Церковный календарь
Новости


2017-03-26 / russportal
Слова преп. Симеона Новаго Богослова. Слово 20-е (1882)
2017-03-26 / russportal
Слова преп. Симеона Новаго Богослова. Слово 19-е (1882)
2017-03-26 / russportal
Преп. Іоаннъ, иг. Синайскій. «Лѣствица». Слово 29-е (1898)
2017-03-26 / russportal
Преп. Іоаннъ, иг. Синайскій. «Лѣствица». Слово 28-е (1898)
2017-03-26 / russportal
Архіеп. Иннокентій (Борисовъ). Слово (8-е) о грѣхѣ и его послѣдствіяхъ (1908)
2017-03-26 / russportal
Прав. Іоаннъ Кронштадтскій. Слово въ 4-ю недѣлю Великаго поста (1894)
2017-03-26 / russportal
Свт. Ѳеофанъ Затворникъ. Слово (4-е) въ 4-ю недѣлю Великаго поста (1869)
2017-03-26 / russportal
Свт. Ѳеофанъ Затворникъ. Слово (3-е) въ 4-ю недѣлю Великаго поста (1869)
2017-03-26 / russportal
Свт. Ѳеофанъ Затворникъ. Слово (2-е) въ 4-ю недѣлю Великаго поста (1869)
2017-03-26 / russportal
Свт. Ѳеофанъ Затворникъ. Слово (1-е) въ 4-ю недѣлю Великаго поста (1869)
2017-03-26 / russportal
Преп. Іоаннъ, иг. Синайскій. «Лѣствица». Слово 27-е (1898)
2017-03-26 / russportal
Преп. Іоаннъ, иг. Синайскій. «Лѣствица». Слово 26-е (1898)
2017-03-25 / russportal
"Каноны или Книга Правилъ". Посланіе къ Памфѵлійскому Собору (1974)
2017-03-25 / russportal
"Каноны или Книга Правилъ". Правила третіяго Собора, Ефесскаго (1974)
2017-03-25 / russportal
Н. В. Гоголь. «Выбр. мѣста изъ переп. съ друзьями». Часть 20-я (1921)
2017-03-25 / russportal
Н. В. Гоголь. «Выбр. мѣста изъ переп. съ друзьями». Часть 19-я (1921)
Новости въ видѣ
RSS-канала: .
Сегодня - воскресенiе, 26 марта 2017 г. Сейчасъ на порталѣ посѣтителей - 20.

Духовные журналы Русскаго Зарубежья

«ПРАВОСЛАВНАЯ ЖИЗНЬ»,
Ежемѣсячное приложеніе къ журналу «Православная Русь».

№10 (430). — Октябрь 1985 года.

ХРИСТІАНСКАЯ ПСАЛТИРЬ.
Молитвы Пресвятѣй Приснодѣвѣ Маріи Богородицѣ, составленныя по подобію ветхозавѣтныхъ псалмовъ.

Каѳисма 18.

Псаломъ 119.

Псаломъ 120.

Воздвигохъ мысленныя очи мои горѣ, идѣже Ты, Царица небесная, пребываеши, и пріиде въ сердце мое веліе утѣшеніе, яко Ты не воздремлеши, ниже уснеши, сохраняя мя отъ всѣхъ вражіихъ навѣтовъ, вхожденіе мое и исхожденіе мое всегда милостивно назираеши: слава Тебѣ, премилосердая Мати, пекущейся и ищущей вѣчнаго спасенія грѣшнѣй моей душѣ.

Псаломъ 121.

Возвеселихся духомъ вѣры и надежды о Тебѣ, преславнѣй Царицѣ небесе и земли; подъ Твоимъ бо предстательствомъ аще благочестно поживу, на вѣчное жилище въ домъ Господень прейду, во Іерусалимъ небесный, великій градъ, егоже слава Божія просвѣщаетъ и свѣтильникъ его Агнецъ. О, Владычице! молюся Ти со слезами, подкрѣпи мою вѣру во обѣтованія небесныя, оживотвори надежду на милости возлюбленнаго Твоего Сына, Господа нашего Іисуса Христа, воспламени любовь, во еже творити мнѣ благоугодно святѣйшую волю Его; слава Тебѣ, преблагая моя наставнице, на пути истины и спасенія.

Псаломъ 122.

Къ Тебѣ воздвигохъ очи мои, всещедрая Мати, Яже съ возлюбленнымъ Сыномъ Твоимъ царствуеши на небесѣхъ; се, яко очи рабыни въ руку госпожи своея, тако очи наши къ Тебѣ, Владычице, дондеже получимъ отъ Тебе благовременную помощь; благословенно да будетъ заступленіе Твое, благословенна еси на небеси и на земли, въ мори и во всѣхъ безднахъ, благословенно дѣвство и чистота Твоя, благословенна да будетъ святая душа Твоя и препрославленное тѣло Твое.

Псаломъ 123.

Аще не Госпожа наша Приснодѣва Марія заступитъ о насъ у Бога, постигнутъ насъ грѣхъ ради нашихъ многія бѣды; внегда востати адскимъ врагамъ на ны, живыхъ убо пожерли быша насъ, но Ты, премилостивая Заступнице, съ нами и мы избавлени отъ нихъ быхомъ; помощь наша во имя Господа и милостивое имя Твое, Владычице.

Пѣснь вмѣсто славы.

Радуйся, обрадованная отъ Бога Приснодѣво Маріе! Отъ призыванія святѣйшаго имени Твоего бѣсы трепещутъ, отъ облистанія славы Твоея власти темныя исчезаютъ, Твоимъ рождествомъ врата райскія отверзаются и избранніи Божіи, съ нимиже и вси грѣшницы, мытари и блудницы, покаявшіися Богу, входятъ въ нихъ невозбранно; молюся же Ти, всеприлежно; посѣти и мою убогую душу, да во вся дни жизни моея вѣрно послужу Тебѣ и избавиши мя отъ власти темныя.

Псаломъ 124.

Надѣющіися на Тя, Матерь Божію, не убоятся лица вражія; веселитеся и радуйтеся вси, любящіи Богородицу, ибо поможетъ вамъ въ день печали вашея; помяни щедроты Твоя, Госпоже, и охрани странствіе наше на земли, обрати пресвѣтлое лице Твое на насъ и низложи враговъ нашихъ, ищущихъ погибели нашей, да въ мірѣ и тишинѣ поживемъ, и во всякомъ благочестіи и чистотѣ, прославляя Тя, Владычицу нашу и помощницу.

Псаломъ 125.

Внегда обратиши пресвѣтлое матернее лице Твое на насъ, вѣдущихъ Тя и молящихся Тебѣ, сердца и души наша веселятся Божіею благодатію и Твоими милостями; преблагословенная еси Ты отъ Божественныя силы Іисуса Христа паче всѣхъ женъ на земли; не оскудѣетъ хвала Твоя отъ устъ нашихъ, ниже вѣра и любовь къ Тебѣ, Владычице, отъ сердецъ нашихъ; благоговѣйно почитающіи Тя благословятся отъ Бога и не лишатся всякаго блага.

Псаломъ 126.

Аще бы не Госпожа Владычица наша Царица небесная предстательствовала о насъ, грѣшныхъ, къ правосудному Богу, подвигли бы грѣхи наша праведный гнѣвъ Его къ отмщенію, и аще бы Она, яко мысленное солнце, не озаряла вся концы земли дивными знаменьми и преславными чудесами, тьма невѣрія и мгла невѣжествія объяли бы человѣковъ. О, премилосердая Владычице, вѣруемъ несомнѣнно, молимся смиренно и покланяемся Тебѣ благонадежно, предъ небомъ и землею исповѣдуя, яко Ты еси небесный немерцаюіцій свѣтъ, во тьмѣ земныхъ суетъ свѣтящій, яко Ты еси всѣмъ кающимся грѣшникомъ споручница по спасеніе, яко Ты еси Пречистая Матерь Божія, преблагословенная въ родъ и родъ; Господь съ Тобою и Тобою съ нами!

Псаломъ 127.

Блажени вси, умиленно молящіися Тебѣ, Госпоже, блажени вѣдущіи святую волю Твою и жалающіи творити Тебѣ угодная: труды сладкихъ плодовъ своихъ снѣдятъ и узрятъ вѣчная благая горняго Іерусалима; блажени убо рождшіи Тя, Владычицу, память ихъ съ похвалами пребудетъ въ вѣкъ вѣка; блаженно чрево Твое, носившее по плоти Іисуса Христа. О, Преблаженная и Преблагословенная въ женахъ! обрати матернее лице Твое на насъ и умоленна буди о всѣхъ, призывающихъ Тя.

Псаломъ 128.

Множицею брашася со мною отъ юности моея адстіи врази мои, но Ты, Владычице, избавила еси отъ нихъ; множицею брашася, но Ты, помощнице моя, душу мою не предала въ вѣчно гибельную власть ихъ, Ты сохранила еси вся внутренняя и внѣшняя моя. О, Споручнице спасенія моего, помози ми сотворити плоды, достойные покаянія, да благонадежно пріиду къ христіанской кончинѣ моей и сподоблюся узрѣти святѣйшій плодъ чрева Твоего, премилосердаго Спасителя моего и Искупителя.

Пѣснь вмѣсто славы.

Радуйся, преблагословенная Приснодѣво Маріе, горлице пустыннолюбивая, голубице чистѣйшая; яви зракъ Твой и услышанъ сотвори гласъ Твой, яко гласъ Твой сладокъ, и образъ Твой красенъ. О, Царице небесная! сотъ искапаютъ устнѣ Твои, медъ и млеко подъ языкомъ Твоимъ и благовоніе ризъ Твоихъ, яко благоуханіе ливана. О, Невѣсто неневѣстная! о, сладчайшая Приснодѣво Маріе! сердце наше привлекла еси во благодать Твою, во слѣдъ Тебѣ течемъ, содѣлай же, Владычице, да исполнится оно неизреченными небесными воздыханіями о Христѣ Іисусѣ.

Псаломъ 129.

Изъ глубины сердца моего воззвахъ къ Тебѣ, Госпоже, услыши гласъ моленія моего, яко у Господа Бога милость и многое и у Тебе избавленіе; изми мя, Владычице, отъ руки враговъ моихъ, посрами и расточи навѣты и совѣты ихъ на мя, помилуй мя въ день лютъ и въ часъ смерти не остави убогую душу мою, предстани ей со утѣшеніемъ вѣчнаго спасенія.

Псаломъ 130.

Госпоже, не вознесеся сердце мое о великихъ и дивныхъ міра сего, преходитъ бо міръ сей и образъ его; но Ты, Владычице, святынею, славою и честію превознеслася еси надъ всѣми, Тя убо едину возлюби душа моя; мѵро изліянное имя Твое и воня милостей Твоихъ паче всѣхъ ароматъ; Ты едина, во мрацѣ грѣховнѣмъ проницающая предо мною, яко утро; добра, яко луна; избранна, яко солнце; полагаю убо Тя, Царицу небесную, яко печать на сердцѣ моемъ и покланяюся святѣйшему величеству Твоему.

Псаломъ 131.

Помяни, Госпоже, царствующаго пророка и великаго праотца Твоего Давида, емуже клятся Господь истинною и не отвержеся ея: Ты бо отъ него, яко отъ благословеннаго корня, процвѣла еси намъ райская отрасль; Ты еси цвѣтъ польный и кринъ удольный, процвѣтшій намъ небесное благоуханіе и веселіе. О, животворный душевный раю! Тобою утѣшаемся на землѣ странствованія нашего, веселимся богатствомъ славы Твоея въ нищетѣ нашей, сотвори и помози, Владычице, да въ жизни сей любоохотно питаяся слезнымъ хлѣбомъ истиннаго о грѣсѣхъ раскаянія, насытимся нѣкогда и Хлѣбомъ Животнымъ, благословеннымъ и святѣйшимъ плодомъ чрева Твоего во вѣки вѣковъ.

Псаломъ 132.

Се, коль добро и коль богоугодно вѣрнымъ намъ благочестно почитати и ублажати Тя, небесную Царицу, яко Самъ Господь осѣняетъ насъ за сіе благословеніемъ Своимъ и будущимъ вѣчнымъ блаженствомъ вознаградитъ. О, благоутробный Тріединый Боже! коль многое множество милости Твоея изливаеши на насъ, грѣшныхъ, чрезъ предстательство къ Тебѣ о насъ преблагословенныя Приснодѣвы Маріи. Да будетъ Тебѣ честь и слава, аминь.

Псаломъ 133.

Се нынѣ благословите Пречистую Матерь Божію вси уповающіи на имя святое Ея, во дни и въ нощи воздѣжите руки ваша въ пренебесная святая, идѣже предстоитъ Она въ неизреченной славѣ святѣйшему лицу Божію, утѣшатся бо благодатію Ея преизобильно огорченныя сердца и души ваша; благословите Ю вси благословенніи раби Ея, благословите Ю вси Ангели и Архангели, и вси святіи Божіи, хвалити Ю небеса небесъ и вода, яже превыше небесъ, хвалите во вѣки вѣковъ чудеса Ея.

Пѣснь вмѣсто славы.

Радуйся, христіанская чадолюбивѣйшая Мати Маріе, бездна милостей и щедротъ! Очисти, молюся Ти, сердце мое отъ грѣховныхъ страстей, и аще что Тебѣ не благоугодно, имиже вѣси судьбами отврати отъ мене, къ небеснымъ обѣтованіямъ воспламени духъ мой, и еже мудрствовати, и еже дѣяти о Господѣ помози.

По 18 каѳисмѣ тропари, гл. 4.

Поемъ Тя, Богоневѣсто, славяще Рождество Твое непостижимое, имже избавихомся прелести діаволи и всяческихъ бѣдъ, и вѣрно вопіемъ: помилуй стадо Твое, Дѣво всепѣтая.

Побори, Всецарице, борющія ны враги, якоже бо волцы алчутъ погубити наслѣдіе Твое и достояніе Сына Твоего, къ Немуже молитвами Твоими погуби языкъ дерзости, до познаютъ силу Твою зліи ратолюбцы, божественнымъ Твоимъ маніемъ низложи ихъ, побѣды даруя православнымъ христіанамъ.

Превозшедшая чины Ангелъ, Всечистая, со Ангелы моли Ангеловъ Владыку свободитися насъ страстей губительныхъ и наслѣдниками быти нетлѣнныя жизни.

Молитва.

Къ Тебѣ, Пречистѣй Божіей Матери, азъ, окаянный, припадая, молюся: вѣси, Царице, яко безпрестанно согрѣшаю и прогнѣвляю Сына Твоего и Бога моего, и многажды аще каюся, ложь предъ Богомъ обрѣтаюся, и каюся, трепеща, да не когда Господь поразитъ мя, и по часѣ паки таяжде творю. Вѣдуши сія, Владычице моя, Госпоже Богородице, молю: да помилуеши, да укрѣпиши и благая творити да подаси ми: вѣси бо, Владычице моя Богородице, яко отнюдь имамъ въ ненависти злая моя дѣла и всею мыслію люблю законъ Бога моего; но не вѣмъ, Госпоже Пречистая, откуду, яже ненавижду, та люблю, а благая преступаю. Не попущай, Пречистая, воли моей совершатися: не угодна бо есть; но да будетъ воля Сына Твоего и Бога Моего, да мя спасетъ, и вразумитъ, и подастъ благодать Святаго Духа, да быхъ азъ отселѣ престалъ сквернодѣйства и прочее пожилъ быхъ въ повелѣніи Сына Твоего, Емуже подобаетъ всякая слава, честь и держава, со безначальнымъ Его Отцемъ, и Пресвятымъ, и благимъ и животворящимъ Его Духомъ, нынѣ и присно, и во вѣки вѣковъ. Аминь.

Источникъ: «Православная жизнь» (Orthodox life). Ежемѣсячное приложеніе къ журналу «Православная Русь». №10 (430). Октябрь 1985 года. — Jordanville: Типографія преп. Іова Почаевскаго. Свято-Троицкій монастырь, 1985. — С. 17-22.

Каѳисма 17-я / Къ оглавленію псалтири / Каѳисма 19-я


Назадъ / Къ оглавленію журнала / Впередъ


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.