Церковный календарь
Новости


2017-09-23 / russportal
Іером. Серафимъ (Роузъ). "Душа послѣ смерти". Приложеніе 4b (1991)
2017-09-23 / russportal
Іером. Серафимъ (Роузъ). "Душа послѣ смерти". Приложеніе 4a (1991)
2017-09-21 / russportal
Прот. Константинъ Зноско. "Истор. очеркъ церк. уніи". Часть 2-я. Глава 4-я (1993)
2017-09-21 / russportal
Прот. Константинъ Зноско. "Истор. очеркъ церк. уніи". Часть 2-я. Глава 3-я (1993)
2017-09-21 / russportal
Іером. Серафимъ (Роузъ). "Душа послѣ смерти". Приложеніе 3-е (1991)
2017-09-21 / russportal
Іером. Серафимъ (Роузъ). "Душа послѣ смерти". Приложеніе 2-е (1991)
2017-09-21 / russportal
Іером. Серафимъ (Роузъ). "Душа послѣ смерти". Приложеніе 1-е (1991)
2017-09-21 / russportal
Іером. Серафимъ (Роузъ). "Душа послѣ смерти". Глава 10-я (1991)
2017-09-21 / russportal
"Проповѣдн. хрестоматія". Поученіе на праздникъ Почаевской иконы Божіей Матери (1965)
2017-09-21 / russportal
"Проповѣдн. хрестоматія". Поученіе на Рождество Пресвятой Богородицы (1965)
2017-09-14 / russportal
Прот. Константинъ Зноско. "Истор. очеркъ церк. уніи". Часть 2-я. Глава 2-я (1993)
2017-09-14 / russportal
Прот. Константинъ Зноско. "Истор. очеркъ церк. уніи". Часть 2-я. Глава 1-я (1993)
2017-09-14 / russportal
Свт. Игнатій (Брянчаниновъ). Понятіе о ереси и расколѣ (1996)
2017-09-14 / russportal
Свт. Игнатій (Брянчаниновъ). Жизнь схимонаха Ѳеодора (1996)
2017-09-13 / russportal
Прот. Константинъ Зноско. Краткій обзоръ причинъ, пород. Литовскую церк. унію (1993)
2017-09-13 / russportal
Прот. Михаилъ Польскій. "О почитаніи Пресв. Дѣвы Маріи". Глава 10-я (1987)
Новости въ видѣ
RSS-канала: .
Сегодня - суббота, 23 сентября 2017 г. Сейчасъ на порталѣ посѣтителей - 17.

Духовные журналы Русскаго Зарубежья

«ПРАВОСЛАВНАЯ ЖИЗНЬ»,
Ежемѣсячное приложеніе къ журналу «Православная Русь».

№2 (422). — Февраль 1985 года.

ХРИСТІАНСКАЯ ПСАЛТИРЬ.
Молитвы Пресвятѣй Приснодѣвѣ Маріи Богородицѣ, составленныя по подобію ветхозавѣтныхъ псалмовъ.

Каѳисма 13.

Псаломъ 91.

Псаломъ 92.

Господь воцарися, въ лѣпоту облечеся; облече и благословенную Матерь Свою преиспещренною одеждою всѣхъ прекрасныхъ добродѣтелей; освященному бо Духомъ Святымъ дому Его подобаетъ таковая святыня. Научи и насъ, Владычице, всякую творити правду, облецы души наша въ ризу спасенія, да не внѣ чертога Христова пребудемъ, помози оскудѣвающимъ въ чистой совѣсти, преобрази ю и предустави ны въ жребій небесныя истины.

Псаломъ 93.

Богъ отмщеній Господь, ибо праведному суду Его подлежать нераскаянные грѣхи наша, но Ты, Всемилостивая Владычице, къ долготерпѣнію Его преклоняеши и умоляеши; аще бо не Ты помогала намъ предстательствомъ Твоимъ къ Нему, вмалѣ вселилася бы во адъ ожесточенная наша душа; блаженъ, иже разумѣетъ сердцемъ Матернее Твое ходатайство; не тщетна есть молитва, еюже молится къ Тебѣ всякая кающаяся грѣшная душа, по множеству грѣховъ въ совѣсти ея небесныя Твоя утѣшенія ободрятъ ю и мрачный духъ отчаянія исчезнетъ. Слава Тебѣ, Царице Небесная, спасеніе грѣшниковъ, ищущихъ спасенія.

Пѣснь вмѣсто славы.

Радуйся, Пресвятая Приснодѣво Маріе, пречистая и большая всѣхъ ликъ ангельскихъ и архангельскихъ, дѣва прежде рождества, дѣва въ рождествѣ, дѣва по рождествѣ; молюся Ти, даждь мнѣ благодать сію, да возлюблю душевную и тѣлесную чистоту, да не лишуся благодати Святаго Духа.

Псаломъ 94.

Пріидите, возрадуемся Госпожѣ нашей Приснодѣвѣ Маріи, предваримъ лице Ея во псалмѣхъ и пѣсньми духовными восхвалимъ Ю; пріидите, поклонимся и припадемъ къ стопамъ Ея, исповѣдующе съ благопризнательнымъ плачемъ предъ Нею грѣхи наша: Она у возблюбленнаго Сына Своего, Христа Бога нашего, испроситъ намъ милости, Она предстанетъ предъ судищемъ Божіимъ, заступитъ при кончинѣ за души наша и удостоитъ предстательствомъ Своимъ вѣчно блаженнаго покоя.

Псаломъ 95.

Воспойте новыя благодарныя пѣсни, воспойте Матери Божіей вси концы земли, возвѣстите во языцѣхъ славу Ея и во всѣхъ людехъ чудеса Ея; слава небесная въ святѣйшемъ лицѣ Ея, кротость и смиреніе во очесѣхъ Ея: да веселятся небеса, внутрь имѣя въ себѣ Царицу всемощную, да радуется земля, торжествующая о преславномъ имени Ея.

Псаломъ 96.

Господь воцарися, радуются небеса и земля, радуется паче всѣхъ небожителей и земнородныхъ Матерь Его, Пречистая Приснодѣва Марія, во всей державѣ владычествія Его; покланяйтеся Ей вси жители райстіи, Ангели, Архангели и вся силы небесныя возвеличите великую вашу Царицу; патріарси и пророцы, соплетите Ей вѣчныя хвалы; апостолы, святители, мученицы воспойте Ей отъ пѣсней Сіонскихъ; веселитеся вси праведніи о препрославленной Владычицѣ, исповѣдайте всегда и всюду сердцемъ и устами память святыни Ея.

Пѣснь вмѣсто славы.

Звѣздо присносіяющая, Приснодѣво Маріе, просвѣти, молюся Ти, грѣховную слѣпоту мою, вонми воздыханію души моея, во еже прилѣжно любити Тя, исполни сердце мое небесныя благодати, яко да и азъ, аще и недостойный, но благостію возлюбленнаго Сына Твоего, моего же истиннаго Спасителя, доселѣ покрываемый, причащуся нѣкіихъ малѣйшихъ крупицъ, падающихъ отъ трапезы вѣчнаго веселія.

Псаломъ 97.

Воспойте Госпожѣ нашей пѣснь новую, яко дивная чудеса сотвори въ родѣ христіанскомъ, откры милости Своя въ концахъ земли, слышно бысть преславное имя Ея по всей вселеннѣй; мы же паче всѣхъ вѣруемъ и исповѣдуемъ, яко Она была, есть и будетъ навсегда премилосердая наша Матерь, бездна милости и щедротъ, лѣствица къ небеси, мысленный ковчегъ, имже отъ вѣчнаго огненнаго потопа безопасно спасемся.

Псаломъ 98.

Господь воцарися, сопрославися съ Нимъ и Преблагословенная Его Матерь, яко честнѣйшая Херувимовъ и славнѣйшая Серафимовъ стоитъ одесную Бога; велія въ Сіонѣ слава Ея и въ горнемъ Іерусалимѣ великолѣпіе Ея, велія хвала Ея и на земли, и Церковь вѣрующихъ исповѣдуется преславному имени Ея въ вѣкъ и во вѣкъ вѣка.

Псаломъ 99.

Воскликните Матери Божіей вси вѣрніи и благочестивіи людіе, молитеся Ей со благоговѣніемъ и радуйтеся предъ Нею съ веселіемъ духа, приступите къ Ней съ благопокореннымъ сердцемъ и въ сердечнѣмъ умиленіи преклоните колѣна предъ святымъ изображеніемъ лица Ея, небесною благодатію осіяваемаго; будемъ чисти сердцемъ, и явитъ намъ Себе въ мирѣ и тишинѣ; отъ кого же Царица Небесная за ожесточенное нераскаяніе отвратитъ лице Свое, нѣсть ему надежды ко спасенію. О, Премилосердая Владычице, помяни насъ во благоволеніи Твоемъ, и адская непріязнь исчезнетъ.

Псаломъ 100.

Милость и судъ воспою Тебѣ, Царицѣ Небеснѣй, воспою милость, еяже аще смиренно отъ Тебе ищу, не погибаю, а спасаюся; воспою судъ, по немуже за беззаконія моя лишаюся матерняго Твоего благоволенія ко мнѣ, но восхвалю, восхвалю съ пѣснію преславное имя Твое, Владычице, и обрящу истинный покой души моея; воспѣрихся ко благостыни и щедротамъ Твоимъ и не лишуся отъ упованія и надежды моея на Тя; утверди слабую душу мою въ вѣрѣ, надеждѣ и любви къ возлюбленному Твоему Сыну, Спасителю и Богу моему, да явитъ Тобою согрѣшеніемъ моимъ прощеніе.

Пѣснь вмѣсто славы.

Радуйся, уединенія любительнице и вѣчнаго покоя всѣмъ вѣрующимъ желательнице, кротчайшая Дѣва среди дѣвъ Іерусалимскихъ, благоуханный цвѣте, тихая и незлобивая Голубице, Мати чадолюбивая! Расточи, молюся Ти, суетныя моя помышленія и духъ разсѣянный собери, яко къ Тебѣ воздыхаю и покланяюся Тебѣ всегда. Аминь.

По 13-й каѳисмѣ тропари, гл. 5.

Неисчетную благодать милосердія Твоего и божественную державу силы Твоея вѣдый, Владычице, взываю Ти прилѣжно: отъ всякія лютыя скорби исхити Твоего раба, и исполни радости сердце мое, Богорадованная.

Врагомъ противуополчися борющимъ насъ: лютѣ бо находятъ на достояніе Твое, Всецарице, погуби тѣхъ наглости, да разумѣютъ крѣпость Твою: божественнымъ Твоимъ маніемъ вся потреби.

Христіанъ неложное спасеніе, грѣшниковъ нерушимое предстательство, крѣпкая помощнице наша, покрый мя крилы державнаго Твоего покрова, и душѣ моей исходящей предстани.

Молитва.

О, Пресвятая Госпоже, Владычице моя Богородице, Небесная Царице! спаси и избави мя, грѣшнаго раба Твоего, отъ напрасныя клеветы, отъ всякія бѣды, напасти и внезапныя смерти. Помилуй мя въ дневныхъ часѣхъ, и во утреннихъ и вечернихъ, и во всякое время сохрани мя; стояща, сѣдяща соблюди, и на всякомъ пути ходяща, и въ нощныхъ часѣхъ спяща снабди, покрый и заступи. Защити мя, Владычице Богородице, отъ всѣхъ врагъ моихъ, видимыхъ и невидимыхъ, и отъ всякаго злаго обстоянія. На всякомъ мѣстѣ и на всякое время буди ми, Мати Преблагая, необоримая стѣна и крѣпкое заступленіе всегда, нынѣ, и присно, и во вѣки вѣковъ. Аминь.

Источникъ: «Православная жизнь» (Orthodox life). Ежемѣсячное приложеніе къ журналу «Православная Русь». №2 (422). Февраль 1985 года. — Jordanville: Типографія преп. Іова Почаевскаго. Свято-Троицкій монастырь, 1985. — С. 30-34.

Каѳисма 12-я / Къ оглавленію псалтири / Каѳисма 14-я


Назадъ / Къ оглавленію журнала


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.