Церковный календарь
Новости


2017-10-23 / russportal
П. Н. Красновъ. "На рубежѣ Китая". Глава 22-я (1939)
2017-10-23 / russportal
П. Н. Красновъ. "На рубежѣ Китая". Глава 21-я (1939)
2017-10-23 / russportal
Архіеп. Аверкій. Что намъ необходимо знать и помнить? (1975)
2017-10-23 / russportal
Архіеп. Аверкій (Таушевъ). День Святой Троицы (1975)
2017-10-23 / russportal
"Печерскій Патерикъ". Обрѣтеніе мощей прав. Іуліаніи, кн. Ольшанской (1967)
2017-10-23 / russportal
"Кіево-Печерскій Патерикъ". Житіе преп. Поликарпа, архим. Печерскаго (1967)
2017-10-22 / russportal
Еп. Григорій (Граббе). "Правда о Русской Церкви..." Глава 10-я (1961)
2017-10-22 / russportal
Іером. Серафимъ (Роузъ). "Православіе и религія будущаго". Глава 5-я (1991)
2017-10-21 / russportal
П. Н. Красновъ. "На рубежѣ Китая". Глава 20-я (1939)
2017-10-21 / russportal
П. Н. Красновъ. "На рубежѣ Китая". Глава 19-я (1939)
2017-10-21 / russportal
"Кіево-Печерскій Патерикъ". Житіе преп. Симона, еп. Владимірскаго (1967)
2017-10-21 / russportal
"Печерскій Патерикъ". Житіе преп. Нестора, лѣтописца Россійскаго (1967)
2017-10-21 / russportal
Архіеп. Аверкій (Таушевъ). Христосъ Воскресе! (1975)
2017-10-21 / russportal
Архіеп. Аверкій (Таушевъ). Есть ли у насъ покаяніе? (1975)
2017-10-21 / russportal
И. А. Ильинъ. «О сопротивленіи злу силою». Глава 15-я (1925)
2017-10-21 / russportal
И. А. Ильинъ. «О сопротивленіи злу силою». Глава 14-я (1925)
Новости въ видѣ
RSS-канала: .
Сегодня - вторникъ, 24 октября 2017 г. Сейчасъ на порталѣ посѣтителей - 23.

Духовные журналы Русскаго Зарубежья

«ПРАВОСЛАВНАЯ ЖИЗНЬ»,
Ежемѣсячное приложеніе къ журналу «Православная Русь».

№10 (430). — Октябрь 1985 года.

ХРИСТІАНСКАЯ ПСАЛТИРЬ.
Молитвы Пресвятѣй Приснодѣвѣ Маріи Богородицѣ, составленныя по подобію ветхозавѣтныхъ псалмовъ.

Каѳисма 16.

Псаломъ 109.

Псаломъ 110.

Исповѣмся Тебѣ, Госпоже, всемъ сердцемъ моимъ и прославлю Тя усты моими, память чудесъ Твоихъ сотворила еси во всякомъ родѣ и родѣ, и милости Твоя во истинѣ и правотѣ; Отецъ Небесный посла намъ вѣчно мирный завѣтъ Свой чрезъ возлюбленнаго Сына Своего, и Ты, Владычице, послужила еси великому святѣйшему оному таинству. Коль убо блаженъ жребій нашъ, коль восхитительна надежда наша на Тя! Славно и дивно имя Твое въ насъ: содержащіи его въ сердце не ужаснутся въ часъ смерти.

Псаломъ 111.

Блаженъ мужъ, благоговѣйно почитающій Приснодѣву Марію; блаженно сердце его, иже пламенно любитъ Ю; блаженна душа его, яже не насытится хвалы Ея; молитвами Ея возсіяетъ въ душѣ его свѣтъ Божій и Духъ Святый освятитъ разумъ его; въ память вѣчную будетъ таковый, отъ слуха зла не убоится сердце его; утвердитъ Царица небесная на немъ благодать Свою и заступленіе Ея пребудетъ съ нимъ во вѣкъ вѣка.

Пѣснь вмѣсто славы.

Радуйся, небесный кивотѣ, покоище Живаго Бога, неизреченное составленіе плоти Христовы, чаше Царя небеснаго, въ нейже растворися отъ Духа Святаго вино неисчерпаемыя благодати! коимъ благодареніемъ ублажимъ Тя, свѣтоносная Владычицѣ? Радуемся и веселимся, яко преславныя судьбы Божіи на Тебѣ совершишася.

Псаломъ 112.

Хвалите, отроцы, Матерь Господню, хвалите, старцы, имя святое Ея! Отъ востокъ солнца до западъ хвально имя Ея, кротокъ и смиренъ образъ Ея, на всяку плоть милость Ея и щедроты Ея даже до конецъ земли: слава Тебѣ, Владычице, христіанская славо и похвало.

Псаломъ 113.

Во исходѣ души моея отъ Египта міра сего предстани ей, небесная Утѣшительнице, озари ю святымъ Твоимъ лицемъ, и призраки бѣсовъ не устрашатъ ю; буди ей лѣствица къ небеси и заступи ю, безотвѣтную, на страшнѣмъ судищи Христовѣ.

Псаломъ 114.

Возлюбихъ Матерь Господа Бога моего и свѣтъ благодати Ея освѣти мя, обыдоша мя болѣзни смертныя и бѣды адовы окружиша мя, но призвахъ имя Маріи и утѣшися душа моя; память Твоя, Владычице, да будетъ посредѣ сердца моего и не повредитъ мя дѣйство лукаваго; обратися, душе моя, на хвалу Ея и обрящеши блаженный покой въ будущей жизни, егда пріидетъ Праведный Судія воздати комуждо по дѣломъ его.

Пѣснь вмѣсто славы.

Радуйся, всемилостивѣйшая Мати, преблагословенная Приснодѣво Маріе! Воззри свыше на недостойнаго грѣшника и утоли страсти злыя моея воли, радуешися бо о обращеніи моемъ на путь правый; молю же Тя, да управляеши мя, да соблюдаеши, да покрываеши мя отъ всѣхъ вражіихъ навѣтовъ.

Псаломъ 115.

Вѣровахъ, тѣмже и возглаголахъ славу и хвалу Твою, Царице небесная; Ты еси чаша спасенія и отъ благодатнаго растворенія въ ней, яко отъ тука небеснаго, насыщается душа моя; благословеніемъ чрева Твоего расторгни узы грѣховъ моихъ и подаждь, Владычице, помощь и силу до послѣдняго моего издыханія сохранити мнѣ цѣлымъ и нерушимымъ завѣтъ любви и мира съ Богомъ.

Псаломъ 116.

Хвалите Госпожу нашу Богородицу вси языцы, возвеличите Ю вси людіе, яко утвердися милость Ея на насъ и покровомъ Ея пріосѣняемся всегда; почитающіи Ю благоговѣйно не погибнуть и молящіися Ей изъ глубины души не лишатся матерняго Ея заступленія, нерадѣющіи же о святодостойномъ почитаніи Ея умрутъ во грѣсѣхъ своихъ.

Псаломъ 117.

Исповѣдайтеся Господеви, яко благъ, исповѣдайтеся и пречистѣй Матери Его, яко во вѣкъ милость Ея на насъ; щедроты Ея исторгнутъ отъ сердца грѣхъ и благодать Ея очиститъ оскверненную совѣсть; кающаяся душа приближается Ею ко Христу, удаляющаяся же нераскаяніемъ не обрящетъ вѣчнаго мира съ Богомъ. О, всемилостивая Госпоже! исповѣдаемся Тебѣ всемъ сердцемъ нашимъ и вознесемъ Тя, яко Ты была еси намъ во спасеніе и нынѣ слышиши насъ, призывающихъ Тя.

Пѣснь вмѣсто славы.

Радуйся, Царице небесная, святое пріятелище невмѣстимаго Божества; Ты еси небесное украшеніе, Ты еси мысленное солнце, озаряющее землю; озари и очисти, молюся Ти, сердце мое грѣхолюбивое и, аще что Тебѣ неугодно въ жизни моей, удали отъ мене, къ небесному же обѣтованію воспламени любовь, во славу Божію и въ радость Твою о спасеніи грѣшныя души моея.

По 16 каѳисмѣ тропари, гл. 8.

Пріидите, вѣрніи, Матерь всѣхъ Содѣтеля гласы возвеличимъ, и поюще возопіимъ: яже радости вина, Дѣво всепѣтая, чтущихъ Тя спасай молитвами Твоими: имаши бо дерзновеніе миловати, подавати же недугомъ врачеваніе.

Въ неможеніе тяжкое впадъ, и лютѣ болѣзньми сляченъ, нетерплю вара лютаго унынія моего, но вѣдый коегождо, Спасе, немощь, и яко отецъ наказуяй нравомъ Тебѣ согрѣшившія, Ты мя возстави, да всегда взываю Тебѣ: велія дѣла Твоя, Господи, страшна же воистину чудеса, ибо вѣрныя спасаеши молитвами Рождшія Тя.

Душу мою Дѣво, смиренную отъ младости осквернивъ мерзостными словесы и дѣяньми себе окаляхъ, и не вѣмъ, что сотворю или гдѣ прибѣгну? Но ниже ину надежду развѣ Тебѣ вѣмъ. Сего ради непотребный рабъ къ Тебѣ прибѣгаю и молюся, исповѣдуя Ти: согрѣшихъ, моли Твоего Сына и Бога, прегрѣшеній оставленіе даровати ми, на Тя бо, Всеблагая, упованіе возложихъ.

Молитва.

Царице моя преблагая, надеждо моя Пресвятая, пріятелище сирымъ и страннымъ заступнице, бѣдствующимъ помоще и озлобляемымъ покрове! Зриши мою напасть, зриши мою скорбь, отвсюду искушеніемъ одержимъ есть, а заступающаго нѣсть. Ты убо Сама, Владычице, помози ми, яко немощну; окорми мя, яко странна; настави, яко заблудша; уврачуй и спаси, яко безнадежна. Не имамъ бо иныя помощи, ни инаго предстательства, ни утѣшенія, токмо Тебе, о, Боголюбивая Мати всѣхъ скорбящихъ и обремененныхъ! Призри убо на мя, грѣшнаго и во озлобленіи сущаго, и покрый мя пресвятымъ омофоромъ Твоимъ, да избавленъ буду отъ всѣхъ золъ, мя обышедшихъ, и восхвалю выну препѣтое имя Твое. Аминь.

Источникъ: «Православная жизнь» (Orthodox life). Ежемѣсячное приложеніе къ журналу «Православная Русь». №10 (430). Октябрь 1985 года. — Jordanville: Типографія преп. Іова Почаевскаго. Свято-Троицкій монастырь, 1985. — С. 8-11.

Каѳисма 15-я / Къ оглавленію псалтири / Каѳисма 17-я


Назадъ / Къ оглавленію журнала / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.