Чтение Новости

Мѣсяца Априллія въ 20-й день. Служба преп. Іоасафу Метеорскому (Сербскому)
Осанна / russportal, 2012-05-01 14:35:04
прочитано: 142

Минеи Богослужебныя
Мѣ́сяца Апри́ллія въ 20-й де́нь. Слу́жба преподо́бному Іоаса́фу Метео́рскому (Се́рбскому) [Бѣлградъ, 1986].
«Распя́лся еси́ мíру и взя́лъ еси́ на ра́мена кре́стъ, Сло́ва Бо́жія стопа́мъ послѣ́довалъ еси́, жите́йскую же любо́вь и вся́кое пристра́стіе отря́съ. Отону́дуже и добродѣ́тельми просія́въ, боже́ственными дѣ́тельми наслѣ́діе вѣ́чное, Іоаса́фе, воспрія́лъ еси́. — Боже́ственнымъ промышле́ніемъ наста́вленъ бы́въ и просвѣще́нъ Трисія́нною богонача́льною Свѣ́тлостію, мíръ оста́вилъ еси́ и мглу́ страсте́й, къ небеси́ же веду́щую стезю́ ше́ствовалъ еси́, имѣ́я Помо́щника еди́на Благодѣ́теля и Всеще́драго Го́спода. — Украси́вся свѣ́тлостію ра́зума, ду́шу твою́ просвѣти́лъ еси́ Боже́ственными за́повѣдьми и, вся́ земна́я оста́вивъ, мона́шески жи́ти изво́лилъ еси́, соблюда́я за́повѣди Христо́вы, Его́же моли́, преподо́бне о́тче Іоаса́фе, да спасе́тъ ду́ши на́ша. — Отъ дѣ́тска жи́знь свою́ Христу́ Бо́гу возложи́лъ еси́, преподо́бне о́тче Іоаса́фе, и, ху́ждщее покори́въ лу́чшему, плотскíя стра́сти по́мыслу повину́лъ еси́, къ му́дрому же ста́рцу Аѳана́сію прише́лъ еси́ и съ ни́мъ раноа́нгельно на земли́ пожи́лъ еси́, равноа́нгельную же че́сть досто́йно получи́лъ еси́. Тѣ́мже моли́ся съ ни́мъ ко Го́споду, да спасе́тъ ду́ши на́ша...»

Перейти по ссылке - Осанна

2012-05-01    

Вы можете также подписаться на разсылку новостей нашего портала.

Наверхъ

Твитнуть

0

---