Церковный календарь
Новости


2017-10-18 / russportal
П. Н. Красновъ. "На рубежѣ Китая". Глава 16-я (1939)
2017-10-18 / russportal
П. Н. Красновъ. "На рубежѣ Китая". Глава 15-я (1939)
2017-10-18 / russportal
Іером. Серафимъ (Роузъ). "Православіе и религія будущаго". Глава 2-я (1991)
2017-10-18 / russportal
Іером. Серафимъ (Роузъ). "Православіе и религія будущаго". Глава 1-я (1991)
2017-10-18 / russportal
"Печерскій Патерикъ". Житіе преп. Николая Святоши, кн. Черниговскаго (1967)
2017-10-18 / russportal
"Печерскій Патерикъ". Житіе препод. Аѳанасія, затворника Печерскаго (1967)
2017-10-17 / russportal
П. Н. Красновъ. "На рубежѣ Китая". Глава 14-я (1939)
2017-10-17 / russportal
П. Н. Красновъ. "На рубежѣ Китая". Глава 13-я (1939)
2017-10-17 / russportal
Іером. Серафимъ (Роузъ). "Православіе и религія будущаго". Введеніе (1991)
2017-10-17 / russportal
Іером. Серафимъ (Роузъ). "Православіе и религія будущаго". Предисловіе (1991)
2017-10-17 / russportal
"Кіево-Печерскій Патерикъ". Житіе препп. Кукши и Пимена постника (1967)
2017-10-17 / russportal
"Кіево-Печерскій Патерикъ". Житіе преподобного Никона сухаго (1967)
2017-10-16 / russportal
И. С. Шмелевъ. «Лѣто Господне». Покровъ (1948)
2017-10-16 / russportal
И. С. Шмелевъ. «Лѣто Господне». Крестный ходъ. "Донская" (1948)
2017-10-16 / russportal
П. Н. Красновъ. "На рубежѣ Китая". Глава 12-я (1939)
2017-10-16 / russportal
П. Н. Красновъ. "На рубежѣ Китая". Глава 11-я (1939)
Новости въ видѣ
RSS-канала: .
Сегодня - четвергъ, 19 октября 2017 г. Сейчасъ на порталѣ посѣтителей - 8.
Государство Россійское

Награды Россійской имперіи

Награда — знакъ мужества и отваги, признаніе заслугъ человѣка, его дѣятельности на пользу «Вѣры, Царя и Отечества», достойная и заслуженная оцѣнка его благородныхъ поступковъ. Награды Россіи — особые и выразительные памятники нашей исторіи, напоминающіе о славныхъ страницахъ борьбы съ врагами Отечества, о великихъ преобразованіяхъ и трудахъ во благо Россіи... Наградная система Россійской Имперіи включала въ себя восемь Орденовъ: 1) Св. Андрея Первозваннаго (1698 г., одна степень); 2) Св. Велмучц. Екатерины, или Освобожденія (1714 г., двѣ степени, только для женщинъ); 3) Св. Александра Невскаго (1725 г., одна степень); 4) Св. Анны (1735 г., включенъ въ россійскую наградную систему въ 1797 г.; четыре степени; 5) Св. Велмуч. и Побѣдоносца Георгія (1769 г., четыре степени); 6) Св. Равноап. Кн. Владиміра (1782 г., четыре степени; 7) Бѣлаго Орла (1325 г., польскій, причисленъ къ россійскимъ орденамъ въ 1831 г.; одна степень); 8) Св. Станислава (1765 г.; польскій, причисленъ къ россійскимъ орденамъ въ 1815 г.; три степени). Кромѣ того, съ 1797 по 1817 гг. въ Россіи еще признавался Мальтійскій Орденъ Св. Іоанна Іерусалимскаго. Къ серединѣ XIX в. сложилась слѣдующая іерархія Орденовъ въ порядкѣ убыванія ихъ старшинства: 1) Св. Андрея Первозваннаго; 2) Св. Георгія 1-й ст.; 3) Св. Владиміра 1-й ст.; 4) Св. Александра Невскаго; 5) Бѣлаго Орла; 6) Св. Георгія 2-й ст.; 7) Св. Владиміра 2-й ст.; 8) Св. Анны 1-й ст.; 9) Св. Станислава 1-й ст.; 10) Св. Георгія 3-й ст.; 11) Св. Владиміра 3-й ст.; 12) Св. Анны 2-й ст.; 13) Св. Станислава 2-й ст.; 14) Св. Георгія 4-й ст.; 15) Св. Владиміра 4-й ст.; 16) Св. Анны 3-й ст.; 17) Св. Станислава 3-й ст.; 18) Св. Анны 4-й ст. Кромѣ Орденовъ въ Россійской Имперіи существовали еще десятки медалей и цѣлый комплексъ коллективныхъ наградъ, которыми награждались воинскія подраздѣленія за особыя отличія, проявленныя на полѣ брани.

Ордена и знаки отличія Россійской Имперіи

Чи́нъ освяще́нія зна́ковъ Ордена свята́го великому́ченика и побѣдоно́сца Гео́ргія.

Протодіа́конъ: Благослови́, влады́ко. Архіере́й: Благослове́нъ Бо́гъ на́шъ... Ли́къ: Царю́ Небе́сный... Чте́цъ: Трисвято́е, [и по Отче на́шъ...] Го́споди поми́луй, 12. Сла́ва, и ны́нѣ. Пріиди́те, поклони́мся.., три́жды.

Посе́мъ пою́тъ на о́бѣ страны́ или́ чту́тъ слѣ́дующій изба́нный псало́мъ:

Возлюблю́ Тя, Го́споди, крѣ́посте моя́. Госпо́дь утвержде́ніе мое́, и прибѣ́жище мое́, и Изба́витель мо́й, /с. 4/ Бо́гъ мо́й, Помо́щникъ мо́й, и упова́ю на Него́, Защи́титель мо́й, и ро́гъ спасе́нія моего́, и Засту́пникъ мо́й. Хваля́ призову́ Го́спода и отъ вра́гъ мои́хъ спасу́ся: изба́витъ мя́ отъ враго́въ мои́хъ си́льныхъ и отъ ненави́дящихъ мя́. И бы́сть Госпо́дь утвержде́ніе мое́, и изведе́ мя на широту́, и изба́витъ мя́, я́ко восхотѣ́ мя́. Бо́гъ мо́й, непоро́ченъ пу́ть Его́, Защи́титель е́сть всѣ́хъ упова́ющихъ на Него́. Яко кто́ Бо́гъ, ра́звѣ Го́спода? Или́ кто́ Бо́гъ, ра́звѣ Бо́га на́шего? Бо́гъ препоясу́яй мя́ си́лою, и положи́ непоро́ченъ пу́ть мо́й. Соверша́яй но́зѣ мои́, я́ко еле́ни, и на высо́кихъ поставля́яй мя́. Науча́яй ру́цѣ мои́ на бра́нь, и положи́лъ еси́ лу́къ мѣ́дянъ мы́шца моя́. Ушири́лъ еси́ стопы́ моя́ подо мно́ю, и не изнемого́стѣ плеснѣ́ мои́. Пожену́ /с. 5/ враги́ моя́, и пости́гну я́, и не возвращу́ся, до́ндеже сконча́ются. Оскорблю́ и́хъ, и не возмо́гутъ ста́ти, паду́тъ подъ нога́ма мои́ма. И препоя́салъ мя́ еси́ си́лою на бра́нь, спя́лъ еси́ вся́ востаю́щія на мя́ подъ мя́. И враго́въ мои́хъ да́лъ ми́ еси́ хребе́тъ, и ненави́дящія мя́ потреби́лъ еси́. Воззва́ша, и не бѣ́ спаса́яй; ко Го́споду, и не услы́ша и́хъ. И истню́ я́, я́ко пра́хъ предъ лице́мъ вѣ́тра, и я́ко бре́ніе путе́й погла́жду я́. Изба́виши мя́ отъ прерѣка́нія люде́й, поста́виши мя́ во главу́ язы́ковъ. Лю́діе, и́хъ же не вѣ́дахъ, рабо́таша ми́, въ слу́хъ у́ха послу́шаша мя́. Жи́въ Госпо́дь и благослове́нъ Бо́гъ, и да вознесе́тся Бо́гъ спасе́нія моего́. Бо́гъ, дая́й отмще́ніе мнѣ́ и покори́вый лю́ди подъ мя́, Изба́витель мо́й отъ вра́гъ мои́хъ гнѣв/с. 6/ли́выхъ, отъ востаю́щихъ на мя́ вознесе́ши мя́, отъ му́жа непра́ведна изба́виши мя́. Препоя́ши ме́чь Тво́й по бедрѣ́ Твое́й, Си́льне, и наляцы́, и успѣва́й, и ца́рствуй и́стины ра́ди и кро́тости и пра́вды, и наста́витъ Тя́ ди́вно десни́ца Твоя́. Стрѣ́лы Твоя́ изощре́ны, Си́льне, лю́діе подъ Тобо́ю паду́тъ въ се́рдцѣ вра́гъ Царе́выхъ. Сего́ ра́ди исповѣ́мся Тебѣ́ во язы́цѣхъ, Го́споди, и и́мени Твоему́ пою́, велича́яй спасе́ніе Царе́во. Госпо́дь Помо́щникъ мо́й и Защи́титель мо́й, на Него́ упова́ се́рдце мое́, и помо́же ми́. Госпо́дь утвержде́ніе люде́й Свои́хъ и Защи́титель спасе́ній Христа́ Своего́ е́сть. Спаси́ лю́ди Твоя́ и благослови́ достоя́ніе Твое́, и упаси́ я́, и возми́ я́ до вѣ́ка.

Сла́ва, и ны́нѣ. Аллилу́ія.., три́жды.

/с. 7/

Посе́мъ ектенія́:

Ми́ромъ Го́споду помо́лимся.., до О пла́вающихъ...

Пото́мъ глаго́лются сія́ проше́нія:

О е́же благослови́ти зна́ки сія́ во́инскія благослове́ніемъ Свои́мъ небе́снымъ, стра́шны же и ужа́сны сія́ враго́мъ сотвори́ти, Го́споду помо́лимся.

Ли́къ: Го́споди, поми́луй.

О е́же вѣ́рнымъ Свои́мъ во́инамъ, зна́менія сія́ нося́щимъ и на сія́ взира́ющимъ, ду́хъ хра́брости, бо́дрствіе и си́лу на сотре́ніе крѣ́пости и попра́ніе дерзнове́нія супоста́тъ на́шихъ ми́лостивно пода́ти, Го́споду помо́лимся.

Ли́къ: Го́споди, поми́луй.

О е́же зна́меніямъ си́мъ бы́ти возбуди́тельнымъ къ хра́брости и великоду́шію, и испо́лнити весе́ліемъ и ра́достію сердца́, му́же/с. 8/ственно за вѣ́ру и оте́чество подвиза́вшихся, Го́споду помо́лимся.

Ли́къ: Го́споди, поми́луй.

О е́же непребори́мой и побѣди́тельной всегда́ надъ враги́ бы́ти Благочести́вѣйшей Самодержа́внѣйшей Вели́кой Госуда́рынѣ на́шей ИМПЕРАТРИЦѢ ЕКАТЕРИНѢ АЛЕКСѢЕВНѢ всея́ Россíи, и Христоимени́тому во́инству на́шему, и ми́ръ и сла́ву всели́ти въ земли́ на́шей, Го́споду помо́лимся.

Ли́къ: Го́споди, поми́луй.

О изба́витися на́мъ... и про́чая.

Возгла́съ: Яко Ты́ еси́ крѣ́пость и утвержде́ніе лю́демъ Твои́мъ, и Тебѣ́ подоба́етъ вся́кая сла́ва, че́сть и поклоне́ніе, Отцу́ и Сы́ну и Свято́му Ду́ху, ны́нѣ и при́сно и во вѣ́ки вѣко́въ. Ли́къ: Ами́нь.

/с. 9/

Протодіа́конъ: Го́споду помо́лимся. Ли́къ: Го́споди, поми́луй, три́жды.

Архіере́й чте́тъ слѣ́дующую моли́тву:

Всеси́льный и Превѣ́чный Бо́же на́шъ, Отче Го́спода Бо́га и Спа́са на́шего Іису́са Христа́, Са́мъ сы́й всему́ мíру Творе́цъ, и всея́ тва́ри Благослове́ніе, и побѣжда́ющимъ Крѣ́пость, при́зри милосе́рдымъ Свои́мъ о́комъ на на́съ смире́нныхъ и недосто́йныхъ рабо́въ Твои́хъ и на моли́тву на́шу, и сія́ зна́менія, я́же въ награжде́ніе подвиго́въ и добродѣ́тели, и на дѣ́ло благопоспѣ́шества въ бра́ни и достиже́ніи ми́ра пріугото́ва избра́нная Тобо́ю Пома́занница Твоя́, благослови́ и освяти́, я́ко да храни́тельствомъ Твои́мъ соблюде́ни, враго́мъ пребу́демъ стра́шны всегда́ /с. 10/ и ужа́сны, вѣ́рнымъ же Твои́мъ во́иномъ, на Тя́ надѣ́ющимся, извѣ́стное упова́ніе побѣ́ды и крѣ́пость. Моли́твами же свята́го великому́ченика и до́бляго побѣдоно́сца Гео́ргія и всѣ́хъ святы́хъ Твои́хъ укрѣпле́ніи и а́нгелъ Твои́хъ ополче́ніемъ огражде́ны су́ще, да явя́тся рабо́мъ Твои́мъ, си́хъ зна́меній по му́жеству своему́ удосто́ившимся, зна́менія весе́лія и крѣ́пости, зна́менія побѣ́ды, серде́чнаго благоду́шія и му́жества на супоста́ты. Ты́ бо еси́ Ца́рь мíра, и Бо́гъ, сокруша́яй бра́ни и крѣ́пость дая́й упова́ющимъ на Тя́, и Тебѣ́ сла́ву возсыла́емъ со Единоро́днымъ Твои́мъ Сы́номъ, и съ Пресвяты́мъ и Благи́мъ и Животворя́щимъ Твои́мъ Ду́хомъ, ны́нѣ и въ безконе́чныя вѣ́ки вѣко́въ. Ли́къ: Ами́нь.

/с. 11/

Посе́мъ архіере́й кропи́тъ зна́ки Ордена свяще́нною водо́ю, глаго́ля:

Благослове́ніе Бо́га, въ Тро́ицѣ Святѣ́й сла́вимаго, Отца́ и Сы́на и Свята́го Ду́ха, окропле́ніемъ воды́ сея́ освяще́нныя да сни́детъ и пребу́детъ въ зна́кахъ Ордена свята́го великому́ченика и побѣдоно́сца Гео́ргія и на нося́щихъ я́, къ защище́нію, и заступле́нію и́стины Христо́вы, и въ побѣ́ду на вся́ враги́

Во и́мя Отца́ и Сы́на и Свята́го Ду́ха, ами́нь.

Егда́ же ЕЯ ИМПЕРАТОРСКОЕ ВЕЛИЧЕСТВО возлага́етъ на Себя́ Орденъ, тогда́ возглаша́етъ протодіа́конъ:

Благоде́нственное и ми́рное житіе́, здра́віе же и спасе́ніе, на враги́ же побѣ́ду и одолѣ́ніе, пода́ждь, Го́споди, Благочести́вѣйшей, Самодержа́внѣйшей, Вели́кой Госуда́рынѣ /с. 12/ на́шей ИМПЕРАТРИЦѢ ЕКАТЕРИНѢ АЛЕКСѢЕВНѢ всея́ Россíи, и Наслѣ́днику ЕЯ Благовѣ́рному Госуда́рю Цесаре́вичу и Вели́кому Кня́зю ПАВЛУ ПЕТРОВИЧУ, и сохрани́ ИХЪ на мно́га лѣ́та.

Ли́къ пое́тъ: Мно́гая лѣ́та. Посе́мъ отпу́стъ.

Источникъ: Чинъ освященія знаковъ Ордена святаго великомученика и побѣдоносца Георгія. — СПб.: Тип. Акад. наукъ, [1769]. — 12 с.

/ Къ оглавленію /


Наверхъ / Къ титульной страницѣ

0



«Слава Россіи»
Малый герб Российской империи
Помощь Порталу
Просимъ Васъ поддержать нашъ Порталъ
© 2004-2017 г.