Церковный календарь
Новости


2017-03-29 / russportal
Книга «Златоустъ». Слово 49-е, въ пятокъ 5-я седмицы поста (1910)
2017-03-29 / russportal
Книга «Златоустъ». Слово 48-е, въ четвертокъ 5-я седмицы поста (1910)
2017-03-29 / russportal
Славянское житіе преп. Маріи Египетской (изъ Постной Тріоди 1650 г.) (1650)
2017-03-28 / russportal
Славянское житіе преп. Маріи Египетской (изъ кн. житій святыхъ свт. Димитрія) (1875)
2017-03-27 / russportal
"Каноны или Книга Правилъ". Правила 6-го Вселенскаго Собора (1974)
2017-03-27 / russportal
"Каноны или Книга Правилъ". Правила 4-го Вселенскаго Собора (1974)
2017-03-26 / russportal
Слова преп. Симеона Новаго Богослова. Слово 20-е (1882)
2017-03-26 / russportal
Слова преп. Симеона Новаго Богослова. Слово 19-е (1882)
2017-03-26 / russportal
Преп. Іоаннъ, иг. Синайскій. «Лѣствица». Слово 29-е (1898)
2017-03-26 / russportal
Преп. Іоаннъ, иг. Синайскій. «Лѣствица». Слово 28-е (1898)
2017-03-26 / russportal
Архіеп. Иннокентій (Борисовъ). Слово (8-е) о грѣхѣ и его послѣдствіяхъ (1908)
2017-03-26 / russportal
Прав. Іоаннъ Кронштадтскій. Слово въ 4-ю недѣлю Великаго поста (1894)
2017-03-26 / russportal
Свт. Ѳеофанъ Затворникъ. Слово (4-е) въ 4-ю недѣлю Великаго поста (1869)
2017-03-26 / russportal
Свт. Ѳеофанъ Затворникъ. Слово (3-е) въ 4-ю недѣлю Великаго поста (1869)
2017-03-26 / russportal
Свт. Ѳеофанъ Затворникъ. Слово (2-е) въ 4-ю недѣлю Великаго поста (1869)
2017-03-26 / russportal
Свт. Ѳеофанъ Затворникъ. Слово (1-е) въ 4-ю недѣлю Великаго поста (1869)
Новости въ видѣ
RSS-канала: .
Сегодня - среда, 29 марта 2017 г. Сейчасъ на порталѣ посѣтителей - 23.

Духовные журналы Русскаго Зарубежья

«ПРАВОСЛАВНАЯ ЖИЗНЬ»,
Ежемѣсячное приложеніе къ журналу «Православная Русь».

№10 (418). — Октябрь 1984 года.

ХРИСТІАНСКАЯ ПСАЛТИРЬ.
Молитвы Пресвятѣй Приснодѣвѣ Маріи Богородицѣ, составленныя по подобію ветхозавѣтныхъ псалмовъ.

Каѳисма 7.

Псаломъ 46.

Псаломъ 47.

Велика еси и хвальна зѣло, Госпоже, во градѣ Бога небеснаго и во всей Церкви избранныхъ Божіихъ; честнѣйша и славнѣйша еси ангельскихъ и архангельскихъ чиновъ, райскими цвѣтами увѣнчанна. Воскликните Ей сладчайшими пѣсньми Начала и Власти, срѣтайте Ю Силы и Господствія, Херувими, Серафими и Престоли возвеличите Ю, предстоитъ бо одесную возлюбленнаго Сына Своего. О, коль пресвѣтлымъ лицемъ воспріялъ Ю есть Ангеловъ и всѣхъ Святыхъ Господь, и далъ есть Ей превыше всѣхъ силъ небесныхъ вѣчно блаженное мѣсто!

Псаломъ 48.

Услышите сія вси языцы, внушите желающіи внити въ Царствіе Небесное, молитеся усердно Приснодѣвѣ Маріи, обносите всегда въ сердцѣ святѣйшее имя Ея и обрящете животъ и радость безконечную, Та бо приноситъ молитвы наши къ возлюбленному Сыну Своему и Богу и Сама выну у престола Его молится о всѣхъ насъ; Она есть заступница, роду христіанскому дарованная, Она есть единая истинная Матерь всѣхъ насъ, и во всемъ помогающая. Слава Тебѣ, всемилостивѣйшая Мати Божія, отъ всѣхъ христіанскихъ родовъ почитаемая и поклоняемая.

Пѣснь вмѣсто славы.

Радуйся, чистѣйшая Святаго Духа пріятелище и непорочное Слова Божія святилище; радуйся, Пресвятая Мати и Приснодѣво Маріе, яко радость Ангеловъ и человѣковъ, сладчайшаго Іисуса Христа, отъ Духа Святаго родила еси плотію. Молю Тя, Пресвятая Владычице, исходатайствуй мнѣ, грѣшному, у Сына Твоего и Бога прощеніе грѣховъ, да не лишуся Царствія Небеснаго.

Псаломъ 49.

Богъ боговъ Маріи глагола чрезъ Гавріила, возвѣщая: радуйся, Благодатная, съ Тобою Господь! Тобою, обрадованная, спасеніе міру возвѣщается и падшій человѣкъ возставляется; красоту души Твоея и дороту Вышній возжела, украшенъ бо внутренній чертогъ Твой, Дщи Сіонова, и Ты сподобилася еси предуготовати Себе въ срѣтеніе Бога Твоего, царствуеши бо съ Нимъ преславно на небеси; помози и намъ достигнути вѣчнаго обѣтованія.

Псаломъ 50.

Помилуй мя, Госпоже, яко Мати милостей зовешися, и по множеству щедротъ Твоихъ помози очиститися мнѣ покаяніемъ отъ беззаконій моихъ; излей благодать Твою на мя и благостыню Твою не отрини отъ мене, яко беззаконія моя исповѣдаю Тебѣ и предъ Тобою винна себе творю. О, Владычице! Благословенному плоду чрева Твоего мя примири и воздаждь души моей радость спасенія ея.

Пѣснь вмѣсто славы.

Радуйся, яко все естество Ангельское похвальная приноситъ Тебѣ, истиннѣй Божіей Матери и заступницѣ всѣхъ, притекающихъ къ Тебѣ, вѣдуще, яко несокрушимымъ покровомъ Твоимъ праведныхъ возвеселяеши, грѣшныхъ заступаеши, бѣдствующихъ избавляеши и молишися о всѣхъ вѣрныхъ.

Псаломъ 51.

Что хвалишися во злобѣ, о, прелукавый зміе, аспиде адскій? Подклониши гордую главу твою благословеннѣй и кротцѣй Женѣ, Ея силою погрязнеши во глубинѣ, яко мысленный фараонъ, ногою Ея сокрушится власть твоя, десницею Ея расточится злоба твоя, святынею Ея весь ядъ твой обратится въ ничто; и мы, вѣрующіе, радуемся о имени Ея и воспѣваемъ вся преславная дѣянія Ея и величія Божія.

Псаломъ 52.

Рече безумный врагъ въ сердцѣ своемъ: человѣка изжену отъ едемскаго селенія, взыду и буду духъ лживый во устахъ змія, и женою изжену мужа ея; но якоже отстоитъ небо отъ земли, тако отстоятъ судьбы Божіи отъ твоихъ, окаянный льстецъ, мыслей; не возносися о паденіи жены, Жена сокрушитъ твою главу; ты злоковарствомъ твоимъ изрылъ ей пагубную яму, но самъ со всемъ темнымъ воинствомъ твоимъ впалъ еси въ сѣть смиренія Ея.

Псаломъ 53.

Владычице, во имя Твое спаси мя и отъ беззаконій моихъ молитвами Твоими избави мя. Ты помогаеши мнѣ и заступаеши душу мою, волею приношу Тебѣ жертву хвалы и исповѣмся имени Твоему, яко благо есть; предстательствомъ Твоимъ къ Богу, матернею любовію къ христіанскому роду отъ всякія печали Ты избавляеши мя.

Псаломъ 54.

Услыши, Госпоже, молитву мою и не презри моленія моего, въ скорби есмь въ помышленіи моемъ, яко десница Божія за грѣхи мои отяготѣ на мнѣ, тьма вѣчной смерти пріиде на мя и ужасъ адовъ нападе на мя. Ты, Владычице, надежное утѣшеніе всѣмъ скорбящимъ, вонми унылой душѣ моей, утѣши и избави ю, много бо можетъ матерняя молитва Твоя ко благосердію Владыки.

Пѣснь вмѣсто славы.

Радуйся, прекраснѣйшая Приснодѣво Маріе, яви моей душѣ кроткій зракъ Твой и гласъ Твой пресладкій да услышатъ уши сердца моего; его слышаніемъ оживотворится и востанетъ упадшій духъ мой. Помяни мя, Владычице, во Царствіи возлюбленнаго Сына Твоего, Христа Бога моего, воспоминаю и помяну азъ святѣйшее имя Твое во всякомъ родѣ и родѣ.

По 7-й каѳисмѣ тропари, гл. 7.

Предстательница Ты еси христіанъ и отъ искушеній избавительница притекающихъ къ Тебѣ, Маріе! Сего ради вопію Ти: не презри раба Твоего, просяща Твоея помощи.

Доколѣ, о, душе, всуе иждиваеши время, доколѣ попеченми житейскими оплетаешися? Возверзи печаль свою на Господа, и стенящи возопій: Владыко Человѣколюбче, молитвами Богородицы спаси мя.

Нигдѣже уповаемъ спасеніе обрѣсти, точію отъ Тебѣ, Пречистая, по Бозѣ скорую помощь получити. Тѣмже Тя присно величаемъ.

Молитва.

О, Всемилостивая Госпоже Дѣво Богородице! вонми смиренному моленію моему и сокрушенно нынѣ предстоящаго пречистому образу Твоему услыши гласъ. Вѣмъ бо, о, Содѣтеля моего Мати! яко Ты еси предстательство христіанъ непостыдное и ходатайство ко Творцу непреложное. Вѣмъ и сіе, яко беззаконія моя превзыдоша главу мою и яко бремя тяжкое отяготѣша на мнѣ, и уже нѣсмь достоинъ видѣти высоту небесную, ниже воззрѣти ко престолу славы Сына Твоего и Бога нашего, но достоинъ мукъ и вѣчнаго осужденія. Сего ради къ Тебѣ припадаю, Тя прошу умиленно, къ Тебѣ со слезами взываю: сотвори къ Нему матернее Твое моленіе, да не отвержетъ насъ грѣшныхъ отъ лица Своего, но, яко милостивъ, да проститъ намъ согрѣшенія наша, вольная и невольная, на путь спасенія наставляя насъ и свыше силъ укрѣпляя къ творенію заповѣдей Своихъ святыхъ. Да сохранитъ насъ отъ соблазновъ міра, отъ вожделѣній грѣховныхъ, отъ козней діавольскихъ и отъ нападенія видимыхъ враговъ. Да благословитъ дѣла рукъ нашихъ, подавая всякому граду и странѣ обиліе благъ земныхъ и храня здравіе, и утверждая православныхъ христіанъ, да сотворитъ намъ дни благи и безмятежны, да оградитъ миромъ Церковь Свою святую и разстоящая да соединитъ той, яко благій Господь, долготерпѣливый и многомилостивый, отъ всея твари, со Отцемъ и Святымъ Духомъ славимый во вѣки вѣковъ. Аминь.

Источникъ: «Православная жизнь» (Orthodox life). Ежемѣсячное приложеніе къ журналу «Православная Русь». №10 (418). Октябрь 1984 года. — Jordanville: Типографія преп. Іова Почаевскаго. Свято-Троицкій монастырь, 1984. — С. 25-28.

Каѳисма 6-я / Къ оглавленію псалтири / Каѳисма 8-я


Назадъ / Къ оглавленію журнала / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.