Церковный календарь
Новости


2017-10-21 / russportal
"Кіево-Печерскій Патерикъ". Житіе преп. Симона, еп. Владимірскаго (1967)
2017-10-21 / russportal
"Печерскій Патерикъ". Житіе преп. Нестора, лѣтописца Россійскаго (1967)
2017-10-21 / russportal
Архіеп. Аверкій (Таушевъ). Христосъ Воскресе! (1975)
2017-10-21 / russportal
Архіеп. Аверкій (Таушевъ). Есть ли у насъ покаяніе? (1975)
2017-10-21 / russportal
И. А. Ильинъ. «О сопротивленіи злу силою». Глава 15-я (1925)
2017-10-21 / russportal
И. А. Ильинъ. «О сопротивленіи злу силою». Глава 14-я (1925)
2017-10-20 / russportal
П. Н. Красновъ. "На рубежѣ Китая". Глава 18-я (1939)
2017-10-20 / russportal
П. Н. Красновъ. "На рубежѣ Китая". Глава 17-я (1939)
2017-10-20 / russportal
"Кіево-Печерскій Патерикъ". Житіе преподобнаго Нифонта (1967)
2017-10-20 / russportal
"Кіево-Печерскій Патерикъ". Житіе преп. Тита пресвитера (1967)
2017-10-20 / russportal
Архіеп. Аверкій (Таушевъ). "Боже, милостивъ буди намъ, грѣшнымъ" (1975)
2017-10-20 / russportal
Архіеп. Аверкій (Таушевъ). Слова и рѣчи. Томъ II. (1961-1968). Вступленіе (1975)
2017-10-19 / russportal
Іером. Серафимъ (Роузъ). "Православіе и религія будущаго". Глава 4-я (1991)
2017-10-19 / russportal
Іером. Серафимъ (Роузъ). "Православіе и религія будущаго". Глава 3-я (1991)
2017-10-19 / russportal
"Кіево-Печерскій Патерикъ". Житіе преп. Эразма Печерскаго (1967)
2017-10-19 / russportal
"Кіево-Печерскій Патерикъ". Житіе преп. Ареѳы Печерскаго (1967)
Новости въ видѣ
RSS-канала: .
Сегодня - суббота, 21 октября 2017 г. Сейчасъ на порталѣ посѣтителей - 17.

Духовные журналы Русскаго Зарубежья

«ПРАВОСЛАВНАЯ ЖИЗНЬ»,
Ежемѣсячное приложеніе къ журналу «Православная Русь».

№10 (430). — Октябрь 1985 года.

ХРИСТІАНСКАЯ ПСАЛТИРЬ.
Молитвы Пресвятѣй Приснодѣвѣ Маріи Богородицѣ, составленныя по подобію ветхозавѣтныхъ псалмовъ.

Каѳисма 20.

Псаломъ 143.

Псаломъ 144.

Вознесу Тебя, Пречистую Матерь Сына Божія, и на всякъ день воспою Тебѣ хвалы; по всей земли людіе прославляютъ дѣла и милости Твоя и острови мнози величаютъ чудеса Твоя, Ангели и Архангели проповѣдуютъ святыню души Твоея и вси святіи провозвѣщаютъ кротость и смиреніе Твое; очи наши уповаютъ на Тя, Госпоже, пошли намъ брашно и пищу во благо время, алчущую же душу напитай и насыти небесною сладостію и мы, раби Твои, благословимъ Тя, яко премилосердую Матерь, во вѣки вѣковъ.

Пѣснь вмѣсто славы.

Радуйся, Пресвятая Приснодѣво Маріе, Пресвятая Мати Спасителя Христа Бога нашего, кристалловидный источниче, небесными сладостями исполненный, райскій вертоградѣ, преиспещренный всѣми святыми добродѣтелями, мысленное небо, души и сердца увеселяющее! О, прекраснѣйшая и преблагословенная въ женахъ! осѣни мя, грѣшнаго, лучами благостыни Твоея, да въ тишинѣ и мирѣ пребуду въ сей странѣ и въ сѣни смертнѣй и потомъ, Тебѣ помогающей, достигну отечества небеснаго.

Псаломъ 145.

Хвали, душе моя, Госпожу Приснодѣву Марію, непрестанно хвали, дондеже обитаеши въ тѣлѣ семъ; егда же изыдеши изъ темницы бренныя плоти, Она предстанетъ тебѣ, яко заступница, и въ пути незнаемѣмъ будетъ надежная путеводительница, полки лукавыхъ бѣсовъ предъ свѣтомъ Ея исчезнутъ и проведешися безъ страха до вратъ вѣчнаго мира. Слава, хвала и честь Царицѣ небеснѣй, Яже Собою милостивно приведетъ насъ въ Царствіе Небесное.

Псаломъ 146.

Хвалите Госпожу Приснодѣву Марію, яко благъ есть псаломъ; услажденна и красна сицевая Ей хвала; сія бо есть помощница сокрушенныхъ сердцемъ и умащаетъ ихъ благовоннымъ мѵромъ благоволенія о нихъ; велики милости Ея, благодать и щедроты Ея не имутъ конца; предварите Ей въ воскликновеніи, во исповѣданіи псалмовъ пойте Ей, благоволитъ бо Царица небесная къ прославляющихъ Ю и уповающихъ на милости Ея.

Псаломъ 147.

Хвали, Церковь Божія, Пречистую Матерь Спасителя Христа, прославляй Ю, новоблагодатный Сіоне: Сынове бо Твои благословятся отъ Нея и распространятся отъ моря до моря, миромъ благимъ блакоукрасятся и надежда ихъ не постыдится, въ родъ и родъ восхвалятъ Тя.

Пѣснь вмѣсто славы.

Преславная Богородице, Приснодѣво Маріе, жизни нашея вожде, Божія благодати ходатаице, моря міра сего волнующагося благоотишное пристанище, испроси у возлюбленнаго Сына Твоего, Спасителя нашего, милость намъ, грѣшнымъ, да и въ вѣрѣ, надеждѣ и любви къ Нему пребудемъ непоколебимы и кончины христіанскія удостоимся.

Псаломъ 148.

Хвалите Госпожу Марію отъ небесъ, хвалите Ю въ вышнихъ, идѣже сѣдитъ на престолѣ неприступныя славы, въ ризахъ позлащенныхъ одѣяна и преукрашена; хвалите Ю вси человѣцы, и скоти, и птицы небесныя, и рыбы морскія; хвалите Ю солнце и луна, хвалите Ю звѣзды и свѣтъ, хвалите Ю Херувими и Серафимы, Престоли, Господствія и Власти, хвалите Ю вси Ангели и Архангели и вся чины воинствъ небесныхъ; слава, хвала и честь Приснодѣвѣ Маріи.

Псаломъ 149.

Воспойте Госпожѣ нашей и Царицѣ великой пѣснь новую; хвала Ея въ сонмѣ праведныхъ, веселятся небеса о славѣ Ея, острови морстіи и вся вселенная, вода и огнь, мразъ и зной, молнія и свѣтъ прославляютъ Ю. Возношеніе Ея въ гортани праведныхъ и хвалы въ ликахъ всѣхъ святыхъ; граде Божій, Сіоне небесный, торжествуй о Ней вѣчно въ пѣснехъ хваленія.

Псаломъ 150.

Хвалите, правовѣрніи, великую Госпожу, сильную Владычицу, небесную Царицу, премилосердую вашу Матерь, скорую помощницу, усердную заступницу, пречистую и преблагословенную Приснодѣву Марію, хвалите высокія добродѣтели и великія чудеса Ея; хвалите Ю чины патріарховъ и пророковъ, хвалите Ю апостолы и святители, хвалите Ю мученицы и исповѣдницы, хвалите Ю дѣвственницы и воздержницы, хвалите Ю пустынницы и монаси, хвалите Ю вси вѣрніи всякаго сословія, хвалите Ю младенцы и вси праведныя души небесныхъ гражданъ; всякое дыханіе да хвалитъ Пресвятаго Господа, да хвалитъ и благодатную Приснодѣву Марію, аминь.

Пѣснь вмѣсто славы.

Преблагословенна еси, Госпоже Маріе, Пречистая Мати Господа нашего Іисуса Христа, Иже, воплощся изъ Тебѣ, посѣти насъ и сотвори вѣчное избавленіе намъ, людемъ Своимъ, Иже Тя воздвиже отъ дому Давида, Отрока Своего, Иже исполни Тобою клятву, еюже клятся ко отцемъ нашимъ, Аврааму и сѣмени его даже до вѣка, Иже низложи сильныя со престолъ и превознесе Тя, смиренную, на небеси и на земли; и Ты, благодатная Приснодѣво Маріе, великая пророчица отъ насъ именуешися, понеже предрекла еси, яко вси роди ублажатъ Тя, и ублажаемъ, и ублажати не престанемъ. О, звѣздо утренняя, присносіяющая на небеси и на земли, освѣщай насъ лучами помощи Твоея во дни и въ нощи, да не заблудимъ въ конецъ во мрацѣ грѣховныя суеты; Ты бо еси слава небеснымъ и намъ, земнымъ, непостыдное упованіе; много бо можетъ Твоя матерняя молитва на умоленіе о насъ небеснаго Владыки, Емуже, яко премилосердному Богу нашему, и Тебѣ, яко усердной Заступницѣ нашей, да будетъ отъ насъ, грѣшныхъ, честь и слава во вся вѣки вѣковъ. Аминь.

По 20-й каѳизсмѣ тропари, гл 8.

Божественнаго свѣта свѣтильниче златозарный, Пренепорочная Госпоже, душу мою, омраченную мглою страстей, безстрастія свѣтлостію озари, молюся, и окаянное сердце мое омый слезами покаянія: Тя бо имамъ надежду рабъ Твой.

Горесть тамошнихъ мукъ и жестокость мучителей, тму несвѣтимую и всегдашнюю, негрѣющій и леденящій тартаръ, ядоносный и неусыпающій червь, страшный скрежетъ зубовъ, пламень геенскій и нестерпимое жженіе, ужасный вопль и рыданіе, разлученіе отъ праведныхъ и наслѣдія ихъ лишеніе помышляющи, содрогнися, душе моя, и стенаньми и плачемъ Матерь Судіи умоли, зовущи: Богородице, испроси ми прощеніе злыхъ, къ покрову Твоему съ вѣрою притекающему.

Райскими добротами наслаждатися и въ небесныхъ чертогахъ обитати, Владычице, подаждь ми, Бога божественный чертоже, улучити же блаженный невѣстникъ сподоби и причащатися тамо славы Христовы и насыщатися сладчайшихъ лучей и сіянія неизреченныя красоты Его, яко да радуяся пою вѣчно со Ангелы Отца, и Сына, и Святаго Духа, Троицу нераздѣльную, изъ несущихъ премудрѣ вся осуществовавшую, и Тебе присно славлю, Богопрославленная.

Молитва.

Пресвятая Владычице моя Богородице, святыми Твоими и всесильными мольбами отжени отъ мене, смиреннаго и окаяннаго раба Твоего: уныніе, забвеніе, неразуміе, нерадѣніе и вся скверная, лукавая и хульная помышленія отъ окаяннаго моего сердца и отъ помраченнаго ума моего; и погаси пламень страстей моихъ, яко нищь есмь и окаяненъ. И избави мя отъ многихъ и лютыхъ воспоминаній и предпріятій, и отъ всѣхъ дѣйствъ злыхъ свободи мя, яко благословенна еси отъ всѣхъ родовъ, и славится пречестное имя Твое во вѣки вѣковъ. Аминь.

Молитвы.

1.

Къ кому возопію, Владычице, къ кому прибѣгну въ горести моей, аще не къ Тебѣ, Царице небеснѣй? Кто плачъ мой и воздыханіе мое пріиметъ, аще не Ты, Пренепорочная, надеждо христіанъ и прибѣжище намъ, грѣшнымъ. Кто паче Тебѣ въ несчастіяхъ защититъ? Услыши стенаніе мое и приклони ухо Твое къ моленію моему. Владычице, Мати Бога моего, не презри требующаго Твоея помощи и не отрини мене, грѣшнаго, вразуми и научи мя, Царице небесная, не отступи отъ мене раба Твоего, Владычице, за роптаніе мое; буди мнѣ мать и покровительница! Вручаю себя милостивому покрову Твоему, аще токмо восхощеши устроити о мнѣ; приведи мя, грѣшнаго, къ тихой и безмятежной жизни, да плачуся о грѣхахъ моихъ. Увы мнѣ! Къ кому прибѣгну, повинный азъ, аще не къ Тебѣ, упованію и прибѣжищу грѣшныхъ, въ надеждѣ на неизреченную милость Твою и щедроты. Кое ли слово за преступленіе мое изрещи возмогу къ величеству славы Твоея? О, Владычице, Царице небесная! Ты мнѣ мати и надежда, Ты мнѣ упованіе и прибѣжище, покровъ, заступленіе и помощь! Царице моя преблагая и скорая заступнице! покрый Своимъ ходатайствомъ мое преступленіе, защити мене отъ врагъ видимыхъ и невидимыхъ, умягчи сердца злыхъ человѣкъ, возстающихъ на мя. О, Мати Господа моего Творца! Ты корень дѣвства и неувядаемый цвѣтъ чистоты. О, Богородительнице! Ты подаждь мнѣ помощь, немощствующему плотскими страстями и болѣзнующему сердцемъ: едино бо Твое и съ Тобою Твоего Сына и Бога нашего имѣю заступленіе; и Твоимъ пречуднымъ заступленіемъ да оправданъ буду и избавлюся отъ всякія бѣды и напасти, — всесильными Твоими молитвами, всечистая, непорочная и преславная Божія Матерь Марія. Радуйся, благодатная; радуйся, обрадованная; радуйся, преблагословенная, Господь съ Тобою!

2.

О, Пресвятая Дѣво, Мати Господа вышнихъ Силъ, небесе и земли Царице, града и земли нашея всемощная Заступнице! Пріими хвалебно-благодарственное пѣніе сіе отъ насъ, недостойныхъ рабовъ Твоихъ, и вознеси молитвы наша къ престолу Бога Сына Твоего, да милостивъ будетъ неправдамъ нашимъ и пробавитъ благодать Свою чтущимъ пречестное имя Твое и съ вѣрою и любовію покланяющимся чудотворному образу Твоему; нѣсмы бо достойны отъ Него помиловани быти, аще не Ты умилостивиши Его о насъ, Владычице, яко вся Тебѣ отъ Него возможна суть. Сего ради къ Тебѣ прибѣгаемъ, яко къ несомнѣннѣй и скорой Заступницѣ нашей: услыши насъ, молящихся Тебѣ, осѣни насъ вседержавнымъ покровомъ Твоимъ и испроси у Бога Сына Твоего: пастырямъ нашимъ ревность и бдѣніе о душахъ; градоправителемъ мудрость и силу; судіямъ правду и нелицепріятіе; наставникомъ разумъ и смиренномудріе; супругамъ любовь и согласіе; чадомъ послушаніе; обидимымъ терпѣніе; обидящимъ страхъ Божій; скорбящимъ воздержаніе и всѣмъ намъ — духъ разума и благочестія, духъ милосердія и кротости, духъ чистоты и правды. Ей, Госпоже Пресвятая! умилосердись на немощныя люди Твоя: разсѣянныя собери, заблудшія на путь правый настави, старость поддержи, юныя уцѣломудри, младенцы воспитай и призри на всѣхъ насъ призрѣніемъ милостиваго Твоего заступленія; воздвигни насъ изъ глубины грѣховныя и просвѣти сердечныя очеса наши къ зрѣнію спасенія; милостива буди намъ здѣ и тамо, въ странѣ земнаго пришельствія, и на страшномъ судѣ Сына Твоего; преставльшіяся же въ вѣрѣ и покаяніи отъ житія сего отцы и братію нашу въ вѣчной жизни со Ангелы и со всѣми святыми жити сотвори; Ты по Бозѣ наша надежда и заступница всѣхъ, притекающихъ къ Тебѣ съ вѣрою. Къ Тебѣ убо молимся и Тебѣ, яко всемогущей помощницѣ, сами себе, другъ друга, и весь животъ нашъ предаемъ нынѣ, и присно и во вѣки вѣковъ. Аминь.

Источникъ: «Православная жизнь» (Orthodox life). Ежемѣсячное приложеніе къ журналу «Православная Русь». №10 (430). Октябрь 1985 года. — Jordanville: Типографія преп. Іова Почаевскаго. Свято-Троицкій монастырь, 1985. — С. 27-33.

Каѳисма 19-я / Къ оглавленію псалтири


Назадъ / Къ оглавленію журнала


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.