Церковный календарь
Новости


2017-11-22 / russportal
Ген. П. Н. Красновъ. "Старая Академія". Глава 10-я (1932)
2017-11-22 / russportal
Ген. П. Н. Красновъ. "Старая Академія". Главы 8-9 (1932)
2017-11-22 / russportal
Воззваніе Союза Русскаго Народа "Да здравствуетъ Самодержавіе!" (1907)
2017-11-22 / russportal
Воззваніе Союза Русскаго Народа "Къ честнымъ сынамъ Россіи" (1907)
2017-11-22 / russportal
Н. Д. Тальбергъ. "Исторія Русской Церкви". Церковное управленіе (1959)
2017-11-22 / russportal
Л. Д. Перепелкина. Градъ Китежъ или самая умышленная страна? (2005)
2017-11-21 / russportal
Программа и уставъ "Русскаго Народн. Союза им. Михаила Архангела" (1909)
2017-11-21 / russportal
Уставъ "Союза Русскаго Народа" (1906)
2017-11-21 / russportal
"Пропов. хрестоматія". Поученіе (6-е) на соборъ св. Архистратига Михаила (1965)
2017-11-21 / russportal
"Пропов. хрестоматія". Поученіе (5-е) на соборъ св. Архистратига Михаила (1965)
2017-11-21 / russportal
"Пропов. хрестоматія". Поученіе (4-е) на соборъ св. Архистратига Михаила (1965)
2017-11-21 / russportal
"Пропов. хрестоматія". Поученіе (3-е) на соборъ св. Архистратига Михаила (1965)
2017-11-20 / russportal
Архіеп. Аверкій (Таушевъ). Будемъ ли мы, наконецъ, каяться? (1975)
2017-11-20 / russportal
Архіеп. Аверкій (Таушевъ). Готовимся ли мы къ Великому посту? (1975)
2017-11-20 / russportal
Генералъ П. Н. Красновъ. Мысли о конницѣ (1933)
2017-11-20 / russportal
Генералъ П. Н. Красновъ. Сибирскіе казаки (1934)
Новости въ видѣ
RSS-канала: .
Сегодня - четвергъ, 23 ноября 2017 г. Сейчасъ на порталѣ посѣтителей - 8.
Духовные журналы Русскаго Зарубежья

«ПРАВОСЛАВНАЯ ЖИЗНЬ».
Ежемѣсячное приложеніе къ журналу «Православная Русь».

№ 7. — Іюль 1962 года.

ПОЛНЫЙ АКАѲИСТЪ
ко Пресвятѣй Богородицѣ, явленія ради чудныя Ея иконы «Державныя» въ селѣ Коломенскомъ, подъ Москвою, 2-го марта 1917 года.

КОНДАКЪ 1.

Избраннѣй отъ всѣхъ родовъ заступницѣ рода христіанскаго, покровомъ Своея благости покрывающей страну нашу православную, благодарственная пѣнія приносимъ Ти, Владычице, о явленіи намъ чудныя иконы Твоея Державныя. Ты же, яко всемилостивая заступница всѣхъ съ вѣрою къ Тебѣ притекающихъ, отъ всякихъ насъ бѣдъ свободи, да зовемъ Ти:

Радуйся, Матерь Божія Державная, заступнице усердная рода христіанскаго.

ИКОСЪ 1.

Ангеломъ радость пріимшая, благоволила еси, Владычице, возвѣстити старицѣ благочестивѣй радость о явленіи иконы твоея честныя Державныя, юже и обрѣтше по указанію Твоему, яко знаменіе милости Божіей къ намъ грѣшнымъ, благодарственно вопіемъ Ти сице:

Радуйся, воли Господней тайны намъ открывающая: радуйся, гнѣвъ Его праведный, на ны движимый, умягчающая. Радуйся, нечестивыхъ зловѣрія обличеніе: радуйся, гордыни ихъ низложеніе. Радуйся, почитанія святыхъ иконъ освященіе; радуйся, тихое пристанище спасенія душъ нашихъ. Радуйся, всемилостивая заступнице наша у престола Святыя Троицы: радуйся, отъ бѣдъ и скорбей наше избавленіе. Радуйся, церкве православныя утвержденіе: радуйся, звѣздо невечерняго свѣта, насъ озаряющая. Радуйся, Матерь Свѣта, всѣхъ просвѣщающая.

Радуйся, Матерь Божія Державная, заступнице усердная рода христіанскаго.

/с. 27/

КОНДАКЪ 2.

Видящи, Всенепорочная, съ высоты небеснаго жилища своего, идѣже съ Сыномъ Твоимъ во славѣ пребываеши, скорбь вѣрныхъ рабовъ Твоихъ, яко гнѣвнаго ради Божія посѣщенія вѣра Христова поругаема бываетъ нечестивымъ зловѣріемъ, благоволила еси явити намъ икону Твою Державную, да вси христолюбивіи люди усердно молятся предъ нею, вѣрно вопіюще Богу: Аллилуіа.

ИКОСЪ 2.

Разуму нашему просвѣщеніе свыше исходатайствуй, Пресвятая Богородице, да познаемъ, что есть воля Божія благая, угодная и совершенная, и сердце направи, еже со усердіемъ творити ю: Тебе же, всемилостивая заступнице, непрестанными гласы восхваляти:

Радуйся, явленіемъ честныя иконы твоея тьму лютыхъ обстояній отъ насъ отгоняющая: радуйся, лучами чудесъ всѣхъ просвѣщающая. Радуйся, душевными и тѣлесными очами ослѣпшихъ прозрѣніе: радуйся, омраченныхъ смысловъ просвѣщеніе. Радуйся, всѣхъ христіанъ вожделѣнная помощнице. Радуйся, всѣхъ уповающихъ на Тя непостыдная надеждо: радуйся, вдовъ и сиротъ надежный покрове. Радуйся, алчущихъ питательнице: радуйся, духовныхъ сокровищъ подательнице. Радуйся, богомудрыхъ премудрая доброто: радуйся, пресвѣтлая, божественная красото. Радуйся, обоняніе Христова благоуханія.

Радуйся, Матерь Божія Державная, заступнице усердная рода христіанскаго.

КОНДАКЪ 3.

Силу божественныя благодати даруй намъ, Пресвятая Богородице, во еже неуклонно и непреткновенно ходити намъ спасительнымъ путемъ Христовыхъ заповѣдей, сердцемъ же и усты непрестанно воспѣвати всемогущему Богу: Аллилуіа.

ИКОСЪ 3.

Имуще Тя, богоизбранная заступнице рода христіанскаго, яко зарю свѣтлую, просвѣщающую душъ нашихъ темноту и разгоняющую мракъ сердечнаго невѣдѣнія нашего, припадаемъ къ честнѣй иконѣ Твоей Державнѣй и съ умиленіемъ вопіемъ Ти сице:

Радуйся, сохраняти и спасати всѣхъ призывающихъ Тя обѣщавшая: радуйся, прославляющихъ Тя прославляющая. Радуйся, къ Сыну Твоему и Богу нашему молитвы вѣрныхъ приносящая: радуйся, благодать Твою иконамъ Твоимъ честнымъ даровавшая. Радуйся, всю вселенную лучами Твоея благодати озарившая: радуйся, премудрости Божіей пріятелище. /с. 28/ Радуйся, божественныя благодати подательнице: радуйся, яко Тобою отъ вѣчныя смерти свобождаемся. Радуйся, яко Тобою безконечныя жизни сподобляемся: радуйся, честнѣйшая херувимъ и славнѣйшая серафимъ. Радуйся, матерь Свѣта и Царице небесная: радуйся, Владычице, всемилостивая за насъ предъ Богомъ заступнице.

Радуйся, Матерь Божія Державная, заступнице усердная рода христіанскаго.

КОНДАКЪ 4.

Буря житейскаго моря сокрушаетъ духовный корабль нашъ волнами мірскихъ попеченій, и миръ убогихъ душъ нашихъ мятется. И гдѣ обрящемъ тихое пристанище спасенія? Токмо на Тя возлагаемъ надежду, Владычице: имущи бо державу непобѣдимую, отъ всякихъ бѣдъ, глада, скорбей и болѣзней избави насъ, вѣрно вопіющихъ Богу: Аллилуіа.

ИКОСЪ 4.

Слышавше православніи людіе повелѣніе Твое, Владычице, молитися предъ Образомъ Твоимъ Державнымъ, со умиленіемъ сердечнымъ прибѣгаютъ къ Твоему всесильному заступленію у престола всемогущаго Бога и благоговѣйно вопіютъ Ти сице:

Радуйся, горняго міра украшеніе: радуйся, дольняго міра заступленіе. Радуйся, дщи благословенная Отца небеснаго: радуйся, родительнице неискусомужная Сына предвѣчнаго. Радуйся, демонскія полки побѣждающая: радуйся, враги спасенія человѣческаго посрамляющая. Радуйся, яко волею Твоею сокрушаются еретическія главы: радуйся, яко вѣрніи Тобою сподобляются славы. Радуйся, тѣлесъ нашихъ безмездная цѣлительнице; радуйся, душъ нашихъ къ царствію горнему путеводительнице. Радуйся, яко сотвори Тебѣ величіе Сильный: радуйся, яко призрѣ на смиреніе Твое Господь.

Радуйся, Матерь Божія Державная, заступнице усердная рода христіанскаго.

КОНДАКЪ 5.

Боготочная звѣзда явися намъ, Владычице, честная Твоя икона Державная, страну Россійскую всю обтекшая и лучами чудесъ Твоихъ осіявающая всѣхъ блуждающихъ по морю страстнаго житія, мракъ печалей и мглу всяческихъ недугъ и скорбей прогоняющая и наставляющая на путь спасенія, съ вѣрою къ Тебѣ притекающихъ и вопіющихъ Богу: Аллилуіа.

ИКОСЪ 5.

Въ дни лютыхъ скорбей и злыхъ обстояній явила еси намъ, Владычице, велію милость обрѣтеніемъ честныя иконы Твоея Державныя, да вси съ /с. 29/ вѣрою молящіися предъ нею, пріимутъ здравіе и душъ спасеніе. Сего ради и мы, прославляя Твое милосердіе неизреченное, усердно вопіемъ Ти сице:

Радуйся, свѣтило незаходимое, свѣтомъ истиннаго богопознанія насъ просвѣщающее: радуйся, вратарнице, двери райскія вѣрнымъ отверзающая. Радуйся, многотекущая рѣко Божественныя благодати: радуйся, неистощимый источниче святыни. Радуйся, ко благочестію наша наставнице: радуйся душъ нашихъ освященіе. Радуйся, кающихся грѣшниковъ съ Богомъ примиреніе: радуйся, добрые обѣты пріемлющая. Радуйся, благимъ намѣреніямъ способствующая: радуйся, злыя начинанія разрушающая. Радуйся, вражія козни расторгающая: радуйся скорая человѣкомъ помощнице.

Радуйся, Матерь Божія Державная, заступнице усердная рода христіанскаго.

КОНДАКЪ 6.

Воспѣваемъ Твое милосердіе досточудное и многое въ намъ снисхожденіе, Пресвятая Богородице, не престаеши бо молитися о насъ грѣшныхъ Сыну Твоему и Богу нашему, еже отвратити гнѣвъ Его праведный, на ны движимый, и помиловати всѣхъ, вѣрно вопіющихъ Богу: Аллилуіа.

ИКОСЪ 6.

Возсіяваетъ въ души наша, омраченныя скорбію и уныніемъ отъ множества согрѣшеній, свѣтъ благодатнаго утѣшенія, и сердце наше исполняется веселія и радости: егда непрестанными Твоими, Владычице, вразумленіями, возбуждаеши насъ вопити къ щедрому Богу, да милостивъ будетъ и проститъ намъ прегрѣшенія наша. Не премолчи убо, Владычице, наставляющи и вразумляющи насъ, зовущихъ Ти сице:

Радуйся, въ скорбѣхъ и болѣзнехъ долготерпѣнію насъ научающая: радуйся, вся помышленія наша къ распятому за грѣхи міра Спасителю устремляющая. Радуйся, страданія Его и крестную смерть въ памяти нашей обновляющая: радуйся, правосудіемъ Божіимъ къ ожесточеннымъ и нераскаяннымъ насъ устрашающая. Радуйся, ожиданіемъ будущихъ небесныхъ благъ насъ услаждающая: радуйся, къ наслѣдству нетлѣнному и вѣчному насъ приводящая. Радуйся, наслѣдниками царствія Божія насъ сотворяющая: радуйся, трапезо святая, хлѣбомъ жизни насъ питающая. Радуйся, маслино благоплодная, елеемъ милости сердца умягчающая: радуйся, яко молитвой предъ иконой Твоей пріемлемъ душевное утѣшеніе. Радуйся, яко сердцамъ нашимъ даруеши благодатное сокрушеніе. Радуйся, яко благостынею Своею угашаеши въ насъ огонь нечестія.

Радуйся, Матерь Божія Державная, заступнице усердная рода христіанскаго.

/с. 30/

КОНДАКЪ 7.

Хотяй всѣмъ человѣкомъ спастися и въ разумъ познанія истины пріити, премилосердный Господь и Создатель нашъ посла во дни гнѣвнаго посѣщенія Своего ангела пресвѣтла въ новоявленнѣмъ образѣ Твоемъ Державнѣмъ, да вси съ вѣрою молящіися предъ нимъ, пріимутъ помощь и заступленіе Твое всесильное, и радостно вопіютъ всемогущему Богу: Аллилуіа.

ИКОСЪ 7.

Новую показа милость всѣхъ Творецъ и Владыка нашъ Господь, егда положи во гнѣвѣ Своемъ наказати родъ человѣческій огнемъ, мечемъ, гладомъ и болѣзньми, сотвори сіе наказаніе для многихъ человѣковъ ко вразумленію во спасеніе душъ. Сего ради и мы, Владычице, припадающе къ Пречистому образу Твоему Державному, усердно молимъ Тя: не даждь намъ погибнути до конца, но милосердія двери отверзи намъ, вопіющимъ Ти сице:

Радуйся, неприступнаго Божества селеніе: радуйся, ангельское непрестающее удивленіе. Радуйся, рабовъ Божіихъ тайное вразумленіе. Радуйся, заступнице всѣхъ сущихъ въ скорбѣхъ и болѣзнѣхъ: радуйся, благодатное безстрастіе ищущимъ его подающая. Радуйся, всѣхъ, въ чистотѣ цѣломудрія живущихъ, зѣло любящая: радуйся, пристанище небурное подвижниковъ благочестія. Радуйся, гнѣвомъ Божіимъ вразумляющая сыновъ нечестія: радуйся, безмолвствующихъ сладкая собесѣдннце. Радуйся, отшельниковъ Христа ради крѣпкое упованіе: радуйся, постниковъ Божественное радованіе. Радуйся, пустынножителей тихое веселіе.

[Радуйся, Матерь Божія Державная, заступнице усердная рода христіанскаго.]

КОНДАКЪ 8.

Странни и пришельцы есмы на земли сей: житіе бо наше суетно и маловременно есть. Мы же смерти безвѣстное во умъ никогдаже пріемлемъ, ни помышляемъ о страшнѣмъ судищи Христовѣ, въ немже имамы праведному Судіи предстати и дати отвѣтъ о всякомъ же дѣлѣ и словѣ. Тѣмже молимъ Тя, Владычице: возбуди насъ скоро отъ сна грѣховнаго, да сподобимся Твоимъ ходатайствомъ получити беззаконіямъ нашимъ прощеніе, и во гласѣ радованія воспѣвати Христу Богу: Аллилуіа.

ИКОСЪ 8.

Вся бывши горѣ, къ небеснымъ взята еси и земныхъ не оставляеши, Пресвятая Богородице, священнымъ Твоимъ предстательствомъ: имаши бо дерзновеніе къ Сыну Твоему и Богу нашему. Тѣмже утверди Владычице, въ мирѣ глубоцѣ страну нашу православную, и вся полезная даруй рабомъ Твоимъ, да величающе воспѣваемъ Ти тако:

Радуйся, умнымъ очесемъ нашимъ горькій и страшный часъ смерт/с. 31/ный представляющая: радуйся, на кійждо день, аки уже на послѣдній житія нашего, взирати насъ поучающая. Радуйся, любити міръ и яже въ мірѣ намъ воспрещающая: радуйся, пристрастіе къ тлѣнному богатству изъ сердца нашего искореняющая. Радуйся, вся блага земная быти привременна и скоропреходяща намъ показующая: радуйся, славы человѣчи, аки тѣни преходящія, искати намъ возбраняющая. Радуйся, яко сладчайшее имя Господа Іисуса Христа усты непрестанно произносити и въ умѣ держати насъ побуждаеши: радуйся, яко отъ празднословія, многоглаголанія, паче же отъ кощунства насъ удержаваеши. Радуйся, яко воздержанію въ пищи и питіи пріобучити насъ печешися: радуйся, яко Твое за насъ ходатайство сильно есть предъ Богомъ, еже не вверженнымъ намъ быти во тьму кромѣшную. Радуйся, яко присно внушаеши намъ омывати грѣхи своя слезами покаянія, да избавимся геенны адскія: радуйся, яко побуждаеши насъ день и нощь молитися, да не послани будемъ со демоны мучитися.

Радуйся, Матерь Божія Державная, заступнице усердная рода христіанскаго.

КОНДАКЪ 9.

Всякое естество ангельское удивися дѣлу Твоего милосердія, Господи, яко даровалъ еси намъ толико твердую и теплую заступницу роду христіанскому во дни гнѣвнаго Своего посѣщенія, намъ невидимо сопребывающу, слышащу же Тебѣ поющихъ: Аллилуіа.

ИКОСЪ 9.

Вѣтіи многовѣщанніи, непросвѣщенніи свѣтомъ истиннаго богопознанія, поклонишася златому тельцу. По слову же апостола, всякъ любостяжатель есть идолослужитель. Сего ради Божіе гнѣвное посѣщеніе всему міру зряще, и мы, грѣшніи, смиренно молимъ Тя, Владычице: умилостиви Создателя, да потщится гнѣвъ Свой праведный преложити на милость и помиловати насъ, вопіющихъ Ти сице:

Радуйся, яко Твоея помощи и заступленія никогдаже насъ лишаеши: радуйся, яко умъ нашъ омраченный небреженіемъ, свѣтлымъ Твоимъ покровомъ озаряеши. Радуйся, яко Тобою отъ страстей тѣлесныхъ избавляемся: радуйся, яко Тобою сладостей духовныхъ исполняемся. Радуйся, твердое православія укрѣпленіе: радуйся, честное Пресвятыя Троицы носило и похваленіе. Радуйся, и во временнѣй жизни полезная намъ подающая: радуйся, душевныя раны наша елеемъ спасительнымъ умащающая. Радуйся, яко изъ рова беззаконій нашихъ рукою Твоея помощи насъ исхищаеши: радуйся, яко грѣховный сонъ душевныя нашея лѣности оттрясаеши. Радуйся, душевное умиленіе и сердечное сокрушеніе въ насъ раждающая: радуйся, яко твориши всѣмъ спастися въ державный покровъ Твой прибѣгающимъ.

/с. 32/ Радуйся, Матерь Божія Державная, заступнице усердная рода христіанскаго.

КОНДАКЪ 10.

Спасти хотя многія люди отъ обдержащихъ ихъ скорбей и болѣзней и вѣру ихъ утвердити во всесильное заступленіе Твое, Владычице, даровала еси намъ изображеніе честныя иконы твоея Державныя, да вси, видяще являемую Тобою милость, вопіютъ со умиленіемъ Богу: Аллилуіа.

ИКОСЪ 10.

Стѣна еси, Богородице Дѣво, Россійстѣй странѣ явилася еси честными иконами, изливая чудеса во бранѣхъ и осѣняя благодатною помощію Твоею христолюбивыхъ воиновъ. Подъ державнымъ бо покровомъ Твоея благости Россійская страна созидашеся, и врата адова не одолѣша православныя Церкве Христовы. Сего ради припадающе къ честнѣй иконѣ Твоей Державнѣй, радостно вопіемъ Ти сице:

Радуйся, Россійскія страны покрове и утвержденіе: радуйся, отъ нашествія иноплеменныхъ избавленіе. Радуйся, сущихъ въ плѣненіи освобожденіе: радуйся, отъ глада и болѣзней наше спасеніе. Радуйся, саде земли обѣтованія: радуйся, цвѣте божественнаго сажденія. Радуйся, лозо добродѣтельная винограда Христова: радуйся, древо чудоточное рая Іисусова. Радуйся, жилище и домъ Христа Бога нашего: радуйся, вмѣстилище неизреченныя Его славы. Радуйся, Владычице, всемилостивая подательнице щедротъ: радуйся, яко много можетъ молитва Твоя предъ Сыномъ Твоимъ и Богомъ нашимъ.

Радуйся, Матерь Божія Державная, заступнице усердная рода христіанскаго.

КОНДАКЪ 11.

Пѣніе хвалебное и благодарственное приносимъ Ти, Владычице: подъ державнымъ бо покровомъ Твоея благости пребываемъ въ непостыднѣй надеждѣ всесильнаго заступленія Твоего за насъ грѣшныхъ, и все упованіе наше на Тя возложивше, радостно вопіемъ Богу: Аллилуіа.

ИКОСЪ 11.

Свѣтильницы наши угасоша, елея же благихъ дѣлъ не имамы, воеже возжещи благодать Духа Святаго. И гдѣ обрящемся, окаянніи, сномъ грѣховнымъ отягченніи, егда постигнетъ насъ внезапу въ полунощи часъ кончины нашея? Но да не услышимъ и мы, якоже юродивыя дѣвы, грознаго гласа Жениха: не вѣмъ васъ! Помози намъ, Владычице, наполни сосуды душъ нашихъ елеемъ благихъ дѣлъ, паче же милосердія и смиренія, да благодарственно воспоемъ Ти сице:

/с. 33/ Радуйся, яко воспоминаніемъ грядущаго грознаго суда Божія отъ грѣховъ насъ отрѣшаеши: радуйся, яко души наши, аки невѣсту ко срѣтенію прекраснаго Жениха Христа, предуготовляти насъ поучаеши. Радуйся, яко возбуждаеши насъ на всякъ день и часъ приносити Христу Богу молитвы, прошенія и благодаренія: радуйся, яко съ мудрыми дѣвами, душами праведныхъ, внити въ брачный чертогъ Сына Твоего и Бога нашего помогаеши. Радуйся, яко въ ризу непорочности и чистоты облещися намъ способствуеши: радуйся, яко стати намъ на страшномъ судѣ Христовѣ одесную Его ходатайствуеши. Радуйся, яко благоутробіе Божіе о причастіи насъ къ лику избранныхъ умоляеши: радуйся, яко умъ нашъ, омраченный небреженіемъ, свѣтомъ своимъ озаряеши. Радуйся, яко голубину простоту и агнчу кротость стяжати намъ пріискреннѣ желаеши: радуйся, яко самоотверженію и отреченію отъ злыя нашея воли пріобучити насъ тщишися. Радуйся, яко младенческое незлобіе даровати намъ способствуеши: радуйся, яко хладное сердце наше молитвами воспламеняти намъ помогаеши.

Радуйся, Матерь Божія Державная, заступнице усердная рода христіанскаго.

КОНДАКЪ 12.

Благодать пріяла еси, Владычице, отъ всемогущаго Господа Бога миловати благочестивыхъ чадъ Церкве Христовы и вразумляти нечестивыхъ сыновъ ея. Сего ради, притекающе подъ державный покровъ Твоея благости, усердно молимъ Тя, Владычице: избави насъ отъ ухищреній духовъ злобы, разслабляющихъ нашу душу и тѣло лѣностію и нерадѣніемъ, и возбуди насъ отъ сна грѣховнаго, да благодарственно вопіемъ Богу: Аллилуіа.

ИКОСЪ 12.

Поюще Твоя чудеса, бывшая въ древняя и настоящая времена, хвалимъ Тя, Владычице, яко живоносный источникъ благодати и неистощимую чудесъ рѣку: бездну бо милости и щедротъ даровала еси роду христіанскому явленіемъ честныхъ иконъ Твоихъ. Сего ради и мы, припадающе къ честнѣй иконѣ Твоей Державнѣй, со умиленіемъ вопіемъ Ти сице:

Радуйся, церкве небесныя и земныя украшеніе: радуйся, дѣвства честный покрове и огражденіе. Радуйся, свѣтлое пророческое сбытіе: радуйся, всехвальныхъ апостоловъ восхваленіе. Радуйся, честная похвало іереевъ благоговѣйныхъ: радуйся, молніе, невѣрныхъ устрашающая. Радуйся, славою чудесъ твоихъ вѣрныхъ смыслы озаряющая: радуйся, печаль и скорбь нашу въ радость претворяющая. Радуйся, яко молиши Сына Твоего и Бога нашего всѣмъ намъ спастися: радуйся, яко твориши милости всѣмъ въ державный Твой покровъ притекающимъ. Радуйся, заступнице всѣхъ сущихъ въ скорбехъ и болѣзнехъ: радуйся, всѣмъ съ вѣрою тебѣ молящимся полезная дарующая.

/с. 34/ Радуйся, Матерь Божія Державная, заступнице усердная рода христіанскаго.

КОНДАКЪ 13.

О всепѣтая Мати, Державная Владычице! пріими нынѣ сіе малое моленіе наше, и величія ради благости Твоея и неизреченныхъ щедротъ Твоихъ, не помяни множества грѣховъ нашихъ, но исполни во благихъ прошенія наша: даруй намъ вся потребная къ животу и благочестію, избави насъ отъ глада, болѣзней и печали, и царствія небеснаго наслѣдники всѣхъ сотвори, вѣрно вопіющихъ Богу: Аллилуіа.

(Сей кондакъ глаголи трижды. Посемъ икосъ и кондакъ первый).

Молитвы Державнѣй Божіей Матери.
МОЛИТВА ПЕРВАЯ.

О міра заступнице, Матерь всепѣтая! со страхомъ, вѣрою и любовію припадающе предъ иконою Твоею Державною, усердно молимъ Тя: не отврати лица Твоего отъ прибѣгающихъ къ Тебѣ. Умоли, милосердная Матерь Свѣта, Сына Твоего и Бога нашего, сладчайшаго Господа Іисуса Христа: да сохранитъ въ мирѣ страну нашу, да утвердитъ державу нашу въ благоденствіи и избавитъ насъ отъ междоусобныя брани: да укрѣпитъ святую церковь нашу православную, и непозыблему соблюдетъ ю отъ невѣрія, раскола и ересей. Не имамы бо иныя помощи, развѣ Тебе, Пречистая Дѣво: Ты еси всесильная христіанъ заступница предъ Богомъ, праведный гнѣвъ Его умягчающая. Избави всѣхъ съ вѣрою Тебѣ молящихся отъ паденій грѣховныхъ, отъ навѣта злыхъ человѣкъ, отъ глада, скорбей и болѣзней. Даруй намъ духъ сокрушенія, смиреніе сердца, чистоту помышленій, исправленіе грѣховныя жизни и оставленіе согрѣшеній нашихъ: да вси, благодарственнѣ воспѣвающе величія Твоя, сподобимся небеснаго царствія, и тамо со всѣми святыми прославимъ Пречестное и великолѣпое имя въ Троицѣ славимаго Бога: Отца, Сына и Святаго Духа. Аминь.

МОЛИТВА ВТОРАЯ.

О Державная Владычице, Пресвятая Богородице, на объятіяхъ Своихъ держащая содержащаго всю вселенную, Царя небеснаго! Благодаримъ Тя за неизреченное милосердіе Твое, яко благоволила еси явити намъ грѣшнымъ и недостойнымъ сію святую и чудотворную икону Твою во дни сіи лукавыя и лютыя, яко вихрь, яко буря вѣтренняя нашедшія на страну нашу во дни уничиженія нашего и укоренія, во дни разоренія и поруганія святынь нашихъ отъ людей безумныхъ, иже не точію въ сердцѣ, но и устнами дерзостно глаголютъ: нѣсть Богъ: и въ дѣлѣхъ сіе безбожіе показуютъ. Благодаримъ Тя, заступнице, яко призрѣла еси съ высоты свя/с. 35/тыя Своея на скорби наши и горе чадъ православныхъ, и яко солнце свѣтлое, увеселяеши изнемогшія отъ печали очеса наша пресладостнымъ зрѣніемъ Державнаго образа Твоего.

О преблагословенная Матерь Божія, Державная помощнице, крѣпкая заступнице! Благодаряще Тя со страхомъ и трепетомъ, яко раби непотребніи, припадаемъ Ти съ умиленіемъ, съ сокрушеніемъ сердечнымъ и со слезами, и молимъ Тя, и стеняще вопіемъ Ти: спаси насъ, спаси! помози намъ, помози! Потщися: погибаемъ! Се животъ нашъ аду приближися: се обышедше обыдоша насъ грѣси мнози, бѣды мнози, врази мнози. О небесная Царице! скипетромъ власти Твоея божественныя разсѣй, яко дымъ, нечестивыя козни враговъ нашихъ видимыхъ и невидимыхъ: сокруши велерѣчивыя помышленія ихъ и запрети имъ: и яко Мати всѣхъ, на путь правый и богоугодный настави ихъ. Вкорени въ сердца всѣхъ насъ правду, миръ и радость о Дусѣ Святѣ: водвори въ странѣ нашей тишину, благоденствіе, безмятежіе, любовь другъ ко другу нелицемѣрную. Державою твоею всесильною удержи, Пречистая, потоки беззаконія, хотящія потопити землю Русскую въ страшнѣй пучинѣ своей. Поддержи насъ слабыхъ, малодушныхъ, немощныхъ и унылыхъ, укрѣпи, возстави и спаси: яко да подъ державою Твоею всегда храними, поемъ и величаемъ Пречестное и великолѣпое имя Твое нынѣ и присно и во вѣки вѣковъ Аминь.

МОЛИТВА,
читаемая въ храмахъ Россіи, на литургіи.

Господи, Боже, Вседержителю! Призри на насъ грѣшныхъ чадъ Твоихъ, согрѣшающихъ предъ Тобою, прогнѣвавшихъ благость Твою, навлекшихъ гнѣвъ Твой праведный на ны, падшія въ глубину грѣховную. Ты зриши, Господи, немощь нашу и скорбь душевную, вѣси растлѣніе умовъ и сердецъ нашихъ, оскудѣніе вѣры, отступленіе отъ заповѣдей Твоихъ, умноженіе нестроеній семейныхъ, разъединенія, раздоры церковные; Ты зриши печали и скорби наши, отъ болѣзней, гладовъ, потопленія, запаленія, и междоусобныя брани происходящія. Но премилостивый и человѣколюбивый Господи, вразуми, настави и помилуй насъ, недостойныхъ. Исправи жизнь нашу грѣховную, утоли раздоры и нестроенія; собери расточенныя, соедини разсѣянныя; даждь миръ странѣ нашей и благоденствіе, избави ю отъ всякихъ бѣдъ и нечестій.

Всесвятый Владыко! просвѣти разумъ нашъ свѣтомъ ученія евангельскаго, возгрѣй сердца наша теплотою благодати Твоея и направи ю къ дѣланію заповѣдей Твоихъ, да прославится въ насъ всесвятое и преславное имя Твое, Отца, и Сына, и Святаго Духа, нынѣ и во вѣки вѣковъ Аминь.

Источникъ: «Православная Жизнь» (Orthodox Life). Ежемѣсячное приложеніе къ журналу «Православная Русь». №7. Іюль 1962 года. — Jordanville: Типографія преп. Іова Почаевскаго. Свято-Троицкій монастырь, 1962. — С. 26-35.

Назадъ / Къ оглавленію раздѣла


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.