Церковный календарь
Новости


2017-10-21 / russportal
П. Н. Красновъ. "На рубежѣ Китая". Глава 20-я (1939)
2017-10-21 / russportal
П. Н. Красновъ. "На рубежѣ Китая". Глава 19-я (1939)
2017-10-21 / russportal
"Кіево-Печерскій Патерикъ". Житіе преп. Симона, еп. Владимірскаго (1967)
2017-10-21 / russportal
"Печерскій Патерикъ". Житіе преп. Нестора, лѣтописца Россійскаго (1967)
2017-10-21 / russportal
Архіеп. Аверкій (Таушевъ). Христосъ Воскресе! (1975)
2017-10-21 / russportal
Архіеп. Аверкій (Таушевъ). Есть ли у насъ покаяніе? (1975)
2017-10-21 / russportal
И. А. Ильинъ. «О сопротивленіи злу силою». Глава 15-я (1925)
2017-10-21 / russportal
И. А. Ильинъ. «О сопротивленіи злу силою». Глава 14-я (1925)
2017-10-20 / russportal
П. Н. Красновъ. "На рубежѣ Китая". Глава 18-я (1939)
2017-10-20 / russportal
П. Н. Красновъ. "На рубежѣ Китая". Глава 17-я (1939)
2017-10-20 / russportal
"Кіево-Печерскій Патерикъ". Житіе преподобнаго Нифонта (1967)
2017-10-20 / russportal
"Кіево-Печерскій Патерикъ". Житіе преп. Тита пресвитера (1967)
2017-10-20 / russportal
Архіеп. Аверкій (Таушевъ). "Боже, милостивъ буди намъ, грѣшнымъ" (1975)
2017-10-20 / russportal
Архіеп. Аверкій (Таушевъ). Слова и рѣчи. Томъ II. (1961-1968). Вступленіе (1975)
2017-10-19 / russportal
Іером. Серафимъ (Роузъ). "Православіе и религія будущаго". Глава 4-я (1991)
2017-10-19 / russportal
Іером. Серафимъ (Роузъ). "Православіе и религія будущаго". Глава 3-я (1991)
Новости въ видѣ
RSS-канала: .
Сегодня - суббота, 21 октября 2017 г. Сейчасъ на порталѣ посѣтителей - 16.

Духовные журналы Русскаго Зарубежья

«ПРАВОСЛАВНАЯ ЖИЗНЬ»,
Ежемѣсячное приложеніе къ журналу «Православная Русь».

№10 (418). — Октябрь 1984 года.

ХРИСТІАНСКАЯ ПСАЛТИРЬ.
Молитвы Пресвятѣй Приснодѣвѣ Маріи Богородицѣ, составленныя по подобію ветхозавѣтныхъ псалмовъ.

Каѳисма 5.

Псаломъ 32.

Псаломъ 33.

Благословлю Госпожу Марію во всякое время, выну хвала Ея не оскудѣетъ во устнахъ моихъ; возвеличите Ю со мною вси, насыщенные медомъ и млекомъ утѣшенія Ея, въ бѣдахъ и скорбѣхъ призовите Ю, и въ нуждахъ вашихъ обрящете помощь и покой; сладостнѣ пріимите святый образъ житія Ея и поревнуйте любви и смиренію Ей, понеже кротка и смиренна Дѣва Пресвятая; Несозданное Слово Духомъ Святымъ плоть отъ Нея воспрія.

Пѣснь вмѣсто славы.

Радуйся, Приснодѣво Пресвятая Маріе, честнѣйшая Херувимовъ, славнѣйшая Серафимовъ и превысочайшая всѣхъ святыхъ! Соблюди, молю, сердце мое отъ грѣховныхъ преткновеній, яже дѣвственнымъ очесемъ Твоимъ неугодна суть, отвлецы умъ мой отъ прихотей земныхъ и къ небеснѣй любви обрати, яко да душа моя поучится правдѣ Твоей, и сердце преисполнится весь день хвалы Твоея.

Псаломъ 34.

Суди, Госпоже, обидящія мя и противу ихъ востани и охрани невинность мою. Душа моя о Тебѣ веселится и Твоими молитвами возрадуюся; милости Твоея полны суть небеса и земля. Быша простерты ми всюду адскія сѣти, но Ты, Владычице, благостынею Твоею защитила мя отъ нихъ; слава Тебѣ, помощницѣ моей; вся кости моя рекутъ: Госпоже, Госпоже Маріе, кто по Бозѣ подобенъ Тебѣ!

Псаломъ 35.

Глаголетъ пребеззаконный на имя Твое хулу, о, Святѣйшая Всецарице, и дивная чудеса мнитъ быти измышлены; глаголы скверныхъ устъ его беззаконіе и лесть, но мы вѣруемъ и исповѣдуемъ, что Ты съ плотію преставилася еси къ небеси и предстоиши Престолу Божію; чудеса Твоя и милости Твоя суть бездна многа и вси чтущіи Тя подъ кровомъ крилу Твоею надежно укрыются. О, Мати Божія, предстательствомъ Твоимъ преклони святѣйшее лице возлюбленнаго Сына Твоего и Спасителя нашего къ намъ, сотвори Его молитвами Твоими къ намъ, грѣшнымъ, милостива; пробави милость Твою вѣдущимъ Тя; благодать Твоя изліяся по всей земли, власть и сила въ мышцѣ Твоей, крѣпость и утвержденіе въ десницѣ Твоей; благословенна хвала Твоя на небеси, благословенно великолѣпіе Твое и на земли.

Пѣснь вмѣсто славы.

Радуйся, раю словесный и Богопросвѣщенный, чистая Дѣво Богородице, всякъ, притекаяй любовію къ Тебѣ, всякихъ скорбей и печалей свобождается; тѣмже молимъ Тя: всѣхъ, въ вѣрѣ преставльшихся рабовъ Твоихъ, благочестна Тя Богородицу исповѣдавшихъ, всякаго злостраданія и вѣчнаго осужденія избави и чаемый рай присносущнаго наслажденія тобою улучити сподоби, едина Пречистая.

Псаломъ 36.

Не ревнуй лукавнующимъ, ниже завиди беззаконіе творящимъ, о, истинный чтителю святыни Матери Божіей! Творящіи бо беззаконіе, яко злакъ, скоро отпадутъ; уповай на всемощную Царицу Небесную и твори благостыню, и упасешися въ богатствѣ Ея; лучше есть малое со благодатію, нежели сокровища многа и каменія многоцѣнна; уповай на Господа, уповай и на возлюбленную Матерь Его, и исполнятся вся благая прошенія сердца твоего

Пѣснь вмѣсто славы.

Радуйся, пресвѣтлѣйшая и прекротчайшая небесная Голубице, красотою благолѣпія Твоего просвѣти внутреннюю тьму мою; вонми, Госпоже, вонми воздыханію моему сердечному, отъ исполненія благодати Твоея ниспосли росу, оживляющую унылый духъ мой.

По 5-й каѳисмѣ тропари, гл. 5-й.

Многообразно, Дѣво, Христа преогорчихъ, помышленіями и словомъ и дѣлы, и боюся страшнаго Его судища, но, предваривши, избави мя лютыхъ Твоимъ моленіемъ, Богородительнице.

Мене, много согрѣшившаго, Владыко, помилуй и спаси Рождшія Тя мольбами, да Твое многое прославляю и безмѣрное милосердіе.

Славою божественною блистающая едина, яко Матерь Тя прославльшаго, славу вышнюю улучити ми, Дѣво, умоли единаго Препрославленнаго.

Молитва.

О, Пресвятая Дѣво Богородице, Преблагословенная Мати Бога Спаса моего, скорбящимъ радосте, ненадежнымъ надеждо и безпомощнымъ помощь! Ты вѣси вся струпы моя грѣховныя, отъ нихъ же азъ желая очиститися, съ скорбнымъ сердцемъ прибѣгаю къ Тебѣ и молюся Ти со слезами: призри на немощи моя и не даждь ми во грѣсѣхъ погибнути. Ты вѣси наготу души моея, помози ми одѣятися ризою возлюбленнаго Сына Твоего. Ты вѣси, яко нищь есмь азъ, потщися отверсти ми сокровищницу благодатныхъ даровъ, да сохраню данные мною при святомъ крещеніи обѣты; ты вѣси враги моя плотскія и безплотныя, избави мя отъ нихъ. Ты вѣси, Преблагая Заступнице наша, время исхода души моея изъ окаяннаго тѣлесе моего, наипаче милостивно предстани ми тогда, да во святомъ присутствіи Твоемъ будетъ исходъ души моея тихій и отрадный и да не ополчатся на ню духи злобы поднебесніи, но, покрываема неприступнымъ для нихъ Твоимъ покровомъ, да возвратится безъ зла къ своему началу и источнику.

О, любоблагоутробная Мати, яви мнѣ, странну, сиру и убогу, яко Ты еси воистинну Мати милосердія и щедротъ и не престани покрывати мя и неусыпно ходатайствовати о мнѣ, дондеже приведеши въ небесные чертоги Божественнаго Сына Твоего, Ему же со безначальнымъ Его Отцемъ и Пресвятымъ Духомъ да будетъ честь, слава и поклоненіе во вѣки вѣковъ. Аминь.

Источникъ: «Православная жизнь» (Orthodox life). Ежемѣсячное приложеніе къ журналу «Православная Русь». №10 (418). Октябрь 1984 года. — Jordanville: Типографія преп. Іова Почаевскаго. Свято-Троицкій монастырь, 1984. — С. 18-20.

Каѳисма 4-я / Къ оглавленію псалтири / Каѳисма 6-я


Назадъ / Къ оглавленію журнала / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.