Церковный календарь
Новости


2018-08-18 / russportal
Еп. Григорій (Граббе). "Русская Церковь передъ лицомъ господ. зла". Гл. 5-я (1991)
2018-08-18 / russportal
Помѣстный Соборъ 1917-1918 гг. Дѣяніе 44-е (17 ноября 1917 г.)
2018-08-17 / russportal
Еп. Григорій (Граббе). "Русская Церковь передъ лицомъ господ. зла". Гл. 4-я (1991)
2018-08-17 / russportal
Помѣстный Соборъ 1917-1918 гг. Дѣяніе 42-е (16 ноября 1917 г.)
2018-08-16 / russportal
Еп. Григорій (Граббе). "Русская Церковь передъ лицомъ господ. зла". Гл. 3-я (1991)
2018-08-16 / russportal
Н. Д. Кузнецовъ. Основанія, приводимыя для учрежденія Патріаршества (1918)
2018-08-15 / russportal
Еп. Григорій (Граббе). "Русская Церковь передъ лицомъ господ. зла". Гл. 2-я (1991)
2018-08-15 / russportal
Помѣстный Соборъ 1917-1918 гг. Дѣяніе 41-е (15 ноября 1917 г.)
2018-08-14 / russportal
Свт. Іоаннъ, архіеп. Шанхайскій. Единообразіе въ богослуженіи (1994)
2018-08-14 / russportal
Помѣстный Соборъ 1917-1918 гг. Дѣяніе 40-е (14 ноября 1917 г.)
2018-08-12 / russportal
Обращеніе свт. Іоанна обще-приходскому годовому собранію (1994)
2018-08-12 / russportal
Помѣстный Соборъ 1917-1918 гг. Дѣяніе 39-е (13 ноября 1917 г.)
2018-08-11 / russportal
Еп. Григорій (Граббе). "Русская Церковь передъ лицомъ господ. зла". Гл. 1-я (1991)
2018-08-11 / russportal
Помѣстный Соборъ 1917-1918 гг. Дѣяніе 82-е (12 февраля 1918 г.)
2018-08-10 / russportal
Митр. Анастасій (Грибановскій). Рѣчь при гробѣ митр. Антонія (1936)
2018-08-10 / russportal
Помѣстный Соборъ 1917-1918 гг. Дѣяніе 81-е (10 февраля 1918 г.)
Новости въ видѣ
RSS-канала: .
Сегодня - воскресенiе, 19 августа 2018 г. Сейчасъ на порталѣ посѣтителей - 14.

ПСАЛТИРЬ

Поученіе святыхъ отцовъ о Псалтирѣ.

Уста́въ святы́хъ Оте́цъ,

Бо́гомъ пре́данный всѣ́мъ хотя́щимъ пѣ́ти Псалти́рь, въ молча́ніи живу́щимъ мона́хомъ и всѣ́мъ Богобоя́знивымъ правосла́внымъ христіа́номъ.

Богоно́сніи, и Препо́добніи, и преблаже́нніи Отцы́ на́ши, всему́ мі́ру свѣти́ла, землені́и а́нгели, небе́сніи человѣ́цы, испе́рва отъ Свята́го Ду́ха преда́нія и́ночествовати навы́кше, и благода́тію Бо́жіею отню́дъ просвѣще́ни бы́ша, Христа́ всели́вше въ прекра́сныя и́хъ ду́ши, чи́стаго ра́ди житія́ ихъ, и побѣ́ду показа́ша на діа́вола, а́ще и мно́гими отъ него́ искуше́ніи разжиза́еми: но одолѣ́вше его́, яснѣ́е зла́та искуше́на сія́ютъ, и па́че снѣ́га убѣли́шася, и невеще́ственна зла́та кри́ла впери́вше мы́сленная, на Небеса́ возлетѣ́ша, я́ко небопа́рніи орли́, на́мъ оста́виша уста́въ, Бо́гомъ пре́даннаго пѣ́нія и́хъ, и умиле́нныя моли́твы, и́миже Бо́га ми́лостива себѣ́ сотвори́ша. О́ви бо и́хъ часы́ съ междоча́сіемъ поя́ху, соста́вивше избра́нныя псалмы́, съ тропари́ и съ моли́твами, и нареко́ша сія́ Часосло́вецъ; друзі́и еди́нъ Псалти́рь поя́ху: ині́и же, подви́жнѣйшіи су́ще, по вся́кой каѳи́змѣ, трисвято́е съ покло́ны, и съ тропари́ покая́нны, и съ моли́твами Псалти́рь поя́ху.

Васи́лія Вели́каго.

Никі́я же бо ины́я книги та́ко Бо́га сла́вятъ, я́коже Псалти́рь, душеполе́зна е́сть: о́во Бо́га сла́витъ со А́нгелы вку́пѣ, и превозно́ситъ, и воспѣва́етъ ве́ліимъ гла́сомъ, и А́нгелы подража́етъ: овогда́ бѣ́сы клене́тъ и прогоня́етъ, и вели́къ пла́чь и я́звы твори́тъ: за цари́ и кня́зи и за ве́сь мі́ръ Бо́га мо́литъ. Псалти́рію и о себѣ́ само́мъ Бо́га умо́лиши: бо́льше бо и вы́ше е́сть всѣ́хъ кни́гъ. Сія́ у́бо нарица́емая Псалти́рь подо́бна е́сть вели́кому мо́рю: отъ мо́ря бо не оскудѣва́етъ вода́ никогда́же, ни умаля́ется излія́ніѣмъ рѣ́къ и исто́чникъ: та́ко и отъ Псалти́ри не оскудѣва́етъ пѣ́ніе никогда́же. Псалти́рь бо нарече́ся до́блесть и де́рзость къ Бо́гу о спасе́ніи души́: вели́ка бо мзда́ въ постѣ́ и въ покло́нѣхъ и прочита́ніи псалти́рнѣмъ. А́ще ли, бра́те, рече́ши, я́ко не́мощенъ е́смь, и не могу́ пра́вила сего́ соверши́ти, зане́ пло́ть е́смь: воззри́ на возду́хъ, и ви́ждь, ка́ко со́лнце и луна́ и звѣ́зды, де́нь и но́чь не почива́ютъ ходя́ще путе́мъ свои́мъ, за́повѣди Госпо́дни творя́тъ. И я́ко о́но о́гненное сотворе́ніе ни я́стъ, ни піе́тъ, ни му́ки ча́етъ бу́дущія, а Бо́га бои́тся, и повелѣ́нія Его́ не престая́ твори́тъ. Ты́ же, бра́те, а́ще и пло́ть еси́, но тѣ́ло твое́ покрове́но и́маши: ели́ка ти до избы́тка я́си и піе́ши, и спи́ши дово́льно. Су́ть бо ині́и въ полу́нощи востаю́ще и покланя́ющеся, и моля́щеся Бо́гу, и рукодѣ́лію прилѣжа́тъ, а Творца́ своего́ благодаря́тъ о все́мъ. И па́ки глаго́летъ: ко́ль сла́бо естество́ водно́е и не́мощно е́сть, а Бо́га бои́тся, де́нь и но́щь не престае́тъ напая́ющи и теку́щи, не то́кмо человѣ́ки, но и че́рность и́хъ омыва́етъ, скоты́, и пти́цы, и звѣ́ри, и га́ды вся́ напая́етъ, и на зе́млю излива́етъ. И ты́, бра́те, ка́ко себе́ не разсмотря́еши, ни себѣ́ внима́еши? Вся́ возмо́жна отъ Бо́га, а отъ человѣ́къ ничто́же: то́кмо мужа́йся, и крѣпи́ся, и Бо́гъ помо́жетъ ти́. Глаго́летъ бо Дави́дъ: потерпи́ Го́спода, и сохрани́ пути́ Его́, и вознесе́тъ тя́, е́же наслѣ́дити зе́млю, а не мози́ ни еди́наго дне́ оста́вити безъ пѣ́нія псалти́рнаго. А́ще нѣ́коею ну́ждею оста́виши, отто́лѣ заложи́въ, во у́тріе па́ки начни́, а не преста́ни лѣ́ности ра́ди. Глаго́летъ бо верхо́вный Апо́столъ Пе́тръ: еди́нъ де́нь житія́ на́шего, я́ко ты́сяща лѣ́тъ, а ты́сяща лѣ́тъ, я́ко де́нь еди́нъ, и ничто́же въ ни́хъ по́льзуетъ. Вся́ бо, бра́тіе, вре́менна свѣ́та сего́, я́ко ко́ло врати́тся. Дне́сь со́лнце, а зау́тра мра́къ, и до́ждь и снѣ́гъ: дне́сь пи́рове и бра́ки, а зау́тра пла́чь и сѣ́тованіе. Но а́ще са́мъ подви́гнешися о спасе́ніи души́ твоея́, испра́виши рече́нная, и научи́шися за́повѣдемъ Бо́жіимъ, и откры́етъ о́чи твои́, да разумѣ́еши чудеса́ отъ зако́на Госпо́дня.

Вопроше́нъ бы́сть вели́кій Іоа́ннъ Златоу́стый отъ бра́тій: добро́ ли е́сть оста́вити Псалти́рь? О́нъ же рече́: у́не е́сть со́лнцу преста́ти отъ тече́нія своего́, не́жели оста́вити Псалти́рь; вельми́ бо е́сть поле́зно, е́же поуча́тися псалмо́мъ, и прочита́ти прилѣ́жно Псалти́рь. Вся́ бо на́мъ кни́ги на по́льзу су́ть, и печа́ль творя́тъ бѣсово́мъ, но не я́коже Псалти́рь, да не неради́мъ.

Глаго́ланія Августи́на учи́теля,
въ Про́лозѣ, Псалти́ри, и ины́хъ, о си́лахъ псалмо́въ.

Пѣ́ніе псалмо́въ ду́ши украша́етъ: А́нгелы на по́мощь призыва́етъ: де́моны прогоня́етъ: отжене́тъ тьмы́: содѣва́етъ святы́ню: человѣ́ку грѣ́шному укрѣпле́ніе ума́ е́сть: загла́живаетъ грѣхи́: подо́бно е́сть ми́лостынямъ святы́мъ. Прибавля́етъ вѣ́ру, наде́жду, любо́вь: я́ко со́лнце просвѣща́етъ: я́ко вода́ очища́етъ: я́ко о́гнь опаля́етъ: я́ко еле́й умаща́етъ: діа́вола постыдѣва́етъ: Бо́га показу́етъ: по́хоти тѣле́сныя угаша́етъ: и еле́й милосе́рдія е́сть, жре́бій весе́лія, ча́сть А́нгеловъ избра́нна: свирѣ́пство изгоня́етъ: и вся́кую я́рость утиша́етъ: и гнѣ́въ сокруша́етъ: хвала́ Бо́жія непреста́нная е́сть: подо́бно е́сть ме́ду пѣ́ніе псалмо́въ. (Зри́) Пѣ́снь избра́нна е́сть предъ Бо́гомъ: вся́къ грѣ́хъ отгоня́етъ: сою́зъ любве́ содружа́етъ: вся́ прехо́дитъ, вся́ исполня́етъ, вся́ науча́етъ, вся́ показу́етъ: ду́шу вели́читъ, уста́ очища́етъ, се́рдце весели́тъ, сто́лпъ высо́къ созида́етъ, человѣ́ка просвѣща́етъ, чу́вство отверза́етъ, вся́кое зло́ убива́етъ, соверше́ніе показу́етъ. Кто́ и́мать па́мять и любо́вь Его́, и́мать та́кожде боя́знь и хвалу́ Бо́жію въ се́рдцѣ свое́мъ, не отпаде́тъ же отку́ду ника́коже, ниже́ поги́бнетъ моле́ніе его́, но въ послѣ́дняя предъ Бо́гомъ возра́дуется. Тишина́ ума́ е́сть и возвѣ́стникъ ми́ра. (Зри́) Я́ко псалмы́ мо́лятъ о гряду́щихъ: воздыха́ютъ о настоя́щихъ: ка́ются о мину́вшихъ: ра́дуются о благи́хъ дѣ́лѣхъ: ра́дость Небе́снаго Ца́рствія воспомина́ютъ: чредо́ю бо псалмопѣ́нія мно́гажды щи́тъ взыску́ется пра́вды, проти́ву діа́вольскихъ си́лъ, свѣ́тлость и́стины показу́етъ: ста́рцемъ утѣ́ха е́сть, ю́ношамъ украше́ніе, и ума́ ста́рчество и соверше́ніе е́сть, самому́ Христу́ Бо́гу помога́ющу и да́рующу, И́же сія́ псалмы́ усты́ проро́чески уста́ви, и потща́тельнѣ всегда́ моли́тися научи́. Ему́же е́сть хвала́ и че́сть и вели́чество, благослове́ніе и свѣ́тлость, прему́дрость и благодаре́ніе, си́ла и крѣ́пость, вку́пѣ съ Бо́гомъ Отце́мъ и Святы́мъ Ду́хомъ, и ны́нѣ и при́сно, и во вѣ́ки вѣко́въ, ами́нь.

На псало́мъ пя́тый Ѳеодори́тово толкова́ніе.

Сіе́ и ны́нѣ проро́ческое сло́во на́съ наказу́етъ, уча́щее, ка́ко подоба́етъ всѣ́хъ Бо́га и Царя́ проси́ти и моли́ти, и учи́тъ глаго́лющее: Глаго́лы моя́ внуши́, Го́споди, разумѣ́й зва́ніе мое́, вонми́ гла́су моле́нія моего́. Сіе́ же, внуши́, си́рѣчь, вну́трь ушесе́мъ Твои́мъ да бу́дутъ моле́нія моего́ глаго́лы, и ми́лостивно услы́ши мое́ проше́ніе, и вня́ти прилѣ́жнѣ моле́нія моего́ словесе́мъ изво́ли, зане́ Тебе́ то́кмо вѣ́мъ Бо́га и Царя́.

Источникъ: Псалтирь. — СПб., 1913. — С.???

/ Къ оглавленію раздѣла /


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2018 г.