкій (Таушевъ). Къ 40-лѣтію паденія русскаго народа (1975)
2017-05-26 / russportal
И. А. Ильинъ. Подвигъ патріотическаго единенія (1925)
2017-05-26 / russportal
И. А. Ильинъ. Самообладаніе и самообузданіе (1925)
2017-05-25 / russportal
И. А. Ильинъ. Идея Корнилова (1925)
2017-05-25 / russportal
И. А. Ильинъ. Кто мы? (1925)
2017-05-25 / russportal
Книга «Златоустъ». Слово 75-е, въ недѣлю 7-ю по Пасхѣ, свв. отецъ, иже въ Никеи (1910)
2017-05-25 / russportal
Книга «Златоустъ». Слово 74-е, въ четвертокъ 6-й седмицы, на Вознесеніе Господне (1910)
2017-05-24 / russportal
«Проповѣдн. хрестоматія». Поученіе въ день свт. Германа Константинопольского (1965)
2017-05-24 / russportal
Прот. Григорій Дьяченко. Слово (3-е) въ день свв. равноапп. Кирилла и Меѳодія (1900)
2017-05-24 / russportal
Прот. Григорій Дьяченко. Слово (2-е) въ день свв. равноапп. Кирилла и Меѳодія (1900)
2017-05-24 / russportal
Прот. Григорій Дьяченко. Слово (1-е) въ день свв. равноапп. Кирилла и Меѳодія (1900)
Новости въ видѣ
RSS-канала: .
Сегодня - воскресенiе, 28 мая 2017 г. Сейчасъ на порталѣ посѣтителей - 13.

АКАѲИСТЫ

Сказанiе о явленіи Иконы Державныя Божія Матери.

Державная икона Пресвятой БогородицыДержавная икона Божіей Матери явила себя русскому православному народу 2/15 марта 1917 года въ день отреченія Царя-Мученика Николая Александровича отъ Престола. Вскорѣ всю Россію облетѣло извѣстіе, что именно въ этотъ день въ селѣ Коломенскомъ подъ Москвой произошло чудесное явленіе новой иконы Божіей Матери, названной «Державной», т. к. Царица Небесная была изображена на этой иконѣ какъ Царица земная.

Условія, при которыхъ явилась святая икона, были слѣдующія. Одной женщинѣ, крестьянкѣ Броницкаго уѣзда, Жирошкинской волости, деревни Починокъ, Евдокіи Андріановой, проживавшей въ слободѣ Перервѣ, были два сновидѣнія: первое 13-го февраля и второе 26-го февраля.

13-го февраля Андріанова слышала таинственный голосъ: «Есть въ селѣ Коломенскомъ большая черная икона. Ее нужно взять, сдѣлать красной и пусть молятся».

Сильное впечатлѣніе произвело на Андріанову это таинственное сообщеніе и, какъ женщину религіозную, побудило ее къ усиленной молитвѣ о полученіи болѣе ясныхъ указаній воли Божіей.

Какъ бы въ отвѣтъ на усердную молитву, 26-го февраля Андріановой снится бѣлая церковь; и въ ней величественно возсѣдаетъ Женщина, въ Которой своимъ сердцемъ Андріанова признаетъ и чувствуетъ Царицу Небесную, хотя и не видитъ Ея святого лика.

Не имѣя возможности забыть и отрѣшиться отъ своихъ сновидѣній, Андріанова рѣшается идти въ село Коломенское, чтобы успокоить себя. 2-го марта, предъ исполненіемъ христіанскаго долга исповѣди и св. причащенія, она отправилась изъ Перервы къ настоятелю бѣлой церкви въ село Коломенское.

При видѣ дивной Вознесенской церкви Евдокія Андріанова сразу же узнала въ ней ту самую церковь которую она видѣла во снѣ.

Мироточивая икона Царя-Мученика Николая IIНастоятелемъ церкви Вознесенія былъ священникъ о. Николай Лихачевъ. Придя къ нему въ домъ, Андріанова сообщила ему о своихъ сновидѣніяхъ и просила совѣта какъ поступить. О. Николай, собирался служить вечерню и пригласилъ Андріанову вмѣстѣ съ собой въ церковь, гдѣ показалъ ей всѣ старинныя иконы Богоматери, находящіяся въ храмѣ и на иконостасѣ; но Андріанова ни въ одной изъ нихъ не находила какого либо сходства со своимъ сновидѣніемъ. Тогда по совѣту сторожа церкви и еще одного прихожанина, случайно зашедшаго въ церковь, о. Николай сталъ усердно искать икону повсюду: на колокольнѣ, на лѣстницѣ, въ чуланахъ, и, наконецъ, въ церковномъ подвалѣ. И вотъ, именно въ подвалѣ, среди старыхъ досокъ, разныхъ тряпокъ и рухляди, въ пыли, была найдена большая узкая старая черная икона. Когда ее промыли отъ многолѣтней пыли, то всѣмъ присутствовавшимъ въ храмѣ представилось изображеніе Божіей Матери, какъ Царицы Небесной, величественно возсѣдающей на царскомъ тронѣ въ красной царской порфирѣ на зеленой подкладкѣ, съ короной на головѣ и скипетромъ и державой въ рукахъ. На колѣняхъ находился благословляющій Богомладенецъ. Необычайно для лика Богоматери былъ строгъ, суровъ и властенъ взглядъ Ея скорбныхъ очей, наполненныхъ слезами. Андріанова съ великой радостью и слезами поверглась ницъ предъ пречистымъ образомъ Богоматери, прося о. Николая отслужить благодарственный съ акаѳистомъ молебенъ, такъ какъ въ этомъ образѣ она увидала полное исполненіе своихъ сновидѣній.

Вѣсть о явленіи новой иконы въ день отреченія Государя отъ Престола, 2-го марта 1917 г., — быстро пронеслась по окрестностямъ, проникла въ Москву и стала распространяться по всей Россіи. Большое количество богомольцевъ стало стекаться въ село Коломенское и передъ иконой были явлены чудеса исцѣленія тѣлесныхъ и душевныхъ недуговъ, какъ объ этомъ стали свидѣтельствовать получившіе помощь. Икону стали возить по окрестнымъ храмамь, фабрикамъ и заводамъ, оставляя ее въ Вознесенской церкви только на воскресные и праздничные дни.

Акафист Державной иконе Пресвятой Богородицы. Джорданвилл, 1984 г.Зная исключительную силу вѣры и молитвы Царя-Мученика Николая Второго и Его особенное благоговѣйное почитаніе Божіей Матери (вспомнимъ соборъ Ѳеодоровской иконы Божіей Матери въ Царскомъ Селѣ), — мы можемъ не сомнѣваться въ томь, что это Онъ умолилъ Царицу Небесную взять на Себя Верховную Царскую власть надъ народомъ, отвергшимъ своего Царя-Помазанника. И Владычица пришла въ уготованный Ей всей русской исторіей «Домъ Богородицы», въ самый тяжкій моментъ жизни богоизбраннаго народа, въ моментъ его величайшаго паденія, и приняла на Себя преемство власти державы Россійской, когда сама идея Православно-Самодержавной народной власти была попрана во имя самовластія сатаны. Потому и строгъ, и суровъ, и скорбенъ взглядъ Ея дивныхь очей, наполненныхъ слезами гнѣва Божественной и Материнской любви; потому и пропитана мученической русской кровью Ея царская порфира и алмазныя слезы русскихъ невинныхъ мучениковъ украшаютъ Ея корону.

Символъ этой иконы ясенъ для духовныхъ очей: черезъ неисчислимыя страданія, кровь и слезы, послѣ  п о к а я н і я,  Русскій народъ будетъ прощенъ и Царская власть, сохраненная Самой Царицей Небесной, будеть Россіи несомнѣнно возвращена. Иначе зачѣмъ же Пресвятой Богородицѣ сохранять эту власть?

Съ радостнымъ страхомъ и покаяннымъ трепетомъ началъ народъ Русскій молиться передъ «Державной» иконой Божіей Матери по всей Россіи, а сама икона, въ безчисленныхъ копіяхъ, стала украшать всѣ русскіе храмы. Появился дивный акаѳистъ и канонъ этой иконѣ, слушая который вся церковь падала на колѣни.

Прошло нѣсколько лѣтъ — и жесточайшія гоненія обрушлись на головы почитателей этой иконы, молившихся предъ ея копіями по всей Россіи. Были арестованы тысячи вѣрующихъ, разстрѣляны составители службы и канона, а сами иконы — изъяты изъ всѣхъ церквей…

Вскорѣ послѣ появленія иконы въ селѣ Коломенскомъ, Вознесенскій женскій монастырь въ Москвѣ, по записямъ въ своихъ книгахъ, установилъ, что икона эта прежде принадлежала ему и въ 1812 г. передъ нашествіемъ Наполеона, въ числѣ другихъ иконъ, при эвакуаціи монастыря изъ Кремля, была передана на храненіе въ Вознесенскую церковь села Коломенскаго, а потомъ она возвращена не была, и о ней въ монастырѣ забыли. Повидимому, икона, впослѣдствіи, была передана обратно въ женскій Вознесенскій монастырь. Позднѣе икона находилась нѣкоторое время въ Маріино-Марѳинской обители въ Замоскворѣчьѣ, гдѣ настоятельницей была до своей мученической кончины преподобномученица великая княгиня Елизавета Ѳеодоровна.

Икона Пресвятой Богродицы именуемая «Державная» празднуется 2/15 марта.


Акаѳистъ Пресвятѣй Богородицѣ
явленія ради чудотворныя Ея Иконы «Державныя»
въ селѣ Коломенстѣмъ, близъ града Москвы,
2-го Марта 1917 года.

Кондакъ 1.

Избраннѣй отъ всѣхъ родовъ Заступницѣ рода христіанскаго, покровомъ Своея благости покрывающей страну нашу православную, благодарственная пѣнія приносимъ Ти, Владычице, о явленіи намъ чудныя иконы Твоея Державныя. Ты же, яко Всемилостивая Заступница всѣхъ съ вѣрою къ Тебѣ притекающихъ, отъ всякихъ насъ бѣдъ свободи, да зовемъ Ти: Радуйся, Мати Божія Державная, Заступнице усердная рода христіанскаго.

Икосъ 1.

Ангеломъ радость пріимшая, благоволила еси, Владычице, возвѣстити старицѣ благочестивѣй радость о явленіи иконы Твоея честныя Державныя, юже и обрѣтше по указанію Твоему, яко знаменіе милости Божія къ намъ, грѣшнымъ, благодарственно вопіемъ Ти сице: Радуйся, воли Господни тайны намъ открывающая; радуйся, гнѣвъ Его праведный, на ны движимый, умягчающая. Радуйся, нечестивыхъ зловѣрія обличеніе; радуйся, гордыни ихъ низложеніе. Радуйся, вѣры христіанскія утвержденіе; радуйся, почитанія святыхъ иконъ освященіе. Радуйся, тихое пристанище спасенія душъ нашихъ; радуйся, Всемилостивая Заступнице наша у престола Святыя Троицы. Радуйся, отъ бѣдъ и скорбей наше избавленіе; радуйся, Церкве Православныя утвержденіе. Радуйся, звѣздо невечерняго свѣта, насъ озаряющая; радуйся, Мати Свѣта, всѣхъ просвѣщающая. Радуйся, Мати Божія Державная, Заступнице усердная рода христіанскаго.

Кондакъ 2.

Видящи, Всенепорочная, съ высоты небеснаго жилища Своего, идѣже съ Сыномъ Твоимъ во славѣ пребываеши, скорбь вѣрныхъ рабовъ Твоихъ, яко гнѣвнаго ради Божія посѣщенія вѣра Христова поругаема бываетъ нечестивымъ зловѣріемъ, благоволила еси явити намъ икону Твою Державную, да вси христолюбивіи люди усердно молятся предъ нею, вѣрно вопіюще Богу: Аллилуія.

Икосъ 2.

Разуму нашему просвѣщеніе свыше исходатайствуй, Пресвятая Богородице, да познаемъ, что есть воля Божія благая, угодная и совершенная, и сердце направи, еже со усердіемъ творити ю, Тебе же, Всемилостивая Заступнице, непрестанными гласы восхваляти: Радуйся, явленіемъ честныя иконы Твоея тьму лютыхъ обстояній отъ насъ отгоняющая; радуйся, лучами чудесъ всѣхъ просвѣщающая. Радуйся, душевными и тѣлесными очами ослѣпшихъ прозрѣніе; радуйся, омраченныхъ смысловъ просвѣщеніе. Радуйся, всѣхъ уповающихъ на Тя непостыдная надеждо; радуйся, вдовъ и сиротъ надежный покрове. Радуйся, алчущихъ питательнице; радуйся, духовныхъ сокровищъ подательнице. Радуйся, богомудрыхъ премудрая доброто; радуйся, пресвѣтлая, Божественная красото. Радуйся, цвѣте нетлѣнія; радуйся, обоняніе Христова благоуханія. Радуйся, Мати Божія Державная, Заступнице усердная рода христіанскаго.

Кондакъ 3.

Силу Божественныя благодати даруй намъ, Пресвятая Богородице, во еже неуклонно и непреткновенно ходити намъ спасительнымъ путемъ Христовыхъ заповѣдей, сердцемъ же и усты непрестанно воспѣвати Всемогущему Богу: Аллилуія.

Икосъ 3.

Имуще Тя, Богоизбранная Заступнице рода христіанскаго, яко зарю свѣтлую, просвѣщающую душъ нашихъ темноту и разгоняющую мракъ сердечнаго невѣдѣнія нашего, припадаемъ къ честнѣй иконѣ Твоей Державнѣй и съ умиленіемъ вопіемъ Ти сице: Радуйся, сохраняти и спасати всѣхъ призывающихъ Тя обѣщавшая; радуйся, прославляющихъ Тя прославляющая. Радуйся, къ Сыну Твоему и Богу нашему молитвы вѣрныхъ приносящая; радуйся, благодать Твою иконамъ Твоимъ честнымъ даровавшая. Радуйся, всю вселенную лучами Твоея благодати озарившая; радуйся, премудрости Божія пріятелище. Радуйся, Божественныя благодати Подательнице; радуйся, яко Тобою отъ вѣчныя смерти свобождаемся. Радуйся, яко Тобою безконечныя жизни сподобляемся; радуйся, честнѣйшая Херувимъ и славнѣйшая Серафимъ. Радуйся, Мати Свѣта и Царице Небесная; радуйся, Владычице, Всемилостивая за насъ предъ Богомъ Заступнице. Радуйся, Мати Божія Державная, Заступнице усердная рода христіанскаго.

Кондакъ 4.

Буря житейскаго моря сокрушаетъ духовный корабль нашъ волнами житейскихъ попеченій, и миръ убогихъ душъ нашихъ мятется. И гдѣ обрящемъ тихое пристанище спасенія? Токмо на Тя возлагаемъ надежду, Владычице; имущи бо державу непобѣдимую, отъ всякихъ бѣдъ, глада, скорбей и болѣзней избави насъ, вѣрно вопіющихъ Богу: Аллилуія.

Икосъ 4.

Слышавше православніи людіе повелѣніе Твое, Владычице, молитися предъ образомъ Твоимъ Державнымъ, со умиленіемъ сердечнымъ прибѣгаютъ къ Твоему всесильному заступленію у престола Всемогущаго Бога и благоговѣйно вопіютъ Ти сице: Радуйся, горняго міра украшеніе; радуйся, дольняго міра заступленіе. Радуйся, Дщи благословенная Отца Небеснаго; радуйся, Родительнице неискусомужная Сына Предвѣчнаго. Радуйся, демонскія полки побѣждающая; радуйся, враги спасенія человѣческаго посрамляющая. Радуйся, яко волею Твоею сокрушаются еретическія главы; радуйся, яко вѣрніи Тобою сподобляются славы. Радуйся, тѣлесъ нашихъ безмездная Цѣлительнице; радуйся, душъ нашихъ къ Царствію горнему Путеводительнице. Радуйся, яко сотвори Тебѣ величіе Сильный; радуйся, яко призрѣ на смиреніе Твое Господь. Радуйся, Мати Божія Державная, Заступнице усердная рода христіанскаго.

Кондакъ 5.

Боготечная звѣзда явися намъ, Владычице, честная Твоя икона Державная, страну Россійскую всю обтекающая и лучами чудесъ Твоихъ осіявающая всѣхъ блуждающихъ по морю страстнаго житія, мракъ печалей и мглу всяческихъ недугъ и скорбей прогоняющая и наставляющая на путь спасенія съ вѣрою къ Тебѣ притекающихъ и вопіющихъ Богу: Аллилуія.

Икосъ 5.

Въ дни лютыхъ скорбей и злыхъ обстояній явила еси намъ, Владычице, велію милость обрѣтеніемъ честныя иконы Твоея Державныя, да вси съ вѣрою молящіися предъ нею пріимутъ здравіе и душъ спасеніе. Сего ради и мы, прославляюще Твое милосердіе неизреченное, усердно вопіемъ Ти сице: Радуйся, свѣтило незаходимое, свѣтомъ истиннаго богопознанія насъ просвѣщающее; радуйся, Вратарнице, двери райскія вѣрнымъ отверзающая. Радуйся, многотекущая рѣко Божественныя благодати; радуйся, неистощимый источниче святыни. Радуйся, ко благочестію наша Наставнице; радуйся, душъ нашихъ освященіе. Радуйся, кающихся грѣшниковъ съ Богомъ примиреніе; радуйся, добрыя обѣты пріемлющая. Радуйся, благимъ намѣреніямъ способствующая; радуйся, злыя начинанія разрушающая. Радуйся, вражія козни расторгающая; радуйся, скорая человѣкомъ Помощнице. Радуйся, Мати Божія Державная, Заступнице усердная рода христіанскаго.

Кондакъ 6.

Воспѣваемъ Твое милосердіе досточудное и многое къ намъ снисхожденіе, Пресвятая Богородице, не престаеши бо молитися о насъ, грѣшныхъ, Сыну Твоему и Богу нашему, еже отвратити гнѣвъ Его праведный, на ны движимый, и помиловати всѣхъ, вѣрно вопіющихъ Богу: Аллилуія.

Икосъ 6.

Возсіяваетъ въ душахъ нашихъ, омраченныхъ скорбію и уныніемъ отъ множества согрѣшеній, свѣтъ благодатнаго утѣшенія, и сердце наше исполняется веселія и радости, егда непрестанными Твоими, Владычице, вразумленьми возбуждаеши насъ вопити къ щедрому Богу, да милостивъ будетъ и проститъ намъ прегрѣшенія наша. Не премолчи убо, Владычице, наставляющи и вразумляющи насъ, зовущихъ Ти сице: Радуйся, въ скорбѣхъ и болѣзнехъ долготерпѣнію насъ научающая; радуйся, вся помышленія наша къ распятому за грехи міра Спасителю устремляющая. Радуйся, страданія Его и крестную смерть въ памяти нашей обновляющая; радуйся, правосудіемъ Божіимъ къ ожесточеннымъ и нераскаяннымъ насъ устрашающая. Радуйся, ожиданіемъ будущихъ небесныхъ благъ насъ услаждающая; радуйся, къ наслѣдству нетлѣнному и вѣчному насъ приводящая. Радуйся, наслѣдниками Царствія Божія насъ сотворяющая; радуйся, трапезо святая, хлѣбомъ жизни насъ питающая. Радуйся, маслино благоплодная, елеемъ милости сердца умягчающая; радуйся, яко молитвою предъ иконою Твоею пріемлемъ духовное утѣшеніе. Радуйся, яко сердцамъ нашимъ даруеши благодатное сокрушеніе; радуйся, яко благостынею Своею угашаеши въ насъ огнь нечестія. Радуйся, Мати Божія Державная, Заступнице усердная рода христіанскаго.

Кондакъ 7.

Хотяй всѣмъ человѣкомъ спастися и въ разумъ познанія истины пріити, премилосердный Господь и Создатель нашъ посла во дни гнѣвнаго посѣщенія Своего ангела пресвѣтла въ новоявленнѣмъ образѣ Твоемъ Державнѣмъ, да вси съ вѣрою молящіися предъ нимъ, пріимутъ помощь и заступленіе Твое всесильное и радостно вопіютъ Всемогущему Богу: Аллилуія.

Икосъ 7.

Новую показа милость всѣхъ Творецъ и Владыка нашъ Господь, егда положи во гнѣвѣ Своемъ наказати родъ человѣческій огнемъ, мечемъ, гладомъ и болѣзньми, сотвори сіе наказаніе многимъ человѣкомъ ко вразумленію и исправленію во спасеніе душъ. Сего ради и мы, Владычице, припадающе къ Пречистому образу Твоему Державному, усердно молимъ Тя: не даждь намъ погибнути до конца, но милосердія двери отверзи намъ, вопіющимъ Ти сице: Радуйся, неприступнаго Божества селеніе; радуйся, ангельское непрестающее удивленіе. Радуйся, рабовъ Божіихъ тайное вразумленіе; радуйся, Заступнице всѣхъ сущихъ въ скорбехъ и болѣзнехъ. Радуйся, благодатное безстрастіе ищущимъ его подающая; радуйся, всѣхъ въ чистотѣ цѣломудрія живущихъ зѣло любящая. Радуйся, пристанище небурное подвижниковъ благочестія; радуйся, гнѣвомъ Божіимъ вразумляющая сыновъ нечестія. Радуйся, безмолвствующихъ сладкая Собесѣднице; радуйся, отшельниковъ Христа ради крѣпкое упованіе. Радуйся, постниковъ Божественное радованіе; радуйся, пустынножителей тихое веселіе. Радуйся, Мати Божія Державная, Заступнице усердная рода христіанскаго.

Кондакъ 8.

Странни и пришельцы есмы на земли: житіе бо наше суетно и маловременно есть. Мы же смерти безвѣстное во умъ никогдаже пріемлемъ, ни помышляемъ о Страшнѣмъ судищи Христовѣ, въ немже имамы праведному Судіи предстати и дати отвѣтъ о всякомъ же дѣлѣ и словеси. Тѣмже молимъ Тя, Владычице: возбуди насъ скоро отъ сна грѣховнаго, да не постигнетъ насъ часъ смерти неисправленныхъ и да сподобимся Твоимъ ходатайствомъ получити беззаконіемъ нашимъ прощеніе и во гласѣ радованія воспѣвати Христу Богу: Аллилуія.

Икосъ 8.

Вся бывши горѣ, къ небеснымъ взята еси и земныхъ не оставляеши, Пресвятая Богородице, священнымъ Твоимъ предстательствомъ: имаши бо дерзновеніе къ Сыну Твоему и Богу нашему. Тѣмже утверди, Владычице, въ мирѣ глубоцѣ страну нашу православную и вся полезная даруй рабомъ Твоимъ, да величающе воспѣваемъ Ти тако: Радуйся, умнымъ очесемъ нашимъ горькій и страшный часъ смертный представляющая; радуйся, на кійждо день, аки уже на послѣдній житія нашего, взирати насъ поучающая. Радуйся, любити міръ и яже въ мірѣ намъ воспрещающая; радуйся, пристрастіе къ тлѣнному богатству изъ сердца нашего искореняющая. Радуйся, вся блага земная быти привременна и скоропреходяща намъ показующая; радуйся, славы человечи, аки тѣни преходящія, искати намъ возбраняющая. Радуйся, яко сладчайшее имя Господа Іисуса Христа усты непрестанно произносити и во умѣ держати насъ побуждаеши; радуйся, яко отъ празднословія, многоглаголанія, паче же отъ кощунства насъ удержаваеши. Радуйся, яко воздержанію въ пищи и питіи пріобучити насъ печешися; радуйся, яко Твое за насъ ходатайство сильно есть предъ Богомъ, еже не вверженнымъ намъ быти во тьму кромѣшнюю. Радуйся, яко присно внушаеши намъ омывати грѣхи своя слезами покаянія, да избавимся геенны адскія; радуйся, яко побуждаеши насъ день и нощь молитися, да не послани будемъ со демоны мучитися. Радуйся, Мати Божія Державная, Заступнице усердная рода христіанскаго.

Кондакъ 9.

Всякое естество ангельское удивися дѣлу Твоего милосердія, Господи, яко даровалъ еси намъ толико твердую и теплую Заступницу роду христіанскому во дни гнѣвнаго Твоего посѣщенія, намъ невидимо сопребывающу, слышащу же Тебѣ поющихъ: Аллилуія.

Икосъ 9.

Вѣтіи многовѣщанніи, непросвѣщенніи свѣтомъ истиннаго богопознанія, поклонишася златому тельцу. По слову же апостола, всякъ любостяжатель идолослужитель есть. Сего ради Божіе гнѣвное посѣщеніе всему міру зряще, и мы, грѣшніи, смиренно молимъ Тя, Владычице: умилостиви Создателя, да потщится гнѣвъ Свой праведный преложити на милость и помиловати насъ, вопіющихъ Ти сице: Радуйся, яко Твоея помощи и заступленія никогдаже насъ лишаеши; радуйся, яко умъ нашъ, омраченный небреженіемъ, свѣтлымъ Твоимъ покровомъ озаряеши. Радуйся, яко Тобою отъ страстей тѣлесныхъ избавляемся; радуйся, яко Тобою сладостей духовныхъ исполняемся. Радуйся, колеснице Солнца умнаго; радуйся, твердое Православія укрѣпленіе. Радуйся, честное Спаса нашего носило и похваленіе; радуйся, и во временнѣй жизни полезная намъ подающая; радуйся, душевныя раны наша елеемъ спасительнымъ умащающая. Радуйся, яко изъ рова беззаконій нашихъ рукою Твоея помощи насъ исхищаеши; радуйся, яко грѣховный сонъ душевредныя нашея лѣности отрясаеши. Радуйся, душевное умиленіе и сердечное сокрушеніе въ насъ раждающая; радуйся, яко твориши всѣмъ спастися, въ державный покровъ Твой прибѣгающимъ. Радуйся, Мати Божія Державная, Заступнице усердная рода христіанскаго.

Кондакъ 10.

Спасти хотя многія люди отъ обдержащихъ ихъ скорбей и болѣзней и вѣру ихъ утвердити во всесильное заступленіе Твое, Владычице, даровала еси намъ изображеніе честныя иконы Твоея Державныя, да вси, видяще являемую Тобою милость, вопіютъ со умиленіемъ Богу: Аллилуія.

Икосъ 10.

Стѣна явилася еси, Богородице Дѣво, Россійстѣй странѣ честными Твоими иконами, изливающи чудеса во бранѣхъ и осѣняющи благодатною помощію Твоею христолюбивыхъ воиновъ. Подъ державнымъ бо покровомъ Твоея благости Россійская страна созидашеся, и врата адова не одолѣша Православныя Церкве Христовы. Сего ради припадающе къ честнѣй иконѣ Твоей Державнѣй, радостно вопіемъ Ти сице: Радуйся, Россійскія страны покрове и утвержденіе; радуйся, отъ нашествія иноплеменныхъ избавленіе. Радуйся, сущихъ въ плѣненіи освобожденіе; радуйся, отъ глада и болѣзней наше спасеніе. Радуйся, саде земли обѣтованія; радуйся, цвѣте Божественнаго сажденія. Радуйся, лозо добродѣтельная винограда Христова; радуйся, древо чудоточное рая Іисусова. Радуйся, жилище и домъ Христа Бога нашего; радуйся, вмѣстилище неизреченныя Его славы. Радуйся, Владычице, Всемилостивая Подательнице щедротъ; радуйся, яко много можетъ молитва Твоя предъ Сыномъ Твоимъ и Богомъ нашимъ. Радуйся, Мати Божія Державная, Заступнице усердная рода христіанскаго.

Кондакъ 11.

Пѣніе хвалебное и благодарственное приносимъ Ти, Владычице, подъ державнымъ бо покровомъ Твоея благости пребываемъ въ непостыднѣй надеждѣ всесильнаго заступленія Твоего за насъ, грѣшныхъ, и все упованіе наше на Тя возложивше, радостно вопіемъ Богу: Аллилуія.

Икосъ 11.

Свѣтильницы наши угасоша, елея же благихъ дѣлъ не имамы, во еже возжещи благодать Духа Святаго. И гдѣ обрящемся, окаянніи, сномъ грѣховнымъ отягченніи, егда постигнетъ насъ внезапу въ полунощи часъ кончины нашея? Но да не услышимъ и мы, якоже юродивыя дѣвы, грознаго гласа Жениха: не вѣмъ васъ! Помози намъ, Владычице, наполнити сосуды душъ нашихъ елеемъ благихъ дѣлъ, паче же милосердія и смиренія, да благодарственно воспоемъ Ти сице: Радуйся, яко воспоминаніемъ грядущаго грознаго суда Божія отъ грѣховъ насъ отрѣваеши; радуйся, яко души наша, аки невѣсту, ко срѣтенію прекраснаго Жениха Христа предуготовляти насъ поучаеши. Радуйся, яко возбуждаеши насъ на всякъ день же и часъ приносити Христу Богу молитвы, прошенія и благодаренія; радуйся, яко съ мудрыми дѣвами, душами праведныхъ, внити въ брачный чертогъ Сына Твоего и Бога нашего помогаеши. Радуйся, яко въ ризу непорочности и чистоты облещися намъ способствуеши; радуйся, яко стати намъ на Страшнѣмъ судѣ Христовѣ одесную Его ходатайствуеши. Радуйся, яко благоутробіе Божіе о причастіи насъ къ лику избранныхъ умоляеши; радуйся, яко умъ нашъ, омраченный небреженіемъ, свѣтомъ Своимъ озаряеши. Радуйся, яко голубину простоту и агнчу кротость стяжати намъ пріискреннѣ желаеши; радуйся, яко самоотверженію и отреченію отъ злыя нашея воли пріобучити насъ тщишися. Радуйся, яко младенческое незлобіе даровати намъ способствуеши; радуйся, яко хладное сердце наше молитвами воспламеняти намъ помогаеши. Радуйся, Мати Божія Державная, Заступнице усердная рода христіанскаго.

Кондакъ 12.

Благодать пріяла еси, Владычице, отъ Всемогущаго Господа Бога миловати благочестивыя чада Церкве Христовы и вразумляти нечестивыхъ сыновъ ея. Сего ради, притекающе подъ державный покровъ Твоея благости, усердно молимъ Тя, Владычице: избави насъ отъ ухищреній духовъ злобы, разслабляющихъ наши душу и тѣло лѣностію и нерадѣніемъ, и возбуди насъ отъ сна грѣховнаго, да благодарственно вопіемъ Богу: Аллилуія.

Икосъ 12.

Поюще Твоя чудеса, бывшая въ древняя и настоящая времена, хвалимъ Тя, Владычице, яко живоносный источникъ благодати и неистощимую чудесъ рѣку, бездну бо милости и щедротъ даровала еси роду христіанскому явленіемъ честныхъ иконъ Твоихъ. Сего ради и мы, припадающе къ честнѣй иконѣ Твоей Державнѣй, со умиленіемъ вопіемъ Ти сице: Радуйся, Церкве Небесныя и земныя украшеніе; радуйся, дѣвства честный покрове и огражденіе. Радуйся, честная похвало іереевъ благоговѣйныхъ; радуйся, свѣтлое пророческое сбытіе. Радуйся, всехвальныхъ апостоловъ восхваленіе; радуйся, молніе, невѣрныхъ устрашающая. Радуйся, славою чудесъ Твоихъ вѣрныхъ мысли озаряющая; радуйся, печаль и скорбь нашу въ радость претворяющая. Радуйся, яко молиши Сына Твоего и Бога нашего всѣмъ намъ спастися; радуйся, яко твориши милости всѣмъ въ державный Твой покровъ притекающимъ. Радуйся, Заступнице всѣхъ сущихъ въ скорбехъ и болѣзнехъ; радуйся, всѣмъ съ вѣрою Тебѣ молящимся полезная дарующая. Радуйся, Мати Божія Державная, Заступнице усердная рода христіанскаго.

Кондакъ 13.

О, всепѣтая Мати, державная Владычице! Пріими нынѣ сіе малое моленіе наше, и величія ради благости Твоея и неизреченныхъ щедротъ Твоихъ, не помяни множества грѣховъ нашихъ, но исполни во благихъ прошенія наша: даруй намъ вся потребная къ животу и благочестію, избави насъ отъ глада, болѣзней и печали, и Царствія Небеснаго наслѣдники всѣхъ сотвори, вѣрно вопіющихъ Богу: Аллилуія.

(Сей кондакъ читается трижды. Посемъ икосъ и кондакъ 1).


Молитвы Державнѣй Божіей Матери.
Молитва первая.

О, міра Заступнице, Мати Всепѣтая! со страхомъ, вѣрою и любовію припадающе предъ честною иконою Твоею Державною, усердно молимъ Тя: не отврати лица Твоего отъ прибѣгающихъ къ Тебе. Умоли, милосердная Мати Свѣта, Сына Твоего и Бога нашего, Сладчайшаго Господа Іисуса Христа, да сохранитъ въ мирѣ страну нашу, да утвердитъ державу нашу въ благоденствіи и избавитъ насъ отъ междоусобныя брани, да укрѣпитъ Святую Церковь нашу Православную, и непозыблему соблюдетъ ю отъ невѣрія, раскола и ересей. Не имамы бо иныя помощи, развѣ Тебе, Пречистая Дѣво: Ты еси всесильная христіанъ Заступница предъ Богомъ, праведный гнѣвъ Его умягчающая. Избави всѣхъ, съ вѣрою Тебѣ молящихся, отъ паденій грѣховныхъ, отъ навѣта злыхъ человѣкъ, отъ глада, скорбей и болѣзней. Даруй намъ духъ сокрушенія, смиреніе сердца, чистоту помышленій, исправленіе грѣховныя жизни и оставленіе согрѣшеній нашихъ; да вси, благодарнѣ воспѣвающе величія Твоя, сподобимся Небеснаго Царствія и тамо со всѣми святыми прославимъ пречестное и великолѣпое имя въ Троицѣ славимаго Бога: Отца, Сына и Святаго Духа. Аминь.

Молитва вторая.

О, Державная Владычице Пресвятая Богородице, на объятіихъ Своихъ держащая Содержащаго всю вселенную Царя Небеснаго! Благодаримъ Тя за неизреченное милосердіе Твое, яко благоволила еси явити намъ, грѣшнымъ и недостойнымъ, сію святую и чудотворную икону Твою во дни сія лукавыя и лютыя, яко вихрь, яко буря вѣтренняя нашедшая на страну нашу, во дни уничиженія нашего и укоренія, во дни разоренія и поруганія святынь нашихъ отъ людей безумныхъ, иже не точію въ сердцѣ, но и устнами дерзостно глаголютъ: нѣсть Богъ; и въ дѣлѣхъ сіе безбожіе показуютъ. Благодаримъ Тя, Заступнице, яко призрѣла еси съ высоты святыя Своея на скорби наша и горе насъ православныхъ, и яко солнце свѣтлое, увеселяеши изнемогшія отъ печали очеса наша пресладостнымъ зрѣніемъ Державного образа Твоего. О, Преблагословенная Мати Божія, Державная Помощнице, крѣпкая Заступнице! Благодаряще Тя со страхомъ и трепетомъ, яко раби непотребніи, припадаемъ Ти со умиленіемъ, съ сокрушеніемъ сердечнымъ и со слезами, и молимъ Тя и стеняще вопіемъ Ти: спаси насъ, спаси! помози намъ, помози! потщися: погибаемъ! Се животъ нашъ аду приближися: се обышедше обыдоша насъ грѣси мнози, бѣды мнози, врази мнози. О, Небесная Царице! Скипетромъ власти Твоея Божественныя разсѣй, яко прахъ, яко дымъ, нечистивыя козни враговъ нашихъ видимыхъ и невидимыхъ сокруши велерѣчивыя помышленія ихъ и запрети имъ и яко Мати всѣхъ, на путь правый и богоугодный настави ихъ. Вкорени въ сердца всѣхъ насъ правду, миръ и радость о Дусѣ Святѣ: водвори въ странѣ нашей тишину, благоденствіе, безмятежіе, любовь другъ ко другу нелицемѣрную. Державою Твоею всесильною удержи, Пречистая, потоки беззаконія, хотящія потопити Землю Русскую въ страшнѣй пучинѣ своей. Поддержи насъ слабыхъ, малодушныхъ, немощныхъ и унылыхъ, укрепи, возстави и спаси: яко да подъ державою Твоею всегда храними, поемъ и величаемъ пречестное и великолепое имя Твое, нынѣ и присно и во вѣки вѣковъ. Аминь.

Тропарь Державнѣй Божіей Матери, гласъ 8:

Ангеловъ лицы благоговѣйно Тебѣ служатъ и вся небесныя силы немолчными гласы Тя ублажаютъ, Богородице Дѣво; усердно молимъ Тя, Владычице, да пребудетъ Божественная благодать на честнѣй иконѣ Твоей Державнѣй, и свѣтозарный лучъ славы чудесъ Твоихъ да нисходитъ отъ нея на всѣхъ, съ вѣрою Тебѣ молящихся и вопіющихъ Богу: Аллилуія.

Кондакъ, гласъ 8:

Взбранной Воеводе побѣдительныя пѣсни приносимъ, яко даровася намъ Держава Твоя, и ничесоже устрашимся, не отъ міра бо спасеніе наше, но Превознесенныя Владычицы милосердіемъ ограждаемся и тому днесь радуемся, яко пріиде Заступница на стражу земли Своея.

Величаніе.

Величаемъ Тя, Пресвятая Дѣво, Богоизбранная Отроковице, и чтимъ Державный образъ святыни Твоея, имже подаеши велію милость всѣмъ, съ вѣрою къ нему притекающимъ.

Источникъ: Акаѳистъ Пресвятѣй Богородицѣ, явленія ради чудотворныя Ея иконы Державныя въ селѣ Коломенстѣмъ, близъ града Москвы 2-го Марта 1917 года. — Джорданвиллъ: Типографія преп. Іова Почаевскаго, 1984. — 40 с.

/ Къ оглавленію раздѣла /


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г. компьютер Одесса, компьютеры в Одессе , пк комплектующие