Церковный календарь
Новости


2017-04-27 / russportal
"Каноны или Книга Правилъ". Правила Константиноп. (Двукратнаго) Собора (1974)
2017-04-27 / russportal
"Книга Правилъ". Посланіе Карѳаген. Собора къ Келестину, папѣ Римскому (1974)
2017-04-27 / russportal
"Тріодь Цвѣтная". Служба въ недѣлю 4-ю по Пасхѣ (разслабленнаго) (1864)
2017-04-27 / russportal
"Тріодь Цвѣтная". Служба въ субботу 3-й седмицы по Пасхѣ (1864)
2017-04-26 / russportal
Слова преп. Симеона Новаго Богослова. Слово 22-е (1882)
2017-04-26 / russportal
Слова преп. Симеона Новаго Богослова. Слово 21-е (1882)
2017-04-26 / russportal
"Тріодь Цвѣтная". Служба въ пятокъ 3-й седмицы по Пасхѣ (1864)
2017-04-26 / russportal
"Тріодь Цвѣтная". Служба во четвертокъ 3-й седмицы по Пасхѣ (1864)
2017-04-25 / russportal
Н. В. Гоголь. Вечеръ наканунѣ Ивана Купала (1921)
2017-04-25 / russportal
Н. В. Гоголь. Сорочинская ярмарка (1921)
2017-04-25 / russportal
С. М. Соловьевъ. «Учебная книга Русской исторіи». Глава 30-я (1880)
2017-04-25 / russportal
С. М. Соловьевъ. «Учебная книга Русской исторіи». Глава 29-я (1880)
2017-04-25 / russportal
Преп. Ефремъ Сиринъ. Посланіе (1895)
2017-04-25 / russportal
Преп. Ефремъ Сиринъ. Слово о второмъ пришествіи (1895)
2017-04-25 / russportal
"Тріодь Цвѣтная". Служба въ среду 3-й седмицы по Пасхѣ (1864)
2017-04-25 / russportal
"Тріодь Цвѣтная". Служба во вторникъ 3-й седмицы по Пасхѣ (1864)
Новости въ видѣ
RSS-канала: .
Сегодня - четвергъ, 27 апрѣля 2017 г. Сейчасъ на порталѣ посѣтителей - 19.

Духовные журналы Русскаго Зарубежья

«ПРАВОСЛАВНАЯ ЖИЗНЬ»,
Ежемѣсячное приложеніе къ журналу «Православная Русь».

№12 (420). — Декабрь 1984 года.

ХРИСТІАНСКАЯ ПСАЛТИРЬ.
Молитвы Пресвятѣй Приснодѣвѣ Маріи Богородицѣ, составленныя по подобію ветхозавѣтныхъ псалмовъ.

Каѳисма 11.

Псаломъ 77.

Пѣснь вмѣсто славы.

Радуйся, Пресвятая Богородице Приснодѣво Маріе, отъ Тебе Царь царствующихъ и Господь господствующихъ плоть воспріяти изволи, Ты ходатаица между Богомъ и человѣки, небо и земля Твоимъ благословеннымъ плодомъ примирены; исходатайствуй у человѣколюбца Бога и моимъ согрѣшеніямъ прощеніе, яко да всемъ сердцемъ возлюблю и прославлю Сына Твоего, Господа нашего Іисуса Христа, и Тя, многомилостивую Матерь, нынѣ и во вѣки вѣковъ.

Псаломъ 78.

Госпоже! вольная моя грѣхи и дуси нечистіи пріидоша во святый храмъ души моея и опустошиша его дерзностнѣ; увы! плача плачу со Іереміею и слезы мои на ланитѣхъ моихъ: како потемнѣ злато вѣры моея? Како измѣнися сребро любви къ сладчайшему Іисусу? Како разсыпашася стяжанія святыни христіанскія? Увы! согрѣшихъ на небо и предъ Тобою, Владычице, заступи мя, грѣшнаго, предъ Богомъ, присовокупи мя паки къ лику избранныхъ Его, одожди огорченному сердцу моему капли сладости небесныя благодати Твоея.

Псаломъ 79.

Пасый Израиля древняго, облагодатствовавый новаго въ возлюбленнѣмъ Твоемъ Сынѣ, Спасителѣ Христѣ, премилосердый Отче Небесный! Сподоби насъ, грѣшныхъ, достойно ублажати пренепорочную Приснодѣву Марію, яко родившую Божественнаго нашего Избавителя и Спасителя рода человѣческаго, яко во всю жизнь странствія Сыновня на земли бывшую отъ Него неотлучною и всѣмъ Его страданіямъ и поношеніямъ мужественною сподвижницею. О, Пречистая и Святѣйшая Мати Божія, сподоби насъ имѣти во устнахъ и въ сердцѣ пророческую Твою пѣснь сію: се бо отъ нынѣ ублажатъ Мя вси роди.

Псаломъ 80.

Радуйтеся Госпожѣ помощницѣ нашей, воскликнете Ей въ веселіи сердца вашего: не оставитъ тщетно смиренное моленіе ваше, исполнитъ во благихъ вся прошенія ваша, токмо да подражаимъ смиренію, послушанію и кротости Ея: любитъ бо Она богобоязливая сердца, благодать Ея всегда пребываетъ съ таковыми: притецыте убо къ Ней вси со обѣщаніями святыми и неизреченныхъ благихъ Ея причаститеся. Слава Тебѣ, Владычице, неотъемлемое сокровище душъ нашихъ!

Пѣснь вмѣсто славы.

Радуйся, Пресвятая, паче всѣхъ женъ благословенная Богородице Маріе, по Единородномъ Твоемъ истинное всѣхъ вѣрныхъ спасеніе; сотвори, Владычице, да никоею любовію міра сего пристрастно обдержуся, но, пре зрѣвъ вся соблазны и похоти плотскія, въ Тріединомъ Богѣ и въ матернемъ благопокровительствѣ Твоемъ истинный покой душѣ и тѣлу моему имѣти всегда буду.

Псаломъ 81.

Богъ ста въ сонмѣ боговъ: отъ высочайшаго благоволенія Его яко райскій цвѣтъ, произыде Матерь Божія. Пріидите и припадите къ стопамъ Ея вси любящіи и почитающіи Ю: Она бо есть источникъ вѣчныя жизни, туне напаяетъ жаждущихъ, и піющіи отъ сего источника не вжаждутся во вѣки.

Псаломъ 82.

Владычице, кто по Бозѣ подобенъ Тебѣ на небеси и на земли, яко честію и славою превосходиши небожителей и земнородныхъ? Якоже отстоятъ небеса отъ земли, сице превознеслася еси надъ всѣми твореніями. Прильпе душа моя по Тебѣ, Царице Небесная, сотвори мя выну мысленно взирати на славу и величество Твое, яко да насыщуся ненасытимою благодатію Твоею.

Псаломъ 83.

Коль возлюбленна горняя селенія Твоя, препрославленная Госпоже Маріе, и коль любительна скинія вѣчнаго покоя Твоего! Обратися, обратися, горестная душе моя, всемъ твоимъ желаніемъ къ вѣчному оному твоему покою, вѣчная нерукотворенная храмина и тебѣ готова есть: Царица Небесная ищетъ твоего спасенія, предстоя престолу Божію, выну молится о немъ и молитвы Ея паче ливана и кадила благовоннаго предъ возлюбленнаго Сына Ея, Спасителя нашего, восходятъ. Слава Тебѣ, Владычице, въ молитвахъ о насъ грѣшныхъ неусыпающей и въ предстательствахъ непреложное упованіе!

Псаломъ 84.

Благоволилъ еси, Господи, освятити утробу пренепорочныя Приснодѣвы Маріи Твоимъ спасительнымъ вочеловѣченіемъ; Сія бо есть прекраснѣйшая во дщерехъ Іерусалимовыхъ и имя Ея во благословеніи. Преблагословенную Приснодѣву Марію пойте святіи Ангели и Архангели, славите Ю Силы и Господствія; вѣрніи, взыщите мудрость Ея; убозіи, богатитеся сокровищами щедротъ Ея; желающіе вѣчнаго спасенія, призывайте Ю въ помощь въ простотѣ сердца вашего.

Пѣснь вмѣсто славы.

Радуйся, Царице Небесная, Ты, яко багряновидная заря, сіяеши, яко луна полна и свѣтла, яко лучезарное солнце вся освѣщаеши; даждь мнѣ, грѣшному, молюся Ти, благодарныя Тебѣ молитвы возсылати всегда и ничтоже ино желати, токмо еже бы очи Твои матерніи отъ мене не отвращени были, тіи очи, иже ангельскихъ очесъ чистѣйшіи суть, о, Святѣйшая Приснодѣво Маріе!

По 11-й каѳисмѣ тропари, гл. 3.

Чудо веліе, како на рукахъ Ты носила еси, Дѣво Мати, дланію Своею вся содержащаго, и отъ сосцу Твоею питала еси млекомъ Пищедателя, Егоже прилѣжно моли Пресвятая, даровати намъ велію милость.

Покаянія стезю сокрушенную проходити мя укрѣпи, всесильне Спасе, дѣяніи же благими обогати душу мою и отъ страстей тѣсноты въ широту безстрастія возведи ю, молитвами Богородицы, едине Человѣколюбче.

Пристанище спасительное Тя имамы, Богородице, въ пучинѣ житейстѣй обуреваеміи. Ты убо спаси отъ всякія бѣды притекающихъ къ Твоей благости.

Молитва.

О, всепѣтая Госпоже, Владычице, Дѣво Богородице Маріе! Ангельскихъ чиновъ веселіе и православныхъ христіанъ непрестанное радованіе! Смиренно припадая предъ Твоимъ неисповѣдимымъ величіемъ, умильно молю Тя, грѣшный и недостойный рабъ Твой: пріими отъ всея души возсылаемое Тебѣ отъ мене благодарственное сіе хваленіе и Твоею любовію, яко любвеобильнѣйшай Мати, согрѣй хладное сердце мое, умоли Твоимъ теплымъ предстательствомъ рождшагося отъ Тебе Господа Бога и Спаса нашего Іисуса Христа, да проститъ ми вся согрѣшенія моя и препояшетъ мя силою Своею свыше ко исполненію Божественныхъ заповѣдей Своихъ. Озари душу мою немерцающимъ Твоимъ свѣтомъ, иже да будетъ мнѣ, странствующему въ сей земной жизни, путеводителемъ къ горнему отечеству, Іерусалиму Небесному. Да тако, по Бозѣ имѣя въ Тебѣ единѣй твердую надежду и упованіе спасенія моего, прославлю всесвятое и великолѣпое имя Отца, и Сына, и Святаго Духа всегда, нынѣ и въ безконечные вѣки. Аминь.

Источникъ: «Православная жизнь» (Orthodox life). Ежемѣсячное приложеніе къ журналу «Православная Русь». №12 (420). Декабрь 1984 года. — Jordanville: Типографія преп. Іова Почаевскаго. Свято-Троицкій монастырь, 1984. — С. 20-23.

Каѳисма 10-я / Къ оглавленію псалтири / Каѳисма 12-я


Назадъ / Къ оглавленію журнала / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.