Церковный календарь
Новости


2017-10-21 / russportal
П. Н. Красновъ. "На рубежѣ Китая". Глава 20-я (1939)
2017-10-21 / russportal
П. Н. Красновъ. "На рубежѣ Китая". Глава 19-я (1939)
2017-10-21 / russportal
"Кіево-Печерскій Патерикъ". Житіе преп. Симона, еп. Владимірскаго (1967)
2017-10-21 / russportal
"Печерскій Патерикъ". Житіе преп. Нестора, лѣтописца Россійскаго (1967)
2017-10-21 / russportal
Архіеп. Аверкій (Таушевъ). Христосъ Воскресе! (1975)
2017-10-21 / russportal
Архіеп. Аверкій (Таушевъ). Есть ли у насъ покаяніе? (1975)
2017-10-21 / russportal
И. А. Ильинъ. «О сопротивленіи злу силою». Глава 15-я (1925)
2017-10-21 / russportal
И. А. Ильинъ. «О сопротивленіи злу силою». Глава 14-я (1925)
2017-10-20 / russportal
П. Н. Красновъ. "На рубежѣ Китая". Глава 18-я (1939)
2017-10-20 / russportal
П. Н. Красновъ. "На рубежѣ Китая". Глава 17-я (1939)
2017-10-20 / russportal
"Кіево-Печерскій Патерикъ". Житіе преподобнаго Нифонта (1967)
2017-10-20 / russportal
"Кіево-Печерскій Патерикъ". Житіе преп. Тита пресвитера (1967)
2017-10-20 / russportal
Архіеп. Аверкій (Таушевъ). "Боже, милостивъ буди намъ, грѣшнымъ" (1975)
2017-10-20 / russportal
Архіеп. Аверкій (Таушевъ). Слова и рѣчи. Томъ II. (1961-1968). Вступленіе (1975)
2017-10-19 / russportal
Іером. Серафимъ (Роузъ). "Православіе и религія будущаго". Глава 4-я (1991)
2017-10-19 / russportal
Іером. Серафимъ (Роузъ). "Православіе и религія будущаго". Глава 3-я (1991)
Новости въ видѣ
RSS-канала: .
Сегодня - воскресенiе, 22 октября 2017 г. Сейчасъ на порталѣ посѣтителей - 15.

Духовные журналы Русскаго Зарубежья

«ПРАВОСЛАВНАЯ ЖИЗНЬ»,
Ежемѣсячное приложеніе къ журналу «Православная Русь».

№11 (419). — Ноябрь 1984 года.

ХРИСТІАНСКАЯ ПСАЛТИРЬ.
Молитвы Пресвятѣй Приснодѣвѣ Маріи Богородицѣ, составленныя по подобію ветхозавѣтныхъ псалмовъ.

Каѳисма 9.

Псаломъ 64.

Псаломъ 65.

Воскликнете Госпоже нашей, Приснодѣвѣ Маріи, воскликнете вся земля; воспойте пресладкую пѣснь преславному имени Ея, дадите славу хвалѣ Ея; внидемъ въ домъ, Ея имени посвященный, съ сердечнымъ всесожженіемъ и воздадимъ предъ святою иконою Ея теплыя наши молитвы: Она призритъ на нищету нашу и всякую горесть усладитъ; благословенъ Богъ, благословивый насъ благословенною Матерію по плоти Сладчайшаго Іисуса Христа.

Псаломъ 66.

Боже, ущедри ны и благослови ны, и Ты, всемилостивѣйшая Госпоже, моли Его за насъ, обрати многосуетную печаль нашу во святую радость, просвѣти, о, звѣздо утренняя, грѣховную тьму, утоли жажду міролюбиваго сердца, десница Твоя да воздвигнетъ мя падшаго и заступленіе Твое да освятитъ христіанскую кончину мою; слава Тебѣ, непостыдная надеждо моя; Ты царствуеши на небесѣхъ: помяни мя, Владычице, во Царствіи возлюбленнаго Сына Твоего, Святѣйшаго моего Спасителя.

Пѣснь вмѣсто славы.

Радуйся, Небесная Царице, благоукрашенный доме непостижимаго Царя; радуйся, церковное незаходимое и лучезарное свѣтило; радуйся, небесный свѣтъ благочестивыхъ; радуйся, тихое пристанище обуреваемыхъ; радуйся, плачущихъ и всѣхъ скорбящихъ райское утѣшеніе. Помилуй мя, окаяннаго грѣшника, и у Всемилостиваго Господа нашего Іисуса Христа испроси, да Его благодатію вся ветхая въ душѣ моей мимоидетъ и во обновленіи жизни ходити предъ лицемъ Бога буду.

Псаломъ 67.

Да воскреснетъ благодать Пресвятыя Богородицы въ душахъ нашихъ, въ глубокомъ грѣховномъ снѣ погруженныхъ, и расточатся врази наши, и всѣ козни ихъ исчезнутъ. О, всемилостивая Госпоже! низложи всю адскую злобу ихъ, отврати волю мою отъ ихъ лести, воскрили ю ко святѣйшей волѣ возлюбленнаго Сына Твоего и Бога нашего, просвѣти усыпленную совѣсть мою, да не оскудѣетъ хвала Твоя отъ устенъ моихъ, ниже любовь моя къ Тебѣ внутрь мене; миръ многъ любящимъ Тя, Госпоже, души ихъ не узрятъ вѣчной смерти во вѣки.

Пѣснь вмѣсто славы.

Мати Божія, молю Тя усердно, не остави мене безъ Твоея всесильныя помощи, наипаче во время искушенія, егда азъ, въ суетѣ мятущися, забываю о Богѣ и спасеніи своемъ. Царице Небесная, не остави меие Своимъ милостивымъ покровомъ и въ жизни сей, и при кончинѣ моей.

Псаломъ 68.

Спаси мя, Владычице, яко внидоша воды грѣховныхъ страстей моихъ до души моея, углѣбохъ въ тименіи глубины оныхъ, плачущи рыдахъ во дни и въ нощи, яко прогнѣвахъ Господа Бога моего и нѣсмь достоинъ воззрѣти на высоту небесную. Къ кому убо прибѣгну, окаянный азъ, аще не къ Тебѣ, всемилостивая Заступнице? Спаси душу мою, яко Тобою истинное спасеніе всему міру даровася, егда, возвѣщающу Архангелу, сила Вышняго осѣни Тя и благоволеніе Отчее посѣти Тя.

Псаломъ 69.

Госпоже, въ помощь мою вонми, милостію Твоею просвѣти омраченный умъ мой, да разумѣю благость Твою и предивная чудеса Твоя, являемыя къ кающимся грѣшникамъ, запечатлѣю я въ сердцѣ моемъ; помилуй всѣхъ вѣрующихъ, въ нихъ же нарицается святѣйшее имя возлюбленнаго Сына Твоего, Спасителя Христа, и преславное имя Твое. Помилуй и не попусти намъ утѣснятися вражіими искушеніями, да не когда рекутъ о насъ: благоже, благоже, но Ты едина, Владычице, да освятишися въ насъ, вѣси бо сущія Своя.

Пѣснь вмѣсто славы.

Радуйся, Мати Маріе, милости источниче, мірови прибѣжище, красото небесная, Ангеловъ Царице и святыхъ всѣхъ радосте; предстани мнѣ во всѣхъ напастѣхъ, въ скорбѣхъ, тѣснотахъ и въ немощехъ моихъ и испроси у Бога всѣмъ согрѣшеніемъ моимъ прощеніе, яко да не лишуся Царствія Небеснаго.

По 9-й каѳисмѣ тропари, гл. 1.

Упованіе христіанъ извѣстное, милости подательница, источниче состраданія, ключу, отверзающій Божію благостыню, отверзи намъ милосердія двери, всеблагая Владычице.

Утро таинственнаго явилася еси, Дѣво, изъ Тебе бо Солнце возсія Христосъ во мракѣ отчаянія сѣдящимъ. Тѣмже просвѣщшіися ублажаемъ Тя по долгу, яко вину человѣческаго обновленія.

Рай на земли словесный Тя насадивъ Господь, насадитель рая перваго, посредѣ Тебе, Богоневѣсто, яко жизни древо процвѣте. Егоже моли пищи райскія сподобити насъ.

Молитва.

Пресвятая Владычице моя Богородице, горцѣ слышавшая біеніе млата, егда пригвождаху ко Кресту Сына Твоего и Бога нашего, спаси мя, еже не слышати скрежета зубнаго во адѣ. Рыданіемъ Твоимъ у Креста Спасителя моего, вѣчнаго плача исхити мя. Тебѣ Самой душу пройде оружіе у Креста, сотвори, да мимо идутъ будущія угрызенія совѣсти. Купино неопалимая, юже провидѣ Моисей, пламени геенскаго избави мя. Нѣсть ми по Бозѣ иныя помощи и инаго заступленія развѣ Тебе, Мати Божія, Царице небесе и земли. Вѣрую Твоей всемощнѣй благодатнѣй силѣ и исповѣдую милосердіе Твое къ грѣшникамъ. Ибо кто, притекаяй къ Тебѣ, безъ помощи отъ Тебе исходитъ? Сего ради и азъ грѣшный, по вся дни прибѣгаю къ Тебѣ во всѣхъ нуждахъ и печалехъ моихъ. Но нѣсть ми во всякое время больше сея нужды, развѣ вѣчнаго жребія моего, егда буду азъ въ десныхъ или шуіихъ, наслѣдую рай или низверженъ буду въ преисподнюю. Услыши же, Владычице, сію молитву мою, да не постигнетъ мя вѣчное осужденіе, да не пойду съ судилища въ противную страну отъ Тебе, Владычице, но потеку за Тобою вкупѣ съ прочими, достойными вѣчнаго веселія на небѣ. О, Премилосердая Мати Божія, къ Тебѣ припадаю, якоже зриши, съ сокрушенными слезами и душею: спасающи, спаси душу мою. Умоли о мнѣ Господа, да пріиму хотя крупицы, падающія отъ трапезы святыхъ во Царствіи Небесномъ и тако геенскаго огня избавлюся и обрящу рай Тобою, Благословенная. Аминь.

Источникъ: «Православная жизнь» (Orthodox life). Ежемѣсячное приложеніе къ журналу «Православная Русь». №11 (419). Ноябрь 1984 года. — Jordanville: Типографія преп. Іова Почаевскаго. Свято-Троицкій монастырь, 1984. — С. 21-24.

Каѳисма 8-я / Къ оглавленію псалтири / Каѳисма 10-я


Назадъ / Къ оглавленію журнала / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.